#ضحايا٥
#زينب_الموسوي#
الوضع بالشوارع يخوف ماادري ياعشتار اخاف اتكلم خليجي الناس تذبحني
حاول تبقى بالشقه وهسه هذي المظاهرات تخلص ويصير حل سوريا حكومتها قويه
انطاني علبه فتحتها خاتم
هديتج يابعد عمري واسف
حبيبي ناصر اني مااريد هدايا اريد ثقتك بيه والله هذي عندي اغلى من كنوز الدنيا
انشاالله بثق فيج الكليه ماني رايحها بكرا بانتظر واشوف
على راحتك گوم نتعشى مسويتلك احلى عشى
مرت اسبوعين ناصر يشك بيه على اقل شي اذا تاخرت بالحمام يفتح تحقيق ويوميه من يطلع احلفي على المصحف متسووين شي غلط من وراي
تعرفون الي كان يعيشه ناصر عقاب رب العالمين بيه كثر ما لاعب على بنات الناس الله سلبه الراحه مع زوجه شريفه
يغلط بحقي ويرجع يعتذر ويوعدني واصبر فهمت اهلي ناصر ميحب موبايل عند زوجته انتم اتصلوا عليه على رقمه حتى اسال عليكم مرات ياخذني لاهلي ونرجع بس مو من حقي اباوع حتى الشارع اذا غلطت وباوعت يفتح تحقيق وياي
حجيت لماما گالت اتحملي تريدين تطلگين منو الج
ساءت الاوضاع بسوريا حتى الاكل صار قليل بارده في ناس تركت بيوتها وقسم فقدت عملها
ماما وبابا ايجار البيت الي بالعراق صار ميكفيهم بسبب الغلاء ظل ناصر يساعدهم ماديا هذا الشي ضايقني وكان سبب يخليني ابقى وياه اهلي محتاجيه وهو كان يستخدم هذا الشي لاجباري اتحمل شكوكه
ظل يطلع من الصبح ويرجع باليل ومن اساله يجاوبني مصالح بخلصها
ناصر اني خايفه عليك الجيش نزل الشوارع القصف والضرب صار يوصل للبيوت وانت جوازك خليجي
بفكر اترك المدينه بروح لمدينه ثانيه تروحي معي
واهلي اعوفهم منو الهم ياناصر خلي نطلع كلنا للاردن امان
لو طلعنا للاردن ونخلي اهلك في الاردن تسافري معي لبلدي
اسافر وياك بس اطمئن على اهلي الله يخليك
خلص يومين وادبر السفر
بعدها خبرني
صعب اروح على الاردن نروح على.مدينه قريبه
وبعدين نطلع على اي بلد عربي
اسال اهلي وارد الجواب
اي اهلج عشتار انا حياتي في خطر اهلج عراگين ماعليهم شي فكري فيني اني
انت وعدتني اهلي ماتتخلى عنهم والدي عليه حكم قضائي ميگدر يرجع للعراق فدوه لعينك ناخذهم ويانا ابوس ايدك لاتتركهم
خلص بكلمهم الحين ونتفق
الله يخليك ويحميك
والدي كان تعبان من الوضع فهمه ناصر السوريه يمكن تصير مثل ليبيا ويصير الهروب منها صعب خلي نطلع الحين احسن
واتفقنا نطلع كلنا كان الهروب لمنطقه اسمها ريف دمشق وهذي اكثر منطقه مضطربه وثايره ضد الحكومه استغربنا المفروض نطلع على مناطق امنه بسوريا ساله بابا
ابني ناصر هذي المنطقه مسيطره عليها المعارضه شنسوي هناك
عمي هناك يساعدون الجوازتهم خليجيه ونطلع لتركيا او الاردن
ابني انت لو رايح للمطار وگايل الهم اريد ارجع لبلدي محد يحاجيك هواي خليجين غادروا بسلام
لاعمي في اصدقاء الي كثار رادوا يسافرون واخذتهم الحكومه السوريه رهائن حتى تضغط على حكومه بلدنا الخليجي وحتى عمي محجوز عندهم
ماسمعت هذي الاخبار
عمي هذي الاخبار متنذاع بالتلفزيون والصحف الناس تتناقلها واني شفت بعيني
وصلنا ا بطريق غير رسمي تهريب جماعه اخذونا
سيطرات حرق مسلحين بيوت مهدومه طيارات تقصف النساءنقاب الرجال لحى واللهجه الشاميه معدومه كلها فصحى الاسماء غريبه
انطاهم ناصر ورقه مكتوب بيها اسم شخص اتصلوا بيه ردوا علينا
اهلا وسهلا من هنا
فتنا ودونا على بيت صغير بديت ادوخ واتقيء والدي قلق من الي ديصير
وحجى ويايه
عشتار ناصر متورط بشي يعرف ذوله المعارضه منين
ماادري بابا بس ناصر خليجي وذولي هم بيهم خليجين
باليل اجوي رياجيل اثنين
انعزلنا اني وماما بغرفه
وبينت الحقيقه باوضح صوره والدي سمع واني كنت استرق السمع
ناصر فجاءه صار اسمه ابو براق
والدي اسمه ابو جمال الدين
في رجل لقى خطبه طويله عضيمه عن الدوله الا سلاميه وعن وجوب تحرير البلدان الاسلاميه من الكفار اسمه ابو نسيبه
وخيروا والدي بين المبايعه او القتل
كان داعش في بداية ضهورها وبدت تتشكل النواة الاولى الهم والمقاتلين الاجانب بدوا يسافرون على سوريا
والدي ادعى المبايعه وناصر اصلا كان متصل بيهم عن طريق اصدقائه الي سبقوها لدرعا وحمص وغيرها من المناطق السوريه
اجتمعنا باليل
والدي ابني ناصر انت دتمثل عليهم لحد تنهزم لبلدك صح
لاعمي اني اختاريت حياة جديده
ياحياة هذي ابني ذولي ميعرفون شيسوون انت شاب مثقف
عمي الحل هو الاسلام الحقيقي نساء في بيوتهن مافي خروج محتشمه بدون ميثيرن فتنه
شباب تصلي وتصوم وتستشهد تروح للجنه
والدي تستشهد علمود منو وتقاتل منو
نقاتل الكفار اعداء الله
والدي منو هم اعداء الله الكفار تعرفهم انت متاكد هم كفار صار سنين انت عايش بسوريا بلد امان وحريه الي يريد يعبد الله محد يمنعه والي يريد يكفر محد يمنعه الله موجود ويحاسب
من راى منكم منكرا هذي الايه اعطتنا الحق في التغيير
وبلدانكم ماكو منكر ليش متغيروه
غلط ولازم نوقفه الي يكفر يقتل يذبح
والدي من باجر الصبح اني اترك هذي المدينه اروح للجيش واحجيلهم اني مو قاتل واخذ عشتار معي
عشتار زوجتي مو من حقك تاخذها معاك
اني اروح ويه اهلي مااعيش وياك لحظه
اسكتي احسن الحين اخبر عنكم مرتدين عن الاسلام وانت عمي بايعت والي يرتد عن البيعه يذبح كلنا في هذا العمل مشتركين
لك ياعمل ناصر انت صلاتك بالگوه تصليها صار وياك تلث اشهر ماشفتك تقرا قران البنات الي لاعب عليهن اكثر من شعر راسك شبيك شجاك
تبت عن ماضي وبديت الاسلام الصحيح
ناصر ياعيوني عوف هذا كله وخلينا نروح على بلدك نعيش مع اهلك بامان ليش تريد تدمر نفسك
انتم ماتفهمون ماتبون تدخلون الجنه ماسمعتوا خطبة ابو نسيبه اخذوا اسمعوا هذا التسجيل
اصبح النقاش معاه صعب ومؤمن بالي يسمعه
والدي صار يطلع ليليه حتى يشوف طريقه للهرب
الجيش والمعارضه ليليه مواجهه
بعد تلث ايام تمرضت وساءت حالتي الصحيه عرفت حامل
حاول والدي يتكلم مع ناصر يفهمه اصبح مثل الشخص الملقن للكلام ميعرف غير يردد نفس الكلمات
حاولت اتقربله اتوددله
ناصر الله يخليك ارجع عن هذا الطريق والله الي تسويه غلط ارجع قبل لاتتورط بدم همه ابناء بلد بيناتهم شعلينا احنا
انت شفهمك بالدين حتى تگولين غلط او صح كل عمرك عشرين
وانت عمرك ٢٢ هم زغير والله هذا مو اسلام النبي عاشر اليهود وانطاهم الامان ماسمعنا النبي قال اقتلوا احرقوا ياعيوني ارجع لخاطر طفلك يعني ينولد يلگه ابوه مجرم تتدري كنت اتمنى اليوم الي اصير بيه ام هسه مااريد المن اجيبه للقتل والدمار
ناصر مو كنت تغار عليه وين غيرتك تدري اذا متت يقدموني لجهاد النكاح ومن واحد لواحد تقبل عشتار مرتك تصير ليليه لواحد بحجه الجهاد
ناصر مو گتلي انتي ملكي وبس شلون تقبل اصير سلعه لافغاني وشيشاني
كافي اسكتي كافي لو متت اهربي اقتلي نفسك
ليش اقتل نفسي مو هذا جهاد وجنه
انت جواك ممقتنع بس تعاند ويه نفسك حبيبي ناخذ جوازتنا وننهزم
الجوازات اخذوها الدوله الاسلاميه
استمر حالنا مثل الرهائن لانگدر نطلع ولانگدر ننهزم سيطرات الجيش الحر وداعش بكل مكان والجيش يضرب الحال لاهو حرب ولاهو سلام موت بكل مكان وعلى اي لحظه في ناس ماتت من البرد وفي ناس ماتت من الجوع
المجاهدين كانوا عايشين بنعيم مساعدات تدخللهم من تركيا واستخدموا الاكل وقود التدفئه وسيله لجبر الناس للتعاون معاهم
كلشي بناصر تغيير حتى اسلوب المعاشره وياي صرت اطاوعه مجرد واجب وخوف منه فقدت الاحساس وياه
والله مو انت ناصر هذي اللحيه شنو وين ريحتك الحلوه كان عطرك يجذبني اول متدخل البيت هسه حتى بطلت تسبح هذا دينكم
انتي من بدايه زواجنا ماراغبتني لاتتحججين اللحيه والعطر
في يوم اشتد عندي الوحام وتوسلت ياخذني لمستشفى
