لم تستوعب ميرال ما سمعته كانت واقفه امامه كالبلهاء تستمع إليه وكل كلمة يقولها كالخنجر يطعن قلبها الف طعنه الكلمة الإنفصال اصبحت ترددها بقلبها الإنفصال..... هل ما سمعته حقيقة ام خيال هل حقا يريد الانفصال عنها بعد كل ذلك الحب سيتركها بمفردها كانت تتمنى لو انه كل هذا مجرد كابوس ولا تزال نائمة في فراشها وسوف تستيقظ منه وتعود لقيصر ولكنها استيقظت الى صوته لتجد نفسها امامه وفي نفس المكان ،اجل انه حقيقة وليس حلم قيصر يريد ان يتركني
قيصر:ميرال ادري انه كلامي صعب عليج بس هذا القرار احسن الج والي اني مجاي اذكرج وانتي راح تتعذبين وياي اذا بقيتي عايشة وياي
ميرال:اكو احد اشتكالك اني اشتكيت لك ليش تريد تعوفني قيصر
كانت تبكي بشدة
ميرال:انت ما تدري شكد اني احبك انت النفس الي اتنفسه اذا عفتني اختنق
قيصر:ميرال ارجوج لا تضغطين عليه
ميرال:اني مجاي اضغط عليك قيصر بس هي هاي حقيقة انت كلشي بحياتي اني ما اكدر اتخيل حياتي بدونك
قيصر:بالبداية صعب عليج بس بعدين راح تتعودين
ميرال:اتعود على فراكك ؟ فراكك بالنسبة لي الموت قيصر
قيصر:ميرال ارجوج
مسحت دموعها عندما رأت بأنه لا جدوى من النقاش معه لقد اتخذ قراره ويبدوا بأنه لن يتراجع عنه ومصر على الانفصال
ميرال:خلص براحتك الي تريده سوي واني جاهزة شوكت متريد ننفصل
تركته وذهبت تركض باتجاهه الى المنزل استغرب الجميع عندما رأوه حالتها وعينيها المليئة بالدموع دخلت الى غرفتها واقفلت الباب ذهبت إليها ريما طرقت الباب ولكنها لم تفتح لها
ريما:ميرال افتحي الباب شكو شصاير ....ميرال جاوبيني.....لج افتحي الباب وجاوبيني شكو
طرقت الباب كثيرا ولكن لم تفتح لها كانت تسمع صوت بكائها من داخل الغرفة وفجأة وصل بسام
بسام:خير شكو شبيج
ريما:ميرال ما ادري شبيها اجتي تبجي طبت للغرفة وقفلت عليها الباب
بسام:ليش شبيها
ريما:ما ادري جانت بالحديقة وراح قيصر حتى ينادي عليها
بسام:يالله شنو صاير
عادوا يطرقوا الباب ولكنهم توقفوا عندما وصل قيصر
ريما:قيصر همزين اجيت شبيها ميرال دخلت للغرفة قفلت الباب وجاي تبجي صمت قليلا وثم اقترب من الباب وطرقه
قيصر:ميرال افتحي الباب خل نحجي .....ميرال افتحي الباب جاي اكلج
وبعد لحضات انفتح الباب وخرجت ميرال وهي تحمل حقيبة ملابسها تفاجئ الجميع
ريما:هاي شنو
بسام:شكو ميرال شصاير
قيصر:امشي طبي جوه خل نحجي
مبرال:ما اريد احجي شي اريد اروح لبيت اهلي
امسك بيدها اراد ادخلها للغرفة
قيصر:امشي خل نتفاهم جوه
أفلتت يدها منه
ميرال:على شنو نتفاهم احنه حجينا كلشي وخلص
ريما:لكم شكو احجولي
ميرال:ماكو شي وخروا عن طريقي
ابعدتهم واخذت حقيبتها ونزلت للاسفل حق بها قيصر، وفجأة خرج والده ووالدته من غرفة الجلوس انصدموا عندما شاهدوا الحقيبة
حسن:شكو شصاير
والدة قيصر:يمه ميرال شبيج ليش ماخذه الجنطه مالتج
ميرال:اريد اروح لاهلي
حسن:ليش بنتي شبيج
ميرال:هيج احسن
حسن:هو شنو الاحسان شكو فهموني ...قيصر شمسوي
قيصر:شمسوي مسويت شي
حسن:اذا ما سويت شي ليش البنيه تريد تروح
قيصر:لان قررنا الانفصال
حسن بصدمة:شنو
ريما:عزة بعينكم
والدة قيصر:شنو هالحجي يمه
قيصر:اي احنه قررنا الانفصال هذا الحل احسن النه الاثنين
حسن:لا هذا قرارك انت مو هي قررت، انت تاخذ القرار بكيفك
ميرال:لا عمي مو بس هو يريد الانفصال حتى اني
ريما:لكم انتو شنو صارلكم تخبلتوا شلون تاخذون هيج قرار
ميرال:احنه كبار و واعيين لتفكيرنا
ريما:لا عفية عليكم تعرفون تفكرون
حسن:قيصر انت لشوكت راح تبقى تتصرف مثلج الجهال
قيصر:بابا اني مو طفل جبير واعرف اخذ قراري
حسن بعصبية:لا متعرف انت واحد متهور و متعرف تاخذ قراراتك كلها غلط حتى تفكيرك غلط انطيني قرار واحد اخذته صح
قيصر:صح ماعندي، لان حتى متخليني اخذ قراري بنفسي دائما تتصرف على كيفك، انت الي تختارلي حياتي وتعيشني على كيفك ودائما امشي وراك وبكلشي تحجي ولا مرة خليتني اعتمد على نفسي ،خليني اعيش الحياة اللي تعجبني اني مو الي تعجبك، خليني اعيش حياتي خليني اتنفس كله امشي وراك ، لحد ما تدمرت حياتي بسببك، مرضي هذا بسبب منو ؟مو بسببك ,ثلاث سنين راحن من حياتي مجاي اذكرهن جانن بسببك، ليش روناك واختها رادوا ينتقمون العائلتهم، مو لان انت دمرتهم وخسروا ابوهم وامهم بسبب انانيتك، انت شخص اناني تريد الناس كلها تمشي على كيفك ،لا بابا لا اني مراح امشي على كيفك هاي المرة ، مراح اسمح لك تدمر حياتي بعد، خليني اعيش عمري الباقي على كيفي اني، كافي تتحكم بيه كافي ....
لم يتحمل والد قيصر الكلام الذي سمعه من ابنه الوحيد اصيبه بنوبة قلبه ونقلوا الى المستشفى كانوا جميعا ينتظرون امام غرفة الطوارىء والخوف يملئ قلبهم أما قيصر فكأنه يقف بعيدا لا يتجرأ على الاقتراب بهد الذي حدث
ريما:اني خايفة اذا بابا يصيرله شي
بسام:لا تخافين يا عمري اكيد عمي راح يتحسن هو انسان قوي
ريما:اذا صارله شي
نظرت الى اخيها بغضب والدموع تملئ عينيها
ريما:اذا بابا صارله شي مراح اسامحك قيصر تفهمني مراح سامحك
كانه قيصر يقف بمفرده بعيدا عنهم و ميرال كانت تحاول مواساة والدته
ميرال:كافي بجي عمه مو زين على صحتج
والدة قيصر:وشسوي بصحتي والغالي نايم جوة
ميرال:راح يتحسن صدكيني انتي بس ادعيله بدل من البجي عليه
والدة قيصر:يارب شافيه دخيلك
وفجأة انفتح الباب وخرج الطبيب ركضنا عليه جميعا
قيصر:أخبرني دكتور كيف هي صحة ابي
_لقد أجرينا له التحليل الفحوصات
قيصر:وما هي النتيجة
_لقد تعرض لنوبة قلبيه والنوبات الكثيرة ليست جيدة على صحته عليكم الاعتناء به جيد و تجنبه الضغوط النفسية
قيصر:حسنا سوف نفعل كل ما بوسعنا لكي يشفى
والدة قيصر:هل يمكنني الدخول إليه اريد رؤيته
_يمكنك ولكن لا تضغطي عليه كثيرا لا يزال مريض
والدة قيصر:حسنا
ذهب الطبيب ودخلت إليه والدة قيصر كان نائما والأجهزة حوله اقتربت منه وامسكت بيده
والدة قيصر:حسن حبيبي انت تسمعني اكعد ياعمري ما اكدر اتحمل اشوفك بهيج حالة ،انت كلشي بحياتي خليك يمي ويم أولادك احنه ما لنا غير انت عامود بيتنا احنه من غيرك نضيع، واني ما اتحمل بدونك اكعد ياعمري اكعد خليني اشوفك واشبع من شوفتك
وفجأة بدأ يفتح عينيه ونظر إليها كان وجهه شاحب اللون ابتسمت عندما رأته والدة قيصر:حسن حبيبي الف الحمدالله على سلامتك لحمدالله والشكر ياربي انك رجعته الي وما حرمتني منه
حسن:كافي لا تبجين اني بخير
والدة قيصر:هاي دموع الفرح حبيبي الله يخليك لنا وما بحرمنه منك
حسن:أمين....
بدأت صحته بالتحسن وقام الطبيب باخراجه من المشفى ونقلوا للمنزل كان قيصر يشعر بالندم على ما فعله لوالده كان يشعر بالخجل ولذلك لم يستطع الدخول إليه او رؤيته، وثم دخلت اليه ميرال للاطمئنان على صحته وجدته مستيقظا
ميرال:مساء الخير شلونك اليوم عمي
حسن:اهلا بنتي مساء النور تعالي ادخلي
دخلت للغرفة وجلست امامه
ميرال:شلون صرت اليوم
حسن:لا الحمد الله احسن
ميرال:يارب دوم اخذت الدواء
حسن:اي بنتي قبل شوي اخذته
ميرال:همزين كال الدكتور لازم تاخذ الدواء بوكته حتى تتحسن
حسن:عوفج من سالفة الدواء واحجيلي انتي شلونج
ميرال:اني الحمدالله كلش زينه
حسن:احجيلي بنتي شنو صار بينج وبين قيصر ليش قررتي الانفصال
ميرال:بلا ما نحجي بهذا الموضوع عمي خلينه بصحتك
حسن:اني صحتي مراح تتحسن اذا اشوفكم هيج ، اسمعيني بنتي قيصر ابني واني اعرفه زين شخص متهور وياخذ قرارته بدون ميفكر اهم شي ينفذ الي براسه وبس ما يفكر بالعواقب ،وغير هذا هو بعده ما متعود عليج ولا يعرفج مثل ما احنه نعرفج وحاط بينج وبينه حاجز المفروض منج تحاولين تشيلين هذا الحاجز الي بينكم، مو تمشين على حجيه وتردين الطلاك،بنتي انتي انسانه واعية وذكيه استخدمي ذكاج حتى ترجعينه الج
ميرال:حاولت بس ماكو فايدة
حسن:حاولتي وفشلتي ارجعي حاولي بعده مرة ومرتين لحد ما تنجحين، لا تستسلمين قيصر يحبج بس هو ما متذكر حبج حاولي تخلينه يرجع يتذكر
ميرال:وكرامتي اني ما اكدر ابقى وياه شخص ميريدني
حسن:ارجع واكلج هو يريدج بس بعده ما متقبل هذا الشي بينه وبين نفسه انتي بيدج تكدرين تخلي يتقبل واذا جانت على كرامتج فأ ماكو كرامة بين المره و رجلها اهم شي شلون تكدر تحافظ عليه وتحبه
كانت صامته وتحاول التكفير في كلامة
حسن:ولا تخافين اني راح اساعدج من غير ما يحس قيصر
ميرال:شلون يعني
حسن:راح اطلب منه يأجل موضوع الانفصال بس على ما تتحسن صحتي وانتي بهذا الوكت شوفي شغلج وياه
ابتسمت إبتسامة خفيفة
ميرال:شكرا
حسن:انتي بنتي اكو بنيه تشكر ابوها
ميرال:يله اخليك ترتاح واطلع اني
حسن:ماشي حبيبتي
خرجت من غرفته وفي اثناء خروجها صادفها قيصر كان يقف امام الباب وشكله متوترا يبدوا بأنه يود الدخول ولكنه متردد قليلا اقتربت منه وقالت
مبرال:لا تتردد ادخله وهو اكيد يريد يشوفك
قيصر:واذا رفض يشوفني
ميرال:ما اعتقد راح يرفض
اقترب من الباب وامسكت بمقبض الباب وبدأ بفتحه ببطئ دخل إليه واقفل الباب تفاجئ والدة عندما دخل لانه لم يرى منذوا ذلك اليوم كان قيصر واقفا في مكانه لا يجرئ على الاقتراب منه، كان ليبقى في مكانه طوال اليوم لو لم ينادي عليه ليقترب منه
حسن:انت راح تبقى اليوم كله واكف هنا
بدأ يتحدث معه وعينه في الارض
قيصر بتردد:ما الي عيني اجي يمك
حسن:ليش ندمان؟
قيصر:بكد حياتي كلها
حسن:تعال
رفع راسه ونظر إليه بحماس
قيصر:اجي
حسن:اي تعال
ركض باتجاهه و رمى بنفسه على والدة واحتضنه واصبح يبكي ويتوسل إليه لكي يسامحه
قيصر:سامحني بابا ، سامحني الله يخليك، اني ما ادري شلون تجرأت وحجيت وياك مثل هذا الحجي
ابتعد عنه وامسك بيده وقبلها والدموع لا تزال في عينيه
قيصر:سامحني اني ما الي غيرك بابا ، ادري عذبتك هواي بحياتي بس اوعدك راح اغير وراح اكون مثل ما تريد واسوي الي تريده بس سامحني
حسن:تريدني اسامحك؟
قيصر:اي
حسن:اسامحك بس بشرط
تفاجئ قيصر ترى ما سيكون شرطه لكي يسامحه
قيصر:شنو؟
حسن:ترجع ميرال وتنهي موضوع الانفصال منها
صمت قليلا وثم ونظر الى والدة وقال:موافق
حسن:صدك
قيصر:اذا هذا الي يرضيك ويخليك تسامحني مراح اطلكها
حسن:اي هذا يرضيني
قيصر:واني راح انفذ شرطك
خرج من الغرفة ونزل للاسفل كان يبحث عن ميرال وجدها في غرفة الجلوس تتحدث مع ريما دخل واقترب منها وفجأة امسك بيدها امام الجميع تفاجئوا جميع و بالأخص ميرال كانت مصدومة وتنظر اليه كالبلها ويدها بيده
وثم طلب من الجميع اللحاق به الى غرفة والدة لانه يريد ان يخبرهم بشي مهم اخذها وخرجوا من الفرفة وذهبوا الى ابيه وما زال يمسك بيدها دخل للغرفة و اقترب من والدة ووصلوا الجميع اليهم كانوا ينظروا إليه وينتظرونه ليتحدث
ريما:يله قيصر كل احنه منتظرين تحجي شنو عندك
التفت الى ميرال وقال وهو لا يزال ممسك بها
قيصر:قبل كم يوم كلتلج اريد ننفصل وانتي وافقتي صح؟
ميرال:صح
قيصر:بس اليوم اني اريدج تصيرين مرتي كدام الناس كلها
اصدم الجميع واكبر صدمة كانت لميرال لم تصدق ما حدث التفت الى والدة رأت ابتسامته على وجهه وفجأة غمز لها بعينيه عندها علمت ما سبب تغير قرار قيصر بهذا الشكل يبدوا بأنه قد اقنعه استيقظت من صدمتها على صوت قيصر وهو يقول لها
قيصر:اها شنو رأيج توافقين تصيرين مرتي
كانت مترددة في الرد لانها كانت تعلم بأنه ابيه هو من قام بالضغط عليه لكي يوافق عليها كانت في حيرة لا تستطيع الرد عليه والضغوط عليه من الجميع توترها اكثر
ريما:بشنو جاي تفكرين وافقي
بسام:يله ميرال لا تخلي ينتظر اكثر
قيصر:شنو قررتي ميرال
التفت الى والدة أبتسم و اشار لها بأن تقبل
ميرال:موافقة
ريما:يييس
بسام:او هذا احسن جواب
والدة قيصر:الله يخليكم البعض ويسعدكم
كانت تعلم ميرال بأنه والدة هو من احاول اقناعة بالعوده إليها وليس عاد إليها من ذاته
بسام:الله يهنيكم ويسعدكم
قيصر:شكرا ضلع
ريما:قيصر حبيبي
احتضنته بقوة من شدت الفرحه
والدة قيصر:بمناسبة هذا الحدث لازم نسوي حفلة صغيرة للعائلة شنو رأيكم ربما:اي ماما جبتيها هاي خوش فكرة شنو رأيكم
قيصر:اني ما عندي مانع وانتي ميرال شنو رأبج
لم تكن ميرال معهم كان عقلها في مكان اخر ضربها بخفه على راسها
قيصر:ميرال وين صافنه
ميرال:اها وياكم
ريما:وين ويانه، شبيج وين صفنتي السهرة بعدها ما بدت ههههههههه
اصبحوا يضحكون جميعا اما ميرال فكانت تحاول ان تكون طبيعيه بالرغم من الحزن الذي بداخلها كانت تتمنى لو ان قيصر فعلا يريدها كزوجه له وليس بأقناع والدة ذلك الشعور يكسر قلبها لانه وافق عليها لكي يرضي والدة
والدة قيصر:يله اني راح اروح اطلب من الخدم يجهزون احله عشه بهاي المناسبة
ربما:واني راح اخذ ميرال حتى اجهزها للحفلة العشة
ميرال:لا ماكو داعي
ريما:ولج شنو هو الي ماكو داعي امشي
سحبتها من يدها وذهبوا الى غرفة ريما
بسام:واني راح اسوي مفاجئة صغيرة راح تطير بيها قيصر
تركهم وذهب وبقى قيصر ووالدة اقترب منه وجلس امامه كان والدة ينظر إليه ويبتسم امسك قيصر بيده ونظر بعينيه قائلا
قيصر:وهسة راضي عليه بابا
حسن:طبعا بس عندي طلب او رجاء
قيصر:آمر
حسن:اني ادري انت جاي تحس انه اني ضغطت عليك من طلبت منك ترجع ميرال وانت وافقت الخاطري بس حتى ترضيني ،اللي سويته جان صح يمكن متحس بيه هسة وشايف انه اني غلطت بس صدكني راح يجي يوم وتشكرني على اللي سويته ومنعتكم من الانفصال و صدكني ميرال خوش بنيه وتحبك ومستعدة تسوي أي شي على مودك حتى لو جان الثمن حياتها وراح تثبتلك الايام هذا الشي وكل اللي اطلبه منك انه لا تزعلها ولا تخلي دمعتها تنزل بيوم من الايام تره دمعتها غاليه علينا وخصوصا عليك .....
كل يوم يتفاجئ قيصر بميرال وحبها له كانه يتمنى لو ان ذاكرته تعود إليه لكي يعلم مدى حب ميرال له ومدى حبه لها ....
قيصر مع نفسه:مو شرط تتمنى ذاكرتك ترجع حتى تعرف شكد هي تحبك لو شكد جنت تحبها تكدر تعرف بنفسك
قيصر:شلون
قيصر مع نفسه:افتح قلبك الها شيل الحاجز الي حاطه بينك وبينها انطيها فرصة تبين حبها لك حاول تتقبل هذا الزواج وانت راح تعرف شكد من غير ما تحتاج لذاكرتك ......
انتهت ريما من تجهيز ميرال وقد اصبحت جميلة وانبقة اختارت لها فستان احمر قصير ووضعت لها القليلا من مستحضرات التجميل
ريما:طلعتي تخبلين واحله شي شعرج يموت خوش اعرف اشتغل واو، انتي من غير شي تخبلين بس طلعتي احله واحله، شكله قيصر راح يتسودن عليج ولو هو اساسا مسودن هههههههه
كانت تبدوا حزينه برغم من مزاح ريما معها انتهت ريما من تحضيرها وجلست امامها لكي تتحدث معها
ريما:شوفي اني من اليوم الصبح ومنتبها عليج شكلج مو طبيعي وخصوصا لما قيصر وافق عليج شكلج تغير بالزايد شكو احجيلي
ميرال:ماكو شي
ريما:بعد كل هذا الحجي وتكليلي ماكو شي لا اشو اكو ولازم تحجين
ميرال:اخوج ميريدني
ريما:شنو ميريدج مو وافق عليج اليوم
ميرال:وافق بس حتى يرضي ابوج ويسامح
ريما:انتي جاي شتحجبن
ميرال:مثل مجاي اكلج اني وابوج حجينه اليوم الصبح وكال راح اساعدج ومن طلعت دخل قيصر و وراء مدخل عليه بربع ساعة وافق عليه، برغم من انه جان ماخذ قراره بالانفصال ليش غير قرارة، لان ابوج حجه وياه
ريما:وحتى لو حجه وياه وافق عليج فهذا لان يريد يجمعكم مرة ثانية يعني المفروض تفرحين مو تضوجين
ميرال:شلون ترديني افرح وهو مغصوب عليه
ريما:ميرال يعني كم مرة تردين الواحد يفهمج قيصر بحبج بس هو ممذكر حبج يعني اذا عفتي و وراها بفترة رجعتله ذاكرته وانتو جنتوا منفصلين وكل واحد عايش حياته شنو راح تكون ردت فعله من يعرف بيج تخليتي عنه وتركتي بأصعب ضروفة، اكيد راح يلومج ويلوم نفسه وراح تخسروا انتو الاثنين ويجوز تصير اشياء محد متوقعها ، ولهذا اكلج لا تتخلين عنه مهما صارت امور بينكم ......
وفجأة انطرق الباب ودخلت الخادمة وطلبت منهم النزول على العشاء
ريما:حسنا سوف نأتي الان
خرجت الخادمة ونظرت ريما الى ميرال
ريما:حبيبتي اسمعي كلامي وشيلي اي فكرة مو زينه من راسج وامشي خل نفاجئهم بالتغيير
امسكت بها ونزلوا للاسفل، كانوا الجميع ينتظرون نزولهم لكي يبدأون بتناول العشاء ،وثم دخلت ريما بمفردها للغرفة وقالت لهم بحماس
ربما:عندي لكم مفاجئة انتو جاهزين
بسام:شنو هي
حسن:بنتي وين ميرال
ريما:مراح تدخل لحد ما دكولون جاهزين
الجميع:جاهزين يله
ريما:ادخلي ميرال
كانوا جميعهم ينتظرون دخول ميرال والفضول يقتلهم لمعرفة المفاجئة وفجأة دخلت ميرال وتفاجئوا جميعا لرؤيتها والى التغيير الذي حدث لها فجأة لقد قامت بقص شعرها كارية كانت جميلة جدا والقصة ناسبتها جدا
