يحينى عشقاً(يقتلنى عشقا)

خطه

الرابعه عشر

(خطه )

فى فيلا احمد عثمان

مد ذراعيه بسعادة عند رؤيتها قادمه وقال بحنان :

_ يقين حببتى اخيرا افتكرتينى ...

مالت بجذعها وقبلته وهى تهتف ببسمة صغيرة :

_ وانا اقدر انساك بردوا يا انكل

هتف مداعبا وهو يشير لها بالجلوس :

_ اقعدى لا نستيتى , يظهر ان اسر مانعك تجينى

رفعت حاجبيها بانكار :

- لا طبعا ..........واسترسلت مداعبه اياه ....اى نعم هو شرس حبتين لكن مش لدرجة انه يمنعنى عنك

قهقه عاليا وهو يستنكر :

_اسر شرس حرام عليكى يا شيخة كفايا انه اختارك انتى من بين كل البنات وانا مارضيتش

اعمل زى الابهات الاستقرطين واقوله لا دى ما تنفعكش ووافقت على طول عشان ما ننقرضش

ضحك معها ضحكات عاليه متواصله تمالكت نفسها بعد ان ادمعت عيناها وتأرجحت

بين الضحك والبكاء

ساد الصمت لبرهه وعادت تضحك ضحكة صغيرة شاردة من باقى الحوار

تفحص احمد وجهها بتمعن وهتف :

_مالك يا يقين

حركت اكتافها بخفه وهى تجيبه :

_ ما فيش حاجه

ابتسم بسخريه وهتف مازحا :

_ يقين انا مشلول مش عندى القلب يعنى ممكن تحكيلى اى حاجه مدايقكى من غير ما تخافى عليا انى امسك قلبى وتجيلى جلطه

امسك قلبه فى الكلمات الاخيرة ونفذ التمثيل الدرامى

ضحكت على كلماته ولكنه سارع بسؤال الذى يرى اجابته فى عيناها انه اسر :

_احكيلى ..مالك ؟

زفرت انفاسها وهتفت لعلها ترتاح :

_اسر عايزنى اتحجب

مسح على ركبته بخفة وهدر متفهما :

_ ااه ...بدايه تنازلات

رفعت وجها اليه وكانه ترجم ما تشعر به.... هى تريد رضاء ولكن بدون تنازل