الثامنة مساءاً كانت ميرال غارقة في الحديث مع ريما لم تنتبه إلى تأخير الوقت
ريما:اي ومن بعدها ما شفت احد منهم
ميرال:عوفوج الوحدج
ريما:اي بالبداية صاروا شجاعاً بس من بدت الحرب ما لكيت واحد بيهم
ميرال:هههههه خطية
ريما:واخذت كتله منها لحد هسة ما انساهه
ميرال:يبوو وهذول وين
ريما:رجعت للبيت لكيتهم كاعدين يم ابويه
ميرال:عزة
ريما:اي جبناء
بسام:هاي على منو؟
التفت ورأت زوجهها بسام يقف خلفها
ريما:اكو غيرك
بسام:مو جبان بس انتي ام المصايب
ريما:اني
بسام:اي منو كلج تشخبطين على جنطة البنية
ميرال:هاي شنو هههههه
ريما:لا مو هيج
وبدأوا يتجادلون مع بعض حول الموضوع وكانت ميرال تنظر إليهم وتضحك على تصرفاتهم الغريبة
ريما:انت وهذاك انهزمتوا وتركتوني الوحدي
بسام:اي طبعاً شنسوي اذا جانت فيل مو بنيه
ميرال:شنو
بسام:جانت البنيه سمينه حيل احنه من شفناهه بقينا صافنين اني وقيصر واحد يباوع بوجه الثاني
كال قيصر هاي بس تكعد علينا راح تمردنا مرد وتركتج وانهزمت اني وقيصر
ميرال:عفية ابطال
بسام:يمعوده هاي ما ينطلع وراها
ريما:اي عيني لان اني عندي جبناء
بسام:يعني هسة اني لو تعاركت وياهه وصار بيه شي راح تقبلين تزوجين
ريما:طبعاً لان تعاركت على مودي
ميرال:اوو بهاي ما لك حق تحجي
بسام:خوش لعد المرة الثانية راح اوكف وياج بس اختاري وحدة ضعيفة
ميرال:هههههههه
وثم انفتح الباب ودخلوا العم حسن والعمة فادية
حسن:السلام عليكم
الجميع:وعليكم السلام
ريما:شلونك بابا
حسن:اهلا بيج حبيبتي نورتي
ريما:بنورك
بسام:شلونك عمي
حسن:اهلا بيك شلونك شخبارك
بسام:الحمدالله بخير
فادية:مشتاقين لكم شعجب اجيتوا
ريما:اني من العصر اجيت بس بسام هسة اجه
حسن:اي خل نشوفكم صارلنا هواي ما شايفيكم
فادية:بس قيصر وين
اصبحوا يلتفتون حولهم
ميرال:ما ادري
ريما:اني ما شفته دخل للبيت
ميرال:اني راح اروح اشوفه
بسام:لا خليج انتي اني طلع ادور عليه
ميرال:لا ماكو داعي خليك مرتاح
ارتدت جاكيت لانه الجو بارد جداً في الخارج وفتحت باب الحديقة وخرجت لتبحث عنه لم تجد في نفس المكان الذي كانوا به وكان المكان مظلم جداً وثم رأت ضوء قادم من داخل الكوخ الذي بداخل الحديقة
استغربت
ميرال:ليش مفتوح الضوء بهذا الوقت
اقتربت منه بخطوات بطيئة كانت تلتفت حولها من شدت الخوف وثم وقفت امام ذلك الكوخ كانت تنظر للباب بتردد تخشى من ما قد يكون بداخله ارادت الدخول ولكن اوقفها صوت شيء قادم من خلفها التفت بسرعة لم تجد شيء فقط الظلام واشجار كبيرة حولها اصبحت تنظر لم تجد شي وعندما التفت إلى الكوخ تفاجئت برؤية قيصر يقف امامها وعينيه مليئة بالحقد كان ينظر لها بطريقة مخيفة نظرت الى عينيه لم تكن عين قيصر كانت مخيفة جداً ومن شدت رعب تلك العيون صرخت ووقعت على الأرض كانت تحاول أن تبعد نفسها عن تلك الروح ولكنها تقترب منها وترعبها اكثر وثم بدأت التحدث معها بطريقة مخيفة
_اني مو كلتلج عوفي ليش رجعتي
كانت ميرال ترتجف وتحاول ابعاد نفسها منها
_انتي اجيتي حتى تتحديني مو؟ راح اعلمج شلون يكون التحدي
كانت تزحف بجسدها لكي تبعد نفسها عن المكان وثم امسكت بالتراب بيدها ارادت ان ترمي عليها ولكنها تذكرت أن رمت عليها التراب قد تتأذى عين قيصر
_شنو تنتظرين يله ارمي عليه
كانت تتحداها لانها تعلم بأنها لا يمكنها أن ترمي التراب عليها وفجأة قامت بضربها على قدميها واستطاعت النهوض من الارض ارادت ان تركض ولكنها خدشت يدها لتنزف الدماء من يدها صرخت ميرال بصوت عالي من شدت الالم
_شنو تأذيتي؟ هسة راح اخليج تتأذين اكثر واكثر
امسكت بالجرح بقوة وضغطت عليه لتصرخ باعلى صوتها
ميرال:اااااه
_شو جاي تتوجعين
ميرال:ساعدوني ياناس
_محد موجود يساعدج هسة ودعي هاي الدنيا
اردت أن تقتلها ولكنها لم تستطع أن تفعل ذلك استغراب من الذي حدث
_اللعنة عليك قيصر اللعنة
وفجأة اصابتها رعشة بجسدها وعاد قيصر الى وعيه ولا تزال يده على الجرح يضغط عليه بقوة وكانت ميرال تبكي من شدت الالم سمع صوتها والتفت إليها كانت تبكي وخائفة منه
قيصر:ميرال شنو صار
ابتعدت ونظرت إليه رأت عينيه قد عاد الى وعيه
قيصر:شكو ليش تبجين
لم تستطع أن تتحدث بسبب الألم نظر إلى يده كانت على يدها بقوة ابعد يداه عنها ونفجرت الدماء من يدها تفاجئ
قيصر:هاي شنو
ميرال:راح اموت تأذيني
قيصر:شسوي هسة
اصبح يلتفت حوله لم يجد شي وثم مزق قميصه ووضعه على الجرح وربطه بقوة لكي يتوقف النزيف
قيصر:كومي خل اخذج للمستشفى
ميرال:ماشي
حاولت النهوض ولكنها لم تستطع النهوض حملها بين ذراعيه واخذها للمستشفى كانت تتألم طوال الطريق لم ينقطع عنها الدماء وثم وصلوا الى المستشفى حملها وادخلها الى المشفى وانتظر خارج الباب وفجأة رن هاتفه كان الاتصال من عائلته تردد كثيراً في الرد ماذا سيقول لهم لم يكن لديها حل سوى الرد
قيصر:الو
حسن:الو قيصر وينك ابني وميرال ماكو
قيصر:ميرال وياي
حسن:وياك ليش انتو وين
قيصر:طلعنه مشوار راح نتأخر
حسن:وانتو ما لكيتو غير هذا الوكت تطلعوا بيه
قيصر:مراح نتأخر
حسن:ماشي دير بالك
قيصر:اكيد
اقفل الخط وخرج الطبيب من غرفة ذهب إليه
قيصر:دكتور ماذا حدث كيف حالها
_لا تقلق انها بخير لقد علاجنا الجرح ولكن عليك أن تنتبه لها وتقوم بتعقيم الجرح بين فترة وفترة
قيصر:حسناً شكراً لك
تركه ودخل إلى غرفة كانت ميرال تقوم بترتيب نفسها للخروج
قيصر:شلون صرتي حاسة بوجع
ميرال:لا صرت احسن
قيصر:الحمدلله يله امشي نطلع
ميرال:يله
قيصر:تكدرين تمشين لو
ميرال:لا اكدر امشي
اخذها وخرجوا من المستشفى ركب بسيارة قيصر وذهبوا كانوا صامتين طول الطريق وفجأة انتبهت ميرال بانه هذا الطريق ليس طريق المنزل التفت إليه ميرال:احنه وين رايحين هذا مو طريق البيت
لم يرد عليها انتبهت وبعد لحظات اوقف السيارة امام منزلها استغربت التفت إليه قائله
ميرال:هذا بيتنا
قيصر:اي
ميرال:بس احنه شنسوي جايين
قيصر:اوصلج لبيت اهلج
ميرال:توصلني ليش
قيصر:انزلي ابقي يم اهلج
ميرال:ابقى يمهم ليش
قيصر:احسن
ميرال:شنو احسن
قيصر:بله حجي زايد كلتلج انزلي
ميرال:ما انزل خل نرجع للبيت
قيصر:لو سمحتي انزلي لا تعاندين
ميرال:كلتلك مراح انزل
بدأ يغضب من اصرارها
قيصر:انتي ليش تعاندين
ميرال:كلتلك ما انزل لا تتعب نفسك
شغلت السيارة واصبح يقود بسرعة ربطة الحزام السيارة لكي تحمي نفسها من سرعته وثم اوقف السيارة في الطريق صمت قليلاً واخذ نفس عميق افرغ غضبه
قيصر:ليش؟
ميرال:شنو ليش
قيصر:ليش مصرة تسوين هيج؟ اللي جاي تسوينه هاي مو اسمها شجاعة انما جنون ماكو انسان عاقل يقبل يعرض نفسه للخطر
ميرال:واني كلتلك ما خايفة منها
قيصر:هاي مو لعبة انتبهي على ايدج ما شفتي شنو صارلج اليوم لو ما كعدت بالوكت المناسب
نظرت الى يداها وثم قالت
ميرال:اني اجيت وجنت ماخذه قراري ما اجي هسة ومن اول جوله اتراجع
قيصر:انتي مخبلة تتحدين منو
ميرال:اسمعني هي تريدك وجاي تسوي كلشي حتى تحصل عليك... وانت زوجي لي وهي مجرد روح لا اكثر واني بحياتي ما سمحت لاحد ياخذ شي يخصني وهسة تريدني اخاف اتراجع منها
قيصر:بس انتي متكدرين تدافعين عن نفسج لانج تخافين اتأذئ ومتكدرين تقاومين
وضعت يدها على يداه
ميرال:مدام انت يمي ماكو شي يخوف راح نكدر نتخلص منها
قيصر:مستحيل
ميرال:ماكو شي اسمه مستحيل خلي ايدك بيدي ونتساعد سوه حتى نكدر نتخلص منها
نظر إليها قليلاً وثم شغل السيارة وعادوا للمنزل اوقف السيارة امام الباب خرجت بالاول فتح لها الباب وخرجت من السيارة امسك بيدها ودخلوا للمنزل كانوا الجميع يجلسوا في غرفة الجلوس ينتظروهم
قيصر:مرحبا
حسن:اها اجيتوا
انتبهوا الى يد ميرال الذي كان عليها الشاش
حسن:هاي شنو شبيها يدج
فادية:شنو صاير
اصبحوا جميعهم يسألون عن السبب وكانوا ميرال و قيصر ينظرون إلى بعضهم البعض اراد قيصر ان يتحدث ولكن اوقفته ميرال
قيصر:بصراحة ميرال جانت بالحد...
ميرال:ونجرحت يدي بالشجره
فادية:شلون
ميرال:جنت امشي وجان المكان اظلام وما انتبهت
ريما:غير تنتبهين يمعوده
بسام:يله الحمدالله عده الموضوع على خير
ميرال:اي
قيصر:شلونك بسام
بسام:الحمدالله وانت شلونك
قيصر:تمام
وثم التفت إلى ميرال وطلب منها أن تذهب الى غرفتها
قيصر:روحي للغرفة ارتاح
حسن:اي بنتي اكيد تعبانه
ميرال:ماشي
تركتهم وذهبت الى غرفتها وثم نهضوا بسام و ريما لكي يذهبوا
بسام:يله احنه صار لازم نروح
حسن:بعد وكت
ريما:وين بعد وكت صارت الساعة بالتسعة وباجر بسام عنده شغل
حسن:ماشي
ريما:مع السلامة
فادية:مع السلامة
و دعوا الجميع وذهبوا إلى المنزل في الطريق كان بسام صامت طوال الوقت انتبهت له زوجته
ريما:شبيك صافن من طلعنه من بيت اهلي
بسام:صافن على حالة قيصر
بسام:قيصر بعد مو مثل قبل صار واحد منعرفه يعني قبل جنه نكعد سوه ونسولف سوه ونطلع سوه بس هسة صرت اشوفه بالصدف حتى كعده ما يكعد يمي
ريما:كله بسببي اني
التفت إليها كانت تبكي
بسام:ليش انتي شعليج
ريما:شلون اني شعليه مو اني اللي دخلت هذيج المريضة نفسياً على حياتنا لو ما شافت قيصر مجان صار هذا كله
بسام:بس هذا نصيبه انتي ما الج ذنب
ريما:لا كله بسببي بس لو يرجع الزمن لحظة واحدة مجان عرفتها ولا حجيت وياهه
بسام:انتي شفتي يد ميرال
ريما:اي كالت انجرحت بالشجرة
بسام:بس اني ما اعتقد هذا السبب
ريما:شنو يعني
بسام:يعني اللي صار وياها اليوم مجان بسبب الشجرة هي طلعت تدور على قيصر وبعدين رجعت مجروحه يعني اكيد هاجمتها
فتحت عينيها على وسعها
ريما:معقول
بسام:اكيد حياة هاي البنيه بخطر ممكن تتخلص منها باقرب وقت
ريما:شنسوي
بسام:لازم نخليها بعيده عن قيصر
ريما:اكيد راح ترفض
بسام:بس حياتها بخطر انتي لازم تحجين وياهه
ريما:ماشي
اكملوا طريقهم اما من جانب قيصر فقد ذهب إلى غرفته طرق الباب ودخل كانت ميرال جالسة على السرير وتنظر الى يدها المجروحة وعنده دخوله رفعت راسها لترى بيده ادوات الاسعاف اقترب منها وجلس بجانبها
قيصر:راح اغير الجرح
مدت يدها له قامت بفتح الشاش وبدأ بمعالجة الجرح كانت تتألم
قيصر:جاي تتأذين؟
ميرال:اي
قيصر:حاولي تستحملين
ميرال:هسة يله عرفت ليش ما جنت تباوع عليه من تظهر هاي الروح
رفع راسه ونظر إليها
ميرال:اليوم باوعت بعيونها وشفت عيونها
كانت ميرال خائفة وتتكلم معه عن الذي رأته اليوم
ميرال:جانت عيونها مخيفة ما كدرت اباوع عليها حسيت كأنه عيون
قبل أن تكمل جملتها سحبها إليه و احتضنها بقوة خبئت راسها بين صدره وامسكت بياخة قميصه
حاوطها بذراعيه
قيصر:شش سدي الموضوع لا تحجين بيه
كانت تبكي وكان يمسح على شعرها ويحاول أن يجعلها تهدئ بعد ربع ساعة لم يعد يسمع لها صوت ابعدها عنه قليلاً ليراها نائمة وهي تحتضنه حاول أن يحملها من دون أن تستيقظ حملها ووضعها على السرير اراد ان يبتعد عنها ولكنها كانت تمسك بقميصة بشدة حاول ابعد يدها عن القميص ولكنه لم يستطيع التفت حوله لا يريد ازعاجها لانها قد نامت بصعوبة لم يكن امامه حل سوى النوم بجانبها تمدد و استلقى بجانبها على السرير وفجأة تحركت ووضعت راسها على صدره ارتباك لم يعد يعلم ماذا يفعل الان
ابتسم وحاوطها بذراعه وخلدوا للنوم وهم في احضنان بعضهم البعض ......
في اليوم التالي الساعة التاسعة صباحاً
ميرال "
فتحت عيني ورأت قيصر نائماً بجانبي وكانت يداه تحاوطني وكنت احتضنه انا ايضاً شعرت بالخجل وابعدت يدي بسرعة تحرك قليلاً وثم بدأت بالاستيقاظ فتح عينيه وكان وجهي مقابل وجهه شعرت بالخجل وقالت
ميرال:اسفه يمكن البارحة عذبتك وياي
قيصر:اي والله عذبتيني نمتي وانتي تبجين وبعدين اضطريت اشيلج وخليتج على الجربايه وظهري كسرتي
شعرت بالحراج منه كما انا غبية
قيصر :وبعدين كلت اروح ارتاح هم ما خليتيني ارتاح لزكتي بيه وما خليتيني اروح انام واضطريت ابقى هنا شي يملل
ميرال:اني اسفه بصراحة مجان قصدي اتعبك وياي
وثم سمعت صوته التفت إليه رأيته يضحك بصوت عالي وثم توقف ونظر إلي
قيصر:انتي صدك طفلة وتصدكين بسرعة ....شبيج ضجتي جنت اشاقة وياج
ابتسمت وضربته بخفة على كتفه
ميرال:مزحه مو حلوة
تبادلنا الابتسامة وثم نظراً إلى بعضنا البعض وثم قال
قيصر:بس تدرين هاي اول مرة من ثلاث سنوات انام بليل مرتاح من غير لا خوف ولا قلق احتضنتج ونمت مثل كأنه سحر بيج
ميرال:سحر؟
قيصر:اي سحر غير شكل ما يقلقني
ميرال:ممكن اسألك سؤال
قيصر:تفضلي
ميرال:انت هم تخاف منها
قيصر:اكون جذاب اذا كلتلج لا اني اخاف منها مو لان اخاف تأذيني بس اخاف منها لا تسوي شي بيج لو لاهلي هذا الشي اللي يقلقني
امسكت بيديه
ميرال:طول ما احنه سوه مراح تكدر علينا وراح نتخلص منها
قيصر:لا تحاولين تعرضين حياتج للخطر
وضعت يداي على وجنتيه ونظرت بعينيه
ميرال:مو مهم اهم شي ترجع صحتك وترجع مثل ما جنت
وضع هو ايضاً يداه على وجنتيها
قيصر:وشنو راح استفيد اذا رجعت صحتي وانتي صارلج شي
ميرال:مراح يصير لي شي مدام انت يمي اكيد راح تحاول تحميني منها
قيصر:اوعديني اذا حسيتي نفسج بخطر راح دافعين عن نفسج وما يهمج امري
ميرال:ما اكدر اخاف اضربها انت تتأذى
قيصر:معليج بيه اهم شي تخلصين نفسج لان هاي مراح تعوفج لحد ما تتخلص منج انتي لازم تنتبهين ميرال
ميرال:لا تشغل نفسك بهذا الموضوع راح احمي نفسي واحميك منها
وفجأة قرب وجهه إلي شعرت بالتوتر ما الذي ينوي فعله اغمضت عيني بسرعة وما هي الا رمشة عين وانطبعت شفتاي على شفته تبا انه يقبلني
شعرت بقلبي سيتوقف وقد اصبحت دقاته تتسارع اكثر واكثر تبا لك ايها القلب لا تتوقف الان دعني اعيش تلك اللحظة وما هي الا لحظه وابتعد عني وهو يضع يداه على راسه نهضت مفزوعة
ميرال:قيصر شبيك
قيصر:راسي صداع راح يموتني
ميرال:شسوي اجيبلك الدكتور
لم يرد عليه قلقت عليه
ميرال:قيصر شنو صارلك انت بخير
كانت يضع يده على راسه وينظر للاسفل اقتربت منه اردت الامساك به ولكنه قام بدفعي بقوة حتى سقطت على الارض رفعت راسي لاجد عيون تلك الشيطانة تنظر إلي وقد فهمت بأنه قيصر قد فقد وعيه الان
ميرال:انتي رجعت يا هلا
_والله وطلعتي وحدة ذكية ومستحيل الواحد يستهين بيج..... كدرتي تمنعيني ليلة كاملة ما كدرت اطلع
ابتسمت لها ساخره منها
ميرال:لعد شعبالج
_وكدرتي تخلينه ينام يمج هم
ميرال:اكيد لان هو زوجي
_زواج مؤقت بس بعدين راح يصير ارمل
ميرال:ههههههه انتي تفكرين تكتليني
_وبسهولة اذا اريد
بدأت الشعر بالارتباك هي حقاً يمكنها قتلي بطرفة عين ولكن علي ان اكون حذرة منها
_حسب ما سمعت انتي ناويه تطلعيني من جسد قيصر مو صحيح
ميرال:اي وراح اطلعج
_متكدرين اني باقية للابد وانتي راح ترحين
هجمت علي لكي تقتلني ولكني انتبهت بأنها لا تستطيع الاقتراب مني كان هناك حاجز بيني وبينها يمنعها حتى من لمسي او الاقتراب مني كانت مندهشة كيف لا يمكنها التقرب مني ..ما الذي يحدث ولماذا لا تستطيع الوصول إلي؟.... انا كنت اعلم ما هو السبب الذي يمنعها الاقتراب مني انه بسبب القران الكريم الذي وضعته في الغرفة يمنع أي شر ان يقترب مني
_اللعنة عليج هاي شمسويه
ميرال:كلتلج مراح تكدرين تتقربين مني
_يعني انتي مصرة تتحديني
ميرال:اي وناوية اطلعج من حياتنا
ابتسمت بسخرية قائلة
_اي هاي اذا عرفتي تجيبين العلاج
ميرال:راح احصل عليه
_واني منتظرتج ...اني رايحه هسة بس راح اعاقبج حتى لا تتحديني
اصبحت تلتفت حولها وكأنها تبحث عن شيء وفجأة ابتسمت وذهبت باتجاه الزاوية اخذت احدى العطور وقامت بكسر الزجاجه ارتعب وابتعدت عنها بسرعة حملت تلك الزجاجة ونظرت إلي وهي تبتسم
_انتي تخافين على قيصر
اشعرت بالخوف ماذا تنوي فعله تلك المجنونة
ميرال:انتي راح شتسوين
_راح اعاقبج واشوف شنو راح يكون ردت فعلج
لقد فهمت ما الذي تنوي القيام به حاولت منعها
ميرال:ديري بالج تسوين شي
_شنو خفتي هو هذا الشي اللي اريده اشوف الخوف بعيونج
ميرال:ديري بالج تأذينه
وضعت الزجاجة على يدها اصبحت اتوسل إليها كي لا تفعل شيء يأذي قيصر
_اترجاج لا تأذي
وفجأة غرست تلك الزجاجة بيدها ليخرج الدماء من يدها وثم ابتسمت لي باستهزاء وذهبت ليعود قيصر الى وعيه انتبهت إليها كان يشعر بألم في يده ركضت إليه وانا احاول ايقاف النزيف
قيصر:هاي شنو
ميرال:اهدئ ماكو شي بس خل اشوف الجرح
نظرت الى الجرح لم يكن عميقاً طلبت منه أن يجلس وذهبت لكي احضر له علبة الاسعاف الاولية جلست بجانبه واصبحت اعالج له الجرح
ميرال:مصار شي جرح بسيط
قيصر:شنو صار هاي ليش سوت هيج ولي اااه
ميرال:اسفه تأذيت
قيصر:بسيطة مصار شي سوتلج شي
ميرال:لا بس جرحت نفسها حتى تأذيك
قيصر:الله يلعنها
انتهيت من تعقيم الجرح واخذت علبه الاسعاف لكي اذهب ولكنه امسك بيدي وجعلني اجلس نظرت الى عينيه ونزلت دموعي وضع يداه على وجنتاي ليمسح دموعي قائلاً
قيصر:لا تهتمي لاي شي
ميرال:شلون ما اهتم هاي انت تأذيت بسببي
قيصر:لا مو صحيح
ميرال:لا صحيح اني ما حاولت امنعها لان خفت منها خوفي شجعها تأذيك
قيصر:بس اني هسة مبية شي ومراح يصيرلي شي طول ما انتي يمي
رميت بنفسي عليه واحتضنته بشده
ميرال:مراح اسمح لها تأذيك وعد
قيصر:ماكو داعي تنطيني وعد لان اعرف
صمت قليلاً وثم قال
قيصر:اكلج
رفعت راسي ونظرت إليه
ميرال:شنو
قيصر:احنه قبل ما تجي جنه شنسوي
احمرت وجنتاي و ضربته بخفة على كتفه و خبئت راسي بين ذراعية سمعت صوت ضحكاته
قيصر:لج شبيج بس اريد اعرف جنه شنسوي
ميرال:بس
قيصر:يا عيني ميصير نعوف الشغله مو كامله لازم نكملها
ابتعدت عنه ونظرت إليه بصدمة
ميرال:شنو هو اللي تكمله
قيصر:الشغله اللي عفتها على النص
هربت من السرير ووقفت امامه وانا انظر إليه
ميرال:لا عيني هي مجرد بوسه وهجمت عليه لعد لو اكثر من بوسه راح شتسوي
قيصر:لج انتي شفتهمتي اني جان قصدي على البوسة مو اكثر من البوسه
قال جملته الاخيرة وغمز لي شعرت بالاحراج تبا لي كما انا غبية لا استطيع التحكم بلساني حاولت حل المشكلة
ميرال:اي هاي هم متصير هسة
قيصر:اذا جان قصدج نسوي اكثر من البوسة فهاي ماعندي اي مانع بالعكس راح يصير اكثر تشويق
وغمز لي مرة اخرى لا اعلم ماذا يحدث لي عندما يغمز لي بعينيه اشعر بعقلي سيتوقف فقررت الهروب قبل أن افقد عقلي بسببه
ميرال:لا عيني اروح للحمام احسن
قيصر:وين رايحه انتظري
تركته وذهبت مسرعة سمعت صوت ضحكاته شعرت بقلبي سيتوقف ماذا يحصل لي لما انا متوترة هكذا علي الهدوء قليلاً تبا لك قيصر انك تثير توتري كل ما نظرت إلى عينيك وضعت يداه على قلبي لا زال ينبض بسرعة اهدئ ايها القلب
وفجأه سمعت صوته
قيصر:اذا تردين كلبج يهدئ اخذي نفس عميق اكثر من مرة
فتحت عيناي تبا من اين علم هل امري مفضوح هكذا
فتحت الصنبور المياه وبدأت بالاستحام وعندما انتهيت انتبهت بأنني لم اجلب ملابسي معي لانني دخلت مسرعة وقد نسيت الملابس في الخارج ماذا سأفعل الان كيف يمكنني الخروج بهذا الشكل اقتربت من الباب وفتحته ببطء اخرجت رأسي واصبحت انظر حولي لم اجد قيصر الحمدلله يبدو بأنه قد خرج يمكنني الخروج الان
وضعت المنشفة حولي وخرجت مسرعة ذهبت الى غرفة التبديل وفي اثناء دخولي تفاجئت برؤية قيصر في غرفة التبديل ولم يكن يرتدي شيء سوى البنطلون كان يبحث عن ملابسه وقد اندهش لرؤيتي بهذا الشكل
ميرال:قيصر.... انت هنا
قيصر:اها يمكن
ميرال:شو
قيصر:قصدي هاي شنو
شعرت بخجل وحاول اخفاء جسدي بيداي
ميرال:بصراحة دخلت وما اخذت وياي ملابس وبعدين ما ادري بيك هنا
قيصر:بصراحة هذا احسن شي
ميرال:شنو
قيصر:انج نسيتي الملابس
قد احمرت وجنتاي من شدت الخجل اصبح يقترب مني بخطوات وانا ابتعد عنه الى أن اصطدم جسدي بالجدار التفت حولي لم اجد مهرب منه حاوطني ووضع يداه على الحائط
ميرال:ق... قيصر شتسوي
قيصر:انتي شكد حلوة وشعرج مبلل
ميرال:اها
قيصر:حلوة
ارتبكت لا استطيع التحدث كان ستغمى علي وفجأة وضع يداه على وجنتاي واقترب مني اغمضت عيني بسرعة قبل أن يقوم بتقبيلي وفجأة سمعت صوت ضحكاته فتحت عيني وانا مستغربه ماذا يضحك
قيصر:لا تخافين مراح اسوي شي اخاف على كلبج لان راح يوكف
ابتعد عني وترك الغرفة وخرج استعدت انفاسي اللعنة على ذلك القلب دائماً يحرجني معه
اكملت ارتداء ملابسي وعندما خرجت وجدته في الحمام رتبت شعري ونزلت للاسفل كانوا يتناولون الطعام اقتربت منهم
ميرال:صباح الخير
حسن:صباح النور
فادية:وين قيصر
ميرال:هسة ينزل بس يكمل تبديل
حسن:شنو اخبارج بنتي شلون صارت يدج
ميرال:لا الحمدالله شوي احسن
حسن:الحمدالله
وبعد لحظات وصل قيصر وجلس بجانبي
قيصر:صباح الخير
حسن:صباح النور
انتبه إلى الجرح الذي بيده
حسن:قيصر هاي شنو
قيصر:ماكو شي بابا جرح بسيط
فادية:شلون جرح بسيط
ميرال:ماكو شي لا تخافون
فادية:شلون انجرحت
اصبحوا ينظرون الى بعض لم يريد قيصر لن يعلموا عائلته ما بسبب لكي لا تتعب صحتهم اكثر بسببه
قيصر:ماكو شي جرح عادي
حسن:دير بالك على نفسك
قيصر:اكيد
حسن:هل الايام المشاكل كاعده تجينه وحدة وراء الثانية كلبي مو متحمل مصايب
ميرال:ان شاء الله ماكو شي
اكملت الفطور وعندما انتهيت خرجت مع قيصر للسير في حديقة المنزل لقد اثر فضولي حول معرفة ماذا يوجد في داخل ذلك الكوخ وكنت احاول ان اخذ بعض التفاصيل من قيصر
ميرال:منكم اسألك سؤال
قيصر:كولي
ميرال:بخصوص الكوخ
لقد تغيرت ملامح وجهه وعندما ذكرت امر الكوخ
قيصر:مو كلتلج سدي موضوع الكوخ
ميرال:ليش
قيصر:شنو ليش
ميرال:عندي فضول بخصوصه اريد اعرف شنو موجود داخله
قيصر:كلتلج اشياء قديمه
ميرال:زين ليش من طلعت لي هذيج كانت واكفه يمه كأنه طلعت من داخل الكوخ
ارتباك ويبدوا بأنه قد انزعج من اسئلتي حول هذا الموضوع ولذلك اردت غير الامر
ميرال:اريد اطلب منك طلب
قيصر:شنو
ميرال:شنو رأيك نطلع اني وياك بره البيت
قيصر:لا
ميرال:ليش لا
قيصر:اذا تردين اطلعي انتي بس اني لا
ميرال:بس اني حابه اطلع وياك
غضب وتحدث معي بنبره عصبية
قيصر:كلتلج ما اطلع انتي ما تفتهمين
ميرال:اني اسفه
قيصر:اني اريد اكمل مشي الوحدي
ميرال:تمام راح ارجع
تركني واكمل طريقة كان ذاهبان باتجاه ذلك الكوخ عندما ابتعد عني استدرت ولحقت به عندما وصل الى الكوخ وقفت خلف الاشجار واصبحت ارقبه من بعيد توقف امام الكوخ كان ينظر حوله وفجأة انفتح الباب ودخل واقفل الباب تفاجئت كيف لباب ان ينفتح بمفرده اقتربت من الكوخ التفت حولي لم اجد شيء سوى الاشجار اقتربت منه اكثر كنت اتجول حول الكوخ لعلي اجد شيء وثم وجدت فتحه صغيرة اقتربت منها ووضعت عيني بداخل الفتح لعلي ارى شيء لم ارى شيء سوى الظلام وفجأة ظهرت لي عين مخيف من الفتحه تبا الشخص الذي كنت اسير معه لم يكن قيصر ابتعدت بسرعة عن المكان واصبحت اركض لكي ابتعد عن ذلك الكوخ كنت اركض بسرعة دخلت إلى المنزل واقفلت الباب
سندت ظهري للباب وكنت احاول استعادة انفاسي كنت ارتعش من شدت الخوف وفجأة ظهرت لي....
ريما:بخ
ميرال:اااااه
ريما:اهدي هاي اني
كنت انظر إليها وانا ارتجف اقتربت مني وامسكت بيدي
ريما:شبيج ......ليش جاي ترجفين
التفتت حولها
ريما:لعد قيصر وين
ميرال:بالكوخ
ريما:اها افتهمت انتي بخير
ميرال:لا
ريما:تعالي خل نكعد
اخذتني وذهبنا الى الغرفة وثم احضرت لي الماء
ريما:اشربي هذا الماي واحجيلي شبيج
شربت الماء وسردت لها ماذا حدث
ريما:وانتي ليش رحتي تباعين
ميرال:رحت اشوف شنو بداخل الكوخ
فجأه تحدث بطريقة مخيفة
ريما:لا تحاولين تعيدها بعد
ميرال:اها
رفعت راسي ونظرت إليها كانت تنظر إلي بحقد وعينيها.... ياالهي انها نفس تلك العينين الذي رأيتهم للتو هذا يعني بأنها ليست ريما
_شو عرفتيني
ابعتدت عنها بسرعة وقفت بعيداً
ميرال:انتي؟
_اني اكدر اظهر لج بالف شخصية اي شخص ممكن اريده ممكن استغله ....حتى انتي اكدر استغلج وادخل بيج
ميرال:لا تفكري ممكن تخوفيني بهذا كلامج
ابتسمت بسخرية وقالت
_ليش يعني انتي هسة مخايفه مني ؟
ميرال:مستحيل
_تحبيني نجرب
ما الذي تنوي فعله تلك الشيطانه
_شوفي شنو على هيج المرايه
التفت إلى المرأة وتفاجئت برؤية وجهي ملطخ بالدماء فتحت عيني على وسعها وضعت يدي على وجهي لم يكن هناك شيء على وجهي وفجأة اصبحت تضحك وتنظر إلي
_شفتي شلون خليتج تخافين مني
ميرال:انتي شيطانه
_هسة يله عرفتي
ميرال:شتردين مني بالضبط
_تبتعدين عن حياة قيصر
ميرال:هذا الشي مستحيل
_اذا؟
ميرال:مثل ما سمعتي قيصر زوجي مستحيل اتخلى عنه تفهمين
_تمام انتي اللي تردين تلعبين واني بصراحة احب اللعب بالبداية جنت العب على خفيف وياج بس هسة صار لازم نغير الطريقة شوي
ميرال:ميهمني اللي تردين تسوينه
_متأكدة يعني ما تكدرين تبتعدين عن قيصر
ميرال:محد يكدر يبعدني عن زوجي ولا حتى انتي
_لا تفرحي انتو اساساً هيج او هيج مراح تستمروا شهر مع بعض
ميرال:شنو يعني؟
_من يجي وكته راح تعرفين.... باي
ميرال:تعال هنا وين رايحه تعالي
تركتني واختفت من امامي بسرعة تركتني في حيره ماذا كانت تعني بأننا لم نستمر معا شهر ما الذي تنوي فعله تلك الشيطانه.....
