مساء الخير
بارت التاسع
تمدد الطيف وصار يمي لكن ماقاومته بالعكس
داخلي رغبة قوية تجاهه يمكن مامنعتي مجرد توسل اله حتى يقترب مني اكثر…
ابتعدت عنة بهدوء وهو مكال شي لكن نضرات عيونه مقهورة كأنو يتوسل بيهه
نهضت من الفراش وعدلت نفسي وبدون ما اباوع للطيف طلعت من الغرفة
التوتر الخجل كلش سيطر علية
شسويت بحالي وشلون قبلت هيج امر..
قبلت يتقرب الشفتي ويبوسني
أي ماانكر قبلت من عدها
حسيت هالكأئن هو الاريده لان بي كلشي حلو وكل المواصفات الأحبهة
وسامه"حنان"عطف"رومانسيه" حامي وسند
استغفر الله استغفر الله اغفرلي ربي ارجوك شدسوي بحالي شلون هيج استسلمت مهما يكون هو غريب حتى لو جان ومن عالم ثاني غريب واليصير بيننا حرام ومو منطقي اصلاا الحمد لله ما جبرني على معاشرتة مجرد
قبلات مو اكثر ربي اصرفه عني ارجوك والله اني كأئن ضعيف ما اتحمل الديصير ويايه…
اليوم قبلت بالبوسة باجر بغير غير شي اقبل لالالا حورر شبييج بوسة مو مثل ما يمد ايده على ملابسي وأجى يمزقها لالا ماأريد هيج اني بس اصفن أصفن الجماله واحب صفنته الي خصوصا من أسرد اله تفاصيل يومي
ردته مثل الولف واسولف وياه واتسامر واشكيلة همومي ويسمعني ينصحني كلشي شفتة بهذا الطيف كل المواصفات الاريدهه موجودة
افكر وية نفسي وامشي بدون وعي شفت ماما فارشة سجادتهه وتصلي…
رحت اتوضيت وصليت يمهه وكعدنة نتغدة اتلاثتنة سوية كعدنة بالليل وية بابا ويوسف كال ماما وبابا يريد يخطب بنية يحبهه من زمان لكن هسة بسبب ضروف اهله يريدون يزوجوهه فمابقاله حل غير يخطبهه
ابو يوسف ـ وليش ماحجيت من وكت جان خطبناهه الك
ام يوسف ـ اي صدك ليش موازي روحك هيج بيت ام زمرد خوش ناس وبناتهه ينحلف بيهن
يوسف ـ جانت تدرس وماقبلت الاتتخرج وقبل اقل السنة اتخرجت ومن تخرجت اهلهه شافو بعد ماعدهه عذر حتى تتاخر بالزواج واجيت كلتلكم
ابو يوسف ـ ولا يهمك وليدي باجر اني وامك نروح نفاتح اهلهه واذا قبلو ندز على خواتك واخوتك يجوون ونعقدلكم…
… فرحت لان راح تصير ويايه بنية ثانية بالبيت زمرد حبابة صح اكبر مني بشوي بس حبابة خوش بنية ماشفت منهه شي موحلو
صارت خطبة اخوية بسرعه والتمو خواتي واخوتي حتى نسوي خطوبة وعقد ليوسف
لكن خواتي دائما يحسسوني اني غريبة وبيه شي خطأ
ام كرار ـ هاي شنو ماما راح تاخذون حور ويانه
ابو يوسف ـ اي ناخذهه ليش لا شنو اليمنع
ام يوسف ـ ليش ام كرار اشو مستغربة
ام كرار ـ كلنة نعرف حالة حور غريبة وخاف من نروح لبيت ابو زمرد تفشلنه هي والجني الوياهه
أنت تقرأ
طيف عاشق
Bí ẩn / Giật gânالجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
