لازلتُ أنتظِرُكَ على عتبة بابي..
للكاابة نور علي ..
.
.
.
لارا » السلام عليكم
الكل » وعليكم السلام ..
لارا » (ابتسمت ودخلت بايدي الصينية ،
اجه بابا ساعدني واخذ الصينية ، يمكن يدري بيه صار عندي زلزال 😂
سلمت عالأم وباوستها ، بعدين اخذت عصير وكيكة وخليته گدامها عالطبلة وهي تهمس فدوة لهالجمال عين باردة عليج ، وحسيت بدفو من عيونها وحبيتها ،
بابا اخذ عصير وكيكة خلاهم گدام ابو ياسر وبالاخير اخذت كيكة وعصير حطيتهم گدام ياسر وچنت اباوع بالارض من اجيت يمه صارت عيني بعينه يبوووو اهتز بداخلي شي ماعرف شنو كلش اتوترت وبيّن عليه من خدودي صارو حمررررر....
وبعدين گعدت يم بابا ......
چنت گاعدة اني وبابا على تخم ثلاثة نفرات يعني كبير وطويل وگدامنا ابو ياسر وامه ويمي من جهة اليمين ياسر گاعد على تخم نفر واحد ... وهم حسيته خجل كلش )
ابو ياسر » تسلم حبيبي ابو لارا الله يزيد فضلك
الأب » حبيبي الله يسلمك والله فرحتونه بجيتكم واني افتخر واتشرف بيكم والنعم منكم
ابو ياسر » النه الشرف والله ، انت صديقي واعرف اخلاقك ومتأكد من تربيتك ونعم التربية ...
الأب » الله يخليك ....
ابو ياسر » وهسه راح اخلي الكلام لياسر يحچيلكم كلشي ، واني اقضي عالكيكة هاي شكلها طيبة
(الكل ضحك )
الأب » هههه بالعافية والف عافية
ياسر » عمي ... اليوم اني جاي ومتوكّل على الله لأن الله الوحيد يعرف نيتي شكد صافية ويعرف شگد طلبت منه يقضيلي هاي الحاجة والآن اني بلحظات تحققها ...
بهذا الوقت صعب واحد يلگه الزوج او الزوجة المناسبة ... كثرت الخيانات والمشاكل والطلايب بالرغم انو الله اعتبر الزواج شغلة مليئة بالمحبة والاحترام والحياة السعيدة ،
اني شفت ببنتك اللي ماشفته بغيرها ،
اخلاق وثقافة وأدب وووو هواي صفات مستحيل اگدر اوفي اذا عددتهن ....
اهلي هذولي هسه گدامك وشگد لحّو عليه زواج ونريد نشوف جهالك وكذا ،
وماچنت الگه الفرصة المناسبة ...
وهسه اني وماما وبابا طلبت منك شي اتمنى ما ارجع بدونه
وشنو تريد اني واهلي حاظرين ...
الأب » الله يخليك واني اعتبرك مثل ابني واكثر ،
اكيد اتشرف بيكم واحترمك واحترم اهلك كلهم بس من بعد رأي بنتي لأن هيه اللي حتتزوج .... شتگولين حبيبتي لارا
لارا » (چنت صافنه بكلمات ياسر وكلامه ، وچنت متوترة الى ابعد الحدود وكلش ارجف وحتى مانتبهت من بابا صاحني ويسألني )
الأب » لارا ؟
لارا » اشرت براسي يعني موافقة وابتسمت
(الكل ضحك وفرح وبابا باسني براسي وقرينه الفاتحة ، وظلينه نسولف واتفقنه يمته خطوبة ويمته زواج ويمته كذا وكذا وبعدين بابا گام يسولف وي ابو ياسر وامه واني سمعت ياسر يحاچيني بصوت ناصي )
أنت تقرأ
لازلتُ انتظِرُكَ على عَتَبَــــة بابي
Romanceقصة حب نقي بين قلبين نقيين رغم كل الصعوبات تُفَرّقُــــهما المسافة التي ليس من الممكن عبورها إلا من خلال الموت. إكتشفوا الحب الحقيقي الذي لم يعرف طريقا طويلا في هذا البلد المنتشر بغبار الحرب. للكاتبة نور علي
