صباح الخير...
البارت العاشر....
ـ ااااش. ام يوسف خلينة نكمل.. يلة بنتي احجي ولاتخافين
سولفي شون سويتي دعوه للجن….
ـ جنت كلش مترددة احجي خصوصا من شفت ردة فعل امي حسيتهه تريد تضربني ولزمهه ابو قيم…
ـ احجي بنتي لاتخافين
ـ سويت دعوة
لطمت امي على خدهه وصاحت
ام يوسف ـ دخيلك ياعلي
ابو قيم ـ يا دعوة شلون شنو حجيتي بيهه اريد بالتفصيل تحجين لاتنسين شي
ـ دعيت الجن بس جنت على فطرتي والله العظيم
يعني جنت بين المصدكه والمجذبة روحي
يعني ماعرف شلون اوصفلك
ـ احد جبرج تسوين هالشي؟
ـ لالا ابد جانت برغبتي ماجنت اعرف شنو الاريدة وشنو الماريدة
بس كل الاعرفة سويته بسبب حاجة
ـ حاجة؟
ـ اي حسيت محتاجة شخص مثل الجانت جدتي اتسولفلنة عنة اني واخواني
ام يوسف ـ مو كلتلك سيد متأثرة بجدتهه ام ابوهه
ـ اي عمو قصصهه حلوة جدتي الله يرحمهة جانت دائما بالليل من تطفة الكهرباء تكعد تسولف النه قصصها جانت تحجي عن
شناشيل العماره الاثرية
جانت تكول يسكن بيهن جني طنطل كالت اول ماسكنا بيهن حيل تعبني هالطنطل
جان كل يوم يطشر الغراض ويهوس البيت ويخربطة
ويكسر الماعين تكول كلش تعبني تكول جانت تقرة قرأن حتى يشرد بس ميشرد
لأن جان طنطل مسلم وهي تعبت من هوسة البيت وجم مرة عمتهه تقصد جدة ابوية تدخل للبيت تشوف البيت مخربط والغراض مكلوبة وتبقى تحجي عليهه وتصير هوسة فتكول مره من المرات جدتي
خبزت خبزات وصبت غدا الجدي
فجدي من أكل الخبزه طلع ماصخ مابي ملح لان جدتي ناسيه تخلي ملح من عاجنه
فماذبته الخبز خلته عل كاونتر وراحت تخبز غيره
تكول جدتي بيوم خليت الخبز الماصخ شفت ضل أبيض
ياكل بلخبز الماصخ..
فتعجبت شنو هل ضل الأبيض
ثاني يوم هم خلت خبز ماصخ بنفس المكان أو هم أكله هالضل الابيض تكول جدتي من أكل هالخبز الماصخ من بعدها ابد ما اذاني ولا طشر اغراض البيت ولا صارت مشاكل
فبدت جدتي تخبزله خبز ماصخ وتخلي ألة لأن من ياكل ميأذيها فكام ميكسر الغراض…
بس شنو بعدين صار يجيها ويسولف وياها من يطلع جدي… اني كلش حبيت هالفكرة اكو جني اسولف وياه وميأذيني اتمنيت اعيش بدال جدتي لو اروح للبيت التحجي عنة جدتي بس البيت خرابة مينسكن بعد
ابو قيم ـ كملي عمو
ـ اي تكول جان يجي بشكل الي التريده مثلآ
يوم يجي بشكل امهه لو ابوهه لو جدتهه الماتت من زمان لو صاحبته التزوجت وافترقن اثنينهن ...
جان كل شوي يجي بشكل جديد ويكعد يسولف وية جدتي وجان يرشدها ويعلمهه وصاير صديقهه الحباب الميأذيهه وخصوصا جدتي جانت هواي تشكي من اذيه البشر وظلمهم وتكول طلع الطناطل احسن من البشر واحن
أنت تقرأ
طيف عاشق
Misterio / Suspensoالجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
