لازلتُ أنتظرك عـــلىى عتبة بــابي..
للكاتبة نور علي
.
.
.
.. الســبت ..
لارا » اليوم گعدت الصبح سبحت وخابرني ياسر وبعدين نزلت اتريگت جوا ويه ابويه ،
وخلص اليوم بشكل عادي مخابرات وي ياسر ودراسة وأكل وافلام وووو اجه يوم الاحد ...
لبست كوت اسود طويل وقميص طويل "مانتو" مخطط ابيض واسود وبنطلون اسود وشال رصاصي ....
اجه ياسر اخذني من البيت
ورحنا للكلية وباركولي البنات وخلصنا محاظرات ومشيت وي ياسر وخلص الدوام رجعت للبيت وهكذا....
خلص اسبوع كامل نفس الشي دوام ودراسة وصار ياسر قريب من گلبي كلش ،
حبيته وحبني وصار الاتصال بيناتنا روتين ....
وفعلا مثل ما اتفقنا ، بالدوام نتناقش على البيت اللي راح يبني والشكل والديكور وكذا .....
بعد اسبوع من العقد اجه عمو جمال ومرته وحسن ابنه ،
البيت نظفته وحظرتلهم غرفهم وكلش فرحانين بيه لان عقدت وبقينا نسولف ونتسامر وسويت كيكة وبقينا سهرانين وحتى ياسر طلبت منه يقلل اتصالاته ...
مرت هاي الفترة بنفس الاحداث تقريباً ووجود عمي وعائلته چان حلو لان البيت صارت بي روح وبابا هم فرحان بوجودهم ....
وحسوني ابن عمي كلش محبوب وذكي وشاطر صار صديقي الصغير هههه
وياسر حبيبي صرت اعشقه ، طول الوقت وياي بالدوام وما يخلي اي حاجة عندي الا يحققها ، وبالبيت نتخابر ....
.........
ياسر » بعد فترة من العقد ،
اني ولارا صرنا قريبين من بعض ،
حبيتها وحبيت سوالفها واني بديت اسوي تحضيرات بناء البيت بعدما اتفقنا على خريطة وتصميم وعجبتني افكارها ،
اشتريت مواد البناء كلها ولارا لحت عليه حتى تساعدني بالفلوس بس كتلها اني متمكن واكدر اسويهن كلهن ....
الامتحانات قربت واني ولارا طول الوقت ندرس سوية بالكلية بحيث ضبطت المواد كلهن.....
لارا » اجت امتحانات الكورس الثاني ، اني وياسر درسنا المواد وضبطناها .... وخلصت الامتحانات الحمدلله ناجحين بدرجات عالية ،
ياسر بدأ باجراءات البناء وما قبل اساعده بفلوس البناء
المهم هو چان ينطي فلوس لابوه علامود إجرة العمال والأكل مالتهم وابوه هم يساعده ،
وبعد كل هالاحداث فد يوم من الايام صادفت عطلة نوروز اخذني ياسر ورحنا تعشينا بمطعم بعدين رحنا نتمشى عالكورنيش .....
ياسر » كلللش احب منظر الاضواء لما تنعكس عالماي ...
لارا » اييييييي كلش حلو......(بعدني ما خلصت كلامي وهو انطاني بوسة )
ياسر » 💏
لارا » (انفاسي كلها راحت ، وتوترت حيل وظليت اتنفس حيل )
ياسر » حظنتها من شفتها هيچ توترت ، وبعدين باوعتلي وابتسمت ...
أنت تقرأ
لازلتُ انتظِرُكَ على عَتَبَــــة بابي
Romanceقصة حب نقي بين قلبين نقيين رغم كل الصعوبات تُفَرّقُــــهما المسافة التي ليس من الممكن عبورها إلا من خلال الموت. إكتشفوا الحب الحقيقي الذي لم يعرف طريقا طويلا في هذا البلد المنتشر بغبار الحرب. للكاتبة نور علي
