طيف عاشق

الجزء الثاني عشر

مساء الخير لعيونكم...
#طيف_عاشق

البارت الثاني عشر
شفت الطيف منتظرني ورة الشباك بالمنور
لأن ماما من طلعت من غرفتي راشة بيها مي وملح التحصين
متت قهر  عليه
اكيد همين اتعذب ..
قررت اخلصة من عذابة واشمر الاغراض الاخذناهه من ابو قيم
فتحت الشباك واتقرب خطوات عليه وكف شوي بعيد عني ..
كتله
-وتالي وياك ياطيفي العاشق
ـ مو بيدي يا انسيتي القاسية
ـ والله مو قاسية بس مابيدي شي حبك الي خطأ
.. حسيت دمعت عينة..  شبيك ياحبيبي
ـ انتو البشر دائما تتحرشون بينة وتأذونة وتريدونة نسكت
ـ بس انت تعرفني قبل لا استحضرك
ـ لكن ماچنت اجي عليج ولا ضهرتلج مو صحيح
ـ صح
ـ تأذونة وتاخذون اماكنة وتستدعونة وتخلونة نترك عالمنة وحياتنة واهلنة وكل شي ورانه نتركة ونتبعكم وبعدين تقتلونة بدم بارد
راسا كمت ابجي متحملت عتابة وكلامة ابجي واناشغ وهو واكف كدامي عينة علية ويبچي ثنى ركبته وكعد بالارض
ـ اقسى مخلوق خلقه الله تعالى هم البشر انتم اقسى المخلوقات بهذه الخليقة
ـ طيف الله يخليك
ـ اتحملنة اشكال العذاب لخاطركم بدون ذنب بدوون ذنب يا حور كل ذنبنه انكم اقتحمتو اماكنة واخذتوهه او استدعيتونة لسبب او بدون سبب ليش تأذونة بدون سبب ليش تدعونة لاجل سحر وشعوذة واحيانا لاجل لهو ولعب شنو ذنبنه اذا كنا مخلوقات اعمارهه طويلة وشهدنة احداث الماضي ياحور
ـ أ..أني مااذيتك ياطيف ولا راح أأذيك مستحيل اموت روحي
ـ روحي فداج ياحور لاتحپين هيچ بس شفتي اثار تعذيبي وألمي ورغم هذا استمريتي بالسماح لوالدتج باذيتي وجاي تاذيني اكثر
ـ لا خلاص مالي علاقه بااهلي هسة اروح كلشي اذبة بالزباله واتخلص منه
ـ تخلصي منة يا انسيتي لاجلي لان تعبت وتعذبت وقاسيت ارحميني ياحور. ماعدت اقوى على التعذيب الموت ارحم لكن ميرحموني مابقى شي ويرجعوني مقيد للتعذيب ارحميني ارجوج ارجووووووووج
ـ شفتة ينسحب كأنو احد اخذة من يم الشباك روحي راحت  وراه بدون وعي طلعت من غرفتي لكيت الكل نايم رحت اركض للمطبخ ادور وين امي حاطة الاغراض ماكو لا بالكاونتر لا بالدولاب مال المطبخ عجيب وين حاطتهن 
غمضت عيوني وهمست.. 
ياطيفي الغالي سساعدني وين اامي حاطة هالاغراض وين ادور مالكيتهن...
اجاني همس الاغراض بغرفة امي انصعقت من الخبر فتحت عيني شلون بغرفة امي عجيب البارحه جانت حاطتهن بالمطبخ ياغبية شلون ماتخلصتي منهن طلعت من غرفتي ووكفت مقابيل غرفة ماما وبابا مترددة وخايفة  شلون ادخل غرفتهم  همس براسي صوت صراخ حطيت ايدي على اذني وغمضت اهمس
- اتحمل اتحمل ياعشقي ااتحمل نزلت ايدي واتقربت على باب غرفة امي الكل نايم فتحت الباب على كيفي لكيت امي وبابا نايمين جسمي يرجف لان اذا شافتني امي اذب التحصين ماراح ترحمني نزعت النعال ودخلت
.. قويت كلبي  ودخلت بداخل الغرفة صرت ادور بعيوني وين ممكن تحط التحصين لاحظت علاكة على الكرسي الموجود يم المراية جانت ماما حاطة كرسي مكان الطابورية رحت اتسحب للمكان فتحت العلاكة لكيت بداخلهه التحصين فرحت..
راح ترتاح ياحبيبي انتضرني ثواني .. اتسحبت مرة حتى اطلع ردت اسد الباب بس مكدرت خفت لايطلع صوت ويكعدون رجعت اريد اروح للمطبخ خليت الورق والملح الخشن وبعض الاعشاب الي چان امي لازم تحركة فتحتهن كلهن واجتي عيني على الملح هو هذا اليأذي حبيبي اخذت الكيس وفتحته ردت اشمرة بالمغسله وافتح عليه المي بعدني ما حرکته وايد انمدت عليه جرتني من جتفي فزيت وانرعبت من هالموقف لان ممتوقعه احد يجيني
ام يوسف ـ شدتصخمييين
ـ شهكت شهكة قوية ومرعوبة لزمت كلبي وابتعدت عن امي… 
ـ شدسوين االغي
ـ أ.. أريد اذب هالملح
ـ عزة بعينج ليش
ـ ماما الله يخليج افتهميني
ـ شفتهم احجي
ـ الطيف ديتعذب هسة وااله ديتعذب الله يخليج خليني اذبة یمووت حرام
…  جرت الملح وباقي الاغراض من ايدي واني اتعارك وياهه
ـ عساة اااتعذب ولاكام ورجع شلوون تاخذين هالتحصين وتشمررري ولج انتي غبيية لو تتغاابين كاافي اصحي
ـ اجر العلاكة من امي وهي تجر  بيهه الى ان ضربتني براشدي وراسا اندفعت على الحايط ولزمتني وكتلتني
ـ اني كلببيي مخزززن منپ ومن خباااالچ وپلاابتج وفضووولپ جبتيلنة المصايب ووجع الراااس واحنة لابيهه ولا عليهه وتتالي تكليلي صخاامج يتعذذب عسااااه وعساااج بالمووت واخلص منكممم ومن ضميكم
…  من الصوت العالي مالت ماما بابا كعد ويوسف نزل يركض يوسف اخذني لغرفتي وبابا كعد يهداء بماما وهمين رجع عليه ويرزل ويحجي
ابو يوسف ـ ااسمعي لــج ااحذري بعد تعاندين امج وواحذري تفتحين باب غرفتنة مرة ثانية ترة سكتت الج هواي ودللتج هواي لكن منا وهيج راح تشوفين وجه ثاني لابوج ممتعودة عليه…
ـ متت قهر من اهلي محد منهم فاهمني ولافاهم طيفي صراخه براسي تعذيبة بسببي يارب اخذني وخلصني وخلص اهلي وطيفي مني اني اذية للبشر والجان كعدني بجربايتي يوسف وبقى واكف يمي
.. لاتعاملني كأني مجنونه.
ـ مو مجنونه لكن متهورة
ـ ليش يايوسف
ـ اقتنعي بكلامنه وامشي ورانه يا اختي هسة شحصلتي من مشيتي ورة هالطيف غير تعطيل الحال والاذية كافي يا اختي كافي تعبنة ارحمينة وارحمي حالج
ـ والطيف
ـ شبي
ـ ديتعذب بسببي انطرد وانفى وراح يموت بسببي
ـ فلنفرض هو موجود .. خلص استسلمي هذا قدرة
ـ شلون استسلم واني اسمع استغاثته بكل ثانية
ـ حور اصحي .. احنة هسة كلنة بشر ونفس الصنف لكن منتزوج من بعض لمجرد اختلاف الوانهم فكيف حال المختلفة خلائقهم وكينوناتهم؟
همة عالم واحنة عالم ثاني اخترق حياتج يتحمل نتيجة افعال
ـ احنة البشر الاذيناهم احنة اخذنة مكانهم
ـ هذا قدر الله كاتبة جمعنة كلنه على هالارض
ـ اني استدعيتهم
ـ وتعاقبتي واخذتي جزائج..  كافي ياختي ارحمي شيبة امي وشيبة ابوية ترة كبرو وعمرهم ميتحمل افعالج
ـ بقيت كاعدة بمكاني وابچي طلع يوسف وسد الباب وراه البيت رجع هدوء مرة ثانية
بقيت أفكر بوضعي
ليش هيج يصير بيه
النهار كلة تتصل الدكتوره بامي  تريدني أجيها
حجي أبو قيم الروحاني  يريدني أجي
أني عقلي مجاي يستوعب الي يصيرلي
طول النهار بقيت بلغرفه كاعده
رأفضه أطلع أو أكل لان محد يصدقني ورغم هذا ماهتمولي
صار ثاني يوم وماما دخلت ترش ماء التحصين وتطلع
لمحت الطيف رجع وكفت وری الشباك بليل بنهار واقف عدا فترة تعذيبة يختفي
أتعاطفت وياه ماتركني يريدني وعيونة تتوسلني
عقلي رافضه لكن كًلبي يميل اله الوسامته النظراته التفهمة الي
أعجز عن تفسير تصرفاته الطيبة ويايه
اعجز عن وصفة من نتكلم سوه
بخلال هل لحظات
كأنما اني بسجن وهو الحبيب الي يزورني
يتمنى يدخل ويحجي وياي عن قرب
لكن السجن يمنعه يدخل
نعست ونمت مكدرت اقاوم نفسي حسيت بتعب قوي
بس الغريب خلال هل أليوم كدرت انام مرتاحه
ماشفت كوابيس ولا شفت شي متعب
اكعد من نومتي أرجع للحزن
لأن أشوفه من خلف الشباك يتأملني
ادري بي يريد قربي
بس أني مابيدي شي بعد كلام يوسف واهلي ويايه
او يمكن حبيت أبقى بعيده عنه اي صرت انانية واعترف
لأن عالمه مرعب مخيف جدا
كلهم وحوش مخيفه ولهيب نار
وحتى هو من تعصب من عندي هم تحول لشخص مرعب
مثل بقية الأ طياف الي شفتهم بعالمه
فـ أستنتجت من هل شي
او حاولت اقنع روحي أنو هذه الوسامه قناع
اي قناع لحتى أرضى بيه
بس كلامه الي ونظراته شي ثاني تاخذني لغير عالم
كان كلامه من يوصفني يرضي غرور أنوثتي
أريد أغادره أبتعد عنه خلص مستحيل شي يجمعنة
أتقربت من الشباك واني بين القرار الصعب
قرار أتخلى عن شي كلبي يريده بس العقل يرفضه
المشاعر تريده العواطف تحن أله
لكن خلاف كل الي ذكرته أرفضه هو
فتحة الشباك الطيف جالس على السياج ومكتف أيده
وهو ينظرلي بلا مااتكلم
قفز وأقترب بخطوات لهفه
بينه وبين النافذه الي واقفه اني يمها نص متر
مااقترب أكثر
بقى واكف
ترددت أشلون أبدي كلامي مقابل سحر عيونه
لكن قرأ مايدور دواخلي
عيونه قرأت قرار أبتعادي عنه قرأته بكل عنايه وتهجه حرف حرف وفهمهن
خضارهن أمتزج بماء الدمع المالح
البياض ترقرق بيهن دموع غزيره
غمضت عيوني مااريد أضعف بسحرهن وتكلمت
ـ أريدك تبتعد من عندي ياطيف احنة ميصيرلنا زواج
ميصير نلتقي
ميصير نتكلم
أنت تختلف عني
أني اختلف عنك
اذا أنجمعنا وين معيشتنا
بعالمك المرعب
لو بعالمي الي رافضك
من تتقدم تزوجني شدكول لاهلي جان عشق بنتكم
تتصور اهلي راح يرحبون بيك احنة كلشي ضدنة ياطيف الزمان والمكان والعالم والاهل حتى الله سبحانه ماذكر هالشي ماكو جان يتزوج انسية ولا العكس …
كان جوابه جارح جدا الي بس قوية نفسي
كال
ـ فكرتي بحياتچ ياانسيتي الجميله فكرتج بناسپ وعالمچ واهلچ وحتى عالمي ذكرتي لكن اني وين وين من هذا كلة ليش ماذكرتيني
بقيتي تكولين أني وأني طيب من بين الي ذكرتيهم شنو مصيري بينهم
ماالي أي ذكرى مكتوبة أي سطر بقصة حياتج حتى لو حرف حرف واحد تخليني أقبل وأبقى لأجله
لكن أنتي تردين هجري منفيي
هذا العهد ورثتي من اجدادك
كنت أحميچ من كل شي يصير ألچ جنت اضحي بنفسي لخاطرچ اتألم حتى احميچ
عطت
ـ لا اتعبني اكثرر الله يخليك
ـ تذكرين سدرة النبگ الجانت ابيتكم القديم المعلكين بيهه مرجوحه وحاطين بيهه كوشة لونهه احمر
ـ مو غريبة عليه من يذكرلي هالامور يوم عن يوم يزيد يقني بيه ان كان حاضر وياية بكل تفاصيلي..
اي اتذكرهه
ـ  تذكريها من جنتي تجلسين بليل عليهاتذكرين شنو جان يصير
ـ جنت كلش طفلة ياطيف عمري ميتجاوز الاربع سنين
بس جنت اخاف منهه
ـ لان جنت احرك اغصانهه حتى ما اخليج تكعدين جواهه
جنت احاول أبعدج من ان تجلسين بليل تحت هالشجره لهواي اسباب
ـ شنو هية الاسباب
ـ هالشجرة جواهه اكو قبر
ـ قبررر
ـ قبر لشخص مات من الالف السنين لكن هالشخص ساحر
ـ انت شتحجي
ـ والدي كلي هالشي .. العمارة ارض الحضارات واول حضارة انشئت بيهه فمو غريب اذا بيهه هالامور
ـ بقيت مصدومة من كلامة ماعرف شنو احچي
ـ طيب تتذكرين من جنتي تنظرين للمرايه هواي وتوكفين كدامهه تتمعنين بوجهج جنت اخليج تخافين
حتى محد يمسج وصيرين ممسوسه
ـ شلون يعني مفهمت
ـ تذكرين المراية النكسرت
ـ صـــح صح مرة انكسرت المراية رغم ماكو شي يمهه وماعرف شلون انكسررت
ـ هواي انقذتج يا حور نذرتچ من صديقة السوء
حذرتچ من رجل لعوب
نقذتج من القطه الي حاولت تأذيج
بعدت عنچ اميرة الجان
اني حارسج الطيفي الامرئي هجرت عالمي واسرتي وحياتي كلهه لأجل أحميج
لأجل اكون الشخص الي ترديه انتي عشق طيف عشق لاينتهي
من تنفيني من حياتج شنو مصيري وشنو مصيرچ
منو يحميج ومنو يصبرني على العذاب
حور أخاف عليج حتى من نفسي الي مصيرها الضياع
ـ مسحت دموعي وباوعت عليه..  حياتنة مستحيلة وماكو امل ابد بيينا
ـ نفسي هوتچ ياجاحده
قلبي خفق لاجلج فقط
اشكال من حوريات الجن كانت امامي لكن ماهويت غيرج ولاشفت غيرج
ـ اني موجاحدة ياطييف
ـ الجحوود هو سمة يتصف بيهه البشر وللاسف انتي مثلهم
ـ أسمع كلامة القاسي ويايه  وتوسلاته الي كلبي يحن اشوف دموعه الساقطه من عيونه
ألكانت تجرح وجناته ماحسيتهن دموع
گأنو موس ويمشي على وجنته كل دمعه تسقط
تخلف أثر شق اسود طويل على طول خده
المشاعر متفيدني
هو مو بشر حتى اعيش وياه حياتنه مستحيلة ونهايتهه موت تعبت أهلي مني واني تعبت
شجعت نفسي حتى لو كلامه حقيقه لكن ماكو فايدة
… توقف ياطيف انت ماتحميني أنت سلبت قلبي عقلي راحتي وصحتي
لاتتكلم توقف ارجوك أغمض عيوني من اتتكلم وياه ماريد اشوف نضرة عيونه لان ماريد اضعف
اني حاسه بيك من سنه وحبيتك بديت تظهرلي
صعبت الأمر علية لكن ماكو فائده بهل تقارب
أحنا نختلف جوهري مايتحد مع جوهرك
أبتعد عني الله يخليك ابتعد
..بدة يغضب من كلامي وصاح بصوت عالي مؤلم
أخترق الصوت الشباك والحائط ايدي على أذاني من عصف الصوت
حسيت بشي حار يم رجلي باوعت الطيف واكع على ألأرض
يسعل بشده حسيته رح يموت واخسره
كعدت والحزن يعصرني ودموعي مانشفت
اتلمست وجهه بحسرة
… ليش دخلت يا طيفي مو هنا موتك واذيتك
بدا عيونه الخضراء تحمر من الأختناق و تأشرلي
على زوايه غرفة البيت واني أتبع أيده تركته
وبديت أشيل الملح الي بزوايه الغرفه ماما خلته
لميته كله طلعت من غرفتي  ورشيتها مي حنفيه
ومسحت شكو أثر ملح خلته ماما رجعت للطيف
وجهه وجسمه لكن التعذيب واضح علي جسمة  
بدا يصحى حاولت ارفعه السريري لكن كان ضخم وثقيل جدا شافني اجاهد حتى ارفعه وساعدني نام على سرير رغم ضخامته لكن استوعبة السرير بديت كلش انشد اله ولنضراته اشوف دموعه من تسقط على خده تتبخر فيحترق وجهه
كتله ومقهوره على وجهه المخدش
… .ماعرف شلون اعالجك هاي الحروق بوجنتك شسويلهه اتكلم ياطيفي ادويتنة تفيدك او لا
نظرلي بنصف عين مفتوحه
ـ لا ..اي دواء مايفيد  أقتربي مني ياأنسيتي فـ انتي شفأئي… انسيتي الجميله اقتربي
…  خليت راسي علي ايدة وتمددت قربه رفعه ايده بعد معاناة خليت ايدي على عيني
وغادرنا الى عالمه
حضنة يخليني حزينة واريد ابجي اريد ابقى حاضنتة ماريد افترق عنة يارب قادر تقلبة انسي يااارب اقلبة لبشر مثلنة وخلصه من هذا العالم واجمعني بي يارب يارب
… .وصلنا بمكان مثل الجبل العالي وتحيطة غيم أبيض
شفت مغاره داخل الجبل وقفني خلف حجر كبير وكلي
ـ لا تتبعيني  يا انسيتي ...اداوي جراحي وارجع احذري ثم احذري من دخول المغارة
… وهو يمشي ويسحل روحه واضح الألم عليه يعرج برجليه وايدة مشققه ملابسة ممزقة وواضح جلدة الممزق منهه
تركني وراح دخل للمغارة واتلاشى الطيف
الخوف اتملكني لكن الفضول قتلني
حركت رجلي وتمشيت خطوات على أثر خطواته كنت هادئة بالمشي ما اصدرت اي صوت لكن سمعت صوته وهو يتألم وقلبي اتألم وياه
بقيت امشي
واني اتبع صوته
لاكتني مغارة ثانيه داخل المغارة
دخلت هالمغاره الثانيه وشفت
الطيف متمدد وشفت الي يعالجه كائن يشبهه لكن على انثى وكبيرة بالعمر واضح عليهه عجوزة
من خلال مداراتهه للطيف عرفت تحبة
يجوز أمه أخته مادري
تتكلم معاه بلغه غريبه
سرحت وياهم بلغتهم الغريبة وهو يتألم من جراحه
حسيت بشعور غريب وخوف تملكني حسيت بحركة غريبة بالمغارة
التفتت وشفت دخلن أثنين ماتوقعت الكاهم هنا
أم بركع والقط الي قتلها خالي
القط الي يلاحقني...
لا أراديإ جفلت..وشهكت وسمعو صوتي وعرفو بية...
واني خايفه وايدي على وجهي
كمز عليه القط ولزمني من شعري احس من مسك شعري مااكدرت أصرخ من شدت الألم كأنو راسي راح ينشلع مو بس فروة راسي
أندفعت للكاع بضربة قوية رفعت راسي وشاهد نفسي
بوسط دائره من القطط ورئيسهم الي قتله خالي
هالقط الي محاربني وأم بركع واكفين متهيأين للهجوم عليه
يمكن هاي اخر لحضات حياتي
بديت اتشاهد واتذكرت كلام بابا وفزع امي عليه والم اخوية يوسف
التفتت للطيف شفته مجروح ويتألم
صرخت عليه ينقذني
-رسيس رسيييييييس
بس كان مغمى عليه وميتحرك اقتربت مني هالطيفة الكانت تداوي الطيف
ـ ابتعدي عنة كافي دمرتي ونفستي واذيتي وعذبتي كل المصائب من تحت راسج
متت قهر وخوف هالكلمات رعبتني الطيف ميتحرك وأم بركع أقتربت عليه وهي تمسك بوجهي وتعصره كانو تريد تخنكني
القطط بدأن يخرمشني بجسمي  واني أصرخ من الالم
ماكو جواب من الطيف لكن للحضات حسيت اهلي محاوطيني بكل مكان
بس كيف يسمعوني...
اصرخ بصوت عالي لكن قوة مابقت عندي جسمي كلة ينزف
ماااااما ساعديني رااح يقتلوني
..وماكو جواب
الطيف كعد من غيبوبته وحاول يقاوم وينهضلي..
بس الجروح ماليه جسمه بسبب الملح
من شدت الألم وبسبب قوة ضربهم الي بدة اعضائي الداخليه بجسمي تأذيني
لا هذا مو حلم هذا حقيقه
اقراء المعوذات أيه الكرسي أريد اخلص.. ماكو فايدة
حاولت اردد قل اعوذ برب الفلق لكن اختنقت…
وماعدت اتذكر شي ..
لكن وعيت لكيت نفسي بلمستشفى..
كلهم يمي واني على السرير معلكين مغذي والضوة بعيني اسمع همس اهلي واقاربي وخالاتي لكن ما ميز كلامهم 
ايدي مشدده بلفاف ابجي بحرقه..
ـ وين أني
وين ماما وبابا واخواني يمي
لا تركوني اسفه بسببي مسحت ماء التحصين والملح
بعد اني مسحت الملح ماما أريد اطيب
هسه اخذوني الحجي ابوقيم للزياره للدكتوره اي مكان
ليش جبتوني هنا بعد ماعاندكم ابد مستحيل شتريدون اسوي
ابو يوسف - بنيتي اهدئي مابيج شي لاتخافين
ـ ليش ماحس برجلي ايدي تأذيني شبي راسي ملفوف اذوني القط وام البركع مو راح يموتوني
ـ لا بابا يا ام بركع صارلج تلث أيام بلمستشفى لان…
ـ شنو… شنو صار فهموني
ام يوسف ـ لكيناج مشككه أيدج بموس وملخه شعرج وراسج يجري دم ورجلج تجري وايدج
ابو يوسف ـ بويه اذا تبقين هيج ترة الدكتور يصعقون دماغج بلكهرباء حتى لا تطور حالتج
ـ كهرباء
ام يوسف ـ محاولة انتحار يابنتي ليش مو تعرفين حرام ليش هيج تسوين مثل هذول الميخافون الله ويشككون ايدهم بالموس
ـ ماسويت هيج والله ماسويت
ـ انتي حاولتي تنتحرين تعرفين شنو أنتحار
وهاي مو اول مره تردين تنتحرين.
قبل سولفتي
للدكتورة انو انتي تريدين تنتحرين

-صدكوني والله ممكذبه شنو انتحر كافره أني
يوسف خويه اخذني الحجي ابوقيم
الأي مكان مااريد اي شي اريد ارجع حور القديمة اني اخاف الله ما انتحرر والله ابدد
دخلت ممرضه وهي تقترب تخيلتها ام بركع انرعبت منهه لكن لزموني اهلي وهية
ضربتني أبره وبديت أحس بدوار قوي
لكن تفكيري بلطيف منو يساعده شون صار خاف ديعذبو مادري يارب خلصني…
نمت رجعت لنفس النقطه
بس هل مره غير اصوات عراك وصراخ
بس شفت الطيف جدامي برغم جراحه واقف بوجهم ويقاتل بجسارة داخل بوسط قتال وياهم شرس حتى طعنو برمح
اجى قط اسود أتحول لشخص بأذان طويله ومرعب
ويتقاتلون مع الطيف
كلهم متكابلين عليه  يضربون بيه وهو يمنعهم مني
روحي فرفحت اريد اساعدة بس ماكدر وهو يوقفني ميسمحلي ادخل كلهم قواهم خارقة شنو بيدي عليهم
القط الي كانت تلاحقني
تحولت لشخص بلون رمادي
اجى الشخص الرمادي يتقدم علية
بأضافره الطوال حسيت نهايتي غمضت عيني واستسلمت لقدري
لكن حماني الطيف ونبتت أضافر العملاق بصدره
وبداء يتقاتل معاه لان حماني الطيف
قوته تضعف ينزف دم أسود ماعرفت اشلون أحمي
ابچي عليه واصرخ وهو يبعدهم عني
تجمعو كلهم عليه وقيدو بسلاسل غليظة مرعبة
بوسط لهب من نار حرارتة واصله يمي رغم بعدي عنة عدة امتار سحبو وعيونه ونظراته اليه كتله
هل ستتركني أيها الطيف
هل ستبتعد من غير وداع
هل حانت لحظتك أم لحظتي
ألتقينا ونحن أغراب
والوداع كيف سيكون
ياطيفي العاشق
بل عاشق وبي مجنون
نضراته ما اكدر انساهه تحفر بكلبي حفر تذكرني شكد احنة ناكرين للجميل ابتعد عني وابتعدت عنة ركضت باتجاهه وهو يكولي
ابكي . ياانسيتي
فما عاد هناك شئ يمحي الذنب إلا البكاء
نعم لم يعد هناك إلا الدمع ..
فأهدري الدمع معشوقتي الانسيه
لعل قلبك يغسل بدموع البكاء
لكن اياكِ الظن إني سأغفر وانتِ تبكين كالطفلة الصماء
فبكائكِ لا لأجل إن يغفر لكِ بشر ..
بل ليغفر رب السماء .
فما عدت أحتمل افعالكِ ..
لأن صبري نفذ واحتملت كثيرا من العناء ..
والخيانه اكبر جرم انزل من السماء ..
وصل قلبي حد الصفاء ..
وقلبك حد الظلم والشقاء
ليس ذنبي خلقة من صلصال نار
وعاشث انسيه من طين فخار
قدري جعل مني شخص يحب
واحب بجنون عاشق بلا رجاء
لكن قلبك  كالأرض الجدباء ..
لا اعرف هل اقول شكر
برهنتِ لي انه ما عاد في نساء اليوم وفاء ..
واكدتِ لي قول الجن مظلوم من أنس النساء
لاتنظري لي
انزلي لؤلؤ عيناكِ ..
لن اخضع ..
فهي بالنسبة لي كدموع الحيتان في الماء
حاولت ابرر اركض عليه بس الكاع جوايه تمشي بغير اتجاه صار الطيف كلش بعيد عني  وبقيت لوحدي اصرخ
… كعدت واني بيت حجي أبو قيم داير ميدوري ملح كلش هواي
ويقراء عليه الرقيه الشرعيه والبخور يحيط المكان وصاير كأنو غيمة بالغرفة… ..
#يتبع