#طيف_عاشق
البارت السابع
بعد مشاهدتي للطيف بشكله الكامل وحسيت بدفئ جسمة كأنو حقيقي وفزيت من اني بي على كلام اخوية وامي يريدون يشيلوني من الارض ماعرف شصار بية مدري حلم مدري واقع العشتة
اختلطت الاوراق عليه
اني نفسي مدعرف هالشي خيال لو واقع
لكن والله احسة واقع عايشتة بكل تفاصيلة وبكل دقة
يوسف ـ هههه مرة ثانية من تنامين اتغطي واضح عليج بردانه
ـ لا تضحك عليه
الام ـ شنو شفتي وخبصتينة بهالعياط والونين مالتج
ـ جنت اون؟
يوسف ـ اي تسوين ونننن ونننن
ـ اهوو ماما بعدي عني مالي خلكة
ـ اكعد ولك لاتضحك على اختك
يوسف ـ منو كلكم دضحك عليهه شبيج ولج احجي صدك اتغطي ظهرج طالع ومن يبرد تثبرينة بهوستج
الام ـ دكووم ولك كوم روح جيبلههه شوي مي خلي تبلل ريجهه
يوسف ـ بلة حور تحلم واني ابتلي راح اروح اجيبلج مي بس لا تشربي كلة بقيلي
الام ـ دروح جيب ولك كافي لغوة... شنو شفتي حور بشنو حلمتي
ـ حلمت بالطيف يريد يحضني
ـ يصخام الوجه وحضنج؟
ـ شبيج يمة مو خابصتني حلم وحلم اذا حلم ليش خايفة منه
ـ شنو ولج اشو صايرة ادبسز واحلامج مخربطة
ـ عزة ليش ادبسز سسويت!
ـ مو دكولين هالمصخم يريد يحضنج ليش ماضربتي راشدي هالساقط
ـ وانتي ضايجه لان يريد يحضني بالحلم
ـ اي البنية المترباية متقبل بهالشي
ـ يعني انتي مقتنعة بقرارة نفسج الاشوفة مو حلم
ـ طبعا حلم شلون مو حلم
ـ لعد اذا حلم شكو خايفة خلي يحضني يبوسني ينام يمي شكو علية قابل صدك.. هو حلم مو بلة
ـ حور ضبي لسانج وصيري عاقلة وبعد لاتحلمين بهيج سوالف مكسرة..
ـ شبيج ماما قابل الحلم بيدي
ـ اي لاتضلين تتخيلين وتالي تحلمين... ويلة كومي اتوضي وصلي وامشي للمطبخ كداامي
ـ ليش عصبية
ـ فوكاهه تكولين ليش عصبيية عبالي ارجع للبيت الكاج منضفة مرتبة البيت طابخة مسوية ااكل غاسله ملابسس الكاج مصفطة وكاعدة تتحلمين بلعبان نفسس يبة فزززي كوومي كدامي ماعاجبج اداومين لا اداومين بس واجبج بالبيت تسوووي فتهمتيي لو لا
... .عافتني وراحت امي بعد مسمعتني هالكلمتين التسم البدن عالهه بيدي ماكمت انضف واطبخ شسوي احس الوكت وية الطيف بسرعه يخلص ولا كأن صار ست ساعات عبالك ربع ساعه ستوهم طلعو للدوام شبسرعه رجعو..
حسيت بنفسي عطشانه ريكي يابس طلعت للهول لكيت يوسف مشغل التلفزيون وكاعد يكرز حب
عزة بعينك مو امي كلتلك جيبلي مي
أنت تقرأ
طيف عاشق
Mystère / Thrillerالجن ومس الجن وحقيقه تلبسه...حتى اليوم، لا تزال العديد من البلدان والثقافات تفسر السلوك النفسي الناتج عن أعراض بعض الاضطرابات السيكولوجية بأنه نتيجة وجود روح شريرة أو جن يسكن في الإنسان ولا سيما في بعض المناطق الأقل تطوراً في العالم حيث لا تزال مثل...
