الارواح الشريرة هل يعقل أن تصيب الانسان وتتحكم بحياته كما نسمع في بعض القصص هل حقاً انها تسيطر على عقل الانسان وتتحكم بجميع تصرفاته؟ ام ان كل هذا مجرد هراء ولا يوجد شيء يسمى بالأرواح الشريرة وكل ما يشعر به الانسان هو من شدت قلقه اضطراب النفسي قد يصيب الإنسان من ضغوط الحياة العملية والعائلية تجعله يتخيل تلك الاشياء ويعتقد بأنه بداخله روح تتحكم به ام انها حقاً تصيب الانسان وتجعله يفعل اشياء غريبة نحن نسمعنا عنهم كثيراً من احاديث الناس وقصص كما انها ذكرت في القران الكريم ولكن لا نحب أن نتطرق الى تلك المواضيع لانها تشوش على عقلنا كما نسمع ولكن في روايتنا هذه سوف نحاول أن نتعمق ولو القليل في تلك الامور لكي نعمل ما سر تلك الاشياء وما هي الاعراض السلبية علينا وعلى جميع من حولنا وهل تدخل إلى جسد الانسان وتتحكم بتصرفاته وكل تلك الاشياء؟ ...ربما تكون خرافات بالنسبة للبعض ولكن اصعب جداً عندما يتعرض لها اقرب الاشخاص لدينا مثل ابنك او ابنتكِ او زوجتك او انت شخصياً وترى حياتك يسيطر عليها احداً ويتحكم بجميع تصرفاتك الى أن ينهي حياتك بالكامل او تحاول ان تخلص نفسك منها بشكل كامل....
والان سوف نتحدث عن بطلتنا ميرال فتاة انيقة وجذابه عينيها رمادي اللون تجذب كل من نظره إليها تبلغ من العمر 24 سنه من عائلة متوسط تعمل سكرتيره في شركة صغيرة للاتصالات المتنقلة فتاة طموحة وتسعى إلى الافضل تعيش مع عائلتها في النمسا وهم من اصول عراقية تركوا العراق منذو سنوات طويلة......والان لنترك التعريف وندخل في اعماق الرواية لكي نتعرف اكثر على ابطالها
تستيقظ ميرال مثل العادة كل يوم الساعة الثامنة صباحاً جهزت نفسها لكي تذهب الى عملها وعنده انتهائها من ارتدى ملابسها انطرق الباب لتدخل زينب اختها الصغيرة
زينب:صباح الخير
ميرال:صباح النور حبيبتي شعجب كاعده من الصبح
ابتسمت بلطف
زينب:حبيت اشوفج وانتي ترحين للشغل
ابتسمت ميرال لتقترب منها وجلس على الارض لكي تصل الى مستواها وضعت يدها على شعرها المبعثر لكي ترتبه
ميرال:حبيبتي بس قلة النوم مو زين عليج يخليج تتمرضين
زينب:صح بس ردت اشوفج من ترحين طالعه كلش حلو
ميرال:عيونج الحلوات حياتي ...يله هسة صار وكت ترحين تكملين نومتج
زينب:لا خليني ابقى شوي
ميرال:ممنوع
زينب:بس اليوم
ميرال:اذا ما رحتي راح ازعل منج
عبست بوجهها قائلة
زينب:ماشي رايحه
ميرال:على النوم بسرعة
زينب:افتهمت يمعوده
تركتها لتذهب إلى غرفتها وثم خرجت ميرال ونزلت الى الاسفل وجدت والدها ووالدتها يتناولون الفطار اقتربت منهم بابتسامة لطيفة
ميرال:صباح الخير
ماجد:صباح النور حبيبتي
اقتربت من الطاولة واصبحت تعد لنفسها سندويشة صغيرة
مديحة:حبيبتي ميصير هيج تاكلين وانتي واكفه تريكي زين ليش مستعجله
ميرال:ميصير اتأخر على الشغل
ماجد:اي لعد اكعدي من وكت حتى ترتاحين بالطلعة
ميرال:بالعكس وكتي هذا كلش زين
نظرت إلى الساعة التي بيدها
ميرال:عزة تأخرت يله رايحة
مديحة:ديري بالج
ماجد:لا تمشين بسرعة
ميرال:اوكي باي
تركتها وخرجت ركبت بسيارتها متجهه نحو مكان عملها عندما وصلت كانت هناك ضجه كبيره في المكان والجميع كانوا منشغلين
ميرال:ما بكم هل حدث شيء
اقتربت منها احدى صديقاتها تدعه سالي
سالي:ولج وين جنتي ليش تأخرتي
ميرال:تعرفين هوسة الطريق خير شكو شنو صاير اليوم
سالي:المدير عصبي اليوم كلش
ميرال:خير ياستار اجته الحالة
سالي:اي اجته الحالة وراح يطلعها علينا
ميرال:يبووو ما بيه حيل للمشاكل خل يفك مني
سالي:بالعكس اصلا اول واحدة انتي اولا لان تأخرتي وثانياً الشخص اللي راح يجيب الرواتب لحد هسة ما وصل
ميرال:ليش
سالي:شمدريني صارله ثلاثة ساعات من رايح
ميرال:الطريق ازدحام
سالي:زين ليش ما اتصل بينه
ميرال:شمدريني بس يجوز صار وياه ظرف ومنعه انتو ليش تسبقون الاحداث
سالي:اوكي وياج اني زين ليش ما يفتح تلفونه
ميرال:شنو
سالي:اي بالبداية جان يدك بس بعدين قفل جهازة
ميرال:اخاف صار شي رحتوا سألتوا
سالي: راح واحد وراء للمصرف كالوا اخذ الرواتب وطلع يعني خمط الفلوس رحنه بيها
ميرال:لا عمي مازن مستحيل يسويها صارله سنين يشتغل ويانه
سالي:ما ادري اشك
ميرال:اخاف صاير عليه شي
سالي:اذا صار شي ليش ما اتصل
_ميرال
التفتت لتجد المدير يقف امامها وكان ينظر إليها بغضب
ميرال:صباح الخير استاذ
_من اين سوف يأتي الخير لماذا تأخرتي
ميرال:بسبب الطرق استاذ
_هذا عذر جيد لكي تغطي خطئك
ميرال:ولكن هذا ما حدث استاذ
_لا تردي في وجهي
اخذت نفس عميق لكي لا تغضب في وجهه
ميرال:متأسفة
_اذهبي الان الى مركز الشرطة وابلغي عن مازن
ميرال:ولكن استاذ انا لا اعتقد بانه العم مازن قد اخذ النقود ربما حدث شيء معه
_هل طلب احد رأيك؟ِ انا لا اريدكِ أن تعتقدي شيئاً فقط نفذي الأوامر
ميرال:حسناً
استدارت لكي تخرج ولكن اوقفها صوت احدى الموظفون
_سيدي لديك اتصل من المستشفى الحكومي
_ماذا
_اجل لامر طارئ
اخذ الهاتف لكي يجيب
_مرحبا تفضل......
انهى المكالمة ونظر إليهم بصدمة
ميرال:ماذا هناك سيدي
_العم مازن تعرض لحادث
ميرال:ماذا حادث كيف
_لا اعلم ولكن يجب عليكم أن تذهبون إلى هناك وتحضرون النقود
ميرال:علينا ان نطمئن على صحته
_لا يهمني ذلك كل ما اريده هو النقود اذهبي الى هناك واحضري النقود
وثم نظر إلى سالي وطلب منها الذهاب معها
_وانتي اذهبي معها
سالي:حسناً استاذ
خرجوا من الشركة متجهين الى هناك
ميرال:شكد حقير
سالي:وليش مستغربه هذا طبعه
ميرال:بس الرجال صارله سنين يشتغل ويانه وميصير هيج يتصرف روح اطمئن عليه شوف شنو محتاج يعني فوك ما اتهمته وهو بهاي الحالة
سالي:هذول همه عقولتهم هيج انتي عبالج كل الناس مثلنا
ميرال:ابد ماكو بكلبه رحمه
سالي:حبي الفلوس اهم شي عنده وبعدين يفكر بصحته
ميرال:استغفر الله امشي يمعود امشي
بعد نصف ساعة وصلوا الى المشفى واخذوا يبحثون عن غرفة العم مازن ارشدتهم احدى الممرضات الى غرفته وعندما اذهبوا وجدوا نائماً على السرير وكانت حالته سيئة جداً
ميرال:عم مازن كيف حالك
_بخير يا ابنتي لا تقلقي
ميرال:ماذا حدث لك كيف تعرضت للحادث
_كنت اسير مسرعاً لكي اصل إليكم
سالي:ولما العجله ياعمي
_كنت خائفاً و اردت أن اجلب النقود في الوقت المناسب ولكن حادث ما حدث
سالي:لا عليك صحتك اهم
مد يده واخرج لهم حقيبة النقود
_هذه النقود اعذروني على التأخر
ميرال:لا تقل هذا صحتك اهم من كل شي
سالي:ماذا قال لك الطبيب
_لم ارى بعد
ميرال:لا عليك انا سوف اذهب واتحدث معه
_حسناً
التفتت الى سالي
ميرال:انتظرين هنا وانا سأجد الطبيب
تركتهم وخرجت من الغرفة بحثاً عن الطبيب وجدت احدى الممرضات
ميرال:لو سحمتي
_تفضلي
ميرال:كنت اريد ان اسئلك عن الدكتور المشرف على حالة السيد مازن
_غرفته في الطابق السفلي
ميرال:شكراً
ذهبت الى هناك طرقت الباب ودخلت وجدت الطبيب يتحدث مع رجل
ميرال:صباح الخير
_صباح النور تفضلي
اقتربت لتجلس امام الطبيب
ميرال:اتيت للاطمئنان على صحة السيد مازن
_لا تقلقي انه بخير فقط لديه رضوض بسيط ولكن يتطلب منه الراحة فقط
ميرال:حقاً دكتور
_اجل
كان ذلك الرجل الذي يجلس امامها ينظر إليها بشكل غريب من ما جعلها تنزعج
ميرال:حسناً ومتى نستطيع اخراجه
_عندما تتحسن حالته يمكنكم اخراجه
ميرال:شكراً لك
اردت الخروج ولكن اوقفها ذلك الرجل الذي كان يجلس امامها
_ميرال
التفتت إليه متفاجئة لمعرفة اسمها
ميرال:من اين علمت باسمي
_انتي ما اذكرتيني بنتي
تفاجئة اكثر بلغته العراقية
ميرال:حضرتك تحجي عراقي
_طبعاً لان اني عراقي شنو ما عرفتيني
ميرال:اسفه بس ما عرفتك
_اني عمج حسن صديق وابوج من 7سنوات
ميرال:صدك
_اي حسن الزيدي
صمتت قليلاً وبدأ تستعيد ذاكرتها
ميرال:اي صحيح تذكرتك حضرتك جنت صديق بابا بالشغل
حسن:اي عفية عليج
ميرال:اعذرني ما عرفتك بس
حسن:لا بالعكس لا تكولين هيج
ميرال:شلونك عمو
حسن:الحمدالله بخير انتو شلونكم الوالد شلونه
ميرال:بخير كل احنه بخير بابا راح يفرح هواي بشوفتك
حسن:واني هم مشتاقله هواي ومشتاق لسوالفنه سوه
ميرال:خلاص لعد تعال اليوم وياي للبيت حتى تشوفه
حسن:اشكرج بنتي خليها على غير مرة
ميرال:ليش بابا راح يزعل اذا عرف بيك ما اجيت تشوفه
حسن:لا طبعاً راح اجي اشوف ونزوركم بس مو اليوم لان اني مجاي الوحدي
ميرال:ماشي براحتك
وثم التفت إلى الطبيب
حسن:انا سوف اذهب الان راك لاحقاً
_انتظر اتصالك ولا تقلق من شيء
حسن:حسناً وداعاً
خرج حسن من المستشفى وخرجت معه ميرال لكي تودعه
حسن:بنتي اريد رقم والدج حتى اكدر اتصل بيه
ميرال:اكيد عمو تفضل سجل عندك الرقم....
حسن:ماشي سلمي على ابوج حيل هواي
ميرال:يوصل ان شاء الله
حسن:وان شاء الله اني اجي اشوفه
ميرال:تنور اهلا وسهلاً
حسن:يله اترخص اني ديري بالج على نفسج بنتي
ميرال:تفضل مع السلامة
تركها وذهب كانت هناك سيارة كبيرة فاخرة تقف امام المستشفى صعد في تلك السيارة وكان هناك شاب يجلس في المقعد الخلفي وينظر إلى الامام وثم التفت إلى ناحيتها لتراه ذلك الوجه الجميل وتلك العينين الزرقاء شاب في غاية الوسامة لم ترى عينها في مثل تلك الوسامة في العادة ميرال لا يجذب انتباهه احد ولكن هذا الشاب لديه شيء غريب يجذب أي شخص اليه اشتغلت السيارة وذهبت بعيداً ولا يزالت ميرال شاردة الذهن وثم شعرت بضربه خفيفة على كتفها لتلتفت وتجد سالي تقف امامها
سالي:شبيج صافنه
ميرال:اها
سالي:ووجعااا شكو
ميرال:اكلج الكمر هم يطلع بالنهار
رفعت حاجبها
سالي:شنو
وضعت يداها على راسها واصبحت تضحك على جنون عقلها
ميرال:ههههههه امشي
سالي:استغفر الله على شنو تضحكين
ميرال:ولا شيء امشي
سالي:،اللهم ثبت علينا العقل
ميرال:اي هسة يثبت
سالي خل نرجع للشركة نودي الفلوس لان هذا خبصني
ميرال:يووو شكد مزعج هذا
خرجوا من المشفى متجهين نحو الشركة وعندما وصلوا دخلوا إلى مكتب السيد المدير
_ماذا حدث هل احضرتم النقود
ميرال:اجل ولكن في الاول اعتقد كان يجب عليك أن تطمئن على صحة السيد مازن
_سوف اذهب لرؤيته في وقت اخر كل ما يهمني هو نقود
غضبت ميرال و ارادت ان ترد عليه لو لا امساك سالي بها
سالي:اهدي
ميرال:غثيث
سالي:معلينه بيه
اخذ منهم نقوده واصبح يعدها لم تتحمل ميرال تلك التصرفات تركت المكتب وخرجت لتخرج سالي خلفها
ميرال:يالله شكد مستفز
سالي:يمعوده لا تسوين مشاكل وياه انتي تعرفين عقله
ميرال:اي بس تصرفاته هاي تستفزني
سالي:خلي يولي
ميرال:اني راح اروح على مكتبي احسن
سالي:ماشي
مر الوقت بشكل عادي اصبحت الساعة الثانية ظهراً وقد انتهى وقت العمل وذهبوا كل من الموظفين الى منازلهم وعادت ميرال الى منزلها وكانت والدتها تقوم بتجهيز الطعام
ميرال:مساء الخير
مديحة:مساء النور بنتي
ميرال:وين الكل
مديحة:اختج بالمدرسة وابوج طلع هسة يجي
ميرال:اني جوعانه راح اموت من الجوع
مديحة:روحي غيري ملابسج على ما اجهز الاكل
ميرال:اوكي جاي اشم ريحة اكل ممم
مديحة:روحي بدلي وتعالي
ميرال:ماشي ثواني وانزل
ذهبت الى غرفتها قامت بتغير ملابسها ونزلت الى الاسفل وجدت والدتها تعد الطعام على الطاولة
ميرال:تردين مساعدة
مديحة:اي حبيبتي بس رتبي مكان الصحون
ميرال:تمام
وثم انطرق الباب ذهبت ميرال لكي تفتح الباب لولدها
ميرال:مساء الخير بابا
ماجد:مساء النور حبيبتي محضرين الاكل
ميرال:اي ومنتظرينك
جلس الجميع على المائدة
ماجد:اي بنتي احجيلي شلون جان يومج اليوم
ميرال:الحمدلله اول ما وصلت لكيت الشركة صارله هوسة
مديحة:خير ياستار شكو
ميرال:الرواتب متأخره وهذا التافه المدير اتهم العم مازن ماخذ الفلوس بس بعدين عرفنه العم تعرض الحادث اليوم
مديحة:ياربي وشلون صار هسة
ميرال:لا الحمدالله جروح بسيطة وطلب الدكتور منه يرتاح شوي
ماجد:وهذا المدير راح ينطي اجازة غير
ميرال:ما ادري بس.. بس لا يطرده
ماجد:ليش
ميرال:هو عنده هيج سوالف تافه
مديحة:الله لا ينطي وين يروح هذا المسكين
ميرال:اي والله
اكملت الطعام ومن ثم تذكرت ذلك الرجل
ميرال:اها تذكرت بابا اليوم شفت صديقك بالمستشفى
ماجد:منو ؟
ميرال:صديقك هذا العراقي شنو جان اسمه... اها حسن
صمت قليلاً لكي يتذكر
ماجد:حسن ؟
ميرال:اي صديقك حسن الزيدي
تذكره وابتسم لها
ماجد:اها حسن لج هذا وين شفتي
ميرال:بالمستشفى
ماجد:والله زمان صارلي شكد مسامع عنه شي
ميرال:اي ويسلم عليك هواي وانطيته رقمك كال راح يتصل بيك
ماجد:خوش زين سويتي اريد اعرف اخباره اخبار عائلته شلون صار
وفجاء تذكرت ميرال ذلك الشاب الذي كان يجلس بجانبه وابتسمت انتبه والدتها
_شبيج تضحكين
ميرال:اها لا ماكو شي
نهضت من الطاولة اني شبعت اروح ارتاح
تركتهم وذهبت الى غرفتها لتتصل بي سالي
التي كانت منشغله بالشجار مع اخيها الكبير
سالي:وانت شعليك
_شنو شعليه اني اخوج الجبير ولازم تحترميني مو تحجين وياي بهذا الاسلوب
سالي:بس اني ما سويت شي غلط وشكو بيها اذا طلعت
_لا والله انتي شايفه الموضوع عادي تطلعين هيج وكت وترجعين بالوحدة بليل
سالي:جاي اكلك صديقتي خابرتني وعزمتني على عيد ميلادها ما اكدر ما اروح عيب
_واني ما اريدج تمشين وياهه ولا تشوفيها
سالي:ليش شبيها
_ما احبها ما ارتاح لها روحي على ميرال بس هاي لا
سالي:ميرال ماتطلع اليوم تعبانه
_لعد انتي ما مجبورة ترحين
سالي:شلون ما مجبورة جاي اكلك البنيه عزمتني
_كلت ماكو طلعه سدي الموضوع
سالي:شنو يعني اسد الموضوع تره هاي مو وضعيه
_انتهاء النقاش روحي اصعدي الغرفتج
سالي:ياربي هاي مو وضعية
تركته وذهبت الى غرفتها اقفلت الباب بغضب جلست على السرير وثم رن هاتفها نظرت إليه كان الاتصال من ميرال اجابت بملل
سالي:نعم
ميرال:هلو
سالي:هلو بيج
ميرال:شكو شبيه صوتج
سالي:شكو يعني نفس المشكلة محمد
ميرال:شبيه
سالي:رافض اروح على عيد ميلاد جوليا
ميرال:يبوو مو كلتلج ما اتوقعه يقبل
سالي:بس تره هاي مو عيشة شلون يمنعني من صديقاتي
ميرال:اخوج الجبير وخايف عليج شكو بيها
سالي:بس مو لهدرجة اني مو صغيرة اكدر احمي نفسي
ميرال:خلص حبي لا تضوجين باجر نطلع اني وياج
سالي:لا اساساً بعد خرب واهسي ما اريد
ميرال:معيلج اني ارجع واهسج اذا خرب
سالي:ههههه....
وفي اليوم التالي خرجت سالي برفقة ميرال للتنزه بسيارتها عندما اصبحت الساعة الثانية ظهراً عادت الى المنزل اوصلت سالي الى منزلها
ميرال:وصلنه شنو رأيج والله تونسنه احسن من العيد ميلاد
سالي:اي لازم نسويها على طول
ميرال:اي طبعاً بين فترة وفترة
سالي:صح يله اني رايحه
ميرال:ماشي حبيبتي سلمي على اهلج
سالي:يوصل
ميرال:باي
شغلت سيارتها واتجهت نحو منزلها وعندما وصلت وجدت سيارة كبيرة تقف امام المنزل
ميرال:شايفتها هاي السيارة بس وين
اوقفت سيارتها وخرجت طرقت الباب ودخلت وجدت صديق والدها السيد حسن كان يتحدث مع ابيها
ميرال:مساء الخير
الاب:مساء النور
حسن:شلونج ميرال
ميرال:الحمدالله عمو وانت شلونك
حسن:بشوفتكم بخير
ميرال:ان شاء الله دوم يله استاذن
تركتهم وذهبت لكي ترى والدتها التي كانت تقوم بتجهيز الطعام
ميرال:ماما
_اها بنتي اجتي
ميرال:عمو حسن شوكت اجه
_من ساعتين اتصل على ابوج وطلب منه يجي
ميرال:اها يله اني رايحه ابدل واجي
_ماشي
ذهبت الى غرفتها غيرت ملابسها ونزلت بسرعة لمساعدة والدتها وعندما نزلت لم تجد احد سألت والدتها
ميرال:ماما لعد بابا وين
_راح يوصل صديقة ويجي
ميرال:اها بس شعجب اجه هسة وشلون عرف مكان البيت
_ابوج انطاه العنوان
ميرال:اها
وثم انطرق الباب وذهبت والدتها لكي تفتح الباب وثم طلب منها الذهاب الى غرفتهم واخذها وذهبوا الى غرفتهم استغربت ميرال وابتسمت قائله
ميرال:وكتكم هسة اصبروا خل اروح للغرفة والله عيب ههههه
ذهبت الى غرفة زينب اختها الصغيرة طرقت الباب ودخلت كانت زينب غارفة في دروسها
ميرال:هلو
زينب:اهلا
ميرال:انتي جاي شتسوين
زينب:مثل مجاي تشوفين جاي ادرس
ميرال:وشلونج بالمدرسة اليوم
زينب:كلش زينه وحليت كل دروسي
ميرال:عفية عليج شطوره
زينب:والاستاذه انطتني بوسه
ميرال:مممم بوسة
زينب:اي بان حليت الدرس
ميرال:عفية بالحلوة هيج اريدج دائماً مجتهدة بالدروس ...يله هسة اني اعرفج تكملين دراستج
زينب:ماشي .....
الساعة الثامنة مساءاً كانت ميرال في المطبخ تتحدث مع والدتها
ميرال:اي وشلعت كلبي شكد تفتر تريد تطلع قهر العيد ميلاد عليه
_هههههه احسن
ميرال:لا احسن
_اكلج باجر لا ترحين للشغل
ميرال:ليش
_راح يجون خطار واريدج تساعديني
ميرال:بس شلون يا ماما
مديحة:شنو شلون تاخذين اجازة
ميرال:المدير ما يقبل اخذ اجازة قبل بيوم
مديحة:ميهمني كلام مديرج التافه هذا
ميرال:بس يا ماما
_ماكو بس اخذي اجازة باجر راح يجون خطار وما اكدر الوحدي
ميرال:ومنو راح يجي
_صديق ابوج حسن وعائلته
ميرال:وشنو السبب
_يعرفنه على عائلته احنه ما شايفيهم بس سامعين بيهم
ميرال:و وكت التعارف باجر
_اي وانتي شكو عليج اخذي اجازة وتعالي
ميرال:ماشي اشوف
_ماكو اشوف لازم تاخذين
ميرال:حاضر يله اني صاعده فوك ارتاح
_اي
تركتها وذهبت الى غرفتها اخذت هاتفها واتصلت على سالي
سالي:اهلا
ميرال:هلاو بيج اكلج
سالي:كولي
ميرال:ما اداوم باجر اخذيلي اجازة
سالي:ليش
ميرال:راح يجون خطار وماما تريدني اساعدها بالبيت
سالي:منو هذول
ميرال:صديق بابا وعائلته
سالي:شنو راح يخطبونج
ميرال:هاهاهاها مضحك
سالي:هههههه لا والله
ميرال:بله حجي زايد وسوي مثل ما كلتلج
سالي:ماشي اذا العريس حلو وافقي عليه بدون ما تحجين وياه
ميرال:شوف هاي الخبلة جذبت الجذبه وصدكتها
سالي:يمعوده خل نتخيل شنو راح يصير قابل
ميرال:يله روحي كملي خيالج الوحدج اريد انام
سالي:تصبحين على خير
ميرال:وانتي بخير
اقفلت الخط وتمددت على السرير نظرت إلى سقف غرفتها وفجأة راودها وجهي ذلك الشاب الذي رأته في ذلك اليوم اغمضت عينيها وهزت راسها لكي تبعد تلك الافكار عن راسها
ميرال:كم انتي حمقاء يا سالي جعلتيني افكر في نفس تفكيرك الغبي
اغمضت عينيها مستسلمه للنوم ....
وفي الصبح استيقظت على صوت والدتها وهي تطرق الباب
نظرت إلى ساعتها كانت تشير الى التاسعة صباحاً
ميرال:يبو تأخرت امي راح تكتلني اذا ما نزلت نهضت من السرير وذهبت للحمام اغتسلت وجهها ونزلت الى الاسفل كانت والدتها تقوم بترتيب المنزل
ميرال:صباح الخير
_صباح الن.. شنو هاي
ميرال:شبيج
_بعدج ما جاهزة الناس راح يجون روحي غيري ملابسج
ميرال:وشبيها ملابسي
_البسي فستان حلو وحطي مكياج
ميرال:شو
_لا تكفين هيج روحي بسرعة
ميرال:همه جايين يتعرفون علينا لو يخطبون
_روحي وبله حجي زايد وشعرج عوفي مفتوح ميرال:شنو
_روحي
ميرال:ماشي
تركتها وذهبت الى غرفتها فتحت الخزانه واخرجت احدى فساتين ارتدت الفستان ووضعت القليل من مستحضرات التجميل وترك شعرها مفتوحاً اصبحت انيقة وجذابه الشكل نزلت إلى الاسفل رأتها والدتها
ميرال:وهسة
_هسة تخبلين
ميرال:والله ما ادري شنو الشي اللي خلاني اسمع كلامج واسوي هيج
ارادت ان تتحدث ولكن سمعت صوت سيارة تقف امام المنزل
_شكلهم وصلوا روحي بسرعة نادي على ابوج
ميرال:ماشي
ذهبت مسرعه لكي تنادي على والدها
ميرال:بابا اجوي يمكن
_ماشي
ذهبت الى المطبخ وذهب والدها لكي يقوم بفتح الباب وادخل الضيوف الى غرفة المعيشة اما ميرال فكانت تساعد والدتها في تحضير العصير
_اني راح اخذ العصير وانتي اخذي الكيك وتعالي
ميرال:ماشي
ذهبت والدتها وبعد لحظات لحقت بها ميرال وهي تحمل الكعك طرقت الباب ودخلت عنده دخولها وقعت عينيها على نفس الشاب الذي رأته في ذلك اليوم كان شارد الذهن وعنده دخولها رفع راسه ونظر إليها وثم ابعدت نظرها عنه ونظرت إلى الجميع واستقبلتهم تلك الابتسامة الجميلة
ميرال:مرحبا
حسن:مراحب اهلا بنتي ميرال
ميرال:اهلا بيك عمو شلونك
حسن:الحمدالله وانتي شلونج
ميرال:بخير
حسن:ام قيصر هي ميرال
ام قيصر:اهلا بيج بنتي ما شاء الله احله من وصفك بهواي
ابتسمت بخجل
ميرال:شكراً هذا من لطفك
حسن:هذا مو لطف هاي الحقيقة
الاب:،هسة تشيل خشمها علينا
الجميع:ههههههه
حسن:طبعاً تستاهل
وثم نظر إلى الشاب الذي يجلس بجانبه قائلة
حسن:وهذا ابني الجبير قيصر دكتور نفسي سابقاً
ميرال:اهلا وسهلاً
قيصر:اهلا بيج
جلست بجانب والدتها وامام قصير وثم نظرت إليه قائله
ميرال:ليش تركت مهنتك الطبية
صمت قليلاً وثم نظر إلى والده الذي توتر وثم عاد بالنظر إليها
قيصر:اخذت فترة راحة
ميرال:اها لازم متعبه
قيصر:بعض الشي هو كلشي تعب
ميرال:صح
قيصر:وانتي شنو تشتغلين
ميرال:اني خريجة ادارة واقتصاد وحالياً اشغل بشركة الاتصالات
قيصر:حلو
حسن:اشو اخذتوا حجي ونسيتوا احنه هنا
ميرال:ههههه
الام:بنتي ميرال اخذي قيصر خلي يشوف حديقة البيت
ميرال:تمام
نهضت ميرال ونهض معها قيصر وخرجوا من المنزل ودخلوا الى حديقة المنزل اصبح ينظر إليها بدهشة
قيصر:واو هاي حديقتكم
ميرال:اي
قيصر:شكد مساحتها
ميرال:ما ادري بس جبيرة
قيصر:اعتقد 600 متر واكثر
ميرال:ما ادري
قيصر:حلو تصميمها بس جان المفروض هاي الشجرة مو هنه مكانها
ميرال:لعد وين
قيصر:لو حاطين نافورة مائية بدالها جان صارت احلى وهناك شحرة جوز
التفت إليها كانت تنظر إليه باستغراب
قيصر:شبيج
ميرال:انت دكتور نفسي لو مهندس زراعي
قيصر:بتاع كلو
ميرال:ههههه
اصبحوا هم الاثنان يضحكان وفجأة توقف قيصر عن الضحك التفت إليه رأت نظره مخيفة بعينيه قبل أن تركز جيد ابعد نظره عنها ووضع يده على عينيه ولكنها
لمحت شيء بعينه ......
