Koleksyon Ng Mga Tula Na Katha Ni Jomito Casuga

Alampay

Alampay

Sa bawat sandali kailangan kita.
Sa bawat minuto hinahanap k.

Ikaw yung tipong kasa-kasama saan man sa sulok ng mundo.

Mula hilaga hanggang kanluran hindi ka nagpapaiwan.

Sa lahat ng kaganapan, pangangailangan ika'y nar'yan.

Ikaw yung tipong hindi nang-iiwan, pero ikaw ang iniiwan.

Sa bawat pagdampi ng aking mga luha,
Ikaw ang akin kanlungan.
Sa bawat pagharap ng hamon ng buhay,
Ikaw ang aking sandigan.
Sa bawat panahon ng pag-kamit ng tropeyo ng tagumpay,
Ikaw ang aking karamay.

Sa bawat paglipas ng panahon na nanatili kang tapat sa iyong tungkulin, tungkulin na iyong ginampanan, panimula hanggang wakas.

Ako'y nagagalak at hindi mo ako iniwan,
Patawarin mo ako kung ika'y aking iniwan.

Maraming salamat,
aking Alampay.

Katha ni:
Jomito Casuga