انصدم صدمة كبيرة لم يصدر منه اي ردت فعل بقى فقط ينظر لاخته التي كانت تقف امامه وتتنفس بسرعة وبعد وقت طويل من الصدمه اصدر ضحكات خفيفة
قيصر:لا حلوه هاي المزحه
ريما:بس اني مجنت امزح وياك ميرال فعلا مرتك يعني انت وميرال متزوجين من سبع اشهر
صمت قليلا ليستوعب الامر وثم قال
قيصر:لا مستحيل الي جاي تحجينه انتي، مو معقول
ريما:لا معقول ميرال هي مرتك
قيصر:اذا صدك الحجي الي جاي تكولينه معناتها انتو نهيتوني حياتي
كانت كلماته بالنسبة لميرال مثل الخنجر وكل كلمة تطعن قلبها الف طعنه
قيصر:انتو شلون تلعبون بحياتي بهذا الشكل، شلون تتصرفون بكيفكم منو انطاكم الحق، ما فكرتوا شنو راح تكون ردت فعلي من اعرف،شلون تتأخذون عني مثل هيج قرار مفكرتوا بيه
حسن:لا تذب الحق علينا انت جنت موافق
قيصر:اني مجنت بوعيي وانتو استغليتوني، استغليتو حالتي وتصرفتوا على كيفكم
حسن:احنه مسوينه شي غلط وبعدين شبيها ميرال خوش بنيه
قيصر:بس متناسبني، اني وهي مامناسبين البعض، وبعدين اني ماممكن اقبل بيها زوجة الي
لم تتحمل ميرال الأهانه اكثر فنهضت من مكانها وتركتهم وذهبت الى غرفتهم وثم نهضت ريما لاتلحق بها
ريما:تره عيب عليك تحجي على البنية بهذا الشكل هي ما الها ذنب،لو ما ادري بيك عصبي جان عرفت شلون ارد عليك
تركتها وذهبت خلف ميرال عندما دخلت وجدتها تجمع في اغراضها
ريما:انتي جاي شتسوين
ميرال:مثل مجاي تشوفين جاي اجمع غراضي
ريما:ليش
ميرال:اريد ارجع البيت اهلي
ريما:لا تصيرين مخبلة وتعالي اكعدي واسمعيني
ميرال:ما اريد اسمع شي اني لازم اروح
ريما:هاي شبيج انتي تدرين بقيصر من يصير عصبي يخربط بالحجي, بس هو يحبج هواي
ميرال:صح كلامج بس هذا قيصر غير هذاك وانتي تعرفين زين
ريما:صح ولهذا السبب انتي لازم تبقين حتى تخلينه يعرف انتي شكد تحبيه, مو تعوفينه وترحين
ميرال:شلون واذا هو مو متقبلني بحياته
ريما:طبعا لان هو بعده ميعرفج زين، ومثل ما كلتي قيصر هذا غير قيصر القديم وانتي مثل ما خليتي قيصر القديم يحبج راح تكدرين تخلين قيصر الجديد يحبج، افتهمني لا تتسرعي وتخسرين كلشي
اقتنعت ميرال بكلام ريما وقررت البقاء لكي تثبت حبها لقيصر وتجعله يعود إليها من جديد،، اما من ناحيته فكان والده وبسام يقومان بتوبيخه على ما قاله بحق ميرال
بسام:والله عفية عليك خوش حجي سمعتها، هاي جزاتها للبنيه لان ساعدتك و وكفت يمك برغم من معاملتك الزفت وياهه، هيج تحجي وياهه
ثم التفت الى والده
بسام:احجيله عمي احجيله شلون نقذت حياته بعد ما كل احنه فقدنا الامل هي الوحيده اللي رجعتك للحياة، انت جان ميت هسة لو ما ميرال
قيصر:انتو عبالكم راح تكدرون تغطون على غلطكم بهذا الحجي اني مراح اسامحكم ولا راح انسى الي سويتو بيه ابدا
ترك المنزل وخرج ركب بسيارته وذهب للعيادة اقضى الليلة هناك
وفي اليوم التالي استيقظ جهز نفسه وفتح عيادته قبل ان يأتوا المراجعين وثم وصلت مريم وكانت متفاجئه من وجوده قبلها
مريم:صباح الخير
قيصر:صباح النور
رد عليها من غير مزاج
مريم:شبيك صاير شي
قيصر:لا
مريم:انت متعرف تجذب تنكشف بسرعة، تعال اكعد وحجيلي شنو صاير
جلسوا الى المقاعد وبدأو بالحديث
مريم:احجيلي شنو صاير وياك
قيصر:ومن وين ترديني ابدي
مريم:او شكله الموضوع طويل ويحتاج فنجانين قهوة
قيصر:ياريت حتى اصحه شوي
نهضت وذهبت لمكينة القهوة أعدت فنجانين قهوة واحضرتهم
مربم:يله تعال اشرب كهوتك واكعد احجيلي من البدايه
قيصر:من وين ترديني ابدي من جذبت اهلي عليه لو من استغلالهم الي لو من زواجي الي ما ادري عنه اي شي
مريم بصدمه:شنو زواجك؟
قيصر:اي طلعت مزوج واني ما ادري
مريم:اني مجاي افهم شي ،انت مزوج ؟
قيصر:تذكرين لما سألتيني ليش اهلي يعاملون ميرال غير عن بقبت الخدم الي موجودين عدنه
ميرال:اي
قيصر:البارحه يله عرفت ليش جانوا يعاملوها غير
مريم:انت تقصد انه ميرال هي زوجتك ؟
قيصر:اي طلعت ميرال مرتي مو ممرضة
مريم:هاي شنو
قيصر:ومو بس هيج روح روناك جانت تتحكم بيه
مريم:ما افهمت شنو يعنى هاي ؟
قيصر:طبعا انتي تذكرين روناك وشلون جانت وحده مريضة نفسية....
سرد لها كل ما حدث وكانت غير مستوعبه لما تسمعه لم تتوقع بأنه كل هذا قد حدث معه
مريم:لك هاي شنو والله لو ما اعرفك جان كلت هذا جاي يحجيلي قصة من شي فلم
قيصر:رادت تنتقم من عائلتي بس دمرت حياتي
مريم:هاي اخت روناك اكيد وحدة مخبلة لازم تشتكي عليها حتى لا ترجع تسوي بيك شي ثاني
قيصر:وانتي عبالج راح اسكت بس خل اخلص من مشاكلي واتفرغلها مريم:وشنو قررت تتصرف بموضوع ميرال
قيصر:وهاي لازم اشوفلها حل....
ميرال،
استيقظت صباحا قمت بتغير ملابسي ونزلت الى صالة الاكل وجدت عمي وعمتي يتناولون الفطور
ميرال:صباح الخير
حسن:صباح النور بنتي
والدة قيصر:همزين كعدتي يله تعالي تريكي
ميرال:بالعافية بس ما اشتهي هسة
حسن:رايحه للشغل
ميرال:اي تأخرت اليوم
التفت حاولي ام اجد اثر للأخرين
ميرال:لعد بسام و ريما وين
حسن:بسام راح للشغل و ريما نايمه
ميرال:و، وقيصر ما اجه
والده قيصر:ما رجع للبيت من البارحه
ميرال:شنو وينه؟
والده قيصر:لا تخافين اتصل البارحه وكال راح ينام بالعيادة
ميرال:اها ،يله اني رايحه
حسن:مع السلامة
تركت المنزل وذهبت الى عملي وفي اثناء دخولي صادفت سالي في طريقي كان وجهي شاحب اللون وليس لي مزاج بالتحدث مع احد
سالي:صباح الخير
ميرال:صباح النور
سالي:شبيج شكلج مو طبيعي اليوم
ميرال:مابيه شي تعبانه شوي
سالي:من شنو تعبانه حجيلي صاير شي
ميرال:قيصر عرف اني مرته
سالي:شنو شلون
ميرال:البارحه
سالي:تعالي للمكتب واحجيلي كلشي
اخذتني وذهبنا الى مكتبها وجلسنا نتحدث
سالي:شلون عرف وشنو كال
ميرال:ما تقبلني مرته
سالي:وليش بله
ميرال:يكول احنه ما مناسبين البعض وصار يحجي على اهله شلون يزوجوا بكيفهم ، وهمه استغلو حالته و زوجوا
سالي:شبي هذا تخبل شلون يحجي وياج هيج ، هاي جزاتج فوك ما ساعدتي هيج يجازبج
ميرال:جرحني بحجيه
سالي:صدك حقير وما يستاهل كل اللي سويتي على موده
ميرال:وما ادري شسوي ، البارحه جنت راح اترك البيت بس ريما منعتني
سالي:غبية اذا طلعتي علمي حدوده وشلون يحترمج
ميرال:ما أدري محتاره .....
اصبحت الساعة الثانية ظهرا عاد قيصر للمنزل ولم تعد ميرال بعد للمنزل دخل الى غرفة الجلوس وجد ابيه وامه يشاهدون التلفاز نظر إليهم كانوا منزعجين منه لم يكترث لهم تركهم وذهب الى غرفته، اقفل الباب ودخل للحمام استحم وخرج، غير ملابسه ونزل للاسفل لكي يطلب من الخدم ان يعدو له الطعام ويضعو في غرفته، وفي هذه الأثناء وصلت ميرال للمنزل وعنده دخولها صادفته، وهو يخرج من المطبخ نظر إليها قليلا وثم تركها وذهب الى غرفته لم يقول لها شئ استمر قيصر على هذا الوضع 15 يوم لا يتحدث مع احد ولا بتناول الطعام مع عائلته كلامه معهم قليل، مجرد سؤال وجواب وكالعادة عندما يصادف ميرال في طريقة لم يصدر منه اي ردت فعل سوى النظار إليها قليلا ومن ثم يتركها ويذهب، الى ان انزعج والده من تصرفاته وخصوصا معاملة السيئة مع ميرال وتلك الفتاة ليس لها ذنب بكل تلك المشاكل التي حدثت، وقرر ان يمسك به ويتحدث معه، ولكن هذة المرة بجديه وفي يوم من الايام عاد قيصر للمنزل وكالعادة ترك عائلته واراد الذهاب الى غرفته ولكن اوقفه صوت ابيه
حسن:قيصر
قيصر:نعم
حسن:ممكن تنطيني شوي من وقتك الثمين حتى احجي وياك
قيصر:ماشي تفضل
حسن:تفضل انت على المكتب
ذهبوا الى المكتب وطلب منه قفل الباب وجلسوا امامه، اقفل الباب وجلس امام ابيه
حسن:اسمع ابني احنه نتفهم تصرفاتك هاي كلها ، وحقك بكلشي جاي تسويه محد يكدر يلومك، احنه تصرفنا غلط خليناك تزوج وحالتك متسمح للزواج ، بس شنسوي الصار صار، بس البنيه ما الها علاقة احنه الي خليناها تزوجك من غير ما تدري شنو بحالتك
قيصر:شنو؟
مسن:اي من تزوجتك ما حجينالها حالتك خفنه لا ترفض من تعرف، و ازوجتوا وبعدين اكتشفت حالتك من حاولت تكتلها
قيصر:اكتلها؟
حسن:اي واكثر من مرة ومع هذا هم معافتك وبقت وياك برغم من وجودها وياك خطر على حياتها، بس ما اهتمت لحياتها وبقت يمك و حاربت روناك بكل قوتها حتى ترجعك الحالتك الطبيعية ، وشافت الي محد شافه وهم ما استسلمت لحد ما خلصتك من روناك،و انت هسة عايش بفضل ميرال هي الي رجعتك للحياة وانت بدل ما تشكرها جاي تعذبها وياك
كان يستمع الى كلام والده وهو مندهش كيف كانت حالته وكيف كان يتصرف مع ميرال لا يستطيع التصديق وثم إعطاء والدة صندوق صغير
قيصر:شنو هذا
حسن:هذا الصندوق بيه كل الاشياء الي ممكن تساعدك حتى تعرف شلون جنت عايش انت وميرال اخذه و روح لغرفتك افتحه
اخذ قيصر الصندوق وذهب إلى غرفته اقفل الباب ووضع الصندوق على الطاولة جلس امامه ،نظر الى الصندوق وعلامة الاستفهام تملئه ترى ما الذي بداخل الصندوق كان قلق جدا من فتحه وثم امسك بالصندوق وفتحه وجد بداخله صور كثيرة له ولميرال صور زواجهم وصور أخرى تخصهم كان ينظر الى الصور وهو متفاجأ ويسئل نفسه هل هذا الشخص هو فعلا انا ان كنت انا فعلا اذن لماذا لا اتذكر شئ ؟وفجأة وجد شريط تسجيل
قيصر:وهذا شنو
امسك به ووضعه في جهاز التشغيل وجلس امام التلفاز ليتفرج وبعد لحضات اشتغل الشريط وظهر له تسجيل يوم زفافه كان يجلس على طاولة الزواج وكانت ميرال تجلس بجانبه وهي ترتدي فستان الزفاف وكانت جميلة جدا كانو الجميع سعداء في زفافهم حتى هو كان يبدوا عليه السعادة وفجأة ظهر له تسجيل اخر كانت ميرال جلس بمفردها في حديقة المنزل وحولها الورود، وكان هناك شخص يقوم بتصويرها من دون ان تعلم وثم ادار الكاميرة على وجهه وظهر قيصر في التسجيل انه يقوم بتصويرها بدون علمها ابتسم وقال :هاي ميرال كاعده الوحده تعالوا شوفوا راح شسوي بيها
اقترب منها بخطوات بطيئة وعندما اقترب منها صرخ بوجهها لتفزع وتهرب بعيدا جلس على الأرض واصبح يضحك عليها ،ابتسم قيصر عندما شاهد نفسه وكيف كان يتصرف من قبل وثم بدأ ميرال توبخه في التسجيل
ميرال:هاي شبيك هو هذا شقه خوفتني
لا يزال يضحك وكانت ميرال غاضبه منه
ميرال:لا و فوكاهه يضحك لا تضحك
لا يستطيع ان يمنع نفسه من الضحك وكأنه يعاندها غضبت ميرال واقتربت منه
ميرال:هسة راح اخليك توكف ضحك عليه
كانت تحاول ان تضع يدها على فمه لكي يتوقف عن الضحك ولكنه كان يحاول منعها وفي اثناء مشاجرتهم سقطت الكاميرة من يده واطفئ الفيديو وثم ظهر لقطة أخر لهم كانوا جميع العائلة جلسين في الحديقة يتناولون القهوة وكانت ريما تقوم بتصويرهم ،كانت تقوم بالتصوير وتتحدث الى زوجهها
ريما:حياتي ارفع راسك خل اصورك
رفع راسه و رمى لها قبله في الهواء وثم اتجهت الكاميرا على ميرال التي كانت تتناول الكعك
ريما:هاي ميرال
ميرال:هلو 👋 حب
ريما:شلونها الكيكة
ميرال:عاشت يدج تخبل
وفجأة سمعت صوت قيصر وهو يقول
قيصر:مو طيبة ما ادري شلون تاكلوها
اتجهت الكاميرا على صحنه وجدتها فارغ ابتسمت وقالت
ريما:اي واضح خلصت الكيكة مالتك كلها
رفعت الكاميرا على وجهه كان يتناول الكعكة ويقول
قيصر:مو طيبة كلش مو طيبة
الجميع:هههههههههههههه
انتهاء شريط التسجيل ولا تزال الابتسامه على وجه قيصر
وفجأة انتبه لنفسه اختفت إبتسامة ونهض أطفأ التلفاز واخرج الشريط التسجيل نظر إليه قائلا
قيصر:معقول الي شفته هسة اني ؟زين ليش مجاي اتذكر شي ؟.....
ميرال،
اصبحت الساعة التاسعة ليلا وهذا وقت هو وقت العشاء ويجب على الجميع النزول للاسفل قمت بترتيب ملابسي وخرجت من غرفتي نزلت للاسفل ولكن تفاجئت برؤية قيصر يجلس معنا على السفر توقف في مكاني مندهشة هو بالعادة لا يريد الجلوس معنا منذو ان علم بأنني زوجته اذن ما الذي حدث معه اليوم
حسن:بنتي شبيج واكفه تعالي اكلي الاكل راح يبرد
ميرال:اها ... اي اجيت
اقتربت منهم وجلست في مكان المخصص لي بجانب قيصر ومازلت مفاجئة من الذي يحصل
حسن:بنتي ما كلتيلي شلونج اليوم بالشغل
ميرال:تمام الحمدالله
حسن:اذا تحتاجين شي أني موجود تره رئس شركتكم صديقي
ميرال:صدك حضرتك تعرف الاستاذ مايكل
حسن:اي هذا جان صديقي حتى جان بينه شغل
ميرال:هاي اول مرة اعرف بهذا الموضوع
حسن:وحتى اني بس من هذاك اليوم رحت حتى اشوفه بمكتبه وشفت الملف مالتج على مكتبه ومن سألته عنج كال هاي تشتغل عندي كلتله هاي جنتي
عندما نطق كلمته الاخير نظر إليه قيصر بنظره غريبة ما زال قيصر يحاول ان يتأقلم مع هذا الوضع برغم من انه الامر صعب عليه الان ولكنه يحاول اكمل والده الحديث
حسن:وكلش فرح من عرف انتي قريبة مني
ميرال:هسة يله عرفت ليش تصرفاته تغيرت وياي، بصراحه جانت دائما بينه مشاكل ،يعني ماكو تفاهم
حسن:هو خوش ولد بس جدي بالشغل
ميرال:اي صحيح
ريما:كافي شكد تحجون بالشغل شوفولنا غير شي
بسام:قيصر شلون اخبار مريم
ريما:لا رجعونه على موضوع الشغل احسن
الجميع:ههههههههههه
بسام:ليش شبيها مريم
ريما:بصراحة ما ارتاحيت الها احسها متصنعه
قيصر:بالعكس بنيه عادية وكلش مؤدبة
ريما:ما ادري بس ما ارتاحيت الها وانتو تدرون بيها من احكم على شخص بعد محد يكدر يغير رأيي
قيصر:بس متأكد راح يجي يوم وتعرفيها زين وتغيرين رأيج
لاحظت سر اهتمام قيصر بمريم وكيف يتحدث عنها وقد ازعجني هذا الامر لكني لم تشأ ان ابين لهم هذا الانزعاج واكملت طعامي بصمت وعندما انتهينا ذهب الجميع الى غرفهم وانا ايضا ذهبت الى غرفتي لا زالت انام بمفردي، كانت غرفتي بجانب غرفة قيصر دخلت للحمام غسلت وجهي وقمت برتدى بجامة النوم واخذت احدى الكتاب وجلس على السرير إقرأ الكتاب ولم انتبه للوقت قد اصبحت الساعة الواحد بعد منتصف الليل شعرت بالعطش التفت حولي لم اجد ماء خرجت من غرفتي وذهبت للمطبخ وكان الظلام يعم المكان نزلت السلم بحذر خوف من ان اسقط أرضا وصلت للمطبخ وفتحت الضوء وذهبت ملئ الكوب ماء وفجأة سمعت صوت قادم من الخلف
قيصر:جاي شتسوين
فزعت ليسقط الكوب من يدي على الأرض نظرت كان قيصر يقف امامي
قيصر:هاي شبيج
وضعت يدي على صدري وبدأ التقط أنفاسي طلب مني الجلوس على الكرسي وأعطاني كوب ماء اخر وعندما استعدت انفاسي قال
قيصر:لعد وين الحجي الي سمعته عنج كالو ما تخافين من شي وتحديتي روح شريرة وانتي من كلمة جاي شتسوين هيج صار بيج
ميرال:لا مو هيج بس متخيلت ممكن تطلع كدامي فجأة
قيصر:ليش قبل مجنت اطلع كدامج فجأة؟
ميرال:رجاءا لا تحجي بهذاك الموضوع بعد
قيصر:هم خفتي؟
ميرال:طبعا وكلش جنت اخاف منها
قيصر:لعد شلون كدرتي تتحديها اذا تخافين منها
ميرال:انت، انت الي جنت دائما تنطيني الشجاعة حتى اكدر اقاومها
نظر إلي قليلا وثم نهض وكأنه يحاول ان يغير الموضوع
قيصر:انتي شتسوين هنا
ميرال: عطشت ونزلت اشرب ماي
قيصر:اها،اني كعدت جوعان ونزلت جوه اسوي اكل بس تفاجئت بيج هنا
ميرال:تحب اساعدك
قيصر:لا شكرا ماكو داعي روحي نامي انتي
ميرال:بس اني مرتك وهذا واجبي،حتى لو انت مامتقبلني بس هاي الحقيقة
ارتباك وقال لي : براحتج سوي
فرحت كثيرا وعندما وافق على مساعدتي له بدأت بتحضير الطعام وجلس أمامي على الطاولة وهو ينظر إلي وانا اقوم بتحضير طبق المعكرونة وعندما انتهيت وضعته امامه على الطاولة
ميرال:وهاي صارت المعكرونة بالخضروات جاهزة وان شاءالله تعجبك
قيصر:مبينه من شكلها طيبة
ميرال:بالعافية
اردت الذهاب ولكنه طلب مني الجلوس معه وتناول المعكرونة وافقت وبدأت بالاكل معه وثم بدأ بالتحدث معي واول سؤال سأله كيف التقينا أول مرة
ميرال:بوكتها جنت بالمستشفى ازور شخص وهناك شفت والدك وسلم عليه بالبداية ما عرفته بس بعدين طلع والدك هو صديق بابا ومن زمان مشايفين بعض وانطيته رقم بابا حتى يتصل بيه ومن ركب بالسيارة بوكتها شفتك كاعد وراء وجنت صافن بوكتها، ما انكر اعجابي بيك من شفتك اول جنت وسيم لدرجة سألت صديقتي سالي هو هم الكمر يطلع بالنهار
رفع حاجبه وضحك
ميرال:بوكتها ما توقعت هذا الشاب الوسيم راح يصير زوجي
قيصر:وبعدين شنو صار
ميرال:بعدين اجه ابوك وطلب يدي من بابا وشفتك عن قريب وززحجيت وياك وبعدين يله وافقت وتزوجنه و باقي الاحداث تعرفها
قيصر:شنو جانت ردت فعلج من عرفتي بحالتي
صمتت قليلا وثم قلت له
ميرال:نكدر نأجل هذا الموضوع على غير مرة
قيصر:تمام شكلي دوختج روحي نامي
ميرال:لا بالعكس ،يله تصبح على خير
قيصر:وانتي بخير
تركته وذهبت إلى غرفتي لقد فرحت كثيرا عندما تحدثنا معا يبدوا بأنه يحاول ان يفتح صفحة جديدة معي ويحاول ان يعطي فرص لعلاقتنا ، وانا سأفعل كل ما بوسعي لكي يعود علي .....
.
.
.
.
.
.
.
.
لحد هنا ويخلص البارت ان شاء الله يعجبكم انتظروني في البارت القادم ولا تنسون تعليقاتكم تشجعني للاستمرار جاو....
