عنده ذهاب العم حسن عادت ميرال للمنزل وكانت طوال في حيرة من امرها ماذا ستفعل بخصوص هذا الموضوع لا يمكنها المخاطرة بحياتها والبقاء معه ولا يمكنها أن تتركه لانه زوجها وهذا واجب عليها كان خيار صعب ولا تستطيع اخذ قرار دون تفكير وثم تذكرت سالي هذه صديقتها المقربة ويمكنها أن تساعدها في حل المشكلة
اخذت هاتفها وقامت بالاتصال بها
ميرال:الو
سالي:الو هلو حب شلونج
ميرال:بخير وانتي
سالي:الحمدالله ضل بالي يمج شنو صار
ميرال:سالي اني واكعه بمشكلة واريد مساعده منج
سالي:يستار ياربي شكو
ميرال:باجر لازم اشوفج
سالي:بالشركة نحجي
ميرال:لا لا اريد مكان محد يزعجنه
سالي:ولج شكو
ميرال:من تجين تعرفين
سالي:ماشي باجر انتظرج
ميرال:اوكي تصبحين على خير
سالي:وانتي بالف خير حبيبتي
اقفلت الخط وخلدت للنوم ولكن نومها لم يكن جيد بسبب ذلك الحلم المزعج كانت تتحلم وكأنها تسير بمفردها في مكان مظلم ولايوجد أي بصيص نور حولها تمشي في الظلام وتتعثر قدميها بسبب الشوك الذي يدور حولها وفجأة شعرت بشيء يلتف حول قدميها ولا تستطيع اخراج نفسها منه وفجأة سقطت على الارض حاولت كثيراً ابعد قدمها عنه ولكن كان يلتف عليها بالكامل اخذت تصرخ بالاعلى صوتها وتطلب المساعدة ولكن لا احد يسمعها وفجأة رأت بصيص نور قادم من بعيد اقترب منها لا تستطيع أن ترى بسبب النور الذي يشع منه وثم ازال النور عنها قليلاً لترى وجه قيصر الذي كان يقف امامها ابتسمت عنده رؤيته وطلبت منه أن يساعدها ويفك قيدها من تلك الاشواك
ميرال:الله يخليك تعال ساعدني ما اكدر احرك رجلي
قيصر:جنت اتمنى اساعدج بس ما اكدر
ميرال:ليش
قيصر:حتى اساعدج لازم اساعد نفسي
ميرال:شنو
قيصر:انتي تكدرين تكومين لان هذا عشب لتف على رجلج بس اني
نظرت إلى الاسفل وثم نظرت إلى حيث كان ينظر رآت ثعبان كبير كان يلتف حول قدميه ولا يستطيع أن يتحرك بسببه
ميرال:هاي شنو حية دير بالك
قيصر:اي تعالي ساعديني
ميرال:شلون اساعدك ما اكدر
قيصر:لا انتي تكدرين بس تعالي ابعديها عني
وفجأة استيقظت من النوم مفزوعة من الذي رأت كانت تتنفس بصعوبة وضعت يداها على قلبها كان دقات قلبها تتسارع
ميرال:هذا شنو من حلم اعوذ بالله
نهضت من السرير ودخلت للحمام اغتسلت وجهها وخرجت وثم شعرت بالعطش ذهبت للمطبخ لكي تشرب المياه وفجأة سمعت صوت قادم من خلفها اصابها الرعب وقد تجمدت في مكانها كانت لا تريد أن تلتفت تخشى من ما قد ترى وثم شعرت بشيء يلمسها من الخلف التفتت بفزع لترى قطة سوداء اللون كانت تنظر إليها بشكل مخيف وفجأة نفخت بوجهها لتصرخ باعلى صوتها... وهربت من امامها و وجاءوا عائلتها مسرعين على صوت الصراخ
ماجد:ابنتي شبيج ليش تصرخين
كان جسدها يرتعش بالكامل ولا تستطيع أن النطق بكلمة
مديحة:ماما جاوبيني شنو صار
ماجد:روحي جيبي كلاص ماي
اذهبت والدتها واحضرت لها كأس ماء
ماجد:اشربي ماي بنتي
ميرال:لا ما اريد اشرب شي
مديحة:شبيج بنتي ليش صرختي
ميرال:نزلت اشرب ماي بس وفجأة طلعتي بزونه سوده وخوفتني
مديحة:اعوذ بالله منها
ماجد:هاي شيطان
ميرال:شيطان ؟
ماجد:اي البزونه السوده شيطان بنتي ديري بالج منها وثم تذكرت حالة قيصر وتلك القطة السوداء وكيف كانت تنظر إليها وكأنه تريد قتلها كيف لقطة صغيرة يمكنها أن تخيفها بهذا الشكل ذهبت الى غرفتها اقفلت الباب واحضرت جهاز الابتوب واصبحت تبحث عن انواع الارواح الشريرة وما علاقة القطط السوداء في هذا الامر بعد بحث طويل اكتشف بأنه هناك علاقة كبيرة بين الارواح الشريرة والقطط ويمكن للروح الشريرة ان تتلبس في القطط وتأتي إلينا اقفلت الجهاز ونظرت حولها وبدأت تسأل نفسها هل يعقل بأنه هذه القطة لها علاقة بالروح التي تتلبس جسد قيصر من الممكن أن تكون قد جاءت لي على شكل قطة لكي تخيفني
ميرال:ياربي فكري زين ميرال انتي مراح تواجهين شخص عادي هاي روح وتكدر تسوي اي شي بيج اذا حاولتي تتحديها يمكن تأذيج لو تدخل بيج لو... ياربي شسوي شنو هاي المصيبة
تمددت على السرير ولم تنام طوال الليل من شدت الخوف والتفكير الى ان جاء الصبح نهضت من السرير غيرت ملابسها وذهبت لرؤية سالي التي كانت تنتظرها امام باب الشركة اقتربت منها وكانت ترتجف وتلتفت حولها
سالي:شكو شبيج
ميرال:اريد احجي وياج بموضوع مهم
سالي:ماشي بس شبيج ترجفين صاير شي
ميرال:نروح على مكان ونحجي
سالي:ماشي
اخذتها وذهبوا الى قهوة الشركة جلسوا وطلبوا فنجانين قهوة وكانت ميرال لا تزال خائفة بدأت سالي تشعر بالقلق
سالي:لج خوفتيني شكو متحجين
ميرال:ولج اني واكعه بمصيبة
سالي:ياستار ياربي شكو
ميرال:عرفت قيصر شبيه وشنو سبب تصرفاته هاي
سالي:شنو
ميرال:قيصر متلبسته روح شريرة للبنيه
سالي:شنو هههههههه
اصبحت تضحك عليها
سالي:هاي شنو الخرافات هاي
ميرال:لا هاي مو خرافة هاي حقيقية البارحة شفت ابو وحجه لي الموضوع كله
سالي:اي وصدكتي بيه لج بابا يجوز هذا يريد يعوفج وطلعوا هاي الحجة حتى تعرفينه
ميرال:بس مو هو فتح الموضوع بالاول اني فتحته لان كشفت الموضوع من غير ما احد يكلي
سالي:شنو هذا الحجي لج بابا من كل عقلج تحجين وين اكو هيج
ميرال:لا اكو وتصرفات قيصر كلها تكول نفس الشي
سالي:بس اني ما اعتقد يجوز ميريدج وكام يسووي هاي الحركات حتى تتركينه وتنهزمين ودليل هو وافق على الطلاك بسرعة
ميرال:بس ابو اجه البارحة وشرح لي القصة شنو هو ممجبور يجذب
سالي:حتى يأكد افعال ابنه اجة البارحة واختراع هاي القصة حتى تمشي الجذبه وياه تصرفات ابنه
ميرال:لا مو معقول
سالي:غبية هم يسوون هيج حتى يردوج تعوفينه.. اوكي خل نفترض كلامهم صحيح وفعلا متلبسته روح انتي راح تقبلين تعيشين وياه واحد هيج حالته وتعرضين حياتج للخطر
ميرال:لا مستحيل البارحة شفت بزونه متت من الخوف
سالي:شفتي هاي مجرد بزونه وخفتي منها لعد شلون روح
ميرال:بس اني ما اكدر اعوفه اني مرته وهي واجبي اوكف وياه
سالي:وشنو بيدج تسوين عوفي هو يحل مشكلته بنفسه انتي خافي على نفسج ممكن تسوي بيج العجايب اذا تبقين يمه وتتحديها اطلبي الطلاك وكملي حياتج احسن
صمتت وبدأت تفكر بكلام سالي ...
سالي محقة لا يمكنني أن استمر معه واعرض حياتي للخطر مهما كنت قويه لا يمكنني أن اقف بوجه روح شريرة هذا ان كانت تلك القصة حقيقية ام كذب كما قالت سالي علي التفكير في نفسي قبل التفكير بالغير....
الساعة الخامسة عصراً كانت ميرال تتجول في حديقة منزلها وثم انفتح باب المنزل ودخلت سالي تفاجئت من مجيئها في هذا الوقت
سالي:ميرال
ميرال:هلو شعجب اجيتي هسة
سالي:اجيت اشوفج اشو اليوم ماكو
ابتسمت لها
ميرال:شنو ماكو ؟
سالي:ماكو من الصبح لا اتصلتي بيه ولا شفتج مو كلتي عندج موضوع مهم تردين تحجين وياي
تفاجئت ميرال من كلامها
ميرال:لج شبيج اليوم مو شفتج وكعدنا وحجينه
سالي:انا شوكت
ميرال:لج شبيج الصبح من وصلت لكيتج واكفه بباب الشركة
سالي:اصلا اني اليوم تأخرت يله وصلت شبيج انني اخاف تتخيلين
فتحت عينيها على وسعها وقفت في مكانها متجمدة
سالي:ميرال شبيج
اصبحت تلتفت حولها مثل المجنونه
سالي:ولج شكو شنو صارلج فجأة
فجأة تحدثت من دون وعي
ميرال:يعني هاي جانت هي؟
سالي:منو؟
نظرت في وجهها للحظات وثم امسكت بيدها وطلبت منها الدخول للمنزل
ميرال:امشي خل ندخل للبيت بسرعة
اخذتها وذهبوا الى غرفة ميرال و سردت ميرال لها كل ما حدث معها خلال هذه الايام كانت سالي مصدومة من الذي سمعته لم تنطق بكلمة فقط تنظر إليها بتفاجئ
ميرال:شبيج صافنه كليلي شسوي
وضعت يدها على راسها وثم نظرت إليها
سالي:شتردين اكول
ميرال:اريد حل اني راح اموت من الخوف
سالي:انتي تكولين حجت وياج اليوم بهيئة شكلي
ميرال:اي لج عبالي انتي وكعدت تنصحني وتكلي عوفي وهذول جذابين
سالي:حبيبتي يجوز تتخيلين
ميرال:اقسم بالله هذا اللي شفته اليوم
سالي:معاناته هاي مراح تعوفج لحد ما تتركين قيصر ميرال:يعني شسوي
سالي:ما ادري القرار الج تردين تواجيهها لو تتخلين عن الموضوع كله وتطلبي الطلاك فكري القرار صعب بس اخذي بأسرع وكت ....
عائلة قيصر
الساعة الثامنة مساءاً كانوا والدان قيصر يجلسوا في غرفة الجلوس يتناولون القهوة ويتحدثون
فادية:هاي مر يومين وماكو خبر منها
حسن:خليها تفكر على راحتها اني كلتلها محد راح يضغط عليج فكري واخذي راحتج
فادية:وقيصر مصر على الطلاك ميريدها
حسن:قيصر يتصرف هيج حتى يبعدها عن الخطر لان يدري اذا بقت وياه يمكن يصير بيها شي
فادية:شلون يعني لشوكت راح يبقى ابني تحت سيطرة هاي الروح هو بعده شاب ومن حقه يستمتع بشبابه
حسن:شنسوي هذا حظه
فادية:لازم اكو حل ميصير هيج
حسن:انتي شفتي بنفسج شكد دورنا... بس الواحد ميكدر يلكه شي ميعرف شكله واحنا ما نعرف منو اللي سوه السحر ولا نعرف منو اللي طلب منه
فادية:بس اني ما اكدر اتحمل حالة ابني افهمني
حسن:كل شي بيد ربج هو شنو كاتب لنا يصير
فادية:ونعم بالله
وفجأة سمعوا صوت الباب وذهبت الخادمة لتفتح الباب ومن ثم تفاجأوا بدخول ميرال وهي تحمل حقيبة ملابسها نهضوا من مكانهم وكانوا متفاجئاً كانت تنظر إليهم وترسم على وجهها ابتسامة خفيفة اقتربت منهم والقت عليهم التحية
ميرال:مرحباً
حسن:ياهلا
فادية:شلونج بنتي
ميرال:الحمدلله بخير وانتو شلونكم
حسن:هسة نور البيت
ميرال:منور بوجودكم عمي
حسن:بنتي انتي اخذتي قرارج
ميرال:اي وقررت ارجع لبيتي من جديد
فادية:وهذا احسن قرار
حسن:اكيد بنتي خير ما عملتي
التفتت حولها كانت تبحث عن قيصر وقد فهم والد قيصر عن ماذا كانت تبحث فأبتسم قائلاً
حسن:بنتي تدورين عن شي
ميرال:هو بصراحة
حسن:موجود بالغرفة اللي تدورين عليه
ابتسمت له بخجل وثم ذهبت الى الاعلى ولحقت بها الخادمة وهي تحمل الحقيبة وقفت امام الباب امسكت بالمقبض الباب ترددت كثيراً في فتح الباب وبعد تفكير طويل فتحت الباب ودخلت كان قيصر ينظر من نافذه غرفته ولم ينتبه لدخولها انتظرت قليلاً لعله ينتبه لها ولكن لم يلتفت لها فقررت الاقتراب منه كانت تتقدم بخطوات خافتة تخشى من ما قد ترى ربما يكون قيصر الطبيعي او تلك الروح وثم توقفت مكانها ارادت ان تتحدث ولكنه سبقها بالحديث من دون أن يلتفت لها
قيصر:ليش رجعتي؟
تفاجئت كيف علم بها صمتت قليلاً وثم اخذت نفس واجابته
ميرال:رجعت حتى ابقى هنا
قيصر:وليش حتى تبقين احنه مو اتفقنا على الطلاك
ميرال:تغير الاتفاق بعد ما اريد الطلاك
استدار والتفت إليها كانت تنظر الى عينيها لكي تتأكد بأنه بوعيه
قيصر:شنو يعني تغير ؟
فهمت بانه لا يزال في وعيه وانها الان تتحدث مع قيصر اخذت نفس واكملت حديثها الطبيعي
ميرال:مثل ما سمعت تراجعت عن موضوع الطلاك
قيصر:ليش
ميرال:شنو ليش؟ انت جنت ناوي تطلكني فعلا
صمت ونظر إلي قليلًا وثم قال
قيصر:انتي حجيتي وياه بابا قبل ما تجين ؟
ارتبكت وبدأت تتحدث
ميرال:م....ما افتهمت شنو قصدك ؟
قيصر:لا افتهمتي شنو قصدي انتي كعدتي وياه بابا وعرفتي كلشي لهذا السبب رجعتي مو صحيح ؟
ميرال:اي صحيح اني رجعت مو بس على مود هذا السبب
اقتربت منه اكثر ونظرت بعينيه
ميرال:اني رجعت على مودك
ابتعد عنها و ادار وجهه إلى ناحية النافذة
قيصر:بس اني ما محتاجج يعني ماكو داعي تجين
ميرال:مو شرط تكول محتاجني اني اعرف
التفت إليها
قيصر:تعرفين بشي اساساً مموجود
ميرال:ومنو كال مموجود بالعكس موجود
وضعت يداها على كتفه الأيمن ونظرت إليه من الخلف
ميرال:انت محتاجني يمك بس بنفس الوقت متريد ابقى يمك حتى لا يصير لي شي
اراد ان يبتعد عنها ولكنها امسكت به ووقفت امام عينيه
ميرال:ليش تتهرب مني
قيصر:وليش حتى اتهرب منج؟
ميرال:لعد باوع بعيوني واحجي اللي بكلبك... قيصر اني مرتك واني اكثر وحدة المفروض تفهمك بهاي الدنيا المفروض اشاركك بكل همومك مو اتخلى عنك قيصر:بس اني ما محتاج وكفتج يمي
ابعد يداها عنه وابتعد عنها
قيصر:ولا اريد الشفقه من احد
ميرال:شفقه؟
تنهدت قليلاً وثم قالت
ميرال:بس اني ما رجعت لان حسيت بالشفقة عليك اني رجعت لان انت طلبت مني ارجع
نظر إليها ورفع حاجبه باستغراب
ميرال:اي انت اجيتني بالحلم وطلبت مني المساعدة
شاح بنظره بعيداً عنها وثم قال
قيصر:هذا بالحلم بس بالحقيقة لا ما اريد مساعدة من احد
ميرال:بس اني مو أي احد اني مرتك وهذا واجبي
قيصر:انتي ممجبورة تسووين واجبج
ميرال:صح ممجبورة بس اني اريد هذا الشي
قيصر:واني متأكد راح تخافين وتتراجعي
ابتسمت له وثم قالت بتحدي
ميرال:نشوف
خرجت ابتسامة خفيفة على شفتيه عندما انتبهت له اختفت تلك الابتسامة
قيصر:اني طالع
تركها وخرج من الغرفة واصبحت تنظر حولها للغرفة
ميرال:والان سوف تبدأ اللعبة
ذهبت الى احدى حقائبها وقامت باخراج القران الكريم كان كتاب صغير جداً اصبحت تبحث عن مكان لكي تخبئه به وثم رأت طاوله على الايمن وعليه مزهرية الورود قامت بوضع القران خلف المزهرية لكي لا يرى احد
وثم تذكرت كلام سالي لها ....
سالي:اذا قررتي ترجعين لازم تحمين نفسج
ميرال:شلون يعني
سالي:حطي قران واتركي مفتوح لا تعوفينه
ميرال:تمام
سالي:بهذا الشي راح تخاف تتقرب من الغرفة او منج ميرال:وبره الغرفة
سالي:خلي همه يحطون بس اسمعي لا تخلين قيصر يعرف بهذا الموضوع
ميرال:ليش
سالي:لان يجوز عن طريقة تحس وتحاول تحمي نفسها
ميرال:ماشي
سالي:انتبهي على نفسج زين
ميرال:ان شاء الله .......
استيقظت من ذكرياتها لتنظر إلى ناحية حيث وضعت القران الكريم اخذت نفس عميق وثم قالت
ميرال:راح اتغلب عليج اني متأكدة .....
قامت ميرال بوضع كل ما يلزمها لحماية نفسها من شر تلك الروح من دون أن ينتبه لها قيصر .....
وثم نزلت للاسفل كانت تبحث عنه لم تجد احد في المنزل
ميرال:وين راحوا الكل
وثم خرجت احدى الخدمات من المطبخ
ميرال:لو سمحتي
_تفضلي سيدتي
ميرال:اين الجميع لم اجد احد
_السيد قيصر خرج منذو قليلاً والسيد والسيدة ذهبوا لزيارة اقربائهم
ميرال:حسناً اذهبي انتي
تركتها وذهبت وثم خرجت ميرال لكي تبحث عن قيصر وجدته يجلس بمفرده على الطاوله اقتربت منه و وقفت خلفه كانت تخشى أن تقترب منه لم يكن منتبه إليها وثم سمعت صوته يقول
قيصر:راح تبقين واكفه بمكانج لو تجين
تفاجئت من اين علم بوجودها توقفت قليلاً وثم اقتربت ببطئ وجلست بجانبه بقوا صامتين لمدة وثم قال
قيصر:انتي ما خايفه
التفتت إليه قائلة
ميرال:من شنو خايفه
قيصر:يعني كاعدة يمي ومرتاحه ولا كأنه صاير شي انتي متخافين ممكن تطلع فجأة
ميرال:لو خايفة فعلا مجان رجعت وبعدين حتى لو طلعت مراح تأذيني
قيصر:وشنو الشي اللي خليج متأكدة مراح تأذيج
ميرال:انت
قيصر:اني؟
ميرال:اي انت متأكدة راح تحاول تحميني منها
ادار وجهه عنها وثم ابتسمت واكملت كلامها
ميرال:وبعدين اني مستحيل اسمح لوحدة مثل هاي تسيطر عليه او تخوفني
قيصر:لا تتظاهرين بالشجاعة كدامي لان اني ما احب المصطلحات الكذابه
ميرال:بس اني ما مضطرة حتى اظاهر
نظرت الى الامام واكملت حديثهم
ميرال:اني ما انكر بالبداية جان خوف وقلق مسيطر عليه بس بعد ما بدت تتحداني زادت عندي الشجاعة وحسيت بيها خايفه مني
قيصر:شنو تتحداج؟
ميرال:صارت ترعبني وتطلعلي اكثر من مرة مثل كأنه تتحداني
كان قيصر متفاجئة بالكلام الذي يسمع صمت قليلاً وثم نظرت إليها واصبح يتحدث معها بعصبية
قيصر:لعد اذا هيج القصة ليش رجعتي شتسووين
ميرال:كلتلك رجعت على مودك
قيصر:واني كلتلج ما محتاج مساعدة منج
ميرال:ما يهمني اذا طلبت او لا اني ادري بيك
كانوا يتناقشون وفجأة توقفون عندما انفتح الباب ودخلت سيارة ريما شقيقة قيصر اوقفت السيارة ونزلت منها واقتربت منهم
ريما:مرحباً ياحلوين
ميرال:مرحباً
قيصر:هلا
ريما:ميرال شلونج
ميرال:الحمدلله وانتي
ريما:بخير حبيبتي
وثم نظرت إلى شقيقها
ريما:شلونك قيصر
قيصر:الحمدالله شعجب اجيتي
ريما:بسام عنده شغل وراح يتأخر يله يرجع كلتله خليني اروح لبيت اهلي اشوفهم
قيصر:شلونه صارلي هواي مشايفة
ريما:راح يجي اليوم وتشوفه
وثم نظرت إلى ميرال ووضعت يداها على كتفها الايسر
ريما:اي احجيلي شلونج شلون امورج
ميرال:الحمدالله بخير
ريما:ان شاء الله دوم لازم نكعد ونحجي واحنه ما متكلمين سوه
ميرال:اي اكيد
ريما:شلونه قيصر وياج هم يزعجج
نظرت إليه وابتسمت
ريما:لا تباوع عليه هيج بس ادري بيك انت مرات تصير لا تحتمل ههههه
ميرال:لا بالعكس اصلا هو طوال الوقت هادئ
التفتت إليه كان ينظر لها شعرت بالخجل وابعدت عينيها عنه
ريما:طبعاً انتي تكولين هيج لانج مرته واكيد متقبلين احد يحجي عليه
ميرال:اكيد
ريما:شوف هاي ههههههه
امسكت بيدها
ريما:تعالي وياي خل احشي براسج عليه
وثم التفتت الى قيصر قائله
ريما:انت شوف شغلك لا تجي ويانه حتى لا تخرب عليه......
وثم سحبها معها
ريما:وانتي تعالي خل اشتغل عليج
ميرال:هههههههه
اخذتها وذهبون معا الى المنزل وبقى قيصر ينظر إليهم من بعيد وعلى وجهه ابتسامة خفيفة وفجأة اصابه صداع شديد في راسه وضع يداه على راسه لم يتحمل ذلك الصداع القوي وفجأة شعرت برعشه قوية في جسده لتظهر تلك الروح فتحت عينيها بشكل مخيف واصبحت تنظر إلى ناحية المنزل
_رجعتي حتى تتحديني راح اعلمج شلون يصير التحدي.......
