ﻋﻤﻚ ﺣﺴﻴﺐ ﺑﻌﺪ ﻣﺎ ﺍﻧﺘﻬﻰ ﻣﻦ ﻣﻜﺎﻟﻤﺔ ﺍﺑﻮﺭﻏﺪ .. ﻃﻮﺍﻟﻲ ﺿﺮﺏ ﻟﻲ ﺧﺪﺭ ..
ﻗﺎﻝ ﻟﻴﻬﻮ ﺍﻧﺖ ﻭﻳﻦ ﻳﺎ ﻋﺮﻳﺲ؟؟
ﻗﺎﻝ ﻟﻴﻬﻮ ﺍﻧﺎ ﻓﻲ ﺍﻟﺸﺎﺭﻉ .. ﺟﺎﻱ ﺍﻟﺒﻴﺖ ﻳﺎ ﺍﺑﻮﻱ ..
ﻗﺎﻝ ﻟﻴﻬﻮ ﺗﻌﺎﻝ .. ﻭﺟﻴﺐ ﻟﻲ ﻣﻌﺎﻙ ﺑﺸﺎﺭﺓ .. ﻣﺎﺑﻘﺒﻞ ﺍﻗﻞ ﻣﻦ ﻣﻠﻴﻮﻥ ..
ﻗﺎﻝ ﻟﻴﻬﻮ ﻳﺎ ﺍﺑﻮﻱ ﺍﻧﺎ ﻛﻠﻲ ﻟﻴﻚ .. ﺧﻤﺲ ﺩﻗﺎﻳﻖ ﺑﺎﻟﻜﺘﻴﺮ ﻭﺍﻧﺎ ﺟﻤﺒﻚ ﺧﺪﺭ ﺑﻌﺪ ﻭﺻﻞ ﺍﻟﺒﻴﺖ .. ﻭﺍﺑﻮﻫﻮ ﺣﻜﺎ ﻟﻴﻬﻮ ﻣﻮﺍﻓﻘﺔ ﺍﻟﺒﻴﺖ .. ﻗﺮﺏ ﻳﺎﺧﺪ ﻟﻴﻬﻮ ﻋﺮﺿﺔ ﻭﺻﻘﺮﻳﺔ .. ﻟﻜﻦ ﻋﺎﻣﻞ ﻓﻴﻬﺎ ﺗﻘﻴﻞ ﻭﺍﻟﻤﻮﺿﻮﻉ ﻋﺎﺩﻱ ..
ﺍﺑﻮﻫﻮ ﻗﺎﻝ ﻟﻴﻬﻮ ﺑﺲ ﻓﻲ ﺣﺎﺟﺔ ﻳﺎ ﺧﻮﻱ ﺍﻧﺎ ﻣﺎ ﻣﺮﻳﺤﺎﻧﻲ .. ﺍﻟﻠﻬﻲ ﺍﻟﺒﺖ ﻗﺎﻟﺖ ﺍﻧﻮ ﻻﺯﻡ ﺗﺘﺨﺮﺝ ﻭﺗﻘﻀﻲ ﺍﻟﺨﺪﻣﺔ ﻭﺩﻱ ﺍﻗﻞ ﺣﺎﺟﺔ ﺩﺍﻳﺮﺍﻻ ﺳﻨﺘﻴﻦ ﻭﻻ ﺷﻨﻮ؟
ﺧﺪﺭ ﻗﺎﻟﻠﻮ ﺍﺻﻠﻮ ﻣﺎﻓﺮﻗﺖ ﺍﻧﺎ ﻣﺎ ﻣﺴﺘﻌﺠﻞ ..
ﺍﺑﻮﻫﻮ ﻗﺎﻝ ﻟﻴﻬﻮ ﺍﻧﺎ ﻋﺎﺭﻓﻚ ﺍﻧﺖ ﻣﺎﻣﺴﺘﻌﺠﻞ .. ﻟﻜﻦ ﺍﻧﺎ ﻣﺴﺘﻌﺠﻞ ﻭﺍﻟﻠﻪ
ﻗﺎﻝ ﻟﻴﻬﻮ ﻳﺎ ﺍﺑﻮﻱ ﻫﺴﻲ ﺍﻧﺎ ﻋﻠﻰ ﺍﻻﻗﻞ .. ﺍﻟﻘﻰ ﺗﻠﻔﻮﻥ ﺍﻟﺒﺖ ﺍﺗﻜﻠﻢ ﻣﻌﺎﻫﺎ .. ﺍﺣﺘﻤﺎﻝ ﺍﻗﺪﺭ ﺍﻗﻨﻌﻬﺎ ﻭﻛﺪﺍ .. ﺑﺲ ﻣﺎﻋﺎﺭﻑ ﺍﺗﻮﺍﺻﻞ ﻣﻌﺎﻫﺎ ﻛﻴﻒ؟ ﻃﻴﺐ ﻣﻤﻜﻦ ﺍﻣﺸﻲ ﻟﻴﻬﻢ ﻓﻲ ﺍﻟﺒﻴﺖ؟
ﻗﺎﻝ ﻟﻴﻬﻮ ﻣﻤﻜﻦ ﻣﺎﻓﻲ ﻣﺸﻜﻠﺔ .. ﺍﻣﺸﻲ ﻟﻴﻬﻢ ﺑﻜﺮﺓ .. ﻭﺳﻠﻢ ﻋﻠﻰ ﻋﻤﻚ ﻭﺍﻗﻌﺪ ﻣﻊ ﺍﻟﺒﺖ .. ﻭﺣﺎﻭﻝ ﺧﻠﻴﻬﺎ ﺗﺸﻴﻞ ﻓﻜﺮﺓ ﺍﻟﺘﺎﺧﻴﺮ ﺩﻱ ﻣﻦ ﺭﺍﺳﻬﺎ
ﻭﻻ ﺍﻗﻮﻝ ﻟﻴﻚ ﺍﺻﺒﺮ ﺍﻻﺳﺒﻮﻉ ﺍﻟﺠﺎﻱ ﻧﻤﺸﻲ ﺍﻧﺎ ﻭﺍﻧﺖ ..
ﺑﺎﻟﻨﺴﺒﺔ ﻟﻠﺪﻗﺎﺭ .. ﻗﺎﻋﺪ ﻓﻲ ﺍﻟﺒﻴﺖ ﺑﺮﺍﻫﻮ .. ﻭﺣﺎﺳﻲ ﺑﺎﻟﻢ ﻓﻲ ﺭﺍﺳﻮ ﻣﺤﻞ ﺍﻟﻀﺮﺑﻪ .. ﻭﻣﻦ ﺍﻟﺼﺒﺎﺡ ﺍﻡ ﻫﻨﺪ ﻣﺸﺖ ﻭﺩﺕ ﻟﻴﻬﻮ ﺍﻟﺸﺎﻱ .. ﻭﻛﺖ ﺍﻟﻔﻄﻮﺭ ﻛﺪﺍ .. ﻫﻲ ﺑﺮﺍﻫﺎ ﺣﺴﺖ ﺑﻲ ﺻﺪﺍﻉ ﻭﺣﻤﻰ ﻭﻗﺎﻟﺖ ﻟﻲ ﻫﻨﺪ ﻳﺎﻫﻨﺪ ﻳﺎﺑﺘﻲ .. ﺍﻧﺎ ﻣﺎﻗﺎﺩﺭﺓ ﺍﺻﻞ ﺍﻟﺮﺍﺟﻞ ﺍﻟﺮﺍﻗﺪ ﺩﻩ ﺍﻣﺸﻲ ﺩﻱ ﻟﻴﻬﻮ ﺍﻟﻔﻄﻮﺭ .. ﻏﺎﻳﺘﻮ ﻗﺴﻤﺔ ﻭﻭﻗﻌﺖ ﻓﻲ ﺭﺍﺳﻨﺎ ﻧﺤﻤﺪ ﺍﻟﻠﻪ .. ﻗﺎﻟﺖ ﻟﻴﻬﺎ ﻛﻴﻒ ﻳﻌﻨﻲ ﺍﻣﺸﻲ ﻟﻴﻬﻮ ﺭﺍﺟﻞ ﺑﺮﺍﻫﻮ؟؟
ﻗﺎﻟﺖ ﻟﻴﻬﺎ ﺍﻣﺸﻲ ﺩﺍﻳﺮ ﻳﺴﻮﻱ ﻟﻴﻚ ﺷﻨﻮ ﻭﻫﻮ ﺭﺍﻗﺪ ﻣﻜﺴﺮ؟
ﻭﻫﻨﺪ ﻣﺸﺖ ﻭﺩﺕ ﻟﻴﻬﻮ ﺍﻟﻔﻄﻮﺭ .. ﻭﻣﺎﻋﺎﺭﻓﺔ ﺍﻧﻮ ﻫﻮ ﻓﺘﺎﻫﺎ ﻟﻲ ﺧﺎﻟﺪﺓ .. ﻻﻧﻬﺎ ﺧﺎﻟﺪﺓ ﻣﺎﺟﺎﺑﺖ ﻟﻴﻬﺎ ﺳﻴﺮﺓ ..
ﻗﺎﻟﺖ ﻟﻴﻬﻮ ﺍﻧﺖ ﻳﺎﻋﺒﺪﻭ؟؟ ﻗﻠﺖ ﻟﺨﺎﻟﺪﺓ ﻣﻦ ﺍﻟﺤﻜﻴﺘﻮ ﻟﻴﻚ؟؟
ﻗﺎﻝ ﻟﻴﻬﺎ ﻫﻲ ﻗﺎﻟﺖ ﻟﻴﻚ ﺣﺎﺟﺔ؟؟
