#ضحايا٩
#زينب_الموسوي#
صار الصبح شفنا الجنود الاتراك وتوسلنا بيهم ندخل مقبلوا لان عدهم امر بعد ميستقبلون لاجئين العدد كبير عدهم حيره صابتناا وين نروح الاطفال صارت تصرخ برد وجوع وخوف انطونا اكل ومي وانطوني حليب بدت غربه تتقيء لان كل شويه حليب يختلف واني من طلعت مااخذت حليب لان خفت يشكوون بيه بالمضافه
سعد وماجد كل شويه يحجون ويه الحرس على انس حتى يدخلوه لان مريض يرفضون
انس روحي احجي ويه الجنود خلي يدخلوج بنتج مريضه
انت هم مريض
تعال وياي الله يخليك اخاف لوحدي
انس اروح وياج انطيني غربه وادفعيني
كان عدهم مترجمين سوريين حجينا وياهم بنتي واخويه مرضى
رفضوا انطيتهم بنتي شافوها وانطوني حليب نوع ثاني بقينا رايحين جايين كمت ابچي على بنتي اخذوها نسوان شاميات عندهم من شافوني انهاريت بطلت اباوعلها اخاف تموت گدامي
انس كل شويه يروح للحرس حتى عرض عليهم فلوس اجتي الليله الثانيه بنتي ساءت حالتها ظلت مترضع وازركت
والبرد مااعرف وين اوديها ونفسها گوه واليله الثالثه اسوء برد وجوع وبنتي حتى بطلت تبچي كل شويه احركها اشوفها تتنفس لو لا قطعت الحليب وبقيت اقطرها ماي باصابعي حسيتها راح تروح من ايدي
الحگولي بنتي راح تموت والله عفيه احجوا وياهم
اخذوني انس وسعد وماجد انس ندار عليه گلي نزلي النقاب على وجهچ ذولي الجنود وصخين
وبدوا يصرخون بتها راح تموت هاي طفله مراح تاثر اخذو البنيه عالجوها تقدم واحد من الجيش
ومترجم تعالي تقدمي اشرلي معنى افتحي الرداء وشيلي النقاب تفتيش
الشباب العراقين اقتربوا مني وصاروا داير. مدايري مثل الحمايه شلت النقاب ودموعي تتزاحم على حالي مو قصه نقاب اصلا اني كنت مو منقبه لكن الاذلال صعب لانسان محتاج المساعده بعدها الجندي تمادى گلي تفتيش انفرادي يمكن مخبيه شي
سمعوا الترجمه العراقيين
گبوا بوجهه شضامه قابل متتفتش
خلص متدخل تبقى
حجيت ويه المترجم خلي يجيب مرى من المخيم تفتشني الله يخليك وين صايره اتفتش من رجال (اتذكرت الذهب الي عندي اذا اتفتش راح ياخذوه) رجعت كم خطوه وانداريت حجيت مع انس
راح اخلي كم قطعة ذهب بالعربه عندك ممكن
عادي خلي
خبيتهم بالعربه
رجعت على المترجم الله يخليك بنتي راح تموت احجي ويه هذا الجندي
حجى وياه
مقبل ورفض
خليه يفتشني بس مو انفرادي هنا هو يريد يتفرج خلي يتفرج بقى شرف بقت عفة كلها مستباحه خليه يتفرج مدام الدنيا ذلتنا وگفتنا على حدود ناس بلا رحمه فتش كنت احجي واصرخ ونزعت نقابي ذبيته بالگاع والرداء الاسود العراقيين ظلوا يبجون وويرجعون الرداء عليه
ياناس بنتي راح تموت ارحموها
بدت اللاجئين يفتحون موبايلاتهم حتى يصورون انتبه الجندي وصاح عليهم ممنوع التصوير
سمحلي ادخل ويه بنتي خفت ادخل لوحدي لان الجندي كان مبين عنده نية سوء وبنفس الوقت الجندي خاف من التصوير گتله اخويه يدخل ويايه
انس
يمعوده ادخلي بنتج راح تموت
تعال ويايه اخاف لوحدي
حجى وياهم گلهم اني اخوها ومريض ومااگدر اتركها لوحدها
باوع علينا گال ادخلوا
دخلنا للمخيم هو كله خيم لكن احنا مكان محضرين خيمه دخلونا بغرفه للطبابه لحد الصبح حتى يشوفون بنتي
مرت ساعات اليل صعبه غربه النفس كوه تجره وبطلت بچي وعيونها انگلبت
غمضت عيوني مااريد اشوفها تموت نمت واني ادعي ياربي لاتلچم گلبي بنتي الساعه خمسه الفجر فزيت بنتي يابسه بحضني لاتتحرك ولاتتنفس واديها ثلج صرخت صرخه وصلت لسابع ارض انهد حيلي المصايب ملازمتني ملخت ملابسي وشعري جرحت وجهي باديه وبچيت لحددموعي تنزل على الحجاب وتبلله انس كان يمي حاول يلزمني يمنعني مااگدر التمت الممرضات وطبيب فحصوها
عرفوا ميته بتوقف عضلة القلب سالوني تعرفين بنتك كان قلبها ضعيف
اعرف هي انولدت عند داعش شافها دكتور مره وحده ورضاعتها كانت صعبه
البقاء في حياتك اخذوها مني
وين ماخذيها لا تدفنوها اخذها للعراق هناك ادفنها
انس كافي عشتار ياعراق صيري عاقله وروحي وياهم ادفني بنتج
مااگدر اشوفها يخلوها جوا التراب خطيه الگاع بارده عليها وكلها دود وحشرات
وحدي الله عشتار وكومي واني وياج
اخذوني على مقبره ودفنوها ودفنوني وياها شنو الي اخذتها من هذي الحياة حزن ميخلص ومصايب تجي ومتقبل تروح مگدرت اترك گبرها امشي واتلفت ردت اصعد السياره ذابت روحي وگعت
صحيت بالمخيم بغرفه الطبابه وانس يمي وين غربه هسه جانت يمي سمعت صوتها تبجي
انتي عندج حمى وهذيان كنتي تصرخين وانتي نايمه عشتار كافي مراح ترجع وحالها احسن منج
كام انس من الكرسي وگلي راح اجيبلج اكل وتاكلين
لاتجيب مااريد شي
مو بكيفج اني اخوج واكبر منج لازم تسمعين كلامي ترى مااكل واموت وتروحين هالمره تدفنيني يله رايح خمس دقايق وارجع
دخلت الممرضه قاست ضعطي الضغط مرتفع اشرتلي وافتهمت بعدين جتي بنيه سوريا حجت
انتي عندج ضغط مرتفع على طول
ماادري ليش
صار مرتين يقيسوه مرتفع راح ينطوج حبوب تاخذيها ليصير عندج جلطه
ياريت واخلص
رجع انس وياه اكل كانت ريحته طيبه بس مااگدر اكل
وبقى يتوسل اكلي عليج الله يمعوده انتي زغيره على هذا الهم كافي
اكلت ومن خلصت بقى يسولف وياي ويصبرني اخر شي
سالته ليش تستخدم العربه اذا تگدر تمشي
العمليه برجلي اليمنى صار اسبوعين من سويتها مو زين ادوس هواي عليها
ورجلك الثاني هم تحتاج عمليه
بلي انشاالله بس ادخل تركيا اسويها
انطاني الذهب خليته بالجنطه
عندي كانت صوره بالموبايل لغربه طلعتها وضميتها لصدري
انس ناويه تموتين اليوم كافي
والله اتمنى اموت وارتاح من هاي الدنيا
صار ساعه احجي وانكت وانتي حتى ماابتسمتي اشو الا تبتسمين
على شنو ابتسم على حظي الاسود لو ادري بنتي تموت باقيه عند داعش
كافي ابتسمي شوفي
باوعت مسوي عيونه حول
شدتسوي انت مخبل
لعد شسويلج عشتار كل واحد يموت بيومه وهذي طفله رضيعه رجعت لربها مو احسن متعيش بمخيم ولاجئين وحتى مصير منعرفه شنو
