صباح الخير
طيف عاشق
البارت السادس عشر….
صفنت عليه استغربت شنو طبيب الاعرفة ليث مو طبيب زين منو هذا اليريد يخطبني ..
راسا اتذكرت اخو زوجته اسمه محمد ..
هذا طبيب باطنية معقولة يزوجني لمحمد ...
ـ شو ساكته
ـ غير اعرف منو هذا الطبيب ووين شافني ؟
ـ بهواي اماكن
ـ يوسف ترة موحزورة شنو القصة كول منو هو وفضني
ـ وليش عصبية
ـ لان ماريد اتزوج
ـ حتى لو كلتلج العريس ليث؟
ـ ليث ؟! ههه شوكت صار طبيب ليث
ـ طبيب تخدير ومتخرج من زمان ومتوضف
ـ شوكت اتوضف اذا هو يومية ياخذ اخته ويجيبهه من الجامعه
ـ ههههه مركزة طلعتي..
ـ لا شنو مركزة غير كدامي يصير
ـ لا حور مو يومية ياخذهه ويجيبيهه اخوته البقية جانو يساعدو وليث دوامه اسبوعي يعني اسبوع يداوم اسبوع يكعد مقسمين الشغل بينهم
ـ ها .. اي
ـ شنو اي .. شكلتي
ـ لالا ماريد اصرف نضر
ـ ليش شنو ينقصة ليث حتى ترفضي
ـ مينقصة شي .. بس المريت بي يا خوية صعب..
ومستحيل ااكو رجال راح يتفهم وضعي
ـ بس ليث يعرف بكل شي
… وكف كلبي من كلي يعرف انصدمت بهالكلمة..
ـ بشنو يعرف ليث؟
ـ يعرف بوضعج وكل شي عنج حاجيلة
ـ شنــــــــووو
ـ صوتج حور شنو القصة
ـ صوت كل عقللك انت فاضحني كدام صديقك وجاي تكلي يررريدج شنو نضرته علييه من عرف بية اراجع طبيبة نفسيية
ـ ترة هو طبيب ويفهم هالامور
ـ ياااطبيب واذاا طببيبب
كوم كـــوم رجعني للبيت نغصتني بهاليوم والمفروض يكون احلى يوم بالنسبة الي ..
اخذت جنطتي ورحت للسيارة انتضرة يجي يفتح القفل ..
دفع الحساب واجاني فتح القفل وصعدنة بالسيارة بقيت طول الطريق ساكته بس النار الجواية تحركني حرك مثل نار رسيس الجان يحترك بيهه
وصلنة لبيتنة وطبك السيارة قبل لاننزل لزمت ايد يوسف
ـ عفية يوسف لاتحجي لاهلي شي
ـ على ليث؟
ـ اي لاتفتحلي باب والله مو شكول زواج اني
ـ دمشي نزلي ميخالف ما احجي
ـ وراح تكول لصديقك ماكو قسمة
ـ أأأوووف .. الله كريم انزلي
أنت تقرأ
طيف عاشق
Misterio / Suspensoالجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
