#ضحايا١٠
#زينب_الموسوي#
مرت الايام سريع شغل ويه البنات وطلعات سوالف ام احمد حلوه كنت احسها امنا مرات حتى ملابسنا تحاسبنا عليها وتنبهنا ونسمع كلامها
انس بدا يلح على شغلة اللجوء وكل يوم يگلي قدمي لجوء لالمانيا
ليش تريدني اقدم لجوء وشمعنى المانيا
اني قدمت لالمانيا وفي امل يقبلوني واريدج وياي ادير بالي عليج وتديرين بالج عليه
انشاالله تسافر وتتعالج وبعد متحتاج احد اصلا انت كلشي مابيك بس هذي دروب العراقيين حتى يحصلون لجوء
امام اصراره رحت على السفاره لالمانيا كان سرى طويل ياخذون الفايل وينطوك موعد
بالطريق تصادف مع شباب عراقيين يعرفهم وگفت بعيد وهمه يسولفون وراها اجى عليه
سمعتي الخبر امريكا تستقبل لاجئين بحالات معينه تعالي نروح نقدم اثنينا
انوب امريكا والله نبقى بتركيا احسن وبس يستقر العراق نرجع
دتعالي نجرب منو گال يقبلونه رحنا على القنصليه الامريكيه السرى ساد الشارع وكتبنا اسمائنا الوحيده الي صاحوا اسمها اني دخلت قابلت وحجيت كلشي انطوني موعد بعد فتره وطلعت
ها عشتار بشري
مااعرف خفت وليش اخذوا عنواني
غير يعرفون وين ساكنه
وانت شسوويت
انطيتهم التقارير الطبيه والله كريم بس ليش انتي قابلوچ
مااعرف والله
هسه يطلع اوباما حاط عينه عليچ
والله حظي يسويها من واحد داعشي لاوباما
ليش اوباما معاجبج
يمعود لا اوباما ولا غيره خليني مرتاحه
هسه وين نروح بعد متريد تقدم على الدنمارك السويد فد مره
لا خلينا نروح نفتر واعزمج على غدى مال فگور وما نرجع الا باليل تعالي من زمان مشايفج
اتصل بام احمد حتى ميظل بالها عليه
بهذا اليوم مع انس حجالي كل حياته وعرفت عمره ٣٢ سنه متزوج بدون اطفال زوجته عافته بعد الحادث واهله بايعين بيتهم حتى يعالجوه ولاحظت شي عليه يضوج من طاري ناصر
كله صوج اهلج يزوجوج لواحد مدلل طايش وتدرين مكان يحبج بس مامتعود وحده تگله لا
هسه انت ليش مقهور منه وكل شويه جايب طاريه
صدوگ مقهور منه ماخذ وحده تسوى راسه ويبهذلها الحقير الكلب
وبعد حقير وكلب وشنو اكو اضافه
لاخلص يله انسيه وانزعي الاسود
لابسه الاسود على غربه مو عليه ناصر هو اختار طريقه ومقتنع بيه بس غربه راحت ضحيه
كافي ماسي تعالي اوديج لمكان يصورون بيه افلام ومسلسلات تابعين التركي
هسه ظليت اتابعه ويه البنات
بقينا اليوم كله نفتر مااعرف ليش كنت وياه وماكنت اريد جواب لاسئله هواي داخل نفسي
الشي الاكيد ان الوقت مع انس يختلف عن بقيه الاوقات بيومي
ومن رجعت سالتني ام احمد وحجيتلها كلشي علقت
خطيه هذا خايف يحجي وتصديه لان معاق
مااحس وياه هو معاق رجله ميوگف عليها عدل ويعرج بس ماماثر عليه وعلى شخصيته
وانتي تميلين اله
شوفي ام احمد اني ماافكر بزواج ابد اخذت نصيبي وكفايتي من الزواج لعشر سنين ليگدام انس مرتاحتله وكف وياي يسال عليه
افرضي فاتحج بزواج اذا رفضيته راح يتصور لان معاق
مااعتقد يسويها لان مريض ميعرف مصيره وعلاجه شنو لذلك اني فتحت گلبي وياه اعرف مراح يفكر زواج وضيم من جديد
شوفي عشتار الرياجيل تختلف انتي اخذتي واحد مريض بالشك وكان يتصور البنات كلها فاسده وتصور داعش هو الحل
ادري ام احمد بس اني مااتعلقت بناصر ابد والله تزوجته وبقيت وياه وماحبيته انس دخل گلبي بدون مقدمات حسيته قريب مني
لج همه الرياجيل العراقين يختلفون عن البقيه ياخذوج عالم ثاني الي متتزوج عراقي يعني ممتزوجه
خوش فتوه ام احمد ليسمعوج العراقيين يصعد سوگهم
باليل كنت بفراشي شفت رسائل من انس فتحتها
تضوجين من احجي على ناصر
انس شبيك الساعه وحده باليل وانت تفكر بناصر راح لدار حقه هو وربه
جاوبيني بعدج تحبيه تضوجين من احجي عليه
مااجاوب واخليك مقهور وسهران احسن
اتصل مجاوبت كتبتله
البنات نايمين يمي مااكدر احجي
مااتصل دزيت رساله
ها نمت تريد اجاوبك لو لا
جاوبي بداعة غربه
اليوم قبل لاانام كنت بطاريك اني وام احمد اسالها شنو گتلها عن ناصر وعنك
ام احمد هسه گاعده لو نايمه
بسابع نومه اتصل بيها الصبح
اسالك اني سوال وتجاوبني
اسالي
ليش تريد تعرف ظليت انتظر مجاوب
تصبح على خير انس عرفت الجواب
انس واني هم عرفت الجواب على سوالي تصبحين على خير
ثاني يوم كانت جمعه ماعندي دوام دخلت ام احمد عليه
گعدي عشتار انس اتصل بيه السبعه الصبح يحقق وياي
هههههه شنو گال وانتي شنو رديتي عليه
مو كتلج ماخذ جرعه زايده ودايخ بيج
احجي ام احمد لاتشلعين گلبي
سالني تحب ناصر وشنو گالت عني كتله كنت احجي وياها اليوم
گالت ناصر تزوجته وماتعلقت بيه وانت گالت عنك خوش ولد واحسه قريب مني
وشنو گال عليه
كومي سويلي ريوگ وعصير لمريم وساره يله احجيلج
اسوي والله وحتى اطبخ الغدا بس احجي
گال دخلت گلبي اول مشفت وجهه على الحدود ونزعت النقاب كانت مهمومه وتعبانه مع ذلك حسيتها نقيه محافظه على شيمتها وكرامتها وشرفها صوتها كان مذبوح وهي تذب الرداء كدام الجندي من ذيج اللحظه تمنيت تكون الي واحميها
