الجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
البارت الثالث عشر كعدت لكيت نفسي ابيت حجي أبو قيم داير ميدوري ملح كلش هواي ويقراء عليه الرقيه الشرعيه والبخور يحيط المكان وصاير كأنو غيمة بالغرفة… جنت مرهقة وتعبانة وجسمي ما احس بيه حسيت كأنما اطرافي مبتوره رجلية وايديه حزن بداخلي قوي لان اتذكر شكل الطيف من اخذوا مقيد ويسحلون بيه بسناسل لان ميكدر يكوم بسب الطعن والضرب وهو يخوض معركة شرسة ضد اعدائي امي ابويه يوسف يحاولون يحاچوني بس انه بالي عنده يم الطيف بقيت ادعي بكلبي يارب اخذني موتني وخلصني ماريد هاي الحياة ابد ماريد اعيش بدون طيفي العاشق ماريد اعيش هالذنب الكبير ذنب قتله بسببي طلعت من المستشفى وعقلي مثل لتعرض الصدمه هم ممستوعبه الشفته حلم لو حقيقه وذا حقيقه ليش يتعذب وليش هيچ یطعنوه هو ممسوي شي انه السبب انه استدعيته انه عقلي زغير خلاني استدعي وهسه بسببي يحارب بني جنسه ويقاتلهم وهمه يعذبوه دخلت بحالة كآبه قوية محد يفهمني ولا احد يعرف البيه فترة العطله مال بكلوريا انه كل همي اسمع اخباره واريد اشوفه و اطمئن عليه شهر كامل الطيف مازارني ولا لمحته ولا حسيت بوجوده الصراع بداخلي مستمر بين أريده وما أريده قلبي يرجع ينعصر يحن للطيف لأن أعتاديت على تواجده ويايه رغم اشكالهم المرعبه الي مااتنوصف اشكالهم غريبة بعيدة عن بني البشر بخراطيمهم الطويلة بتعدد اطرافهم بعيونهم الجاحظه بألوانهم المتعددة بقرونهم الكبيرة جداا بهل فتره عقلي مستوعب و بيني وبين الجنون شعره وحده بسبب اشكالهم لو مااصحى على صوت القرآن كان نجنيت فعلا لكن مو بيدي كلش اشتاقيت للطيف وحنيت لحضنه الدافي وكلامه ويايه بس الي قتل شوقي وحنيني اله أهلي لان احس تعبتهم وتعبوا من وراي يوسف اخوي صبره طويل وياي وهمين حتى اجل زواجه علمودي وأني لاهيه بين الدكتوره النفسية ومعالجتهه الي وبين حجي ابوقيم وهو يقراء الرقيه الشرعيه عليه هالشي هواي وازن عقلي قرأة القرآن واستمراري عليه واستمرار أمي وابو قيم ويايه خلة عقلي يتوازن وما اوصل لحد الجنون بديت انشغل و الهي نفسي بقصص البنات الي يجن لابو قيم هنه هم مثل حالي واكو اكثر جنت أروح الحجي أبو قيم كل أربعاء واثنين بوحده من روحاتي الحجي ابو قيم رحتلة جسم بلا روح ولا عقل محتاجه لطيفي لأن جنت ابحث عن الطيف الي دخل حياتي بسرعه وقلبهه تسعين درجه ومااعرف لسى هو ارضه وين أنتظر دوري شرود ذهني قاتل ترجعه الرقيه لمكانه دخلنا للحجي وياية نسوان ثلاثه هنه وأولادهن كعدت مريه مقابيل الحجي وجان أثناء سؤال الحجي عن مشكلتها وليش هي تكعد تذكر تفاصيل كلامها و لأن عندي قوة ذاكره جنت احفظ اي قصة اسمعهه منهم وهالقصه كلش غريبة خلتني اخاف وانرعب من الجان رغم الطيف مو مثلهم لكن غضبة جان مرعب كعدت المرية تسرد قصتهه وتبجي هي وابنهه وبنتهه بنتها وابنها أعمارهم بالعشرينات تقريبا البنيه والولد جانوا قمه بالجمال الام بدات تسرد لحجي ابوقيم تفاصيل عائلتها " كالت " أنو حياتهم عاديه حالهم حال اي عائله جدا مرتاحه وامورهم زينه حتى اقربائنا جانو يسوولهم اشكال السحر بلكن نفترق بس محد كدر النه لحد ما زوجي بيوم من الايام شارك بحمله القضاء على ((الكلاب السائبه )) بفترة التسعينات فجان يطلع هو ومجموعه جبيره من الاشخاص مشاركين بهل حمله حتى يقتلون الكلاب فمره زوجي شاف كلب اسود شكلة مو مريح حسب ما وصف فـ تردد يقتله لكن الكلب أقترب من زوجي كلش فزوجي من الخوف شرد وعثر وكع للكاع فرفع العصا الي چانت بیده وهجم على الكلب الاسود وبدا يضرب بي الى ان قتل الكلب ومات من حچالي هالموقف ضحكت كلتلة عادي واذا قتلته هو كلب سائب حاله حال الكلاب البقية ماكو شي غريب لكن بيوم الي رجع زوجي بليل وكلتلك هو كلشي يسولف الي على ليصير وياه خلصنا العشا ورحنا انام بدا زوجي يتفزز من نومه ما نام تقريبا كل مينام يفز ويكعد خايف ونوب بدت تظهر عليه أعراض ورى اسبوع من هالحادثة ضل يشكي من الم قوي اسفل الظهر وكدمات يعني علامات زركة على جسمه صار هواي يشكي من راسه ،صداع قوي . وأحلام تخوف تتكرر عليه يكول ساعه حيوان يركض وراية وساعه شخص اسود بدون ملامح يريد يقتلة ساعه يشوف نفسه بخرابه تخوف ويحس اكو احد يراقبه وضل يكعد من النوم وهو يحس بالعجز .لو يحس انو يوكع من مكان عالي ويكعد مرعوب ضل فتره اربع سنين هيج حالته تالي ضل يكعد من النوم يكول احس بالحلم امشي ع المي وأطير بلا خوف وهل مره شفت ناس أطوال او شي اقزام وشي حيه او قطط وقرود تهاجمني كل هالتفاصيل بدا يحس بيها الحد مصار عنده وجع قوي ابطنه والاطباء حارو بيه ناس تكول الخبيث بي ناس تكول امعائة بيهه جرثومه كل طبيب شكل يحجي بقى بالمستشفى فتره اقل الشهر ومات من توفى زوجي امورنا الماديه تدهورت بنتيى الجبيره أطلكت وزوجها اخذ اطفالها من عدها ومنعرف شنو السبب وليش هيج سوة رغم جانت حياتهم ماشيه وزينه حسيت بنتي همين تغيرت وصارت مو طبيعيه كعدت تصرخ وتبجي وتتصفن وتنعزل وبدات من تنام تكعد مرعوبه من الحلم وتبجي ركضنا عليها نطوها علاج رجعنا للبيت بقت فتره على هل وضع اعتزلت البيت حابسه نفسها قطعت الاكل تعبتنا وهية تعبت بدا شعرها يتساقط ضعفت كلش وبيوم كأنو رجعت طبيعية سبحت وغيرت ملابسهه و مشطت شعرهه وخابرت جهالهه تسمع اصواتهم وتسولف وياهم جان ليل تقريبا ساعه ثمانيه جتي يمنا حضنتنا وبوستنا واحد واحد وكالت سامحوني اذيتكم هواية وان شالله بعد ما تتعذبون بسببي عبالنة رجع الهه عقلهه وكمت صليت صلاة شكر لحالتهه اشو دخلت للغرفه ثواني ونشوف بس النار تطلع من شباك الغرفة ومن جوه الباب الغرفة لاهبه بس حجي النار مو طبيعية لو صاروخ نازل عليهه مو هيج تحترك واحنة ماعدنة ابيتنة لا بانزين لا نفط قنينة الغاز ع الطباخ بمكانهه شلون هيج لهبت النار بهالثواني حرقت نفسها وكلشي احترك وياهه بقت بالمستشفى يومين رغم محتركه حروك درجه اولى بس تصرخ وتصيح ماردت انتحر مو اني الحركت نفسي حتى الاطباء عبالهم احنة حاركيهه وفتحوا سين وجيم ويانه تالي الله نطقهه وكالت الهم مو اهلي ومحد يمي من احتركت الغرفة جانت تصرخ سودة عليه وصريخهه باذني اريد اعيش حتى ارجع اصلي واحنا كلنا تأزمنا عليها وراها ماتت وراحت لدار حقهه وماخلصت مصيبتي لهنا لا رجع على أبني الجبير هذا خريج معهد دخل مشروع بشغل فحتاج هواي فلوس أدين من الناس واقترض مبالغ بس المشروع خسر وناس طالبت بدينها خطيبته درت بديونه تركته صار عصبي اتوضى ودخل الغرفته وخلا المسدس بحلكه وهم انتحر بقينا خمس اشهر ماكو شي حياتنه مشت طبيعي رغم المصايب بس بهالأسبوع بينت السوالف من جديد مابقالي من ولدي غير ولد وبنية اثنين راحوا ولحكوا ابوهم وبقولي هالأثنين هاي بنتي وابني خايفه عليهم لان همين بداو ينعزلون وتصير عليهم علامات مثل ابوهم واخوتهم كلبي خلص هسة لو هالسوالف تصير بية والحكهم واخلص بس باقية يومية ادفنلي واحد جزعت حجي والجزع حرام واني مرة مصليه صايمة اخاف الله بس مو بيدي اخذت ابني وبنتي مثل المجنونه ادور احد يشوفلهم چاره بس كلهم دجالين ياخذون فلوس وكلشي ماكو حالتهم تزيد متقل بس اكو واحد كال هذا الكلب الي قتله أبوهم جان جن متحول ولان زوجج اذاه راح يقتل كل العائله واحد واحد وتعبت واني انطي فلوس للسحاره والكشافين بعت العندي والماعندي ونطيته والسحار لزم ابني ويضربه بالعصا حتى يطلع الجن يكض عصا ويضل يضرب بي وهذا يفرفح جوه ايده انوب حرق اصبع رجلين بنتي الجبير الي برجلها علساس يطلعه ماكدر راد بعد فلوس انطي كتله ماعندي والله خلصت فلوسي بس حسبي الله عليه طلب الحرام ويايه واني اخاف الله مرة عايشة بسمعتي الزينة بين الناس ومهما يكون الضنة غالي بس يبقى الشرف اغلى منه فهسه اني بحيره حجي خسرت زوجي ابني وبنتي الكبار خسرت حالي ومالي كلشي ماصفى جوة ايدي بقولي بس هذول الاثنين شسوي تعبت عاد اهل الرحم دلوني عليك واجيت عليك اركض الحجي ابو قيم وهو ينظرلي ويتكلم للمرأه وكأنما يحسسني ان هذا مصير الي يأمن بالجن دنكت راسي بس عيني عليه فتح القرآن وكعد يحجي كلها هاي أنتم الي صار بيكم مو سبب الكلب الي نقتل هذا مجرد حيوان بعيد عن مشاكلكم السبب الحقيقي هو الحسد الي حاوطكم لأن حياتكم مثل ماذكرتي حلوه وسعيده وزوجج جان مدللكم أضافه لأولادج الي كلهم شهادات الجن يا أختي بينا وبينهم عالم ميكدرون يخترقونا ولا نخترقهم ألا بسحر جدا قوي أو دخول الأماكن النجسة دون ذكر الله والتحصن بأسمه ف العقل يبدي يصدقه المريه كالته بس بنتي اتشوفه وتحجي وياه واني تحلمت حيه چبيره تركض ورى بنتي الحجي ابو قيم هاي كلهه مجرد هلوسات و إضطرابات نفسية تصير بالناس السذج القليله الأيمان مثلكم وكلشي مذكورين بالقران ( ماخلقت الجن والأنس الا ليعبدون) بس ان شاء الله خير كل الدواء مر الا القرآن فالأفاعي السوداء في المنام لا تحمد اما اعداء (انس او جن ) او احقاد والله تعالي اجل واعلم واما الجن فمستحيل يجي الا بسحر ودعوه من الانس بس بيتكم هيج صار بي سبب الحسد والعين القوية الي هو اقوى من السحر لأن للحسد قوى مثل الطاقه السودة ترسل على كلشي حلو فدمر المكان او ادمر الانسان خصوصا اذا جنتوا ممن يستعرضون حياتهم كدام الناس وتتباهون اشترينه وخلينه وجبنه وسافرنه مو كل الناس طاقتهه خبيثة وتحسد لكن اكو ناس طاقتهه تمنى وحسرة يشوفوج مشترية ولابسة ذهب وطالعه ومسافرة وزوجج مدللج لا اراديآ تبعثلج طاقة التمني وهالشي حسد والحسد نار يا اختي هذا كلام اوجه الكم انتم و كلچن بناتي يباوعلي الحجي مبين قاصدني بالحچي السحر والحسد والمس والجن أذا تلبس علاجهم واحد واعراضه وحده سـقوط من مـكان عالي اثناء النوم رؤية المقابر والأموات بكثرة زغللت العين النسيان الكثير ضيق الصدر وقت المغرب بكاء الطفل بكثره نفور بالعلاقات الزوجيه كثرة المشاكل قلة الحظ تخيل شخص واقف وراك او شخص يصيح بأسمك الكسل الخمول الفضيع الزايد عن حده وتوقف القسمه وقلة رزق وديون عليكم شرود الذهن هذا كلة علاجه الرقية الشرعية الرقية تبطل السحر في مكانه تطرد الجن "العين الحسد" ألمس داخل الجسم أو خارجة وأفضل الرقى لعلاج هذا السحر قراءة سورة البقرة كاملة كل يوم أو كل اسبوع او كل اسبوعين والأفضل بعد الغروب لان الشياطين تنشط بعد الغروب والحديث يكول (اقرءو سورة البقره"فأن أخذها بركه وتركها حسره) ليش لأن السحر او الحسد او الجن كلشي اله فتره مثلا اذا اجدد الساحر السحر كل شهر أو كل خمسة عشر يوماً ، والمسحور محافظاًَ على سورة البقرة مايستطيع الساحر تجديد السحر لان يبطل ورح اعلمكم جلسات رقيه شرعيه وهي مفيده لفك السحر والجن والعارض الاستحمام نجيب جدريه جبيره من الماء ونخلي فيه ســــبع ورقات سـدر ونفركها بيدنا بلمي ً نقـــرأ على هذا المي سورة البقرة كاملة وآيات السحر.. والسبح كل يوم ، ويفضل ورق السدر المطحون في الماء المقري عليه ســـورة البقرة أنه يدفع قوة السحر بقوة الله تعالى حسيتي انو انتي ممسوسه تدهنين الجسم كلة كل يوم عند النوم بزيت زيتون مرقي بنفس الرقيه وتخلطين وياه زيت حبة البركة و زيت ورد وزيت نعناع + زيت سمسم مقروء علية نفس الآيات والله الشافي هاي الطرق اسوونها مايمشي بيكم اي سحر ولا جن ولا عارض ولا ترحون لا الكشافه ولا الساحر القرأن يابناتي بي شفاء لكم بدا يحجي واني دخت وصل الي السره كعد يسألني واجاوبه مكدرت اكمل تذكرت الطيف حسيت صوته يريدني ويصرخ باسمي حورر… ررر كأنما يحچي بأصوات متقطعه صوته جان كله ألم اختنكت من المكان اول ما بدا يقرأ الحجي نهضت وطلعت من الغرفه اركض وكفتني ماما والحجي ابو قيم رجع انطاها لماما چيس ملح خشن وشيشه زيت الزيتون واشرلها كلهه عادي نطلع للبيت واني اسمع اسمي كلساع حوررررر..حورررر احط ايدي على أذاني اسمع الصوت بعقلي الطيف محتاجني شلون اعرف اخباره حسيت أنو بعده يقاتل لأجلي صدك اني جاحده لان شهر كامل نسيته بعدته من عندي لأن ألتزمت بتعليمات ابوقيم ادموعي تنزل على ملابس بديت افقد اعصابي وين الكاه واساعده دخلت للبيت أبجي كارهه اهلي كلهم حسيت جسمي حار دخلت للحمام اسبح واني اذكره وابجي عليه وينك طيفي الغالي وين انت حسيت بعيون تراقبني لبست ملابسي على السريع كعدت بالحمام ادور الطيف بلكي يظهرلي لان الحمام امي مارشته ملح ميصير هنا يرش الملح ونسيت اسمي باسم الله اكيد راح يجي شفت الطيف وهو واقف جدامي برغم تشوهه وجراحاته بس واكف ويبتسملي ركضت عليه احضنه لكن اختفى ما اله اثر طلعت من الحمام ادور بعيوني عليه سمعت امي تحجي ويا خالتي بالتلفون تكلهه بعدني مارشيت ملح فوك بغرفة الولد ولا بالسطح صعدت اركض للسطح الجو حار كلش رغم العصرية صارت مو الضهر بس لهفتي وناري بصدري اكثر حرارة صوت قوي بأذني يصيح باسمي بقيت ابجي وادور صار هوى قوي كدامي وسمعت اذان المغرب .. ماصليت لان كاعدة انتضر الطيف فرشت الفرش بالسطح و كعدت على السرير الحديد خلص الآذان وبعد ماكو شي اظلم السماء اكثر واشوف ظل ظل من بعيد يمشي بخطوات كسوله عرفته هذا طيفي اريد أنهض اله لان ميگدر يمشي بس عبالك رجلي شي ماسكهن يمكن الرقيه الشرعية هيج ثگل خطواتي وهو توقف مااتقدم اكثر اريد بس اشاهد خضار عيونه بدا الظلام يخف من ظله لكن انصدمت بشكله وشهگت كان طيفي شبه مشوه وحده من عيونه محروقه ورايحه وايده اليسرة مقطوعه من الكتف شفته وانهاريت بالبچي من حزني عليه همس بحشرجه ـ حور يااجمل أنسيه قتلت أعدائچ بعد مااخاف عليج القط الأسود قتلته جان يريد قتلچ حتى يثأر لأخيه الي قتلتوا قتلت رئیس قبیلتنا كتله ـ وين ايدك رسيس ليش هيج حالك ياحبيبي جاوب بتعب ـ مقابل القط الي قتلته خيروني اما يقطعون ايدي بسيف من نار او يبقون يلاحقوچ ويقتلوچ ـ وانت ضحيت بنفسك لأجلي ـ اكيد وافقت لأجلچ ماعندي اغلى منچ مددت ایدي على صخره جابو سيف النار وقطعو ايدي من الكتف جاوبته بحركه وحزن و الطم واضرب وجهي -لييييش انااااا ما استحـــق هالتضحية ما استحقهه ااني جاحده ليش ضحيت بنفسك وبجسمك علمودي ليش رد -اششششش لاتبچین علمودچ احرق حتی نفسي بنار الرعب -رسيس ليش تتحمل؟ -لأنج انسيتي وحبيبتي وعشقي من اكثر من تسعين سنة شلون تريديني افرط بيج ـ بس اني ما استحقك أ..أنـ.. ـ لاتكملين… ميحتاج تسوين شي انتي ممقتنعه بي .. انا مقتنع بالسويته وصدكيني بطيب خاطر ضحيت الج ولو تنعاد التضحية مرة ثانيه همين اضحيلج ـ اتمنيت احضنه لكن ماسمحلي ماعرف ليش احجي وياه وامسح بدموعي كرهت نفسي وكرهت اهلي لان بسببهم اتأذه طيفي العاشق… -بس بقت حبيتك رد ـ الجنيه سيران كتله ـ تقصد ام برگع ـ نعم ..همين تركتج بحالج وبعد متجيج ـ شنو قدمت الهه هالمرة؟ -عيني -رسيس؟ -اي لازم شي مقابل شي و لأن هملت عشقها وعشقتج قدمت وحده من عيوني قربان لارضاء غرورهه ـ كل هذا؟ ـ يعني ليش.. لأجلج انسيتي لكن اترجاچ انطتهم کلشي بس قلبي لان احبچ بیه اریده فاانتی ارید منچ یاانسیتي يحوري لا تتركيني محتاجج هواي جراحاتي ضريبة عشقي الج انتي حوريتي الأنسيه لا تنفيني وتحرميني من انفاسج نفيت نفسي من عالمي لأجلج قاتلت بني جنسي لاجلج حور ياعذابات طيف أما ان لقلبك أن ينبض لي جاوبته: ـ بس انه هم أريدك ياطيفي أقترب من عندي تعال ـ لا أنتي تريدين العيش بعيد عني بس ماعندي أي اعتراض تعرفين السبب لأن اقصى أمنياتي ياحبيبتي أشوف لمعت عينج والأبتسامه تحيطها لا اني ابحث عنك بكل مكان من زمن بعيد بدا يصير ظلال يحيطه مثل ماشاهدته اول مره ركضت اريده يبقى بس هوى عالي صار و اختفى وصوته يقراء الي ترنيمة عذاب حبه ياغريبه عن بني جنسي و أرضي وعالمي سأبتعد وأعلن حرب الفراق حرب ضروس داخل قفصي سأغادر يانفسي فأنا انتِ وانتِ أنا فلا اريد ان أبحث عن نفسي داخل نفسي.. حور ياانسيتي وقلبي وعقلي سامحيني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
