#ضحايا٣
#زينب_الموسوي#
رجعت لشغلي ومرت ايام بدون مااشوف ناصر بعدها من رجعت واگف بالشارع قريب بيتنا وبدون سياره
لاحول ولاقوة الا بالله شرايد هذا
السلام عليكم عشتار اخر مره احكي معك اهني مو بعيد
احجي شرايد
ليه رافضه علاقه معي مرتبطه بشخص لو لان مو عراگي مثلج
اني رافضه كل العلاقات يااخي يعني عجيبه اذا بنيه ماعدها علاقه
والله عجيبه مافي وحده رفضت لافي بلدي ولاهنا وكل اصدقائي البنت متاخذ يومين تعطي رقمها للشاب
غلطان في بنات مستورات ماعدهن هذي السوالف
زاد اعجابي فيك اخذي رقمي يمكن تحتاجيني كاخ سالت عنك عرفت عايشه مع امك وابوك
ماعندي تلفون ومااتصل بشخص مااعرفه
كذابه شفتك مره تتصلين بالجوال
افهم عاد مااخذ رقم وماانطي رقمي
انتي افهمي مااحب الياس انتظر ك كل يوم هنا
عفته ومشيت يمكن لو حده غيري تستسلم بس اني ما رف گلبي عليه بالعكس كنت ابتعده عنه خاصة من اسمع لهجته
ظلت محاولات ناصر وحاول من سحر ياخذ رقمي ورفضت كنت اشوفه يوميه واني راجعه من الدوام لحد يوم جمعه رجع والدي من المقهى خبرني
تعرفين ولد اسمه ناصر خطبچ ويريد وياخذج وياه لبلده
شنو يخطبني اعرفه يعرفني
هو گال تعرفني بس مامعبرتني
مره سالني عن عنوان وجاوبته
على العموم باچر راح يجي علينا للشقه ونفتهم منه
بابا كان ميحب يطول بالحديث ويايه
سولفت لسحر ناصر جايي يخطبني
والله اخذيه واطلعي من بيت الاشباح هذا وعلى الاقل ذولي يدللون الابنيه
شاعرف عنه واخذه هذا يريدني لان عصيت عليه ياخذني كم يوم ويذبني
باليل زارنا ناصر كان معاه رجال كبير بالعمر من نفس بلده گال عمي عبد العزيز
وبقوا يسولفون عرفت هو طالب يدرس جامعه بسوريا والده غني ورجال معروف عايش بلدهم وعمه عبد العزيز متزوج سوريه ويجي ويروح عليها لان متزوج بلده همين حسيت من كلام والدي موافق وگلهم اسال عشتار وارد الجواب واريد اسال عليكم انطوه كم اسم يعرفونهم من العراقيين حتى يسال عليهم
والدي اشترط موافقة اهله حتى لو بالتلفون
من طلعوا سالني والدي جاوبته ماادري مااعرفه للولد ومو عراقي جاوبني
راح اسال عليه وابلغ اخوج جمال يمكن ميقبل
والدي سال عليه طلع طالب فعلا والده متزوج اثنين وهو قليل يروح لبلده مستقر هنا
طلعت بعدها بيوم للدوام مع سحر
ها شقررتي عشتار
ماادري مرات اگول احسن من حياتي هذي على الاقل الگه شخص يحجي ويايه يطلعني يشاركني حياتي ومرات يحز بنفسي اتزوج مو عراقي ولهجته مااحبها
عادي تتعلمين عليه هو يبقى يحجي عراقي وانتي خليجي هو شنو الفرق كم كلمه يابعد اهلي وطوايفي ياناصر تعلمي من هسه شوفي هذا ناصر واگف بنفس المكان اروح اني
السلام عليكم عشتار عورتي گلبي كفايه ابي اتفاهم معاك
الف مره گتلك مااحب علاقات متگلي شفت بيه وجاي تخطب منين تعرفني
وافقي على الخطوبه ونعرف بعض ترى انا مو شر هالهدرجه وخايفه مني
بابا يرد عليك
متى يرد عليه والدج الله يطول عمره
فد اسبوع لاتستعجل
اي استعجل الله يهداج صار ثلث اشهر اركض وراج
خليها. تلث اشهر واسبوع
وين رايحه بنسولف
والله بطران يسولف بالشارع
العصر حجيت ويه ماما
ماما عرفتي في شاب خليجي متقدملي شوري عليه احجي وياي يايمه اني هم بنتج
اخذيه حتى مترجعين للعراق وضيمه حتى ابنج ميموت مخنوك بالحبس حتى ماتتنهزمين من بيتج بليله سوده متگليلي شمنتظره ويانا اني وابوج موتى وهذرلي اخواتج عايشات بالخارج مرتاحات واسمعچ من تتصلين بيهن ميحبن يسولفن وياچ
والدي حجى نفس المضمون طلبت اشوفه بالشقه واتفاهم وياه والدي عنده الرقم واتصل بيه بعد ساعه اجى علينا كان حديثنا
اكيد تعرف قبلي بنات وعندك صديقات اذا تزوجنا شلون
من يوم الي شفتك ماعرفت وحده وهذا الجوال اخذيه وفتشي فيه القديم والجديد مامسحت شي
انت طالب والدك يصرف عليك احب زوجي يشتغل
والله امنتيتي الشغل بس الوالد مو راضي يبيني ادرس
شنو دراستك
محاماه سنه ثالثه
ماما وبابا مااتركهم تشوف مكان قريب منهم واداريهم يوميه اجي عليهم واريد ادرس اني ماكملت الاعداديه
موافق على كل التگوليه
اريد ضمان لحياتي وياك
كيف يعني بعطيك المهر الي تبيه والموخر الي يرضيك بس في شي بتروحين معي لبلدي عگب اخلص دراسه
واهلي شلون اتركهم
بعد هذا الشرع الزوجه تتبع زوجها
الله كريم لذاك الوقت يحلها الف حلال
عشتار فچي باب گلبج حگي والله اني استاهل واحلف احبچ وبخليك بعيوني
انشاالله اتفاهم ويه بابا
ياحلو كلمة بابا منج ابي اتعلم عراقي
والله ياريت تتعلم عراقي
والدي اتفاهم وياه واتفقوا على كلشي وصارت خطوبتنا بحضور عمه والده اتصل تعرف علينا والدته ماسمعت صوتها ومن سالته جاوبني معترضه على زواجنا تبيني اخذ وحده من بنات رفيچاتها
وليش مااخذتها
بعد گلبي عندج وامري مو بيدي
لبسنا حلقات وعقدنا بنفس الليله والدي كان يسولف مع عبد العزيز ناصر سال بابا فيني اخذ عشتار ونطلع
وافق والدي وگاله لاتتاخرون
طلعت وياه
على الدرج عطيني ايدك وانتي تنزلين
شي داخلي رافضه اتمنى اعرف ليش
انطيته ايدي ناصر اكون صريحه وياك وتتقبل صراحتي
گولي كل الي تبيه
ماحاسه بيك تحبني واحس كلشي صار بسرعه وحجيك مايوصلني لان نختلف باللهجات
انا متاكد من مشاعري احبج كنتي كل ماتصديني احبج اكثر اما انتي كثر ما ماسكه نفسك ومانعتها تعيش حب مع احد غريب راح تحتاجين وقت حتى تتعودين على هذي المشاعر
يمكن حجيك صدوك
اكيد صدوك شوفي حجيت عراقي
ميلوگ عليك
ليش اف من اولها چذي
لاتگول چذي گول هيج
هيج.
مو گتلك ميلوك
