ﻃﺒﻌﺎ" ﻣﺮﺕ ﺍﻻﻳﺎﻡ .. ﻭﻫﻨﺪ ﺩﺧﻠﺖ ﻓﻲ ﺍﺣﻼﻡ ﻭﺭﺩﻳﺔ .. ﻻ ﻟﻴﻬﺎ ﺍﻭﻝ ﻭﻻ ﻟﻴﻬﺎ آﺧﺮ .. ﻭﺧﺪﺭ ﻣﺸﻐﻮﻝ ﻓﻲ ﺗﺠﻬﻴﺰﺍﺕ ﺑﻴﺘﻮ .. ﻭﺷﻐﻠﻮ ﻣﺎﺷﻲ ﻛﻮﻳﺲ .. ﻭﺍﺑﺮﺍﻫﻴﻢ ﺩﺍﻙ ﺳﺎﻛﻲ ﺍﻟﻤﺸﻜﻠﺔ ﺑﺘﺎﻋﺔ ﺍﻻﺭﺽ ﻟﻜﻦ ﻭﻳﻦ؟ .. ﺍﻟﺘﻤﺴﺎﺡ ﻗﺎﻡ ﺑﻴﻬﺎ .. ﺑﺲ ﻟﻐﺎﻳﺔ ﺍﻻﻥ ﻣﺎ ﺍﺗﺒﻨﻲ ﻓﻴﻬﺎ ﻣﺒﻨﻲ .. ﻭﺍﻟﻤﺸﻜﻠﺔ ﺩﻱ ﻫﺴﻲ ﻟﻴﻬﺎ ﻗﺮﻳﺐ ﺷﻬﺮ ..
ﻓﻲ ﻳﻮﻡ ﻣﻦ ﺍﻻﻳﺎﻡ ﺣﺴﻴﺐ ﺍﺑﻮ ﺧﺪﺭ ﻧﺎﺩﻯ ﺧﺪﺭ ﻭﻗﻌﺪﻭ ﻭﻗﺎﻝ ﻟﻴﻬﻮ ﺍﻧﺎ ﺧﻄﺒﺖ ﻟﻴﻚ ﻳﺎﺧﻮﻱ ..
ﻗﺎﻝ ﻟﻴﻬﻮ ﺧﻄﺒﺖ ﻟﻲ؟ ﻛﻴﻒ ﻳﺎﺑﻮﻱ ﺍﻟﻜﻼﻡ ﺩﻩ ؟؟ ﺍﻧﺎ ﻗﻠﺖ ﻟﻴﻚ ﺩﺍﻳﺮ ﻟﻲ ﻋﺮﺱ ؟
ﻗﺎﻝ ﻟﻴﻬﻮ ﺍﻧﺖ ﻋﺎﻳﺰ ﺗﻘﻌﺪ ﻛﺪﺍ ﻟﻤﺘﻴﻦ؟ .. ﺍﻧﺎ ﺍﻟﺒﺎﺭﺡ ﻣﺸﻴﺖ ﻟﻮﺍﺣﺪ ﺻﺎﺣﺒﻲ ﻓﻲ ﺍﻟﺼﺤﺎﻓﺔ .. ﻭﺧﻮﺓ ﻗﺪﻳﻤﺔ .. ﻭﺷﻔﺖ ﺑﺘﻮ .. ﺑﺘﻘﺮﺍ ﻓﻲ ﺍﺧﺮ ﺳﻨﺔ ﻓﻲ ﺍﻟﺠﺎﻣﻌﺔ .. ﻭﺍﻟﻠﻪ ﻋﺠﺒﺘﻨﻲ .. ﻭﺍﻧﺖ ﺫﺍﺗﻚ ﻛﺎﻥ ﺷﻔﺘﻬﺎ ﺑﺘﻌﺠﺒﻚ .. ﻭﻗﻠﺖ ﻟﻲ ﺍﺑﻮﻫﺎ ﺩﺍﻳﺮ ﺑﺘﻚ ﺩﻱ ﻟﻲ ﻭﻟﺪﻱ ﺧﺪﺭ .. ﻭﻫﻮ ﻣﺸﻜﻮﺭ ﻗﺎﻝ ﻟﻲ ﻣﺒﺮﻭﻙ .. ﻣﻦ ﻗﺒﻞ ﻣﺎ ﺷﺎﻭﺭﻫﺎ ..
ﻗﺎﻝ ﻟﻴﻬﻮ ﻳﺎﺑﻮﻱ ﺩﻩ ﻛﻼﻡ ﺷﻨﻮ .. ؟ ﺍﻧﺖ ﺯﻭﻝ ﻣﺘﻌﻠﻢ .. ﺍﻧﺖ ﻣﻦ ﺯﻣﻦ ﺍﻟﻌﺮﺱ ﺍﻟﺒﺘﻤﻮﻫﻮ ﺍﻻﺑﻮﺍﺕ ؟ ﻭﺍﻟﻠﻪ ﺍﻟﺒﺖ ﺫﺍﺗﻬﺎ ﻣﺎﺗﻘﺒﻞ ﺧﻠﻴﻨﻲ ﺍﻧﺎ ..
ﺑﻌﻴﺪﻥ ﻳﺎ ﺍﺑﻮﻱ .. ﺍﻧﺖ ﺍﻟﺒﻨﺎﺕ ﺩﻳﻞ ﻣﺎﺑﺘﻌﺮﻓﻦ .. ﺍﺳﺎﻟﻨﻲ ﺍﻧﺎ ﻋﻨﺪﻱ ﺩﻛﺘﻮﺭﺍﺓ ﻓﻲ ﻋﻠﻢ ﺍﻻﻧﺎﺙ .. ﺧﻮﺗﻚ ﻣﻊ ﺻﺎﺣﺒﻚ ﻋﻠﻰ ﺍﻟﻌﻴﻦ ﻭﺍﻟﺮﺍﺱ ﻟﻜﻦ ﺣﻴﺎﺗﻲ ﺩﻱ ﺧﻠﻴﻬﺎ ﻟﻲ ﺑﺮﺍﻱ .. ﺍﻟﻠﻪ ﻳﺨﻠﻴﻚ ﻳﺎ ﺍﺑﻮﻱ .
ﻗﺎﻝ ﻟﻴﻬﻮ ﺍﺳﻤﻊ ﻳﺎﺧﻮﻱ .. ﻣﺎﺗﻘﻌﺪ ﺗﺒﺮﻃﻊ .. ﻫﺴﻊ ﻛﺎﻥ ﻣﺎﻙ ﺩﺍﻳﺮﻫﺎ ﻣﺎﻥ ﺟﺎﺑﺮﻙ .. ﺍﻧﺎ ﻋﻘﺪﻥ ﻟﻴﻚ ﻋﻠﻴﻬﺎ؟ ﻛﺎﻥ ﺩﺍﻳﺮ ﺗﻘﻌﺪ ﻛﺪﻱ ﻻﻣﻦ ﺿﻬﺮﻙ ﻳﻨﺤﻨﻲ ..
ﺍﻧﺎ ﻣﺎﻋﻨﺪﻱ ﻣﺎﻧﻊ .. ﺑﺲ ﻭﺍﻟﻠﻪ ﺍﻧﺎ ﻛﻨﺖ ﺑﺘﻤﻨﻰ ﺍﺷﻮﻑ ﻭﻟﻴﺪﺍﺗﻚ ﻗﺒﺎﻝ ﺍﻣﻮﺕ ..
ﻗﺎﻝ ﻟﻴﻬﻮ ﻳﺎﺑﻮﻱ ﺍﻥ ﺷﺎﺀ ﺍﻟﻠﻪ ﻋﻤﺮﻙ ﻃﻮﻳﻞ .. ﻭﺗﺸﻮﻑ ﺍﻭﻻﺩ ﺍﻭﻻﺩﻱ ..
ﺍﻧﺖ ﺑﺲ ﺭﻭﻕ ﻟﻲ ﺷﻮﻳﺔ .. ﻫﺴﻲ ﺍﻧﺎ ﺑﺲ ﻗﺪﺍﻣﻲ ﺗﺸﻄﻴﺒﺎﺕ ﺷﻮﻳﺔ ﻓﻲ ﺑﻴﺘﻲ .. ﻭﺑﻌﺪﻳﻦ ﺍﻟﻌﺮﺱ ﻫﻴﻦ ..
ﻋﻤﻚ ﺣﺴﻴﺐ ﺻﺮﺍ ﻭﺷﻮ ﻭﻗﺒﻞ ﻛﺪﺍ ...
ﺧﺪﺭ ﻓﻌﻼ ﺣﺴﻪ ﺍﻧﻮ ﺍﺑﻮﻫﻮ ﺯﻋﻞ ﻣﻦ ﺍﻟﺮﻓﺾ ﺍﻟﻤﺒﺪﺋﻲ .. ﻭﺍﺻﻼ ﻣﺎﻗﺎﻋﺪ ﻳﻐﻠﻂ ﻋﻠﻰ ﺍﺑﻮﻫﻮ .. ﻗﺎﻡ ﻗﺎﻝ ﻟﻴﻬﻮ ﻛﻮﻳﺲ ﻳﺎ ﺍﺑﻮﻱ .. ﺍﻧﺎ ﺑﻤﺸﻲ ﻟﻲ ﺻﺎﺣﺒﻚ ﻭﺍﺷﻮﻑ ﺑﺘﻮ .. ﻣﺎﻋﻨﺪﻱ ﻣﺎﻧﻊ .. ﺑﺲ ﻟﻮ ﺣﺴﻴﺖ ﺍﻧﻬﺎ ﻣﺎ ﺑﺘﻨﻔﻊ ﻣﻌﺎﻱ .. ﺍﻟﺤﻞ ﺷﻨﻮﻭ؟؟ .. ﺑﺮﺿﻮ ﺍﻗﺒﻞ ؟؟ ﻭﻻ ﻛﻴﻒ ؟
ﻗﺎﻝ ﻟﻴﻬﻮ ﻻﻻ .. ﺍﻣﺸﻲ ﺷﻮﻓﻬﺎ .. ﻟﻮ ﻣﺎﻧﻔﻌﺖ ﻣﻌﺎﻙ .. ﺗﻌﺎﻝ ﻛﻠﻤﻨﻲ ﺍﻧﺎ ﺑﺮﺍﻱ ﺑﻤﺸﻲ ﺑﻨﻂ ﻣﻦ ﻛﻠﻤﺘﻲ ..
