#طيف_عاشق
البارت السابع عشر..
والاخير
… بقلم نـــازك الـــحـــمـــرانـــي
كملت سبح اول مدخلت للغرفه
كلي كومي نصلي
وكف كدامي وصلينا صلاة ليلة الزفاف
خلصنه وبقيت بمكاني كاعدة ما احس عندي شعور بشي كل الاحسة برود من راسي لاخمص رجلي
خلصنه صلاه للمره واحس الخوف ڪلة راح واتبخر
بس متوتره لان اشوفه اشلون يحبني ويريدني وانه مااطيق نفسي مو دوره هو
لزم ايده يلعب بشعري شالني من السجادة واخذني على السرير وللمره الثانيه يقترب مني ردت انسجم وياه
وباب الكنتور راسا طك ووكع
اثنينة فزينة وكعدنة نباوع لباب الكنتور شلون طكت وكعت كأنو شخص طبرهه بطبر البراغي موجودة لكن مكسورة من الطول للطول
راسا استعاذينة من الشيطان وليث كام يقرة ايات قرانية
اهل ليث سمعو صوت غريب من غرفتنة ودكو الباب علينة
ام ليث ـ يمة ليث شنو هالصوت طالع من غرفتكم
ـ ماكو شي يمة عرسان بيناتنة لاتحطون اذنكم يمنة
ـ زين افتح الباب وجاوبني
ـ يمة شأفتح رحمة لامج روحي حبيبة
ابو ليث ـ وليدي تهدة شوي لاتكسر الغرفة بأول يوم ولگ مو هيج حيلك يروح
ليث ـ شوف الحظ عبالهم مسوي شي سبع البرمبة
ـ ليش وكعت الباب هيج
ـ يجوز مامثبتيهه النجار الجبته
استعجلته بالشغل عادي لاتخافين..
احنة متحصنين بذكر الله مستحيل يأذينة
ـ كلتلك عوفني ياليث اني ما انفع للزواج
ـ اروح فدوة للاني الوحيدة البعمارة التكولين اني
يمعود شدعوة هواي مثلي يكولوهه
ـ متطلع حلوة مثلج
ها نكمل؟
ـ اترددت احجي بس اريد انهي كلشي تعبت من الانتضار ..
بكيفك
صارت اصوات يمنة بالغرفة كأنو شي يتحرك او شي ينكسر وكل شوي يفز ليث وميكدر يسوي شي من ساعه تسعه احنة بالغرفة الى ساعه عشرة ونص والناس برة منتضرين ليث وكل شوي يهوسون
((ها يالويث بيض وجهك هالليله ))
تالي ماكدر لا يركز ولا كدر يسوي شي بدل وطلع لاهله لبيت لبست دشداشتي وبقيت كاعدة بمكاني دخلت عليه اختة لما وامة وخالته الجبيرة..
ام ليث ـ عزاااااا كسرر الغررفة وليدي
ام علي ـ شني هاي ليش مكسورة الباب
ام ليث ـ ليش انكسرت هالباب شنو صار
…بقيت ساكته ماعرف شأحجي
ام علي ـ ليكون عاندتي يحظي
ام علي ـ عزة وصخام ماكو عروس تعاند اشو ليث يجنن بس الا اذا
لما ـ شبيكم يمة ترة طلع ليث يضحك مبي شي يعني اذا حور مضوجته ماراح يسكت
ام علي ـ جا شلون هيج انكسرت الباب
ـ ماعرف بس هي طكت ونكسرت لوحدهه
ـ اووووف اوووف من العيووون راح تحركنه هالعيون سودة عليه وليدي
ام علي ـ علي شنو العيون اذا هو حتى ممدبرهه وية مرته على شنو ينحسد
ـ جا ليش مايدبرهه شبي عيووني زلمة من ضهر زلمة حاله حال اخوتة..
لما ـ ميخالف باجر نجيب نجار ونشوف شبيهه الباب
ام علي ـ فال مو زين هالشي غرفة بيوم العرس تنكسر بابهه ليش وحدة من اثينين لو هالغرفة طكة عطية
لو عتبة جنتكم الجديد مو زينة
ام ليث ـ هاي الغرفة من الزينة اخذناهه بمليون ونص وخشب عراقي مو عبالج هذا المدري شلونةة
..التفتت عليه ام ليث وصاحت وطكتني برزاله
ـ ووانتي يابة شني كافي دلع ترة ميلوك الج عمرج جبير مو بعدج خمسطعش سنة وتخافين وبعديين شني هاي الدشداشة لابستهه ليش بوية؟
لما ـ جا المن اشتريتي سيتات نوم حبيبة
ـ ها
ام علي ـ شني صغيرونه وتخافين
ام ليث ـ شني ها بوية خلصو عاد ترة اانة ماعندي ولد يتأخر هالكد شني ماتخلي لو بيج شي
لما ـ شدي حيلج حبيبتي شبيج خايفة هيج
ام علي ـ خايفة شني اصغر منهه واتزوجو زلم اكبر من رجلهه وشغلتهم ماطولت نص ساعه شني صارلكم ساعه ونص كلشي ماكو شني بوية نايم لويث وية باب الكنتور
ام ليث ـ لاتحجين على وليدي ام علي هية هاي رعنة ومامخليته ميبنة
… راسا كمت ابجي
ـ عفية لما وين امي
ـ امج راحت حبيبتي بس بقت اختج الجبيرة هنا تنتضركم
ـ امي راحت! متت بجي من عرفتهه رايحه وعايفتني .. زين وين اختي
لما ـ جانت تصلي هسة اصيحله و تجي
… راحت لما تصيح لاختي رسل وام ليث واختهه بقن يسمعني حجي يسم البدن
دقايق ودخلت رسل اتفاجئت من باب الكنتور باوعن عليهه ام علي وام ليث
ام علي ـ فهمي اختج خلي تخلص هالليلة على خير وتخلي لويث يكمل شغلته العالم برة اتاني
… عافتهه اختي ووجهت الكلام لام ليث
ـ شعدهه العالم تنتضر ام ليث هالسالفة بس بيناتنة شدخل الغرب
ام ليث ـ ماكو غريب حبيبة هاي اختي يعني خالته وتريد تشوف جنتنة الجديدة شريفة عفيفة لو لا هذا عرف من سنين نمشي عليه وكلنة مرينة بي ..
احجي وياهه خلي تتصرف مثل النسوان البعمرهه مو طفلة هية
… عافونة وطلعو راسا بجيت
رسل ـ شبيج ليش تبجين احجي ليش بعدة ما اخذج
ـ دشووفي باب الكنتور اشلون انكسر
ـ شفتهه واستغربت شكسر هالباب شنو صاير
ـ مو كلتلكم ميفيد اتزوج بس دكيتو رجل
ـ شنو صاير فهميني
ـ ما اعرف هي طكت لوحدهه والله كلتلكم عوفوني عايشة بعالمي ليش هيج اذيتوني واذيتو ليث
ـ لاتضلين هيج تحجين كولي يالله حبيبتي لاتخافين كل هالاشياء اكيد الهه تفسير يجوز الباب مو زينة الاخشاب مو زينة شمدرينة شمشترين يجوز نوعيتهه زباله وبسرعه تنكسر وبعدين ليث دك رجل عليج اربع مرات يدز ويخطب ويدري بحالتج ترة محد ضربة على ايدة
… بهالاثناء دخل ليث بيدة صينية ويبتسم اختي رسل بوستني وطلعت قفل الباب وجاب الصينية يمي
بيهه ببسي وكرزات وجكليت وقطع كيك وبقلاوة وزلابية الصينية عامرة ماشاء لله
ـ يلة مدي ايدج حبيبتي
ـ ما اشتهي
ـ بس انة تفيدني الحلويات وما احب اكل وانتي تتفرجين عليه..
…… مفتهمت بشنو تفيدة الحلويات يمكن عندة هبوط بالسكر..
ـ شنو عندك هبوط بالسكر وتحتاج تاكل حلويات
.. طكهه بضحكة قوية
ـ احب برائتج متشوفيني وكعت على راسي من عرفتج
ـ هسة مفتهمت شنو تريد
ـ لا ماريد شي سلامتج
.. فتح جكليتة وخلاهه بحلكي جان طعمهه طيب بس اختنكت بيهه كلش حلوة اخذت قوطية ببسي وشربت شوي وهو نزل بالبقلاوة والزلابية دج بيهن اكل ورد اكل جم جكليته وشرب ببسي وشوي مي وراه ..
بسم الله يمكن هذا راح ياكلني شكد ياكل بس ميبين عليه..
شوي والشباك اندك راح فتح البردة مالكة احد رد رجع يمي
ـ عادي يجوز جهال ديلعبون ..
بدون مقدمات اتقرب عليه وكعد يمي
ـ لازم نخلص سالفتنة بهالنص ساعه لان العشيرة كلهه برة تنتضر
… ماحجيت اي كلمة شنو يريدة نفذته جنت مستسلمة تماما الة
شوي والبنكة السقفية افترت لوحدهه ضحك ليث ووكف على الفراش ولزمهه بيدة ووكفهه
ثواني وضهرلنة قزم طولة بطول المسطرة لونة اسود وجهه احمر ممبينة ملامحة ابدا اذانة مدورة كبيرة كأنو اذن فيل يمشي على رجليه مثل رجل البشر ايدية مثل ايد البشر يكمز على فراشنة ويسوي اصوات غريبة كانو يريد يحجي شي لكن غير مفهوم
صرخت من الخوف واحتميت بليث
نقرأ قران لكن ميروح بس ييتعد شوي
انوب المراية مالت الغرفة انفطرت ضل ليث يقراء قران ويتعوذ باسم الله ماقبل نطلع من الغرفة حسيت الغرفة راح تنهجم علينه
طلع ليث تلفونة وخابر ابو قيم وحجاله وكلة بخر الغرفة بالبخور النطيتة الك..
سد التلفون وراسا راح للكنتور طلع كيس اسود واخذ منة ورق اشجار مدري شنو وجاب جداحة وفرغ الماعون مال الكرزات وحرك مجموعه اوراق بالغرفة انتضر الاوراق تحترك وصارت رماد ورش عليهه مي وخلاهه على الكومدي وسم باسم الله شطف ايدة واجى عليه..
ـ لاتخافين بأذن الله بعد ماكو شي ..
شوي هدأت الغرفة والقزم اختفى
ـ مو كلتلك راح تتأذة
ـ وانة قابل
ـ مو عيشة هاي
ـ الله سبحانه هو الخالق احنة نتمسك بربنة اكيد راح يخلصنة من هالشي ..
شوي ارتاحينة الصار ورة ربع ساعه
رد اتقرب عليه ولمسني
غمضت عيني وسلمت اله نفسي حسيت بي صار فوكي ثواني وحسيت بنغزة خفيفة مو قوية
بعدني مغمضة مافتحت عيني انتضر يكلي انتي بس اتقرب علية وباسني من شفتي
ـ مبروك حبيبتي صرتي رسميا زوجتي
فتحت عيني ممصدكة الاسمعه كعدت لكيت ماعرف افرح لو ابجي ممصدكة بنفس كملنا بدون عراقيل معقولة راسا حضنت ليث وابجي
ـ حبيبتي اسف شنو اذيتج ديوجعج شي
… اهز براسي بس ماعندي جواب ثواني واحتركت الفرشة مالت السرير شبت بيهه نار عظيمة مرعبة ليث كمز من مكانه وجرني وياه كوة لبس ملابسة الداخليه اريد البس ملابسي مالحكت النار صارت تحرك للفراش وتمتد للزوليه
جر ليث عباية وسترني بيههه جرني وركض للباب يريد يفتحهه التفتت وشفت بنتي راميش واكفة بالجهه الثانية من النار صرخت بدون وعي
راااااميش ركضت عليهه عبايتي احتركت من جوة وليث يسحب بية اهل ليث يصرخون ويدكون بالباب كل الاتذكرة وصلت لبنتي ارتميت عليهه لكن اختفت تماما بعدهه ما ادري شنو صار
دقايق وكعدت اشوف الناس مخبوصين يطفون بالغرفة احس بكلشي ديصير بس مبية حيل اتحرك
اخذوني للمستشفى وعالجو رجلي لان جانت محروكة لكن حروق خفيفة وايد ليث همين شوي احتركت لكن مو درجه اولى
طلعنة من المستشفى للبيت الغرفة مالتي السرير محروك الكنتور مكسور المراية مكسورة المعازيم بقو يمنه بس عيونهم مارحمتني كلهم يباوعولي بنضرات غريبة ماعرف يمكن عرفو بية وبحالتي ليش هيج يباوعون عليه
خلونة بغرفة اختة لما واخوته كالو باجر نشتغل بالغرفة ونصلحهه..
راسا دخلت علينة ام ليث وباقي خالتة
ـ ها ولك بشر عاد ديج دجاجة
ـ شبيج يمة هو هذا وكته
ـ فهمني كدرررت لو لااا
ـ اي اي تم كلشي والحمد لله
..صرت بنص هدومي من الخجل وهنة يسألنة
ام علي ـ وين نيشان مرتك؟
ـ هو بقى نيشان ياخالتي مو شفتو النار اكلتنة لما ستر ربنة
ام علي ـ هممم ايه طلعت النار ستر همين خوش حجة والله
ام ليث ـ ترة الغرفة ماحتركت كلهه معقولة ماضميتي نيشانج خالة؟
… محد منهم صدك كملنا الكل صار يباوع لليث بعين التهمة اشكال سمعنة حجي على ان احنة حركنة غرفتنة حتى اتيه سالفتي ومحد يعرف بية وصل الحجي الاهلي وصارت السالفة جبيرة وحلفونة على القرأن اني وليث علمود عذريتي ..
دافع عني ليث هواي لكن حلف الامه كلشي كمل
وفعلا دخلت بدوامة من المشاكل بنت خالته كامت تحجي حجي مخربط..وماعرف اشلون وبلحظه ليث صدك كلامهم انه مغصوبه عليه التفت عليه ينتر
-يعني حتى اقربائنا كايله الهم انتي رافضتني
-هااا اني اشوكت بس كلت ماينفع ازوج
-وليششش تحجين هاااا
-ماكايله الاحد بس بسس
-المن ووولج
رفع ايده وضربني راشدي
بهل لحظه واثر الضربه كلبي انغسل من ليث بسبب هالمشاكل الستمرت اكثر من عشر ايام ولا جني عروس
واصلا ماشوفه لا التهى يصبغ الغرفه ويرتب المرايه والخشاب غيرهم..الى ان ملو غرفتنة ورمموهه وغيرولنة السرير الخشب بحديد وجابولنة فراش مستعمل رغم همة الله مكنهم وخير من الله عدهم بس استخسرو بية الجديد
هاي اول ليلة انام سوية ابغرفتنة بعد ليلتنة الاولى ومانام وياية بعد هي بس الليلة الاولى لان استمرت مشاكل ووياهه ترميم الغرفة
تمدد ليث واني تمددت يمه
كلبي ابد ميريدة وميحن عليه لان ضربني وهاني وذلني كدام اهلة رغم يعرف بيه بريئة وهو عود طبيب تخدير
تقريبا نص الليل كعد يتلوى من بطنه ويتقيء
واني بلا مشاعر أنظرله شلون يتلوى ابد متحركت
بس صوته العالي لم اهل بيتة
سمعت أمه ودكت الباب عليه رادت تفلشهه كمت فتحتهه ودخلت وهية تحجي
ـ اشبيك يمه شبيك وليدي شنو يووجعك..
… التفتت عليه وعاطت بية
ـ لج يالحرربايية اشسويتي الأبني ششعملتيي بي
ـ كلشي مسويت اجى نام وكامت بطنة توجعة
ـ اابو لييث لمـــااا خابروو اهل هاااي خلي يجون ياخذوهه ماريدهه يم ابني تريد تمووته
ـ رغم الكل مخبوص بليث بس جنت كلش باردة.. مسويتلة شي ياريت تخابرون اهلي ويجون عليه
.. اجوي اهلي وهمين صارت هوسة جبيرة امي تحلف بنتي متسوي شي اشو حتى الاكل انتو تطبخو مو هية
واني ملتزمه السكوت
كمز اخوية يوسف وشال ليث واخذة للمستشفى ووياه ابوه وابوية
تالي خابرونة وطلع عنده قولون مستعرض
رغم رجع ليث من المستشفى وجان سامع كلشي امة حجته بس ما اخذ بحقي منهه هالشي خلاني انفر من ليث وتفكيري كلة ينصب تجاه رسيس وبنتي اقارن بين عطف رسيس وحنانة ومدافعته عني ضد الوحوش وتحمل اشد انواع العذاب لاجلي وبين ليث الباعني باول مشكلة وطبك وية امة بحجة يخاف من عقوق الوالدين
مرت الايام ثكيله الكل يتهم بية انه ساحره اله او مسويه سحر واني مابيدي حيلة ادافع عن نفسي
بديت احس الطيف رجعلي ومحاوطني
بالرغم جنت مداريه ليث وقايمة بواجيه بس مااقتربت من عنده جان يبقى يم أمه بأمر منهه لازم ينام يمهه..
ورة اقل من شهر عمتي راحت للزياره وبقينا اني وليث بالبيت لوحدنة..
بقيت اداري تعلمت عليه وعلى اكلة الخاص الى ان صار زين
بقيت من ارجع الغرفتي
احصن نفسي رغم كلش مشتاقة لبنتي راميش ولرسيس
كنت حاسه رسيس هو الي سوة هالسوالف كلهه
لأن غار من ليث
بديت شوي اميل اليث لان صار اسلوبة زين ويايه حتى بوجود امة الانسان لازم يستسلم للنسيان فنسيت ضربته الي او تناسيت
البيت فارغ كلهم بالزيارة دخلت للحمام الضهر لان ممنوع ادخل اسبح العصر او المغرب
رحت للحمام أسبح غلقت الباب نزعت ملابسي وفتحت الدوش
وضهرلي رسيس بكامل أناقته المعهودة لابس اسود بأسود رغم ايدة المبتورة وعينة المقلوعة بس خطف كلبي بأناقته
جنت ملابسة ملابس لكن ماخجلت منة ابد
نظرت العيونه الي طالما سحرتني بجيت وركضت عليه مشتاقة اله ولعطرة ولمساتة مشتاقة لكلشي بي
ـ اوف يا رسيس ليش هيج سويت بية ليش اختفيت وينك تعبت واني ادور عليك وعلى بنتي راميش
ـ أنسيتي الجميله
ـ الله شكد مشتاقة اسمعهه
ـ انتي اجمل شيئ حصل لي خلال السنين الأربع مئه الماضية
ـ اربع مية
ـ هذا هو عمري كله
ـ الله ينطيك طولة العمر انت وراميش وين جنتو تعبت واني ادور عليكم
ـ كنت بسجن التعذيب الألم كان فضيع ياقاسية
لكن لم يصل لوجع زواجك من هذا الانسي
ـ وبنتيي راميشش همين يعذبوهه
ـ لاتخافي لن يستطيعو مس راميش بشيئ
ـ اوووه الحمد لله
ـ وانا يا فاتنتي الا تخافين علي
ـ مو بيدي انتضرتك تسويلي جارة بس عفتني ورحت
ـ لم اتركك ابدا.. قلت لك كنت مقيد بسجن التعذيب
ـ وين بنتي رسيس اخر مرة شفتهه قبل شهر من احتركت الغرفة وين راحت خو ما تأذت
ـ لاتخافي انها بخير مع والدتي
ـ اشتاقيتلكم هواي حرمتوني من شوفتكم شنو ذنبي
ـ لانستطيع الحضور تحصيناتكم قوية يا حور حتى انتِ تتحصنين ضدنا
ـ لان تعبببت يارسيسس تعبتت لا أأني ويااك ولا وياهم منقسمة نصين لاحصلت هنا ولاحصلت هناك
ـ لذلك لم استطع الضهور لكِ الحمام هو المكان الوحيد الذي لم يصله التحصين لذلك اتيت لكِ هنا
ـ ابقى وياية ولاتتركني بعد ماسوي تحصينات من كلشي راح اتخلص
ـ فات الاوان يا حور انتهى كل شيئ
ـ شتـــــقـــصد
ـ كانت امنيتي هي امتلاكگ لكني لم استطع المحافظة عليكِ
لماذا ياحور لماذا يا حبيبتي
ـ لاتبجي رسيس عفية ما اتحمل دموعك والله بعد ماسوي التحصينات اااخذني وياك خلص استسلم الك تعبت من البشر انت كلتهه البشر قاسين ومخلوقات سيئة
ـ كنت مستعد أن اتحمل كل اوجاع هذا العالم مقابل ضحكة منكِ كنت أخاف عليكِ من عالمي المظلم لكن الان الوم نفسي لو اني اخذتك لعالمي ولم اتركك هنا معهم
أنت تقرأ
طيف عاشق
Mistério / Suspenseالجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
