#ضحايا٢
#زينب_الموسوي#
انتشرت الاخبار بالفضائيات عن هروب الموظف المسوول عبدالله واعتقال ابنه ضياء عند محاولته الهروب
تقصينا اخبار جمال وعرفنا مكانه مسلمينه جماعه للشرطه عاى اساس كان يحاول ينهزم
استعد جمال وماما يروحون يشوفون ضياء وشافوه رجعوا مذهولين من كثر الادله الي جامعيها ضده
جمال كل الادله ضده جابريه على تسجيلات بالتلفون على اساس يخطط للجريمه مع والدي
ام مصطفى لازم عمي يرجع ويبين للمحكمه الادله كذب
جمال بصمات والدي وضياء على مكان الكنز والدي نكدر نكول يشتغل هناك بصمات ضياء شجابها حتى المحامي ممقتنع بالبراءه والكنز اختفى
ماما خلي محامي ثاني واحجيله القصه
جمال راح اخلي محامي واثنين الي ديصير محد يصدگه هذا شغل عصابات منظمه
وخلينا محامي واثنين والكل يجد صعوبه نثبت براءته والدي ميگدر يرجع لان يقتلوه ويقتلون ضياء ظلينا بدوامه اتصلنا بناس برائاسة الوزراء حتى ماردوا علينا
بقى ضياء بالسجن ونحكم ٥سنوات ونقلوه لسجن البصره
بدت الدراسه وداخلي كسر هملت الدراسه اروح وارجع مااعرف شنو الواجبات والامتحانات ماما صارت انسانه عصبيه متشائمه مرات حتى اسمعها تكفر استغفر الله الزيارات للسجن صعبه حتى جمال صار يبتعد بسبب الخجل من الناس الي تساله عن الاتهامات لبابا وضياء وظل يتحجج مااگدر اروح للمقابله جهالي ومرتي اني مريض ام مصطفى مريضه
وكل هذا ارحم من الي صار من دگ التلفون على ماما ساعه سبعه الصبح
السلام عليكم حجيه انتي ام ضياء
ئي يمه تفضل
حجيه شدي حيلج ضياء مات البارحه باليل تعالوا استلموا الجثه
ذبت ماما الجهاز وتسمرت بمكانها نزلت للكاع وصرخت ضياء
صار سنين على هذا الحادث لكن المه بعده جوايه واحسه فقد الاخ قدر صعب نتقبله رغم ايماني ان الحياة ماتدوم يبقى الشعور بالضياع من تسمعين موت اخوج
تسمعين موت الحنيه بحياتج تتمنين ان الموت والحياة تكون بيدج للحظه وتفدينه من الموت بروحچ
ضياء ياخويه موتك سلبني الحياه
استلمنا جثة ضياء التقرير الطبي يبين سبب الوفاة نقص بالاوكسجين بعد فاتحته صار القرار نترك العراق اني وماما لسببين الاول والدتي بعد متتحمل الوضع هنا ظلت تحس الناس كلها مجرمين ومن تفقد مرات تطلع للشارع بدون وعي فقدت الادراك
والسبب الثاني اني محد الي جمال عبالك كرهنا وماما متدري بلي حواليها يصير اخواتي دلال وجنائن حسن بالفضيحه گدام ازواجهن وخاصة هنا شخصيات معروفه هناك بطلن يتصلن وميجاوبن الاتصال
شدينا الرحال وتركنا بلدنا العشنا بيه
احنا ترحلنا والفساد يحكموه
نفيت واستوطن الاغراب في وطني
مافي ابلغ من هذي الجمله تعبر عن حالي واني بالسياره اخذت صور لكلشي حتى للرصيف للعمال للمگاديه للبسطيات لبائعات الگيمر
استودعك الله ياوطني انشاالله ارجعلك وانت باحسن حال
وصلنا لسوريا باليل كان والدي يمشي شبه الشبح كلشي بيه ميت حزن وندم كان لقائه بينا اعلان عن امنيته بالموت
صعب على الرجل ان لايجد حيله في انقاذ عائلته وحمايتهم
رحنا على عماره بيها يسكنون عرب وعراقيين كان هذا شهر العاشر سنة ٢٠١٠ والجو بارد مرت ليلتنا الاولى بدون كلام وحتى اكل مااكلنا نمنا وبداخل كل واحد منا ترس گلبه حجي واسئله
الشقه كانت فارغه بس افراشات وطباخ وثلاجه
الحزن صعب توصفه نتركه للايام
بدا والدي يبحث عن شغل البيت بغداد اجرناه وعشنا على ذهب ماما
والدي لكه شغل بمحل كي ملابس بعد يومين ترك الشغل لان ماعنده خلگ للناس ومعاملتهم واصبح شبه معتكف مرات ينزل للمقهى تحت العماره ويجيب كم حاجه للبيت وجريده واني اطبخ تمر ايام مافي كلام بينا غير اصب اكل تاكلون اتمنى صوت يمي اتصل باخواتي
مشغولين بيت وعمل وزوج لاتتصلين احنا نفرغ ونتصل ومره من المرات جاوبتني
دلال شرايد ها تعرفين مشغوله انتي غبيه
شدعوه عليچ اريد احجي وياج
تعرفين مشغوله بعد لاتخابرين
من قهري حضرت رقمها
وفي بنيه عراقيه تسكن بعمارتنا تعرفت عليها سحر ومرت ايام نسولف على الدرج
شلونج عوبه انتي العوبه وين جنتي البارحه باليل
لگيت شغل بمحل حلويات ومحتاجين عاملات احجي ويه اهلج تشتغلين ويايه
ياريت اشتغل مليت من الحبسه
والله تعالي ويايه على الاقل نسولف نضحك وشي ثاني في ناس تنطي اكراميه
اليوم احجي ويه اهلي وارد الجواب
والله خبصتيني اهلج هو امج فاصله عن الدنيا وابوج يمشي وميدري بروحه
الله يساعدهم الي صار موقليل
بس الله انطانه نعمه النسيان وهمه مسوولين عنج ميصير حتى حجي ميحجون وياج
لج والله راح اموت ايام تمر ومحد حاجي ويه الثاني لو ما التلفزيون تخبلت من زمان
فعلا كان هذا الوضع بيتنا عايشين كل واحد على حده
فاتحت بابا بالشغل
بابا اريد اشتغل بمحل حلويات ويه سحر جارتنا بالشقه المقابيل
اخاف عليج بابا اذا محتاجه فلوس گولي ارجع اشتغل علمودج لو ماانتي نهيت حياتي من زمان بس اعرف مالج غيري
الله يخليك بابا لاتكول هذا الحجي اني اريد اشتغل حتى اطلع امشي الگه ناس اسولف وياهم وسوريا امان والمحل قريب فدوه بابا
على راحتج بابا بس ديري بالج على نفسج اني وامج مابينا حيل مصيبه ثانيه صيري انتي اب وام لنفسج وخافي عليها
انشاالله بابا
ثاني يوم رحت مع سحر الشغل يبدي من العشره الصبح اللاربعه يبدي شفت ثاني وبنات ثانيه تعرفت على بنات اثنين سوريات شغلتهم يقدمون الحلويات للزباىن الي يگعدون بالمحل وياكلون اسمهم غاده وحلا
تعارفنا وصرنا صديقات غاده كانت مدمنه على الابراج
يله يابنات مين بدوا اقرالوا الابراج
هم راح تثبرينا بالابراج
يله يا عشتار انتي اول وحده
لا الله يخليچ اعرف راح يگلي خلاف مع الحبيب وعكه صحيه
لك شوفي يگول اهتمي بزوجك واطفالك اخاف انتي متزوجه ومتگولين
يمكن وعندي اطفال هههه
كنا نطلع يوميه نمشي انا وصديقاتي الطريق منحس بيه من كثر الونسه والضحك سوريا البلد الوحيد الي متحس بيه انت غريب كلشي بيه يگلك هلا متگدر تعيش بيه بدون ماتسقط بحبه ويعوضك عن بلدك
وفد يوم دخلت الشارع الي بيه شقتنا وگفت سياره كبيره سوده
يابنت يالاخت كانت اللهجه خليجيه
ويايه دتحجي
نعم معك لو سمحتي فين بيت ابو سلمان
مااعرف والله اني مو من الشام اسال هذا الدكان يمكن يعرف
انتي عراگيه
عراقيه عن اذنك
مشيت للشقه كان شاب اسمر ملامح خليجيه بملابس غربيه وتسريحة شعر غريبه
الرجوع للشقه يوميه كان اشبه بالعوده للقبر مافي صوت نقاش من كثر الصمت مرات اظل اضرب بالابواب والمواعين اسوي صوت يمكن يحجون وياي
بابا يوميه يشوفني من ارجع ويگلي
ها عش رجعتي اقفلي الباب زين ويدخل لغرفته بيده جريده اما ماما فتفوت من يمي مرات تطخ بيه ومتحجي ويايه بيت اشباح مابيه اي دليل للحياة كنت اتصل بجمال اخويه واسولفله اگوله ضايجه يجاوبني واني فاتح مدينه العاب على الاقل عدكم كهرباء
الي محيرني عائلتي ليش تفككت بهذي السهوله وين التكاتف والاهتمام
اتمنى ارجع يم جمال بس اعرف ميقبل وبنفس الوفت
مااگدر اعوف ماما وبابا منو الهم
اليوم الثاني دگيت باب شقه سحر
يله لج عوبه راح نتاخر ورانا مشي ودياحه وتقليد على العالم
يله امشي
نزلنا كانت نفس السياره واگفه ونفس الشاب
اكولج سحر هذا الولد سالني البارحه على عنوان واليوم بعده واگف
يجوز بعده متيهه من البارحه لليوم
ههههه خلي يروح للجامع يدلوه
اگولج اجى احسان رايحه وياه باي
لج وين رايحه وعايفتني اشو طلعاتج صارت يوميه ويه احسان افندي
معليج انتي كلها كم شهر ويخطبني
اذا خطبج عاتبيني لو يحبج مافتر وياج بالشوارع والحارات
بعده ديكون نفسه
اقنعي روحج بهذا الحجي
أحسان ولد عراقي يشتغل بافران وسحر عدها علاقه وياه صار ست اشهر
من كانت تصادفني هيج حالات اتذكر ضياء الله يرحمه وصاني مااصدگ بولد
فتت من يم السياره حجى الولد
صباح الخير يالعراگيه
دنگت ومشيت سرع خطواته ورايه
ردي السلام هذا واجب
وگفت اخويه لو سمحت تگول شرايد ومن الاخير كلش
مابي شي اريد اسولف معاج ناخذ ونعطي مع بعض
اعرفك تعرفني لاتطولها وخطوه ثانيه تمشي وراي الشبيحه موجودين عيب عليك
مشيت ورجع لسيارته لكن كان يتبعني بدون مايخلي احد يحس
عرف دخلت المحل دخل وگعد على طاوله راحت غاده تشوف طلبه ظلت تسولف وياه وطلع فلوس انطاها ورقه
جتي عليه تركض
هايدي الورقه الك من ناصر. من (البلد لن يذكر في القصه) وطالب القرب
اخذي الورقه رجعيها وگليله اني طالبه البعد مابقى عليه الا وسخ رجليه
لك مبيصير هيك شوفي الشاب شو بدوا
اعرف شو بدوا ذولي يتصورون العراقيات رخيصات ولا هو ولاعشيرته تگدر عليه
عنيده وراح تندمي
رجعي الورقه هسه
رجعت الورقه وضل گاعد ويطلب طلبات وبعدها اتصل باصدقائه انضموا اله وسووها حفله بالمحل
مافرحته بنظره وحده كانما مالهم وجود لحد أيس وراح
رجعت للبيت بالطريق
سحر متروحين وتعوفيني الله يخليج هذا السخيف بعده واگف
مااعوفج بس خلي احسان يمشي ويانا
مشينا تلاثتنا مگدر يحجي حجايه
وصلت الشقه بديت احضر الاكل لماما وبابا وبالي مشغول هذا شرايد مني
يعني شرايد يفصلي دشداشه على طولي عنده فلوس وجاي يتسلى وراح يبقى يلح لحد ماانضم لقائمة حبيباته
على الاكل حاولت اسولف مع بابا وماما
شنو الاخبار بابا
ماكو اخبار وعزرائيل تاخر عليه
سكتت مارديت (صح بابا حزين ويحس بالذنب او التقصير واني هم حزينه لازم يفكرون بيه)
ثاني يوم بالمحل نفس الولد ونفس الگعده سال البنات عن اسمي وعرفه
اليوم الثالث والرابع كل يوم خلقته گبالي
اليوم الخامس كان خميس البنات رغد وحلا طلعوا للسينما واني عمري مرايحه سينما اتصلت بابا خبرته رايحه للسينما ويه البنات
مقبل كلي هسه ترجعين
حاضر بابا جايه
يابنات روحوا انتم بابا ميقبل
راحوا وسحر راحت مع احسان
انتبهت ناصر موجود وديسمع
تبغين تروحين سينما انه يبه اخذچ
رجعت للمحل وسويت نفسي نسيت شي وادور عليه بعدين طلعت كان موجود
وتالي وياك انت متفتهم يااخي مااريد اعرفك ولااحجي وياك
طيب فهميني ليش تحبين شخص ثاني
ئي احب واحد ثاني ولي عاد
والله انچ كذابه وبظل وراج لحد اصيدچ
واليوم الي بعده نفس التجمع بالمحل هو واصدقاىه
كان صاحب المحل يلاحظ وجوده ونظراته الي اسمه مروان وسالني
تعرفين هذا الشاب
لاوالله مااعرفه
مهتم بيك وحكى معي ابدوا فرصه يحكي معك اسمعيه
لا مااگدر اسمعه لاهو ولاغيره واذا وجوده ماثر على المحل اترك العمل وادور غيره
ياتحكي معه ياتركي الشغل مابيصير طول الوقت نظرات وحسرات واصحابه معه
اسفه واعتذر مع السلامه
تعالي اعطيك حسابك
رحت انطاني حسابي وطلعت من الباب الخلفي حتى ميشوفني ناصر ويلحگني
بس غاده خبرته طردوني بسببه
شفته بالطريق يركض
عشتار عشتار بس اعطيني ثواني ماابي بس ثواني
شتريد لخاطر الله شنو هالحظ هذي الشام مليانه بنات شچلبت ماراح اصادقك لو تموت زين أيس واتركني بحالي
اسف والله اسف مكان قصدي يطردوك من المحل الحين احكي مع صاحب المحل وترجعين وبعد مااجي صوبج ابد
لاتحجي وياه بس روح وخلصني
خلص اعتذر متشوفيني مره ثانيه
باليل دگت الباب سحر
هلو سحر تفضلي
تعالي احجي وياج على الدرج
خير شكو
ناصر حجى ويه مروان وفهمه انتي مالج علاقه بيه وتوسل بيه يرجعج للشغل ومروان بلغني اخبرج ترجعين باجر
الحمد لله كنت خايفه بابا يسالني ليش بطلتي بس هذا ناصر ليش هيج سوا
ماادري بس شكله متندم وبعد ميسويها
