الشخصيات الرئيسية
لارا « فتاة في العشرين من عمرها نشيطة مرحة ،حنونة ، طيبة وذكية . ذات شعر شديد السواد وعينان عسليتان و بشرة بيضاء وذات وجه ساحر مبتسم دائماً وجسم نحيف متكامل. تدرس اللغة الانگليزية المرحلة الثالثة في كلية اللغات . ملتزمة بحجابها وسترها ولكن بطريقة أنيقة وراقية. تعيش مع والدها و والدتها متوفية
.
ياسر « شاب في الرابع والعشرين من العمر . أنيق وقليل الكلام ومتزن . ذو شعر بني فاتح وعيون خضراء وجسم قوي . يدرس اللغة الانگليزية في نفس المرحلة مع لارا . يعيش مع والديه وأخته الصغيرة .
.
*********
" رن المنبه على صوت آية الكرسي "
لارا « اللللللله يوم ثاني حلو ومنعش . اليوم اول يوم في الكلية . بداية المرحلة الثالثة اليوم .
"رحت للحمام مثل كل يوم واخذت شاور منعش وطلعت لابسة البرنص ورحت أحظر فطوري وخلصت لبست ملابس الكلية وخليت واقي شمس ورحت للطابق الاول جوا حتى اشوف بابا "
الأب « صباح الأنوار على نور حياتي .
لارا « صباح الأزهار على أحلى أب في الدنيا .
الأب « اليوم أول يوم بالمرحلة الثالثة . مستعدة تحصلين على المرتبة الأولى هاي السنة همات ؟
لارا « yes papa
الاب « اوك لعد اني واثق منچ الشطورة وامچ الله يرحمها من ولدتچ گالت إنتي رح تكوني البنت الذكية القوية.
لارا « ان شاء الله بابا . اخليكم فخورين بيه طول حياتكم.
الاب « حبيبتي انتي . يلا خلي نروح اوصلچ للكلية .
لارا « يلا بابا حبيبي
..
"صعدنه بالسيارة ورحنا للكلية واني بس احس بالطاقة الايجابية في ابتسامة ابي وفي الاشجار والازهار عالطريق وفي الغيوم المتقطعة في السماء الزرقاء وفي بغداد كلها "
..
الاب « يلا بابا وصلنه ديربالچ على نفسچ حبيبتي .
لارا « الله وياك بابا .
"دخلت للكلية امشي وامشي ووصلت للكافتيريا رحت اشتريت نسكافيه وشفت صديقاتي ( زينب وسارة ) سلمت عليهن ورحنا نگعد على طاولة فارغة . وبعد مرور عشرة دقائق طلعنا ورحنا نسلم على باقي الاصدقاء "
..
جمانة « هلا بالحلوات شونكم ولكم اشتاقيتلكم هوااي .
لارا « هلووو بيچ حبيبتي اني اكثر .
سارة « هلوو بيچ . بنات احس يومي رح يخلص بس سلام و بوسات . ولكم والله حلگي تعب من البوسات .
زينب « هههههه
لارا « ههههههههه ولچ لو متنكرين هم احسن محد يعرفنه .
بنات كافي باچر نكمل السلام . خلي نشوف الجدول والمحاظرات .
جمانة « ههههه اي باچر . هو انتي كل همچ الدراسة .
لارا « طبعاً لعد شلون اطلع الاولى .
زينب « يلا امشو خلي نشوف وين نروح .
سارة « اووو شوفن الصاك ذاك ... ياء وهذاك ابو نظارات .
معقولة هيج دارت الدنيا وهيج صار كل الشباب حلوييين اوووي .
جمانة « هههههه بس جماعتنه بالمرحلة الثالثه بعدچن ماشفتن شصار بيهم . امشن امشن
زينب « الشباب اخر همي . صدوگ تحچن .
سارة « اي هههه الشباب كلهم اخر همچ لعد خطيبچ علاوي مو من الشباب هههه.
زينب « وچ اسكتي اني اقصد انو الشباب اخر همي لان عندي علاوي حبيبي .
لارا « بنات من وراچن ما گدرت اخلص النسكافيه ماتي .
"دخلنه للقاعة وسلمنا على الكل ورحنا گعدنه على الستيجات خليت النسكافيه على الستيج ودرت وجهي اسولف ويه البنات دخلو مجموعة من الطلاب اللي نعرفهم وگالو السلام عليكم ورحمه الله ، اني فزيت وضربت النسكافيه بدون قصد و وگعت على طالب اسمه ياسر "
ياسر « يووه اسف فززتچ
لارا « يبووووي والله اسفه اسفه كلش اسفه حيل اسفه
"وگعت النسكافيه على بنطلون ياسر بس شوية كلش وما صار ضرر هواي "
اسفه جدا اخي والله مو قصدي
ياسر« لا لا ولا يهمچ ما رح يبين لان البنطلون اسود
لارا « شلون بيك خربت عليك يومك اعذرني
ياسر « اختي لا خربتي يومي ولا صار شي اهم شي الكل بخير
لارا « "راح ياسر ربع ساعة ورجع گعد بالأخير واني بس منزلة راسي من الفشلة وخجلانه جدا احس خربت اليوم على الولد "
.....
ياسر « "ابتدأت المحاظرة الاولى واني چان كل اهتمامي البنية الخجلانة واللي دائما اشوفها مبتسمة بس طول الدرس هيه ظايجة . حسيت اني بالغت بالسلام بالصوت العالي وخليتها تظوج "
لارا « "خلصت المحاظرة واني چنت بس افكر شلون رح يطلع الولد "
زينب « وچ لارا شبيچ ... لارا ؟؟ الوووو
لارا « ها
زينب « ههههه شوفي وجهچ شصار وبالچ مو يمي ليش ..؟
لارا « شنو شصار !
سارة « يححح لچ وجهچ شبي !؟
لارا « شبيكم احچو شبي وجهي ؟
جمانة « حبيبتي ما بيچ شي بس خدودچ كلش احمر لونهن !
لارا « " البنات گالو اني صرت حمره . عفتهن ورحت للحمام بدون ما احچي دخلت غسلت وجهي ورحت امشي وحدي ومنزلة راسي ... بعدين شفت واحد يتقدم نحوي لما شفت البنطلون عرفت انه ياسر رفعت راسي بتعجب !!"
ياسر« اختي اني اسف جدا ترا والله الشي ما يستحق كل هالضوجة
"چنت احچي وي لارا وگالت لا يستحق وبعدين راحت "
.
جمانة « بنات لكيتها لارا ذيچ هناك خلي نروحلها
سارة « لولو حبيبتي شبيچ ظايجة هيج
لارا « هفف مادري
زينب « لارا ترا اني تعودت على ابتسامتچ وماريد هذا الوجه العبوس ترا اعوف علي خطيبي بسببچ
لارا « لا لا شنو بسببي
سارة « لعد خلي نشوف الابتسامة الجميلة يلا يلا
لارا « هههههه يلا هاي هيه
جمانة « بنات بمناسبة الابتسامة هاي خلي ناخذ صورة جماعية
.
.
يتبع
أنت تقرأ
لازلتُ انتظِرُكَ على عَتَبَــــة بابي
Любовные романыقصة حب نقي بين قلبين نقيين رغم كل الصعوبات تُفَرّقُــــهما المسافة التي ليس من الممكن عبورها إلا من خلال الموت. إكتشفوا الحب الحقيقي الذي لم يعرف طريقا طويلا في هذا البلد المنتشر بغبار الحرب. للكاتبة نور علي
