#طيف_عاشق
الجزء الخامس
بعد اليله الي ظهر بيه وجه الطيف برغم ملامحه وسامته بس الخوف الي تملكني ماينوصف
تحس بأنك ممسوس
أو انسان مجنونه لأن اني نفسي مااصدق هل شي
فكيف الناس تملكني برود بكل عظام جسمي وصخونه من الرعب من شفته لان معناها وجوده حقيقه الي مو تهيوئات وهل شي خلاني مرهقه
بقيت طريحة الفراش
من الليل الحد الساعه الثامنه الصبح
العرق بلل جسمي وصخونه قويه
كلما أذكر وجهه يصطك جسمي ويكزبر كعدتني ماما وشوف بنظراتها قلق علي
تمنيتها تبقى يمي محتاجتها
اتصلت على دائرتها تطلب اجازه رفضو مانطوها أجازه
لأن كانت ماخذه قبل فتره بسببي
انطتني علاج حمى وراحت للدائره مالتها لأن هي موظفه بابا كان بغداد
أخواني يوسف وياسر بلمدرسه
بقيت نايمه بس احس الطيف نايم يمي كان وجهه ظاهر
أما جسمه ظلام فقط
عيونه بيها دموع اولمعه
ليش ماأدري من يصفن
إحسه كأنما ينظر لشيء يعشقه
شي ثمين يخاف يفقده
هل نظره الي أشوفها من عنده
أتخليني أحن أله أحتاجه
بس أكو شي يمنعني
خوفي رعبي من عنده
مايتكلم ألا قليل
وهو ينظر الي
وعلى صفنته يبقى
حتى لو اسوي اي حركه
يبقى صافن كأنما رجل ألي
مبرمج على فتحت العين
يتلمس خدي اوحسيت
لمسات بأطراف الأيد
بين الحلم والصحو عطشت ريجي يبس من صخونه نهضت من السرير
والخطوات مالتي أبطاء من الدوه
لان أحساس الخوف هو الي بالي
تمشيت وي كل خطوه دمعه خوف
فتحت باب غرفتي البيت هدوء
طلعت للصاله أتمشى معلقين صورة جدتي عل حايط
نظرت لصوره
بديت اتكلم معاها
اخ ياجده بس انتي الي صدكيني
وصدقتيني
ليش ماكو احد يصدكني
جده أسمعيني انتي هسه
ادري لان الميت يشعر بلحي
هل شي الي يصيرلي كذب لو خيال
تكلمي
مسحت دمعه سقطت من عيني
أتجهت نحو المطبخ
أقتربت السنك بي صحون الريوك
وقفت شطفتهن
أريد الهي نفسي ابعد الوهواس من عقلي
فتحت الثلاجه اشرب مي
واني أشرب
أحس شي أقترب اي اكو شي خلف الباب الثلاجه
من فتحتها شفت خيال
دموعي سقطن وحدهم من الرعب
بقيت محتاره
أذا اسد باب الثلاجه شنو رح يطلعلي اه
تردد رفعت أيدي اسدها وخلاص
شيريد يصير
لمست باب الثلاجه وسديته واني مغمضه عيني
بديت أفتح عيوني
اشوي اشوي
فتحتهن
ماكو شي الحمدالله
اتمنى احساس واحد يتابعني يغادرني
رجعت الغرفتي نفس الرعب داخلي
فتحت كنتور اخذت منشفتي ومسجل صغير عندي
كان سابقا الجدتي تسمع قرأن بي ألتفت
شاهدت كتبي الي كانن ممزقات
عل ميز موضوعات ومرتبات
البارحه اتمزقن القطع زغار معقوله كله تهيئاتت
طلعت مااريد افكر بعد
كافي الطيف يتبعني
بكل خطوه وبكل حركه وراي تعبني هل شي
دخلت للحمام أسبح شغلت المسجل
على اناشيد دينيه اريد أرتخي ارتاح
اعصابي تلفت
الطيف خلفي بكل خطوه ماغادرني
بس هسه ماكو كملت سبح واني اخرج
خطوات الطيف بطيئه
مثل بطء خطواتي من خرجت من الحمام
حميت الشاي وسويت لفه جبن وخبز
كعدت على ميز الطعام
الفون يمي يرن المتصل عمر
ماأشيله مدام صجمني يصجم غيري
واني اكل بديت أسمع اصوات
كسر تهميش النافذه فوق السطح
بيتنا كان بي غرفتين فوك لان بيتنا قاطين
كانن الأخواني هل غرف
سمعت صوت الكسر زاد
سميت بسم الله
صعدت الدرج وي كل بايه أصعدها
أسمع صون يكول حورر لأ حورررر لا
التفت على الصوت واني أصعد شفت ظلام الطيف
هم يتابعني ونوب يريد يتحكم بيه
لا نظرتله عناد الا أصعد
بقى واكف ومتكتف
وصلت الغرفة اخوي يوسف
لا ماافتحها اخوي بلمعهد
بس سمعت صوت الكسر
فتحت الباب كان أخوي كاعد على السرير
التفت ودار وجهه علي
عيونه حمر نظراته نار جمره
أبتعدت أصرخ سديت الباب بداء جسمي يرجف
رجعت فتحت الباب الغرفه فارغه
الصوت الجو ينده حورررر حوررررر كلما أمشي
الصوت يبتعد ويكون مامفهوم
وصلت الغرفة اخوي زيد
قريت المعوذات قبل لا افتح ايدي ترجف فتحت الباب
الغرفه فارغه غلقتها
فتحتها مره لاخ بزاوية الغرفه
الفتاة (أم بركع) أني سميتها شفتها بعيونها الزرك تخزر
ركضت علي وتصرخ
غلقت الباب شردت اريد أنزل
ألدرج قيدتني مااعرف اشلون
شعري شخص يشد بي يسحبني ليفوك
شفت الطيف جوه بيني وبين الطيف عشر درجات
الطيف ينظر الام برقع نظرة غضب
صرخت ام برقع صراخ قوي ءاااااااااااع
اخترق كلشي بجسمي صوت كأنما رعد
احسن اذني شي حار طلع منها.
اباوع على أيدي كلها دم
.نزفت أذني من صراخها
دفعتها عثرت رجلي
وسقطت من الدرج
الطيف مثل البرق وصلي وحملني
لكيت نفسي نازله الدرج اتلفتت أدور عن الطيف
نقذني بس عندي خوف من عنده
رجع الفون يرن فتحت خط
عل ميز ركضت فتحته
عمر يسألني ليش ماداومت يكلبي بيج شي
اي الحمدالله اتصلت علي
مريضه جنت اي اداوم باجر
لج اشبيج يابنيه احجي اني أساعدج اجيج وين
ضل يحجي يابنيه جاوبي لج شلعتي كلبي
يابنت الناس اندل بيتكم من زمان اتابعج
اجيج هسه
ها شني تجي مو عيب
هيج كنت ضايجه وجاوبت
لا تستغل ردي عليك واتندم روح بابا غلقته
كنت محتاجه شخص يمي اخاف
بس ليش غلقته لو باقيه احجي وياه
بس حتى لو أخاف
مااطي مجال الأي شاب يلعب بيه
كعدت مكنفصه حاظنه رجلي على صدري
وضليت أتنهد واحرك بجسمي ودندن ماكو طيف
ماكو طيف ماكو طيف حسيته أبتعد مني
بس بديت أسمع أصوات بكل مكان
اصوات طفل يبكي
نساء يسولفن
شباب يضحكون
وأسمي بوسط هل ضوضاء حور
غطيت وجهي بأيدي
بدأء صوت وي هل أصوات يبرز صوت الذباب
أزززز هوسه صدى مااتحمل هلكد رعب
لازم اهرب من البيت
الاصوات ختفت رفعت راسي
شاهدت علقنفه الي بصاله جدتي كاعده
فرحت سمعتني جدتي وأجتني
حتى لوشبح ميخالف
ولا القط ولا ام برقع ولا الطيف
جدتي أتحبني
تقربت منها حظنتها وأبجي جده ليش رحتي
سوالفنا ضحكنا راحن وياج
اسويلج جاي وكليجه وسولفيلي مثل قبل
رفعت راسي متانيه جواب من عدها
ها جده شدكولين
ماتكلمت أبد مجرد حركت راسه بلقبول
رحت فرحانه خليت القوري
على الطباخ احضر الشاي
وخليت صينيه بيها ستكاين وصحن كليجه
الطيف واقف بلباب التفتت يهز راسه
ميريدني اخرج بديت أقراء
اية الكرسي واني منزله عيني مااريد ارفعها
صبيت الشاي و شلت الصينيه والطيف واكف بعده رافض اطلع وكانه عصبي
يحيطه ظلام بكل جسمه مجرد
وجهه بارز و عيونه بيهن شي عجيب
دنكت خل ايده سد
عبرت على الجهه الاخ ابتعد
مشيت بكل قوتي
وطلعت بس أسمع حوررر لا
كعدت يم جدتي كانت مدنكه راسها وتفرك بأيدها
جده هذا الشاي والكليجه
ندهتلها جده لمست كتفها رفعت راسها
اهاي م بركع مو جدتي
اريد اشرد بس كيف هم بكل مكان
بداء شي من يمي يقترب دارني كعدت للكاع
حسيت شي حاوطني ظل لا ظلين
اخاف ارفع راسي وشوف ام بركع
او اشوف الطيف والظلام الي يحيطه
كل ميقترب هل شي الرعب يعتريني
أنت تقرأ
طيف عاشق
Misterio / Suspensoالجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
