#ضحايا٦
#زينب_الموسوي#
في الطريق للمستشفى كان في ناس متجمعين ويضربون رجل كبير ومعاه بنته ناصر تركني وراح يضرب
شدتسوي انت ليش تضربه شفتهمت
ماتشوفين الصليب الي لابسه هذا كافر
والله ماكو كافر غيركم
امشي گدامي لا افرغ السلاح في بطنك
دخلنا المستشفى
دكتوره وحده موجوده كانت وازدحام والمجاهدات كلهن حوامل ماادري يمتى دخلن للجهاد يمتى حبلن
كان في شخص مع ناصر عرفه والظاهر مهم عدهم لان الكل خايفين منه وفي وقت الفحص طلعت من الغرفه بدون ماانزل النقاب نسيته مامتعوده عليه صارت عيني بعين ناصر واشرلي نزلي النقاب
نزلته راسا طلعنا الطريق كله يغلط ويسب عليه
ابو خليفه شافك وهذا يحب النساء
مكان قصدي يشوفني وبعدين واذا يحب النساء اني متزوجه قابل يتزوجني واني متزوجه
دخلت للبيت ماما وبابا ماموجودين
افتريت بالبيت صيحت صرخت طلعت للشارع معقوله يعوفوني وينهزمون بدوني تلفوناتهم تاركيها اثنينهم وملابسهم موجوده مثل ماهيه
اخذت تلفونات ظميتها
وسط الانهيار تشتت افكاري بين اگول انهزموا وبين اگول انخطفوا
مرت ساعات بيها بس ابجي لحد رجع ناصر
ناصر ماما وبابا وين وين وديتهم كولي
لاتخليني اكل بروحي
وانا شعرفني اهلك مجانين يمكن هربوا ولا ماتوا
ناصر والله اموت اذا متگلي حرام عليك شلون ينهزمون ويتركوني ويتركون ملابسهم فدوه برد گلبي بس گولي عايشين بس گولها واسكت حتى مااسالك وين
مااعرف بيهم لاتساليني
الله لاينطيك والله تدري وانت الي خبرت عنهم من اليوم ياناصر مستحيل اكون زوجه الك الا تقتلني
امتنعت عن الاكل يومين وما اكلت لحد ضربني كان خايف على الطفل يطلع من الصبح يرجع ملابسه دم اغسلهم ودموعي تنزل مع الدم المختلط بالمي دم ناس ابرياء وكان يحجيلي قتلنا نصراني اسرنا جندي وذبحنا حرقنا بيوت خطفنا بنات واغتصبناهم
كنت حس نفسي مشتركه بكل جريمه وياه ضاقت بيه ارض الله الواسعه ليل ونهار افكر شنو النهايه شلون اخلص مافي طريق منفذ برى البيت مأسي
بيوم اخذت تلفون والدي واتصلت بجمال ماعندي امل احصله لان الشبكه تنقطع ايام وليالي وترجع مرات ساعه ساعتين دزيت رساله
جمال ماما وبابا عندك اخبار عنهم اذا وصلتك الرساله جاوبني
ظليت ايام انتظر افتح التلفون اشوف الرساله واصله وممجاوبني دزيت رساله ثانيه
جمال اني عشتار جاوبني داموت والله بس رد عليه حرام عليك
صابني الياس لحد يوم اتصلت بيه حصلته كنت خايفه احجي يسمع صوتي ناصر
جمال اني عشتار شلونك
الحمد لله انتي وين بعدج بسوريا
ئي بسوريا وناصر صار ويه داعش وماما وبابا مااعرف وين تعرف انت
لا مااعرف وين راحوا
ماادري رجعت للبيت ملگيتهم وملابسهم وتلفوناتهم عايفيها
لعد اسالي رجلج الداعشي اكيد قتلهم
صخام بوجهي جمال شوفلي حل ارجع للعراق
شگالولج عندي طياره واجي اخذج ابقي ويه رجلج الداعشي احسن لاتجين وتبليني مليت من مصايبكم
وسد الخط وبعد فتره غير الرقم
اختفى ناصر فجاءه بقيت اسبوع لوحدي مااعرف اسال منو وكنت مريضه وعندي فقر دم اندگت الباب كان الرجال الداعشي الي شفته بالمستشفى نزلت نقابي راسا
السلام عليكم ياام براق
وعليكم السلام وين ناصر صار فتره ماموجود
ناصر في قتال مع الكفار والاعداء
هو ناصر يعرف يلزم سلاح القتال ماشايفه بس بلي ستيشن
لاافقه ماتقولين
مااقول شي انت شرايد
لماذا لاتشاركين المجاهدات في العمل والجهاد
زوجي ميقبل اطلع روح اتفاهم وياه وشنو ااجهاد الي تريده مني
تعلمين الاطفال اصول الدين وقراءه القران تتدربين على استخدام السلاح
انشاالله بس يرجع ناصر اجاهد وياكم يله الله وياك عندي شغل
تعرفين ان لدي زوجه عراقيه مثلك
الحمد لله العراقيات حظهن وين وصلهن
ستكونين زوجتي يوما ما انا ذاهب للجهاد
سديت الباب هسه گعد حضي من ناصر لهذا لغيره وغيره
طلعت للشارع دگيت الباب على الجوارين طلعت بنيه منقبه شاميه سالتها زوجي صار اسبوع مجاي على البيت منو اساله عليه
الجيش عم يتقدم والمقاتلين محاصرين في منطقه مافيهم يجوون على بيوتهم
هسه واحد منهم اجاني
هذا رجع ياخذ زوجاته وينهزم
طيب لو بدي اترك المدينه كيف
وين تروحي الطرق كلها مسدوده وعم ننطر الموت ببيوتنا ارجعي على بيتك احسن
رجعت على البيت وبعد فتره اشتد القصف والدمار الناس تركت بيوتها اجتي جارتنا عليه
تطلعي معنا راح نترك المدينه بكرا الصبح
وين روح
مااعرف المهم نطلع لان الجيش خلاص راح يهجم بيوتنا
اطلع معاكم الصبح دگي عليه الباب اكون جاهزه
كنت نايمه باليل انفتحت الباب
منو
ناصر اجيت اخذك يله
مااروح وياك گلي اهلي وين
طلع سلاح وجهه عليه عندك دقيقتين تحضرين حالج خاطرت بحياتي حتى اوصل الك يله فزي گومي
طلعت وياه كنا ناخذ طرق بين الحواري تعبت وكنت اگله ناصر تعبت مااگدر امشي راح اموت
شالني ومرات ينزلني لان اني حامل بشهر الثالث وثگيله لحد وصلنا لسياره منتظرتنا كان فيها نساء غيري
وطلعنا على محافظه حمص وبعدها الرقه هذي محافظه مسيطر عليها بالكامل من قبل داعش دوله كامله والمقاتلين العرب والاجانب الهم السلطى العليا فيها والقتال محتدم ومنها توصل التعزيزات والمساعدات والاموال من تركيا والمقاتلين رايحين جايين على تركيا
دخلنا بيت كان لكل مقاتل غرفه مع زوجته لحد يجهزون بيوت الهم
حجيت ويه ناصر
اهلك تتصل بيهم راضيين على الي تسوويه
والدي مقاطعني وامي بس تبجي كل مااتصل فيها
ناصر بس جاوبني شنو كان ناقصك بحياتك وتدور عليه ويه ذوله شاب تدرس غني مدلل وتزوجت وسياره وشقه جنه شنو ناقصك
الاسلام هذا الناقصني دوله مافيها فساد
وهذا الي تسووه هو الاسلام سامع ايه بالقران تگول ادعي الى سبيل ربك بالحكمه والموعظه الحسنى مااگال اذبحوا اقتلوا اغتصبوا
ايش عرفك انتي ياحرمه
لاتگول حرمه سمعت
بگول غصبن عنك وعن اهلك بعد حرمه
تلك الليله ناصر كان وياي وحش مغتصب حقيقي انتهك كل ذرة انسانيه بيه
بعدها گمت واني مليانه غضب وحقد وكره عليه كان في صحن فاگهة قريب منا وهو داير وجه شلت الصحن ركعت براسه ماتاثر گام ضربني براسه على گصتي وگعت بمكاني
لحد الصبح گعدت ناصر يمي وعند صينيه مليانه اكل
گومي ياحرمه والله حرام تبقين وياي بس تولدي وشوفي شسوي فيك
وخر الاكل عني مااحب ريحة اللحم
تاكلين الاكل غصبن عليج ابني بيموت جوع وشكلك فاطسه اكلي
اكلت كان يريد يطلع
سبحت من ليلة البارحه لو رايح وانت مجنب واذا صار وقت الصلاه شلون هذا اسلامك عوع
فعلا كنت اراقبه ميسبح ماادري عدهم فتوه جديده يمكن واني ماادري
بقينا اسبوعين انتقلنا لبيت كبير وحلو ومرتب
وبليله طلعوا على قرى قريبه وياهم ناصر ورجع فرحان
خير اليوم فرحان
صرت امير جماعه وبروح ليبيا اقود جماعه للجهاد هناك واخذك معي
ياليبيا الله يخليك ناصر شلون تدخل ليبيا انت مو جوازك عدهم
اكيد يعطوني جوازي واسافر ناسيه ان جوازي خليجي وداخل لسوريا رسمي
واني شلون تاخذني جوازي عراقي
بضيفك على جوازي زوجتي وندخل ليبيا
ليش متتركني هنا وانت روح جاهد ومن تخلص جهاد تعال اخذني وتزوج من ذني المجاهدات الله يخليك
بتروحي معي وانتي ساكته
لعد جاوبني اهلي وين فدوه
