"عائلة قيصر "
منذو خروج ميرال من المنزل وقيصر يجلس في غرفته ولم يخرج منها طوال اليوم وكانوا عائلته قلقين بشأنه ولا يعلمون ماذا يفعلون له
فادية:وبعدين راح نبقى كاعدين هيج
حسن:لعد شنو بدينه نسوي ما شفتي شنو كال ابنج
فاديه:ونعوفهم يطلكون
حسن:ما ادري
فاديه:لازم نسوي شي نمنع هذا الطلاك
حسن:لا ما ندخل بينهم ونخليهم يفكرون
فاديه:انت شبيك تحجي وكأنك ما تعرف شنو موضوع ابنك قيصر بهاي الفترة مو بوعيه
حسن:ليش هو شوكت جان بوعيه حتى هسة تردينه يكون واعي
صمتت قليلاً وثم نظرت إليه قائله
فادية:صارله شكد بالغرفة خل نصعد نشوف شبيه
حسن:لا عوفيه
فادية:شلون تريدني اعوفه وهو بهاي الحالة
حسن:لا تخافين هسة مو الدنيا الليل
فادية:وشنو الفرق نهار او ليل صارت بالنهار وبليل
نظر إليها بقلق
حسن:وهو هذا اللي مخوفني من يوم زواجه وبدت حالة تسوء أكثر
فادية:احنه غلطنه بزواجه
حسن:اني جنت اتوقع من يزوج راح تروح عنه بس زادت اكثر حتى حاول يكتل البنيه اكثر من مرة
فادية:والله حيره
حسن:اوف......
الساعة العاشرة صباحاً استيقظتُ ميرال من النوم على صوت الهاتف نظرت للرقم كان الاتصال من سالي لم تشأ أن ترد عليها الان اقفلت الخط ونهضت من السرير اخذت ملابسها ودخلت للحمام وعندما انتهت خرجت وجدت خمس مكالمات من سالي شعرت بالملل
ميرال:يبوو شتريد هاي هسة
اخذت الهاتف واتصلت بها
ميرال:الو
سالي:الو هلو حقير بداته ليش ما تردين عليه
ميرال:جنت بالحمام
سالي:اي هسة جنتي بالحمام وقبل وين؟ لج اني كل ما اتصل بيج ما تردين عليه
ميرال:تعبانه
سالي:تعبانه من شنو
ابتسمت وبدأت تتحدث بمكر
سالي:اي اكيد تعبانه من الرومانسية مال قيصر وعايفتني يابختج
وفجأه سمعت صوت بكائها
سالي:ميرال شبيج انتي جاي تبجين
سمعت صوت شهقات بكائها
سالي:لج خوفتيني شكو شنو صاير؟ اسمعي راح اجي عليج هسة
توقفت عن البكاء لترد عليها
ميرال:اني عند اهلي
سالي:شنو عند اهلج ليش ولج شنو صاير
ميرال:ما اكدر احجي تعبانه
سالي:هسة راح اجي عليج واخذج ونطلع
اقفلت الخط قبل أن ترد عليها جهزت نفسها وذهبت إليها مسرعة اما ميرال فكانت تبكي بغرفتها انطرق الباب ومسحت دموعها وثم نهضت لتفتح الباب
مديحة:ميرال كعدتي
ميرال:اي قبل شوي
مديحة:بنتي شنو صاير وياج تعاركتوا انتي وقيصر
ميرال:بعدين نحجي
مديحة:بنتي شنو بعدين غير افتهم الموضوع
ميرال:رجاءاً ماما ما الي واهس احجي
مديحة:براحتج خل ننتظر ونشوف
تركتها ونزلت لتفتح الباب الذي طرق قبل لحظات لترى سالي امامها
سالي:صباح الخير خاله
مديحة:صباح النور والله همزين اجيتي تعالي شوفي حل وياه هاي
سالي:شكو شنو صاير
مديحة:ما ادري شبيها اجتي البارحة دخلت للغرفة وما تقبل تحجي شنو صاير وياهه
سالي:اني هسة احجي وياهه واعرف شنو القصة
مديحة:اي فدوه لكلبج خليني اعرف شنو الموضوع راح اموت من الخوف عليها
سالي:لا تخافين ....تسمحيلي اروح
مديحة:اتفضلي حبيبتي البيت بيتج
تركتها وذهبت الى غرفتها طرق الباب ولم تفتح لها وثم سمعت صوتها
ميرال:كلتلكم عوفوني الوحدي رجاءاً
سالي:ولج هاي اني كومي افتحي الباب لا اكسره عليج
وفجأة انفتح الباب لتخرج ميرال المنتفخة العينان بسبب البكاء تفاجئت سالي عنده رؤيتها بهذا الشكل
سالي:ولج هاي شنو شصاير بيج
استدارت ودخلت للغرفة لتدخل سالي خلفها
سالي:شكو احجيلي شمسوي بيج هذا ؟ليش رجعتي لاهلج احجيلي لا تبقين ساكته
ميرال:شنو ترديني احجي
سالي:احجي كلشي لا تخلين شي بكلبج
ميرال:شفت العجايب بهذا البيت جنت مفكرة راح اعيش عيشة زينه هناك بس نكلب كلشي عليه
سالي:شكو
ميرال:طلبت الطلاك
سالي:شنو؟ طلاك
ميرال:اي
سالي:لهدرجة وصلت ما صارلج هواي طلاك شنو
ميرال:لعد ترديني ابقى هناك لحد ما يكتلني بيده
سالي بصدمة:شنو؟
ميرال:اي بهذا اليوم راد يكتلني لو ما اجوي اهله بالوكت المناسب جان اني هسة ميته
سالي:انتي جاي شتحجين
ميرال:مثل مجاي اكلج قصير هذا واحد مريض نفسي لازم يتعالج
سالي:شكد حقير زين ليش
ميرال:ما ادري.. هو هذا السبب اللي راح يخبلني ليش يتصرف هيج وياي شمسويه اني مجاي اعرف
سالي:هاي شنو
ميرال:لج من اول يوم العرس واني ما مرتاحه تذكرين من كلتلج عافني الوحدي من اول يوم وقفل عليه الباب
سالي:اي وعبالي هذا الموضوع راح
ميرال:يا راح زاد عليه تدرين احنه لحد هسة ما مزوجين
سالي:شنو
ميرال:اي ينام بغرفة واني بغرفة حتى بالغرفة مالتي ما يدخل
سالي:شنو يعني انتي بعدج ؟
هزت رأسها بالايجاب
ميرال:اي ما متقرب مني
وضعت يدها على راسها من شدت الصدمة
سالي:لج هاي شنو
ميرال:شفتي حضي
سالي:يجوز هاي هي مشكلتله لان عنده مشكله زوجية ويتصرف هيج
ميرال:اني هم مثلج جنت مفكرة هيج بس بيوم صار شي حسيت بأنه هو الليلة جاي يبعد نفسه عني .....مثل اكو شي بداخله جاي يقيده مني
سالي:شنو يعني
ميرال:مرة بليل جنت نايمة بالغرفة وحسيت بلمسات يده على جسمي فتحت عيني ولكيته نايم يمي على الجربايه تفاجئت هاي اول مرة يجي للغرفة.......
ميرال:قيصر انت شتسوي هنا
قيصر:شنو ما ترديني اجي
ميرال:لا براحتك تعال بس تفاجئت
ابتسم لها بمكر
قيصر:يعني ترديني اجي
غمز لها بعيني شعرت بخجل وانزلت راسها وثم امسك بوجنتيها ورفع راسها لتنظر اليه
قيصر:انتي كلش حلوة
نظر بعينها وثم قال
قيصر:عيونج تخبل لا تنزليها اريد اباوع عليها
ميرال:اليوم شنو القصة جاي يمي وتسمعني كلام رومانسية هاي مو من عوايدك قيصر
صمت للحظات وثم قال
قيصر:اني اتمنى ابقى يمج على طوال بس
توقف عن الكلام نظرت إليه
ميرال:بس شنو احجيلي قيصر شنو الشي اللي مضوجك
قيصر:مو مهم هذا الحجي عوفي
امسكت بوجنتيها واقترب منها وقام بتقبيلها من شفتيها وضعت يداها على شعره وبادلته التقبيل وثم مد يداه وخلع لها ملابسها واصبح يقبل رقبتها وصدرها الى ان شعرت بخدش في ظهرها تألمت وابعدته عنها
ميرال:قيصر هاي شبيك جرحتني
ابتعد عنها بسرعة تفاجئت من ابتعاده بهذا الطريقة
ميرال:هاي شبيك وين رايح
قيصر:اني لازم اطلع فوراً
ميرال:وين تطلع هاي غرفتك
قيصر:لا لازم اروح بسرعة
ميرال:قيصر.... قيصر
لم يلتفت إليها فتح الباب وخرج مسرعاً من الغرفة استغربت من تصرفه
ميرال:يالله شنو قصته هذا .....
العودة الى الحاضر كانت سالي تنظر إليها مستغربه من ما يحدث
سالي:والله هذا موضوع غريب
ميرال:ما ادري شنو صار فجأة وتركني وطلع بقيت صافنه ما اعرف شسوي
سالي:زين ما حاولتي تفتهمين الموضوع منه من اهله ميرال:حاولت بس اجوبتهم مو مقنعه يكولون اشياء غير اللي جاي اشوفها كدامي
سالي:شلون يعني؟
ميرال:مثل اول يوم زواجي من كال قيصر ابو تمرض ونقلوا للمستشفى بس بعدين اكتشفت اساساً ابو مجان مريض ولا بيه اي شي
سالي:شنو شلون عرفتي
ميرال:ثاني يوم الزواج بليل جنت كاعده بالغرفة وانتظره يجي بس تأخر ما اجه وكلت خل اروح اشوفه وين بس سمعت حديث بينه وبين اهله.......
فادية:شنو يعني ما تروح البنيه اكيد منتظرتك هسة
قيصر:شلون اروح هسة انتي نسيتي الموضوع
فادية:شلون هسة راح شنحجي اذا سألت عليك
قيصر:انتو شوفوا حل مثل ما ورطتوني بهذه الزواج
حسن:احنه سوينه هيج على مود مصلحتك
قيصر:اي مصلحه تحجي عليها هاي اني تورطت بسببكم ومثل ما ورطتوني انتو تحلوها بنفسكم اني هسة رايح على مكاني ما اكدر ابقى بالبيت اكثر من هذا الوكت
فادية:واذا سألت شنو نكول
قيصر:جذبوا اني مو جذبت بقصة مرضك البارحة هسة انتو هم سووه مثلي وجذبوا لو حرام الجذب
كانت منصدمة ميرال من الذي تسمعه امامها ماذا يحدث لهم ؟ ولماذا كذب علي قيصر؟ وماذا يقصد بتوريطه في هذا الزواج هل حقاً بأنه لا يريدني وقد اجبر على هذا الزواج وثم استدار قيصر للخروج ولكن اوقفه صوت والده التفت إليه
حسن:انت وين رايح
قيصر:رايح لمكاني المناسب
خرج قيصر واختبئت ميرال خلف الباب وعندما ترك قيصر المنزل خرجت من مكانها واكملت استماع الحديث كانت تقف خلف الباب وعندما انتهوا من الكلام استدارت لتذهب ولكن اصطدمت بوحود قيصر امامها فتحت عينيها على وسعها كانت متفاجئه كثيراً ألم يخرج من المنزل للتو اذن كيف دخل كان ينظر إليها بطريقة مخيفه جداً
قيصر:انتي شتسوين هنا
ارتبكت وكان جسدها يرتعش
قيصر:شبيج ترجفين
ميرال:لا ماكو شي بس نزلت حتى اشوفك
قيصر:روحي اصعدي نامي اني ما اجي اليوم رايح لصديقي
ميرال:بهذا الوكت
قيصر:اي اني اطلع لهذا الوكت دائماً عندج مانع
ميرال:لا براحتك
قيصر:لعد روحي اصعدي
ابتعد عن المكان قليلاً لكي تصعد السلم كانت تسير في السلم وتلتف إليه بين الحين والآخر ولا يزال يقف في مكانه وينظر إليها بنفس تلك النظرات المخيفة دخلت إلى غرفتها واقفلت الباب بسرعة اصبحت تلتفت حولها
ميرال:شلون رجع دخل للبيت اني بنفسي شفته طلع من الباب.... زين ليش يباوع عليه بهاي الطريقة
كانت خائفة جداً ولم تنام طوال الليل من شدت الخوف.....
كان كل يوم على هذه الحالة لا ينام قيصر في الغرفة ولا اعلم الى اين يذهب لم اتجرئ لمعرفة الامر وكان يتصرف معي بغرابة ونظراته المخيفة لي في البداية كنت اعتقد بأنه يفعل كل هذا لكي يخرجني من المنزل ولكن لا اكتشفت بان هناك شيء يدفعه لفعل هذا في بعض الاحيان يظهر شيء بعينيه وعنده اركز جيد عليه يبعد نظره عني لا اعلم ماذا يوجد بداخلها ولما يخفي عينيه عني هناك اسرار كثيراً تشوش افكاري و اسئلة كثيرة تحيرني لم اجد لها أجوبه استمريت على هذا الوضع اسبوعين في كل ليله ...في النهار يبدوا شخص عادي ولكن عندما يأتي الليل يتحول الى شخص اخر ولكنه الان اصبحت حالته تسوء حتى في النهار بدأت اشعر بالخوف منه كنت دائماً راى امامي في المطبخ في الحمام في كل مكان اذهب إليه ارى وهو ينظر إلي بنظراته المخيفة وكأنه يراقبني لا اعلم ماذا افعل احيان ارى بعينه الشر وكأنه ينوي قتلي وبالفعل قد حصل ما كنت اتوقعه ....
سالي:شنو حاول يكتلج
ميرال:اي
سالي:عزة بعينه شلون تجرئ حاول يكتلج زين ليش
ميرال:قبل شوي من كتلج تقرب مني بس بعدين عافني وراح فجأة
سالي:اي
ميرال:اجيت عليه ثاني يوم حتى احجي وياه....
كان قيصر يجلس بمفرده في غرفة المعيشة ولم يكن معه احد قلت لنفسي هذه فرصتي للحديث معه اقتربت منه كان صامتاً وينظر الى الارض لم يرفع رأسه حتى انه لم يكن منتبه لدخولي جلست بجانبه وبدأت بالتحدث معه
ميرال:قيصر انت بخير ممكن نحجي
لم ينظر إلي اعتقد بسبب الذي حدث ليلة البارحة
ميرال:اني اجيت احجي وياك على الشيء اللي صار البارحة انت ليش...
فجأة قاطعني متحدثاً معي بنبره مخيفه
قيصر:الي صار مراح يغير شي من وجودج
نظرت إليه باستغراب لم افهم ما قصده
ميرال:شنو ما افتهمت
وفجأة رفع راسه ونظر لي بعينيه التي كانت تصب شرار متحدث معي بطريقة لم افهم معناها الى الان
قيصر:مراح تكدرين تاخذينه مني لو شو ما سويتي
ميرال:اخذه منك انت عن منو تحجي
وفجأة قامت بدفعي على الاريكه واستلقى فوقي وامسك برقبتي كان يحاول خنقي لقد قطع علي التنفس لم استطع أن اخذ نفس كنت احاول أن ابعده عني بكل قوتي ولكنه كان اقوى مني
ميرال:ق... ي... ص... ر
قيصر:هذا الي الوحدي مراح اسمحلج تتقربين منه
شعرت بأنه هذه هي نهايتي قد رأيت الموت بعيني واستسلمت له كلياً
قيصر:موتي يا ساقطة موتي
فقد الوعي احسست بموت ولكن انقذني عمي حسن في الوقت المناسب وابعده عني بصعوبة دفعه بقوة و رمى به على الارض بدأت استعيد تنفسي ووعيه اقتربوا والداها مني
فادية:بنتي انتي بخير
لم استطع التكلم
حسن:خل نتصل بالدكتور يجي يشوفها
ارادت ان تذهب ولكنني اوقفتها
ميرال:لا لا ماكو داعي صرت احسن
نهضت من الاريكة بحثت حولي لم اجده في المكان
حسن:بنتي شنو صار فهمنيني
ميرال:مصار شي اريد اروح للغرفة ساعدوني ما اكدر امشي
امسكوا بيداي واخذوني لغرفتي وعنده دخولي للغرفة ابتعدت عنهم واستعدت عافيتي بشكل جيد وثم ذهبت للخزانه فتحتها وقمت بجمع اغراضي حاولوا اقناعي في البقاء ولكنني كنت مصره على الذهاب واكثر اصراري عندما رأيته امامي كان يتحدث معي ببرود وكأنه لم يكن مهتم لما حدث لي وعندما طلبت الطلاك وافق عليه فوراً دون تفكير ومثل الشخص الذي يريد التخلص من عقبه في حياته....
سالي:هاي شنو كل هذا صاير وياج وما تحجين
ميرال:شلون تردين احجي
سالي:الله يساعدج هذا خبل اكيد بيه شي بعقله ماكو انسان عاقل يتصرف هيج
ميرال:طلبت الطلاك
سالي:احسن لا تبقين وياه ولا تحاولين ترجعين اعوذ بالله منه شيطان هذا لو انسان استغفر الله انتي لازم تحجي وياه اهلج حتى تمشون اجراءات الطلاك وابدا ابدا لا تفكرين ترجعين
ميرال:اي
سالي:بس اكو شي محيرني انتي كلتي قبل ما يهجم عليج جان يحجي وياج بطريقة غريبة مثل ما اسمحلج تاخذينه مني و هذا الي الوحدي؟ شنو يعني هذا؟ انتي شنو ردتي تاخذين منه
كانت سالي تتحدث معها ولكن ميرال لم تكن منتبه إليها وفجأة نهضت ميرال من مكانها
سالي:اي وبعدين لاز..... هاي شنو وين رايحه
كان وجهها لا يفسر شيئاً
سالي:شكو شبيج
ميرال:اني لازم اروح انتي ارجعي للبيت
سالي:لج شكو وين رايحه انتي
ميرال:رايحه مشوار
سالي:ماشي بس اتصلي بيه
ارتدت ملابسها وخرجت من الغرفة وقبل أن تصل للباب صادفتها والدتها
مديحة:ميرال هاي وين رايحه
ميرال:عندي مشوار مهم مراح اتأخر
مديحة:وين رايحه وانتي تعبانه
ميرال:لا تخافين مراح اطول باي
مديحة:بس
تركتها وذهبت مسرعة ركبت بسيارتها واصبحت تقود بسرعة وثم اخرجت هاتفها واتصلت على والد قيصر
ميرال:الو
حسن:الو هلا بنتي ميرال شلونج شلون صرتي
ميرال:اني زينه
حسن:الحمدالله
ميرال:عمو انت وين
حسن:اني بالبيت
ميرال:ممكن تجي عندي موضوع اريد احجي وياك بس ما اريد قيصر يعرف بيه
حسن:ماشي
ميرال:اوكي اني نص ساعة واوصل يم الباب
حسن:ماشي مع السلامة
اقفلت الخط واكملت السير كانت قلقه جداً وتقود بشكل سريع
ميرال:شلون ما خطر لي هذا الموضوع شلون راح عن بالي .....اي تصرفته كلها تكول هيج شلون ما فكرت بيها شلون
اكملت السير إلى أن وصلت للمنزل وقفت بعيداً وانتظرت وصول العم حسن وفجأة رأته من بعيد يمشي بسرعه اقترب منها وركب بسيارتها
حسن:ميرال بنتي خير شبيج
ميرال:عمو احنه لازم نحجي
حسن:بشنو
ميرال:عندي مواضيع هواي لازم اعرفها منك
صمت قليلاً وثم قال
حسن:ماشي نحجي
شغلت سيارتها ورجعت للوراء قليلاً وثم اصبحت تقود بشكل طبيعي كانت صامته طوال الوقت الى أن وصلوا لاحد المطاعم
ميرال:عمي اريدك تكون صريح وياي وتجاوبني على كل اسئلتي بصراحة هذا الموضوع كلش مهم بالنسبة إلي
حسن:تمام تفضلي احجي
ميرال:انت لاحظت تصرفات قيصر الغريبة... بالبداية جنت اعتقد يتصرف بهذا الشكل لان عنده مشكلة بالحياة الزوجية لو مريض نفسي بس بعدين اتضح شي ثاني تصرفاته كلها تكول الشي اللي ببالي
حسن:وشنو هو اللي ببالج
نظرت بعينه قائله
ميرال:قيصر متلبسته روح وهاي الروح هي اللي جاي تتحكم بتصرفاته وهاي الروح للبنيه مو الولد صح
نظرت إليه وكأنه لم يتفاجئ بامر وكأنه يعلم جيد استغربت منه جداً
ميرال:انت جنت تدري .... جاوبني انتو جنتوا تدرون بيه
حسن:اي
انصدمت اكثر
ميرال:زين ليش ما حجيتلي الموضوع ليش خليتوني بقلق
حسن:خفنه تعرفين الموضوع وما توافقين على الزواج
ميرال:زين اني شنو ذنبي ليش تردوني اعيش مع واحد بداخله روح شريرة وعلى يا ساعة يكوم يكتلني
حسن:احنه فكرنا بالزواج راح تعوفه وتبتعد عنه
ميرال:بس ما عافته لا بالعكس هاي زادت شرها عليه
حسن:اني مجان بيدي حل جنت كل اللي اريد ابني يطيب ويرجع مثل مجان من دخلت بيه هاي الروح وابني تدمرت حياته كلياً صار لا ليله ليل ولا نهارا نهار حياته خربت
نزلت دموعه كان يتحدث معها وهو غارق بدموعه امسكت بيده
ميرال:احجيلي شلون صار هذا كله شلون دخلته على حياته
مسح دموعه وبدأ يشرح لها القصة
حسن:قبل ثلاث سنوات ابني مجان هيج جان شخص طبيعي شاب حلو وجذاب
ابتسم بين دموعه
حسن:جانوا البنات يركضون وراء وهي هاي المشكلة
ميرال:مشكلة ؟
حسن:اي مشكلة لان جمالة خلى وحدة مريضة نفسياً توكع بحبه وهي سبب هاي المشكلة كلها
ميرال:شلون
حسن:ريما جانت عدها صديقة اسمها روناك جانت بنيه حلوة وجذابه جانت تلفت الانظار بجمالها وهذا الشي ورد عدها نوع من الغرور بس كل هذا مجان يهمها الا لفت انتباه قيصر الها اللي هو مجان منطيها أي نوع من الاهتمام حاولت بكل الطرق لفت انتباهه بس بدون فايدة جان متجاهل وجودها وتجاهل قيصر لها جن جنونها اكثر
ميرال:وليش هو جان يتجاهل وجودها
حسن:قيصر مجان مرتاح الها من البداية هو ميحب البنيه الي ترمي نفسها على الشاب و روناك جانت من النوع اللي ما يحبه قيصر
ميرال:وبعدين شنو صار
حسن:حاولت وياه هواي بس هو بقى على تصرفه وهذا الشي كسر غرورها و كبريائها يعني بنيه مثلها يتجاهلها شاب اكيد راح يجن جنونها وفعلا زاد الامر سوء وصار الموضوع تحدي بالنسبة الها
ميرال:اها تحدي؟
حسن:اي حبت تكسر خشمة مثل ما كسر خشمها وحطم غرورها بين أصدقائها لان صارت مراهنه بينها وبين اصدقائها عليه
ابتسمت بسخريه
ميرال:والله عقليه
حسن:واحنه شنو دمر حياتنا غير هاي العقلية ...المهم من بعدها تحول الرهان الى جنون صارت مريضة نفسياً بيه حاولت بكل الطرق تكسر خشمه و صارت ترمي عليه التهم مرة تكول تحرش بيه ومرة تكول اعتداء عليه وخلت حالتنا صعبه بين فترة وفترة جايين علينا الشرطة لحد ما طفح الكيل بيه وقرر يوكفها عند حدها وهاي جانت اكبر غلطة راح عليها للكلية وفضحها كدام الطلاب كدامهم كلها ونزلت من عيون الكل وحجة كلشي جانت تسووي بيه وشلون جانت تحاول تتقرب منه نكسرت سمعتها بين الطلبه وبين الاساتذة والمعيد .....وقرروا يفصلوها بسبب اسلوبها وسمعتها السيئة وحتى علاقتها وياه اهلها خربت يعني حياتها كلها تدمرت بسبب قيصر ولهذا السبب قررت تنتحر وفعلا انتحرت لكوها واكعه من الطابق العاشر من عمارة جبيرة ومن بعدها فكرنا المشكلة انتهت وخلصنه منها رجع قيصر لشغلة وجانت اموره بخير بس صار شي غير النا كل توقعاتنا.....بعد انتحار روناك بشهر بدت صحة قيصر تدهورت شوي شوي
ما جنه نعرف شنو السبب دائماً عصبي ويتصرف بتصرفات غريبة يجي الليل ويتحول انسان ثاني مو قيصر اللي نعرفه زادت عنده الامراض وشغلة تركه عرضنا على اطباء نفسيين محد عرف شنو علاجة ولا شخص عرف شنو حالته بعدين اقترحت عليه ام قيصر ناخذه لشخص روحاني بلكت هو يعرف شنو حالتة اقنعنه قيصر بالبداية ما قبل بس بعدين وافق ورحنه هناك بس تفاجئنا بشي
ميرال:شنو
حسن:اول ما شاف قيصر طردنا و رفض يشوفه ولا حتى يعالجه وهاي الحالة صارت عند أكثر من شخص كلها تطردنا وترفض تشوفه احنه تفاجئنا من تصرفاتهم ما عرفنه ليش يتصرفون هيج لحد ما رحنه على واحد منهم بالبداية رفض يستقبلنا بس توسلت بيه يله قبل بعد ما فحصه كال.....
_ ابنكم حالته كلش صعبة وما تتعالج بسهولة
حسن: شنو ميتعالج ليش ؟
_ ابنك متلبسته روح شريرة وهي اللي مسيطر عليه وعلى كل تصرفاته
تفاجئنا جميعاً من الذي سمعنا ولم نصدق ما يقوله
حسن:روح شريره شنو هذا الحجي هاي خرافه
_لا هذا الشي صحيح كل تصرفاته جاي تأكد كلامي
حسن:شنو يعني ؟
_اكو شخص سوه السحر الاسود على ابنك وهذا صعب يروح منه لان من النوع الخطير...
حسن :يعني ابني راح يبقى هيج ماكو علاجة
_لا اكو علاجة بس هذا صعب ومو عندي
حسن:كول شنو هو واني اسوي
_لازم تعرف الشخص اللي اشتغل عليه بالسحر الاسود
حسن:وهذا وين الكا اني ما اعرفه
_عن طريق اللي طلب منه
حسن:هذا هم ما اعرفه
_لعد بهيج حالة ابنك مستحيل يتعالج
حسن:شلون يعني
_والله هذا اللي عندي
عدنا للمنزل خائبين لا نعلم ماذا نفعل او كيف يمكننا اخرج قيصر من تلك المشكلة حاولنا كثيراً البحث ولكن بدون جدوى لاننا لا نعلم من هو الذي انزل السحر الاسود على ابني حاولت كثيراً معالجته ولكن كلهم قالوا لنا نفس الكلام وفي النهاية استلم قيصر للامر وترك كل وسائل المساعدة التي توصلنا للعلاج..
كانت ميرال صامته ومتفاجئة من الذي تسمعه هل يمكن ان يحدث شيء كهذا كيف يمكن للانسان ان تدخل إلى جسده روح ثانية وتتحكم بيه وتحوله الى شخص مؤذي
حسن:وهاي كل القصة
وضعت يداها على راسها لتستوعب الامر
ميرال:هذا الشي فضيع كلش فضيع شلون الانسان ممكن يصير بيه هيج حالة
حسن:بس هاي الحقيقة
ميرال:هسة انتبهت شنو جنت اشوف بعيون قيصر بالبداية ما جنت مركزة شنو بس هسة عرفت جنت اشوف بعيونه عيون بنيه بس جانت تباوع عليه بطريقة مخيفة وشكلها مخيف
حسن:هاي هي اللي تباوع عليج عن طريق قيصر
ميرال:وهسة يله افتهمت معنى الكلام اللي سمعته قيل ما يحاول يخنكني
حسن:مو قيصر هاي هي حاولت تكتلج
ميرال:اي صح
حسن:من تجي قيصر ميكون بوعية وهي تتحكم بيه يعني جسم شاب بس بداخل روح بنيه
ميرال:ياربي دخيلك
حسن:اني كلتلج كلشي وهسة القرار الج انتي الوحدج وراح اتفهم موقفج لو شو مكان قرارج اذا قررتي تتركين قيصر مراح امنعج ولا راح ازعل منج بالعكس راح اتفهم موقفج ماكو وحدة تتحمل هيج مسؤولية صعبة ادري هذا الشي صعب ومو كل واحدة تكدر تعيش هيج حياة ولا تاخذين قرارج حسب كلام قيصر ترى هو اتصرف هيج على مود مصلحتج ميريد تبقين وياه حتى لا تتأذين لان حياتج وياه راح تكون خطره عليج ولهذا السبب لا تشغلين بالج بكلام قيصر وفكري بعقلج انتي
نهض من مكانه لكي يذهب
حسن:اني صار لازم اروح وانتي فكري تكدرين تتحملين هيج عيشة لو تردين حريتج فكري بالموضوع زين ولو شنو مجان قرارج لا تهتمين لاحد ماشي يله اني رايح ديري بالج على نفسج
تركها في حيرتها وذهب لا تعلم ماذا يمكنها أن تفعل في مثل هذا الموقف لم تكن تعلم بأنه القدر ممكن أن يكون يخبئ لها شيء كهذا الان هي بين خياراً صعباً أما أن تنقذ حياتها وتطلب الانفصال منه وتعود لحياتها الطبيعية وأما ان تبقى بجانب زوجها لمساعدته وبهذا الشيء سوف تعرض حياتها للخطر وما سيكون قرارها النهائي ......
