#طيف_عاشق
بارت الثامن
حسيت نفسي مشيوله من الكاع
يمكن اخوي يوسف شايلني
اريد اركز اكثر فتحت عيني كوة شفت هذا إخوي بس وين ماخذني مادري
دقايق مرة علية اجاهد نفسي حتى افتح عيني شوي وضحت الصورة و لكيت نفسي بغرفه كلش جبيره اضائتهه قوية مدري اني عيوني صارت متتحمل اضائة خليت ايدي على راسي اغطي عيوني من الضوة والتفت يمنة ويسرة حتى اشوف هالناس غربة لو كرايب ..
شفت نسوان واطفال وشباب واكبار بالعمر كلهم موجودين بهايه الغرفة اكو شخص ماعرف بنية او ولد بس شايلي ببطانية هل منظر رعبني ماعرف ليش راسا درت وجهي عنه وختلت بحضن امي بس ماكدر بعد انام احس جسمي تعب اريد اكعد انطيت لابو البطانية ضهري وكعدت افرك عيوني لكيت نفسي ملبسيني صايه وحاطين شال على راسي وبالشحاطة مالت ماما جاية شكلي كلش مبهذل ممتعودة اطلع بهيج شكل لازم اكشخ حسيت بخجل من الناس ..
ماما وين اني؟ وشنو هاي الناس
شتسوي هنا
ـ ها حبيبيتي شلون صرتي ماما
ـ زينة
ـ اي بنيتي صحصحي ترة دمرتيني عليج
ـ احنة وين
ـ احنا اهنا عند الكشاف ابو قيم يصير عم صديق ابوج
ـ صديق بابا
ـ اي بنتي
ـ يعني بابا دزكم عليه
ـ لاتشغلين نفسج بهالسوالف يمة اهم شي صحتج
ـ احس نفسي صرت مثل المتخاذله ..خوش ماما براحتكم
بس عطشانه فد مرة اريد شي اشربة
طلعت ماما من جنطتها بطل عصير شربت شوي منة بس ما ارتويت.. ماما اريد مي مو عصير ما ارتويت
يوسف ـ هسة اطلع اشتريلج مي تريدين شي بعد وياه اكل شرب
ـ لا بس مي كلش عطشانه
ـ هسة اجي ما اتأخر..
.. طلع يوسف واني عيني على الناس انظر لوجوه النسوان والأطفال والناس الموجودين شي تتصفن
شي تسبح
شي تكركر وتسولف
غرفه طويله وجبيره ومتروسة ملغومة ناس حتى بالارض كاعدين
فكرت معقوله هذول الناس كلهم مثلي؟
يشوفون هالاشكال المرعبة وعايشين بالعالم الثاني
انقهرت على الاطفال جانت اكو طفلة صغيرة يمكن عمرهه ثمن سنين او تسعه كاعدة وصافنة عليه صارت عيني بعينهه وابتسمتلهه بس هي ما ابتسمت الي عبالك جانت خايفة وعينهه ادور بالغرفة كأنو شي مفقود منهه او احد مراقبهه وخايفة
دخل يوسف بيدة علاكة جبيرة ماعرف شنو بيهه انطاني بطل مي وشربته كلة من كد ماعطشانه..
طلعو كم شخص من الغرفة الثانية من ضمنهم بنية يمكن بكدي وشايليهه ماعرف اخوتهه او كرايبهه بس البنية منتهية عبالك ميته لاتحرك ايد ولارجل رعبني هالموقف…
عزا ماما هاي شبيهه البنية
أنت تقرأ
طيف عاشق
Misterio / Suspensoالجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
