Masaya ka pa ba?
Iba kasi ang sinasabi ng iyong mga mata
Wala na ang dating galak at ligaya
Sa tuwing akoy iyong makikita
Masaya ka pa ba?
O ikaw ay tuluyan nang nagsawa?
Sabihin mo sana sa akin,
Sa akin ba'y naglaho na ang dating pagtingin?
Hindi ko na naririnig ang iyong mga tawa
Hindi ko na naririnig ang mga katagang Mahal Kita
Ako pa ba'y iyong sinisinta?
Para bang hindi na kita kilala
Ang iyong mga ngiti ay ibang-ibang na
Mahal, masaya ka pa ba?
BINABASA MO ANG
Sa Tula ko Idadaan
PoetryMga sigaw ng isang manunulat Mga sigaw na idinaan sa pagsulat NAGMAHAL, NASAKTAN, SUMULAT (Nakapaloob rito ang lahat ng aking mga gawa)
