ضحايا٧
#زينب_الموسوي#
كان السوال الي دائما ينهزم منه ناصر هو اهلي وين ميجاوبني ومره رجع گلي مشتاقلچ تعالي جنبي استغليت الفرصه
ناصر كل الي تريده اسويه بس جاوبني اهلي تعرف وين اني زوجتك وحامل بابنك ريحني وگول وصدگ حتى لو تگلي ماتوا اتقبل موتهم لكن اختفائهم فجاءه موتني فدوه احجي
مااعرف وين ومافي احد متعرض اللهم اهلك انهزموا
احلف هذا الحجي صدوك
وليه احلف منتي مصدگتني ياحرمه
لا ممصدگتك احلف
وعيون عشتار الي دوهنتني
امداني وساعه السوده الي شفتك وعرفتك لو ميته احسن
صج انچ مو ويه احترام تدرين شلون بتزوج عليج اني امير اگدر اتزوج عشره
هذي بيا ايه المسلم يتزوج عشره فدوه متدليني
وشفهمك انتي بالدين
صدوگ شفهمني تزوج ناصر الله يخليك تزوج
خلصت الليله مثل غيرها اهانه وذله وانتهاك
وبدا يروح ايام ويرجع حاول يطلع ليبيا ماگدر وبديت التقي بنات مثلي مجبرات على العيش مع ازواج دواعش وفي بنات وصلن لسوريا للجهاد وتندمن
ناصر اصبح امير وجرائمه زادت كان يحجي ليليه عن كل الي يسويه ويبجي على صدري كان يفتقد ناصر القديم النظيف ويحس بنفسه تورطه كان يكلي انتي الي بقيتي تذكريني بناصر الانسان وارد عليه
ناصر ننهزم ونروح لاهلك وهناك سلم نفسك وابقى انتظرك لحد تطلع من السجن
مافي بعد طريق عوده ادمنت القتل
مو ناصر بس كان عشرات الشباب الي دخلوا التنظيم واكتشفوا الوهم الي اسمه الدوله الاسلاميه
بيوم دخل ناصر ومعه مجموعه من الاشخاص صرخ عليه
دشي داخل
دخلت الغرفه وراقبت من الباب فتحته قليل كان معاهم شخص اجنبي مضروب ومنهك وماافتهم من حجيه غير كلمة بليز ديتوسل
بقوا اثنين يمه وناصر فات للغرفه
في عندك اكل للمجاهدين ذولى يبقون هنا حرس على لرهينه
منين هذا الرهينه خطيه مبين شابعينه كتل
هذا يدعي هو صحفي امريكي كافر. كان يصورنا جاسوس
فدوه ل الله امريكا تدز جاسوس عليكم لك هي امريكا وياكم لو تريد تسحلكم بيوم وليله بس مخليتكم ناس تكتل ناس وهي تضحك عليكم
سدي حلك ياحرمه وحضري اكل
وبدت كل شويه وفد جاي يحقق ويه هذا الصحفي يضربوه وهو يبجي ويتوسل الصبح كنت اشوفه ويحجي ويايه ماافتهم شيريد واخاف اتقرب منه الحراس موجودين
كانت صورته تفطر گلبي اتمنى اساعده مهما كان هذا انسان بقى تلث ايام وبعدين اخذه ناصر ورجال اسمه ابو فاروق واحد ابو اسلام الشامي
اكيد راح يذبحوه ويصوره سالت ناصر عنه بعدين جاوبني محتجزيه خلي من يجي امر النا نتصرف وياه
وين محتجزيه تعرف
في مقبره قريبه هناك خليناه وعليه حمايه
وكنت شاهد على جريمه تقشعر الها الابدان البيت الي كنا ساكنيه كبيره ومااحتاج الطابق الثاني كان ناصر وجماعته اعرف اسمائهم من واحد ينادي الثاني يحضرون يوميه اجهزه طبيه ينصبوها فوق بالغرفه سالته
شنو راح تحول البيت مستسفى
مايخصك هذا شغلي
بس گولي محتاج فلوس دلال والله اتمنى اعرف والدك تركته كان معيشك امير خسرت ربك وحياتك علً شنو مصدگ تروح الجنه بهذي الافعال
دفعني للغرفه وسد الباب
اتعمدت اراقب لكن الي اكتشفته كان اكبر من تحملي باليل جابوا فتاة مضروبه ومنهكه دخلوها للغرفه ناصر وابو خليفه وابو اسلام ومعاهم دكتور روسي ومساعد شيشاني. اسمه ابو ادم خفت اصعد ومع ذلك صعدت
البنت صوتها اختفى ومااعرف شيصير
رحت على الغرفه الثانيه في شباك بين الغرفتين رفعت البردى بحذر المنظر الي شفته افقدني الشعور بالحياه عضيت ايدي حتى مااصرخ
الفتاة على سديه مخدره وياخذون اعضائها ويوضعوها بمحلول وصندوق عرگت ورجفت
نزلت وسديت الباب علىه ذولي مو بشر واكيد راح بيوم يسوون بيه نفس الشي بعدها اخذوها جثه وطلعوا ماعدا ناصر
وينك شفيچ مريضه ئي مريضه ناصر الله يخليك لاتتقربلي
بس تصحي بكرا تنظفي الدار الي فوگ فيها دم
لا الله يخليك مااگدر دم تلعب نفسي
مابي دلع تنظفين
الصبح صعدت انظف اخذت التلفون الي ضامته وصورت الغرفه والمعدات مااعرف ليش صورت يمكن الامل بيوم احصل حريتي وافضحهم
وتكرر ت هذي المشاهد وبديت اصور الدكتور والي معاه كلهم وسالت ناصر جاوبني هذي تجاره للاعضاء باوربا
خبرني ناصر عنده مهمه ظليت الح عليه شنو المهمه عرفت رايحين على لبنان في مهمه استغليت غيابه اتردد على مكان اسمه المضافه هذا فيه البنات الارامل. بعد ميموت زوجها الداعشي ياخذوها هناك وتبدي الرجال يبعثولها هدايا لحد تقبل بواحد منهم وفي بنات مجاهدات واصلات جديد
تعرفت على بنات مغربيات اثنين ارامل وبعد مده من الكلام صارت بينا ثقه عرفت يخططن للهرب وحجيتلهم قصتي وخبرتهن عندي ذهب ومجوهرات ناصر واهله انطونياها ومستعده ادفعها مقابل الهرب
بعدها بايام رجع ناصر عرفت مفجرين بمنطقه اسمها عرسال
بدا يزداد قسوة بتعامله وياي مره تاخرت بتحضير الاكل كنت نايمه وتعبانه
دخل للغرفه وشعلها نار عليه وشفت النار تقترب مني صرخت عليه ناصر راح اموت اذا متخاف عليه خاف على الي بطني الغرفه صارت نار اقترب من الباب النار تجي على وجهي
مابطلت اصرخ ناصر ناصر
الباب بعد مينفتح لان گب نار
شفت ناصر من الشباك يضرب بالزجاج حتى يطلعني كسره انطيته ايدي يسحبني وبعدها طلعني منهارة القوى الدخان ساد الهوى مذلوله مهانه الناس مجموعه تباوع عليه وناصر يفهمهم صار حريق
طفوا الحريق دخلت على البيت كله دخان
من كثر الخوف والصياح گعدت باب البيت رجليه خانتني اوگف بعد هذا اليوم حلفت بربي الي خلقني انسانه وانطاني الحق في الحياه والكرامه ماابقى عد ناصر ولازم انهزم
مرت شهرين على الحادث اجى ناصر باليل خبرني لازم اساعدهم بمهمه مع. مجموعه بنات رفضت ضربني وگلي غصبن ماعليج انتي تاكلين وتشربين من خيرات الدوله الاسلاميه واذا متنفذين اخليهم يذبحوج
ماعرفت المهمه ومن كثر الضرب بتلك المره انهارت اعصابي ظليت اضرب بيه
شتريدني اقتل مثلك اذبح كافي دمرتني اني طالعه وانت اذا رجال اقتلني وخلصني
لبست النقاب
وفتحت الباب جرني من ملابسي اسمعيني عشتار
المهمه فرصتج تنهزمين ابو خليفه التونسي شافك معي في المستشفى مره ويبيني اطلكج ويتزوجج هو غصبن علي
وليش متگله مااطلگها
ابو خليفه متعرفيه هذا بعد ميذبح الانسان يشرب من دمه شفته بعيني ياكل اجزاء من البشر
يمه وتالي ناصر ليش ورطت نفسك ورطتني شنو ذنبي وسط المجرمين
اسمعيني راح تعبرين السيطره للجيش السوري ومعاك بنات تاخذون مجموعه هويات لبنت تنتظركم
وهذي الهويات شنو والمن
هويات للجيش السوري مزوره ياخذوها جماعه ويدخلون منشات ويفجرون داخل دمشق الهويات مزويها بلد عربي محد يكتشفها
معناها راح اشترك بالجريمه ناصر
هذا الي اگدر عليه عشتار ابو خليفه اذا عرف بيه مهربج يذبحني
استعدي تطلعين مع البنات
اخاف والله اخاف
لاتخافين واطلعي وهناك ابقي بدمشق يمكن اگدر اهرب وراك
