ﺟﺎﺀ ﺯﻭﺝ ﻧﺴﺮﻳﻦ ﻭﺳﻠﻢ ﻋﻠﻰ ﺧﻀﺮ ﺭﺍﺟﻞ ﻃﻴﺐ ﻭﻧﻈﺮﺍﺗﻪ ﻧﻈﺮﺍﺕ ﻧﻘﻴﻪ .. ﺍﺳﻤﻮ ﻋﺒﺪ ﺍﻟﻤﺠﻴﺪ .. ﻣﻦ ﻧﺎﺱ ﺍﻣﺪﺭﻣﺎﻥ ﺍﻻﺻﻠﻴﻴﻦ .. ﺍﻫﺎ ﺍﺗﻜﻴﻒ ﻣﻦ ﺧﺪﺭ ﻭﻣﻦ ﺳﻼﻣﻮ ..
ﻭﻗﺎﻝ ﻟﻲ ﺧﺪﺭ : ﻭﺍﻟﻠﻪ ﻧﺴﺮﻳﻦ ﺣﻜﺖ ﻟﻲ ﻋﻨﻚ ﻛﻞ ﺧﻴﺮ ﻭﺍﺗﻤﻨﻴﺖ ﺍﺗﻌﺮﻑ ﻋﻠﻴﻚ .. ﻭﺣﻜﺖ ﻟﻲ ﺣﻜﺎﻳﺎﺗﻚ ﺑﺘﺎﻋﺔ ﻗﻮﻝ ﺍﻟﻨﺼﻴﺤﺔ .. ﺍﻛﺘﺮ ﻗﺼﺔ ﺿﺤﻜﺘﻨﻲ ﻗﺼﺔ ﺍﻟﻮﻟﺪ ﺍﻟﻘﺎﻝ ﻟﻴﻚ ﻛﻼﻡ .. ﻭﺑﺪﻝ ﻳﺮﻣﻴﻚ ﺭﻣﻴﺘﻮ ﻫﻬﻬﻬﻪ .. ﻋﻠﻴﻚ ﺍﻟﻠﻪ ﺍﺣﻜﻴﻬﺎ ﻟﻲ ﺩﻱ ﻛﻴﻒ؟ ..
ﺧﺪﺭ ﻗﺎﻝ ﻟﻴﻬﻮ : ﺩﻩ ﻛﺘﻴﺮ ﺣﺘﻲ ﺍﻟﻨﺎﺱ ﺑﻘﻮ ﻳﺘﺤﺎﺷﻮﻧﻲ ﻣﺎﺑﻨﻘﻠﻮ ﻟﻲ ﺍﻱ ﻛﻼﻡ ..
ﺩﻩ ﻭﺍﺣﺪ ﺍﺻﻼ" ﺍﺳﻤﻮ ﻗﺘﻴﺒﻪ ﺟﺎﻧﻲ ﻗﺎﻝ ﻟﻲ ﻳﺎﺧﺪﺭ ﺍﻧﺎ ﻋﺎﻳﺰ ﺍﻗﻮﻝ ﻟﻴﻚ ﻛﻼﻡ ﻳﻔﻀﻞ ﺑﻴﻨﻲ ﻭﺑﻴﻨﻚ ..
ﻗﻠﺖ ﻟﻴﻬﻮ : ﻗﻮﻝ ..
ﻗﺎﻝ ﻟﻲ : ﺷﻔﺖ ﻋﺎﺻﻢ ﻗﺎﻝ ﻟﻲ : ﺍﻧﻚ ﺑﺘﺰﻭﻉ ﺑﻘﺮﻭﺵ ﺍﻟﻨﺎﺱ .. ﻭﻗﺎﻝ ﻟﻲ : ﺍﻭﻉ ﺗﺪﻳﻦ ﺧﺪﺭ .. ﻻﻧﻚ ﺗﺎﻧﻲ ﻣﺎﺑﺘﻠﻢ ﻓﻲ ﻗﺮﻭﺷﻚ .
ﻗﻠﺖ ﻟﻴﻬﻮ : ﻛﻼﻣﻮ ﻭﺍﻟﻠﻪ ﻳﺎﻗﺘﻴﺒﻪ ﺍﻟﻜﻼﻡ ﺩﻩ ﻣﺎﺻﺢ ﺍﻧﺎ ﺍﺻﻼ" ﻣﺎ ﻗﺎﻋﺪ ﺍﺗﺪﻳﻦ ﻣﻦ ﺍﻟﻨﺎﺱ ﺍﻻ ﺍﻛﻮﻥ ﺿﺎﻣﻦ ﺑﺮﺟﻌﻬﺎ ﻭﻣﺎ ﺣﺼﻞ ﺯﻏﺖ ﺑﻘﺮﻭﺵ ﺯﻭﻝ ..
ﺍﻫﺎ ﻳﻮﻡ ﻳﻮﻡ ﻟﻘﻴﺖ ﻗﺘﻴﺒﺔ ﻭﻋﺎﺻﻢ ﻗﺎﻋﺪﻳﻦ ﻣﻊ ﺍﻟﺸﻠﺔ ﻭﺑﺘﻮﻧﺴﻮ .. ﻭﻳﻀﺤﻜﻮ .. ﺣﺘﻰ ﺍﻟﺒﻨﺎﺕ ﻗﺎﻋﺪﺍﺕ .. ﻧﺴﺮﻳﻦ ﻛﺎﻧﺖ ﻗﺎﻋﺪﺓ .. ﺍﻫﺎ ﺍﻧﺎ ﻓﺎﺟﺄﺕ ﻟﻴﻚ ﻋﺎﺻﻢ .. ﻗﻠﺖ ﻟﻴﻬﻮ : ﻳﺎﻋﺎﺻﻢ ﺍﻧﺎ ﻣﺘﻴﻦ ﺯﻏﺖ ﺑﻘﺮﻭﺷﻚ؟ ﻭﻣﺘﻴﻦ ﺍﺗﺪﻳﻨﺖ ﻣﻨﻚ؟ ﻋﺎﺻﻢ ﻗﺎﻝ ﻟﻲ : ﻣﺎﺣﺼﻞ ..
ﻗﻠﺖ ﻟﻴﻬﻮ : ﻃﻴﺐ ﻟﻴﻪ ﺑﺘﻘﻮﻝ ﻟﻠﻨﺎﺱ .. ﺍﻧﺎ ﺑﺰﻭﻍ ﺑﻲ ﺍﻟﺪﻳﻦ ..
ﻋﺎﺻﻢ ﻗﺎﻝ ﻟﻲ : ﺭﺑﻨﺎ ﻳﺸﻠﻨﻲ ﻣﺎﻗﻠﺖ ﻛﺪﺍ .. ﺍﻟﻘﺎﻟﻚ ﻣﻨﻮ؟
ﻗﻠﺖ ﻟﻴﻬﻮ : ﻗﺎﻝ ﻟﻲ ﻗﺘﻴﺒﺔ ﺍﻟﻘﺪﺍﻣﻚ ﺩﻩ !!!..
ﺑﺲ ﺗﻌﺎﻝ ﺷﻮﻑ ﺍﻟﺘﺮﺑﻜﺔ ﻭﺍﻻﻋﺘﺬﺍﺭ .. ﻗﺮﺑﻮ ﻳﺘﻀﺎﺭﺑﻮ ﻻﻣﻦ ﺣﺠﺰﻧﺎﻫﻢ .. ﻓﻲ ﺍﻟﻨﻬﺎﻳﺔ ﻃﻠﻊ ﻗﺘﻴﺒﻪ ﻛﻀﺎﺏ ﻭﺩﺍﻳﺮ ﻳﻔﺘﻨﻲ ﻣﻊ ﺻﺎﺣﺒﻲ .. ﻋﺸﺎﻥ ﻛﺪﺍ ﻗﺎﻝ ﻟﻲ ﻳﻔﻀﻞ ﺳﺮ ﺑﻴﻨﻲ ﻭﺑﻴﻨﻚ ﻋﺸﺎﻥ ﻣﺎﻳﺘﻜﺸﻒ ..
ﻋﺒﺪﺍﻟﻤﺠﻴﺪ ﺩﻩ ﻗﻌﺪ ﻳﻀﺤﻚ ﺿﺤﻚ ﻋﺠﻴﺐ .. ﻭﺑﻘﻰ ﻳﺤﻜﻲ ﻟﻲ ﺧﺪﺭ ﻋﻦ ﻧﺴﺮﻳﻦ .. ﻧﺴﺮﻳﻦ ﺍﻧﺴﺎﻧﺔ ﻣﻬﺬﺑﻪ ﻭﺑﺖ ﻗﺒﺎﻳﻞ .. ﺗﺘﺨﻴﻞ ﺍﻧﺎ ﻣﻦ ﻻﻗﻴﺘﻬﺎ ﻭﺍﺗﻜﻠﻤﺖ ﻣﻌﺎﻫﺎ ﺍﻧﻲ ﻃﺎﻟﺐ ﻳﺪﻫﺎ .. ﻗﺎﻟﺖ ﻟﻲ ﺍﻧﺎ ﻣﺎﻋﻨﺪﻱ ﻋﻼﻗﺎﺕ ﻭﺣﺐ ﻭﻛﻼﻡ ﻓﺎﺿﻲ .. ﻋﻨﺪﻙ ﺭﻏﺒﻪ ﺗﻤﺸﻲ ﻟﻲ ﺍﺑﻮﻱ .. ﺍﻭ ﺗﺒﻌﺪ ﻣﻦ ﻃﺮﻳﻘﻲ .. ﻭﺍﻟﻠﻪ ﺍﺗﻜﻴﻔﺖ ﻣﻨﻬﺎ ﻣﻦ ﺍﻟﻴﻮﻡ ﺩﺍﻙ .. ﻭﺯﻭﻟﺔ ﺑﺲ ﻫﻤﻬﺎ ﻓﻲ ﺑﻴﺘﻬﺎ ﻭﻓﻲ ﺭﻭﺣﻬﺎ .. ﺍﻻﺭﺑﻌﺔ ﻭﻋﺸﺮﻳﻦ ﺳﺎﻋﺔ ﻣﺎﺑﺘﻄﻠﻊ ﻭﻻﺑﺘﺤﺐ ﺍﻟﻄﻠﻌﺔ ﺍﻻ ﺍﻧﺎ ﺍﺣﻦ ﻋﻠﻴﻬﺎ ﻭﺍﻃﻠﻌﻬﺎ .. ﺍﻧﺎ ﺑﺜﻖ ﻓﻲ ﻧﺴﺮﻳﻦ ﺯﻱ ﺛﻘﺘﻲ ﻓﻲ ﺍﺧﻮﺍﺗﻲ .. ﺧﺪﺭ ﻣﻦ ﺟﻮﺍﻫﻮ ﻗﺎﻝ ﻭﺍﻟﻠﻪ ﻧﻨﻮ ﻟﻌﺒﺘﺎ ﻟﻌﺒﺔ ﻣﻌﻠﻤﻴﻦ .. ﻣﺎﺷﺎﺀ ﺍﻟﻠﻪ ﺍﻟﺒﺖ ﺍﺗﻐﻴﺮﺕ ﺻﺎﺡ ﻭﻧﺠﺤﺖ
