ﺑﻌﺪ ﻃﻠﻊ ﺧﺪﺭ ﺍﻟﺼﺒﺎﺡ ﻣﻦ ﺍﻟﺒﻴﺖ .. ﺧﻠﻮﺩﻱ ﻗﻌﺪ ﻳﺒﻜﻲ .. ﺯﻱ ﻛﻞ ﻳﻮﻡ
ﻭﻗﺎﻝ ﻟﻴﻬﻮ ﺳﻮﻗﻨﻲ ﻣﻌﺎﻙ .. ﺧﺪﺭ ﺣﻨﺴﻮ ..
ﻭﻗﺎﻝ ﻟﻴﻬﻮ ﺍﻧﺎ ﺑﻌﺪﻳﻦ ﺑﺠﻲ ﺑﺪﺭﻱ ﻭ ﺑﺴﻮﻗﻚ ﻣﻌﺎﻱ .. ﻭﺍﻣﺸﻲ ﺍﻓﺜﺤﻚ
ﺑﻌﺪ ﻃﻠﻊ ﻣﻦ ﺍﻟﺒﻴﺖ .. ﺧﺎﻟﺪﺓ ﻛﺎﻧﺖ ﻓﻲ ﻗﻠﻖ ﺷﺪﻳﺪ .. ﻭﻣﺸﺖ ﺷﺎﻟﺖ ﻗﻄﻌﺔ ﺍﻟﻜﺮﺗﻮﻧﺔ ﺍﻟﻜﺘﺒﺖ ﻓﻴﻬﺎ ﺍﻟﺮﻗﻢ ﺑﻲ ﻓﺤﻤﺔ .. ﻭﺑﻘﺖ ﺗﻌﺎﻳﻦ ﻟﻠﺮﻗﻢ ﻳﺎﺭﺑﻲ ﺍﻟﺮﻗﻢ ﺩﻩ ﺣﻖ ﻣﻨﻮ ؟ ﺩﻩ ﺍﺑﺪﺍ" ﻣﺎﺭﻗﻢ ﻫﻨﺪ ﺭﻗﻢ ﻫﻨﺪ ﻧﻬﺎﻳﺘﻮ 223
ﻭﺩﻩ ﻧﻬﺎﻳﺘﻮ ..307 ﻳﺎﺭﺑﻲ ﻫﺴﻲ ﺍﺗﺼﻞ ﻋﻠﻴﻬﺎ؟ ﻭﺍﻗﻮﻝ ﻟﻴﻬﺎ ﺷﻨﻮ؟ ﻭﻟﻮ ﺧﺪﺭ ﻋﺮﻑ؟ ﺣﻴﺰﻋﻞ ﻣﻨﻲ .. ﻭﺍﻧﺎ ﺍﻫﻮﻥ ﻟﻲ ﺍﻣﻮﺕ .. ﻭﻻ ﺧﺪﺭ ﻳﺰﻋﻞ ﻣﻨﻲ .. ﻳﺎﺭﺑﻲ ﺍﺳﻜﺖ ؟؟ ﻣﺎﺑﻘﺪﺭ ﻟﻜﻦ
ﻗﺎﻟﺖ ﺍﻧﺎ ﻻﺯﻡ ﺍﺗﺼﻞ ﻋﻠﻲ ﺍﻟﺮﻗﻢ ﺩﻩ .. ﻭﺍﺷﻮﻓﻬﺎ ﺩﻱ ﻣﻨﻮ؟ ﻟﻜﻦ ﻣﺎﻫﺴﻲ .. ﻳﺎﺧﺒﺮ ﺍﻟﻨﻬﺎﺭ ﺩﻩ ﺑﻔﻠﻮﺱ .. ﺑﻜﺮﺓ ﻳﺒﻘﻰ ﺑﺒﻼﺵ .. ﺑﺲ ﺍﻧﺎ ﻋﻨﺪﻱ ﻳﻘﻴﻦ ﺟﻮﻭﻭﻭﺓ ﻓﻲ ﻗﻠﺒﻲ .. ﺍﻧﻮ ﺧﺪﺭ ﻣﺴﺘﺤﻴﻞ ﻳﻜﻮﻥ ﺑﺨﻮﻧﻲ ﻣﺎﻣﻤﻜﻦ .. ﻭﺍﻟﻠﻪ ﻟﻮ ﻣﺎﺳﻤﻌﺖ ﺑﻲ ﺍﺿﺎﻧﻲ ﻭﺷﻔﺖ ﺑﻲ ﻋﻴﻨﻲ ﻣﺎﺑﺼﺪﻕ
ﺑﺎﺧﺘﺼﺎﺭ ﻳﺎﺟﻤﺎﻋﺔ .. ﻛﺎﻧﺖ ﺧﺎﻟﺪﺓ ﻋﺎﻳﺸﺔ ﻓﻲ ﺣﺎﻟﺔ ﻣﻦ ﺍﻻﺿﻄﺮﺍﺏ ﻭﺍﻟﺘﻔﻜﻴﺮ .. ﻗﺮﺏ ﻳﺠﻴﺐ ﻟﻴﻬﺎ ﺍﻧﻬﻴﺎﺭ ﻋﺼﺒﻲ .. ﻫﺴﻲ ﺍﻻﻥ ﺍﻟﺰﻭﺍﺝ ﺩﻩ .. ﻣﺮﺍ ﻋﻠﻴﻬﻮ ﻗﺮﻳﺐ ﺍﻟﺘﻼﺗﺔ ﺷﻬﻮﺭ .. ﻭﺍﻻﻣﻮﺭ ﻛﺎﻧﺖ ﻣﺎﺷﺔ ﻓﻲ ﺍﻓﻀﻞ ﺣﺎﻝ
ﺍﻫﺎﺍﺍ .. ﺗﻌﺎﻝ ﺷﻮﻑ ﺍﻟﺤﻞ ﺍﻟﻠﻴﻠﺔ ..
ﻓﻲ ﻧﻔﺲ ﺍﻟﻴﻮﻡ ﺩﻩ ﺟﺎﻫﺎ ﺍﺗﺼﺎﻝ ﻣﻦ ﻫﻨﺪﻭﻳﺔ
ﻗﺎﻟﺖ ﻟﻴﻬﺎ ﺍﺯﻳﻴﻚ ﻳﺎ ﺧﺎﻟﺪﺓ .. ﻭﺍﻟﻠﻪ ﺍﻧﺎ ﺯﻫﺠﺎﻧﺔ ﻭﻗﺮﻓﺎﻧﺔ .. ﻭﻣﻌﺘﺰ ﺣﻴﻄﻠﻊ ﺯﻱ ﺍﻟﺴﺎﻋﺔ 11 .. ﻣﻤﻜﻦ ﻳﺠﻴﺒﻨﻲ ﻟﻴﻚ .. ﺍﺯﻭﺭﻙ ﻓﻲ ﺑﻴﺘﻚ ﺍﺻﻼ"ﻣﺎﺷﻔﺘﻮ .. ﻭﺍﺗﻮﻧﺲ ﻣﻌﺎﻙ ﻟﻐﺎﻳﺔ ﺍﻟﻤﺴﺎﺀ .. ﺍﻧﺘﻲ ﺫﺍﺗﻚ ﺑﺘﻜﻮﻧﻲ ﻗﺎﻋﺪﺓ ﺑﺮﺍﻙ
ﻗﺎﻟﺖ ﻟﻴﻬﺎ ﺟﺪﺍ" ﺗﻌﺎﻟﻲ ﻃﻮﺍﻟﻲ .. ﺍﻧﺎ ﺫﺍﺗﻲ ﻧﻔﺴــــــﻲ ﺍﺗﻜﻠﻢ ﻣﻌﺎﻙ
ﻗﺎﻟﺖ ﻟﻴﻬﺎ ﻣﺎﻟﻮ ﺻﻮﺗﻚ ﺩﻩ ﻛﺪﺍ ﻳﺎﺧﺎﻟﺪﺓ؟؟ ﺧﺪﺭ ﻣﻘﻠﺒﻬﺎ ﻣﻌﺎﻙ ﻭﻻﺷﻨﻮ؟
ﻗﺎﻟﺖ ﻟﻴﻬﺎ ﺍﺑﺪﺍ" ﻭﺍﻟﻠﻪ .. ﻣﺎﻓﻲ ﺣﺎﺟﺔ ﺯﻱ ﻛﺪﺍ .. ﺍﻧﺘﻲ ﺗﻌﺎﻟﻲ ﻭﻧﺤﻜﻲ ﺍﻣﻜﻦ ﻟﻤﻦ ﺍﺷﻮﻓﻚ .. ﺍﻧﻌﻨﺶ ﺷﻮﻳﺔ
ﻫﻨﺪ ﻭﺻﻠﺖ ﺑﺮﻩ .. ﻭﺩﻗﺖ ﺍﻟﺒﺎﺏ .. ﻭﺟﺎﺕ ﺯﻫﺮﺓ ﻓﺘﺤﺖ ﻟﻴﻬﺎ .. ﻃﺒﻌﺎ" ﺑﺘﻌﺮﻓﻬﺎ ﺷﺪﻳﺪ ..
ﻗﺎﻟﺖ ﻟﻴﻬﺎ ﺯﻫﺮﺓ؟؟؟؟ ﺍﻧﺘﻲ ﻛﻴﻒ ؟؟ ﻭﻟﺴﺴﺴﻪ ﻣﻊ ﺧﺎﻟﺪﺓ؟
ﻗﺎﻟﺖ ﻟﻴﻬﺎ ( ﺍﻳﻮﻩ ﺍﻧﺎ ﻣﺎﻣﺎ ﻣﺎﺑﻤﺸﻲ ﻣﻨﻮ .. ﺍﻻ ﻫﻮ ﻳﻘﻮﻝ ﺍﻣﺸﻲ )
