مرت اسبوعين وحالة قيصر تسوء يوم بعد يوم وكنا قلقين عليه ولا نعلم ما سبب تغير حالته هكذا عرضنا على اطباء كثيرون ولكن لا جدوى من ذلك لا احد يعلم ما به كنت خائفة عليه جداً اخشى ان يصيبه مكروه لا يمكنني التحمل ان حدث له شيء
بسام:وبعدين راح شنسوي صارلنا اسبوعين على هاي الحالة ميكدر يطلع من الغرفة ولا يريد يشوفه احد جلست على الاريكة وابكي اقتربت ريما مني وجلست بجانبي
ريما:ميصير تسوي هيج خليج قويه على موده
ميرال:مجاي اتحمل اشوفه بهاي الحالة راح اموت من الخوف ما اريد اخسره
حسن:مراح يصير شي بنتي لا تخافين
ميرال:سلون ما تشوف حالته شلون صايرة عمو الله يخليك سوي شي
حسن:يابنتي شنو بدينه ماكو مكان وما رحنه اله بس ماكو امل
ميرال:خلي نشوف فد واحد يعرف بهاي السوالف وناخذه اله
فادية:اي كلام ميرال صحيح هذاك اللي اخذنه اله خل يرجع يشوفه
حسن:انتي مو تدرين محد يكدر يشوفه كلها تتراجع من تشوف حالته
ميرال:اني راح احجي وياه بس خل ناخذه
حسن:ماشي بس شلون راح ناخذه وقيصر رافض يروح
ميرال:اني راح احاول اقنعه
حسن:ماشي بس ديري بالج
ميرال:اها
تركتهم وذهبت الى الاعلى باتجاه غرفتي كنت اشعر بالخوف من ما سيحدث عنده دخولي وقفت امام الباب وانا التقط أنفاسي ياالهي قف معي وساعدني لا تتركني في هذه المحنه بمفردي امسكت بمقبض الباب وفتحته ودخلت بخطوات بطيئة التفت حولي لم اجد له اثر شعرت بالخوف تقدمت بخطوات الى الامام وفجأة رأيته يجلس في احدى زوايا الغرفة كان نائماً على الارض وكانت حالة سيئة جداً لم اتحمل رؤيته هكذا وقعت على الأرض وجلست امامه ابكي ياالهي لما يحصل هذا معنا لا يمكنني فعل شيء له اقف مكتوفة اليدين انا انظر الى حبيبي وهو يتألم و ليس بيدي شيء لمساعدته سوى النظر إليه اقتربت منه ببطء ووضعت يداي على كتفه
ميرال:قيصر حبيبي
التفت إلي كان وجهه شاحب اللون وعليه علامات التعب والإرهاق تحدث بتعب
قيصر:ميرال
ميرال:عيونها
قيصر:انتي شتسوين هنا
ميرال:شنو شسوي اجيت حتى اشوفك حبيبي
قيصر:روحي ما اريد تتأذين
ميرال:ابتعادي عنك هو اللي جاي يأذيني
اقتربت منه اكثر واحتضنته بقوة
ميرال:لا تبعدني عنك خليني يمك
قيصر:ما اتحمل يصيرلج شي
ميرال:مراح يصيرلي شي طول ما اني يمك
قيصر:تعبان
ميرال:ياريت التعب بيه ولا بيك
قيصر:ميرال محتاجج يمي
ميرال:اني يمك ياعمري ومستحيل اعوفك
بقينا على هذه الحالة لنصف ساعة وبعدها بدأت بفتح الموضوع معه
ميرال:حياتي
قيصر:ممم
ميرال:ممكن احجي وياك بموضوع
ابتعد ونظر إلي
قيصر:كولي
ميرال:ممكن تجي وياي
قيصر:وين؟ نروح
ميرال:للشيخ يشوفك
قيصر:لا
ميرال:قيصر اترجاك
قيصر:كلتلج سدي هذا الموضوع
ميرال:ليش متريد تروح
قيصر:لانه مليت من نفس الحجي تعبت من الروحه والرجعه وماكو اي فائده
ميرال:خلينه نجرب مرة ثانية مراح نخسر شي
قيصر:تعبت من كثر التجربه انسي حالتي ماكو امل منها
ميرال:لا اكو بس انت ساعدني الله يخليك اني مجاي اتحمل اشوفك هيج
قيصر:وشنو الفائدة اذا رحنه هم نفس الشي
ميرال:خلينه نجرب بس بلكت اكو حل
قيصر:لو اكو حل جان طلع
بدأت اتحدث معه بصوت عالي وانا ابكي
ميرال:انت ليش دتسوي بيه هيج اني مجاي اتحمل اشوفك هيج راح اموت وانا خايفه يصيرلك شي ليش مجاي تفهمني ليش
سحبني إليه واحتضني بقوة
ميرال:قيصر ساعدني اذا صارلك شي ما اكدر اتحمل
قيصر:خلص اني موافق بس اهدي
ابتعدت عنه ونظرت إليه
ميرال:يعني موافق نروح
قيصر:اي خل نروح
رميت نفسي عليه واحتضنته بشده ....
جهزنا انفسنا واخذنا قيصر انا وعمي وبسام ركبنا بسيارة بسام وذهبنا الى منزل ذلك الرجل وعندما وصلنا كان منزله منزل عادي
ميرال:هذا بيته
حسن:اي هو هذا بيت السيد محمد
ميرال:خلينه نشوفه
حسن:بالبداية انتظروني هنا انا راح اسأل عليه واجي بسام:ماشي
تركنا وذهب بقينا في السيارة ننتظره
بسام:تتوقعون اكو حل
ميرال:خلينه نجرب مراح نخسر شي احنه جربنه الاطباء بس ماكو فائدة خل نجرب هذول هسة
اصبحت حالة قيصر تسوء كثيراً
ميرال:حبيبي تحمل شوي
كان هناك ألم شديد في جميع أنحاء جسده
قيصر:تعبت ما اكدر
ميرال:تحمل شوي هسة يجي عمي
بسام:اتحمل قيصر ما بقى شي
وفجأة ازداد الألم عليه واصبح يصرخ من شدت الألم قيصر:ما اكدر اتحمل ااااه
ميرال:قيصر شبيك
احتضنته بشده كنت اسمع صراخه كانت كل صرخه خرج منه تطعن قلبي الف طعنه وكل اه تخرج منه تمزق قلبي بشده اشعر بأنه الالم بي وليس به
بسام:اني راح انزل اشوف عمي انتي خليج يمه
ميرال:بسرعة بسام
تركني وخرج بسرعة للبحث عنه وانا كنت احاول أن اخفف عليه
ميرال:اصبر ياعمري اصبر
قيصر:راح اموت جسمي كله يأذيني
ميرال:سلامتك مو الموت بيه ولا بيك
وضع يداه على وجنتاي ومسح دموعي
قيصر:انتي اسف ما جنت اتمنى تاخذيني
ميرال:ليش تكول هيج
قيصر:انتي تستاهلين تاخذين واحد احسن مني تعيشين وياه بسعاده مو بخوف
ميرال:ماكو واحد احسن منك حتى لو يرجع بيه الزمن هم اختارك انت
قيصر:احبج
احتضنته بقوة و ازداد بكائي هذه اول مرة يعترف بها قيصر بحبه لي لم اكن اتخيل بأنها سوف تخرج منه ونحن في هذه الحالة وفجأة وصلوا عمي وبسام إلينا
ميرال:هنا شنو الاخبار
حسن:واخيراً وافق
ميرال:يله تعالوا هل ندخله بسرعة
ساعدني بسام على اخراج قيصر من سيارة امسكنا به وادخلنا الى منزل ذلك الرجل طلب منا أن نجعله يستلقي على الارض وطلب ان نبتعد عنه وبدأ يقرأ على رأس بعض من الايات القرآنية كان يقرا القران وقيصر يصرخ من شدت الألم كنت ابكي بشده وكان بسام يمسك بي وحاول تهدئتي
ميرال:بسام ساعده الله يخليك
بسام:منكدر نسوي شي
ميرال:لك راح يموت
بسام:اهدي هو هذا شغله لازم يقرا عليه ايات حتى يحاول يساعده
ميرال:ياربي بس مو هيج قيصر جاي يتوجع
بسام:هذا احسن علاج لحالته
وفجأة اغمى عليه وتوقف ذلك الرجل عن الكلام ركضت إليه واحتضنته
ميرال:قيصر حبيبي رد عليه شنو صارلك
التفت إلى ذلك الرجل واصبحت التحدث معه بعصبية
ميرال:لك انت شنو سويت بيه ....قيصر حبيبي رد عليه
_اهدي مدام زوجج ما بيه شي بس حالة الغمى هاي طبيعية بسبب حالتة
بسام:شنو يعني طلعة منه
_ياريت
حسن:ممكن توضح لنا
_بصراحة ابنكم حالتة خطيرة كلش ولازم تنقذوا من هاي الروح
ميرال:شنو
_مفعول السحر الاسود بدأ يشتغل وهذا من يبدي يشتغل تصير حالة الشخص خطيرة يعني عدكم مهلة يومين بس لازم تنقذونه والا راح يموت
ميرال بصدمة:شنو
_مثل ما سمعتوا
حسن:وشلون راح انقذه
_لازم تعرفون منو هو الشخص اللي اشتغل عليه هو الوحيد عنده العلاج
حسن:ياربي
ميرال:مستحيل يموت مراح اسمح بهذا الشي
_لازم تساعدونه باقي يومين بس على حياته
بسام:راح شنسوي احنه حتى ما نعرف منو سوه بيه هيج
_بهذا الوضع الله يساعدكم
ميرال:ما تكدر انت تساعده الله يخليك ساعدنه
_يا بنتي والله جان بيدي بس هذا الشي ميصير لازم الشخص اللي اشغل عليه هو يوكفه ....
اخذه قيصر وعدنا الى المنزل وعندما وصلنا طلبت من بسام ان يساعدني لكي ناخذه الى غرفة النوم
وضعنا على السرير ووضعت عليه الغطاء
بسام:اني نازل اذا احتاجيتي شي نادي عليه
ميرال:شكراً لك تعبك وياي
بسام:انتي شتحجي هذا اخويه
تركنا وخرج اقفلت الباب واقتربت منه كان يغط في النوم جلست بجانبه ووضعت يداه على شعره كان ينام مثل الطفل وكان وجهه شاحب اللون نزلت دموعي
ميرال:مراح اسمح لك تعوفني قيصر مستحيل اخليها تاخذك مني اذا صارلك شي راح شسوي اني.... ما اكدر اتحمل هاي الدنيا بدونك لا تضعف لا تخليها تنتصر علينا قيصر
قبلته من وجنتيه وخرجت من الغرفة نزلت إلى الاسفل كان الجميع في حالة يائس ولا نعلم ما يمكننا فعله لايجاد حل
ريما:شلون هسة راح تبقوا ساكتين لحد ما يموت
حسن:شنسوي انطوني حل
فادية:ما اكدر اتحمل اشوف ابني يموت كدامي سوي شي ابو قيصر اترجاك
حسن:واني هم لو بيدي حل مجان بقيت ساكت اك
ميرال:زين انتو تعرفون وين بيت هاي اللي انتحرت
بسام:لا لان غيروا مكان سكنهم وحتى لو نعرف شنو راح يسوون
ميرال:يحوز همه السبب بحالة قيصر
حسن:فكرنا بهذا الموضوع بس مستحيل يسوون هيج شي
ميرال:ليش يجوز انتقام لها
حسن:مستحيل احد يسويها
ميرال:لازم اتأكد منهم
حسن:وشلون راح توصلين الهم
ميرال:تعرفون عنوان احد منهم
حسن:لا لان تركوا المنطقة اللي جانوا ساكنين بيها من سنوات
ميرال:نروح ونسأل لازم اكو احد يساعدنا
بسام:مراح نستفيد شي اذا رحنه
ميرال:خلينه نجرب بلكت نلكاه شي يساعدنا
بسام:ماشي شوكت نروح
ميرال:هسة
ريما:هسة؟
ميرال:اي منريد نضيع وكت
بسام:لعد امشي اخذج ونروح
ريما:انتظروني اني جايه وياكم
ميرال:عمي عمتي ديروا بالكم على قيصر اذا صار شي خابروني
حسن:تمام وانتو هم انتبهوا
بسام:مع السلامه
فادية:الله يحميكم
جهزوا انفسهم خرجوا من المنزل ركبوا بسيارة بسام وذهبوا الى هناك
ميرال:وين صاير بيتهم القديم
ريما:هذا وصلنا
اشارت لي ريما الى منزل روناك القديم
ميرال:هذا بيتهم
ريما:اي هو هذا
ميرال:امشوا خل ننزل نسأل
خرجنا من السيارة واتجهنا نحو ذاك المنزل طرقنا الباب وفتحت لنا فتاة صغيرة
بسام:مرحباً
_مرحبا
بسام:حبيبتي وين اهلج
_ماما مموجوده وبابا موجود
بسام:ممكن تنادين بابا
_لحظة شوي
تركتنا ودخلت للمنزل وبعد لحظات خرج لنا رجل
بسام:السلام عليك
_وعليكم السلام تفضل
بسام:احنه جايين وطالبين مساعدة منك
_بشنو ممكن اساعدكم
بسام:طبعاً هو الموضوع راح تشوفه غريب بس مهم جداً بالنسبة لنا
_اتفضل اخي كول
بسام:احنه جايين نسأل على عنوان الناس اللي جانوا كاعدين بهذا البيت قبلكم اهل روناك
صمت قليلاً وثم قال
_والله اعذرني بس احنه ما ندري وين كعدوا
ميرال:ولا تعرف عنهم أي شي
_اصلا احنه اخذنا مهم البيت وطلعوا
ميرال:يالله
بسام:اهدي
_خير بشنو ممكن اساعدكم
بسام:تسلم احنه بس جنه حابين نعرف مكانهم
_اعذرني والله جان بيدي اساعدكم
بسام:تسلم خوية معذور
تركنا المنزل وذهبنا ركبنا بالسيارة شغل بسام السيارة وفجأة صرخت ريما وطلبت منه أن يتوقف
ريما:اوكف بسام
بسام:شكو
ريما:باوع منو هذيج
نظر إلى هناك ورأينا فتاة خرجت من السيارة وذهبت باتجاه ذلك المنزل وطرقت الباب فتح بسام عينيه بصدمة
بسام:هاي شنو
ريما:هاي مو نبأ
بسام:لج اي هي... هذا يعني
ريما:اي
ميرال:فهموني شكو
بسام:امشي ننزل بسرعة
خرجنا من السيارة وعدنا الى المنزل طرقنا الباب وفتح لنا ذاك الرجل وكان مرتبك للغاية
_خير ليش رجعتوا
بسام:لو سمحت نريد البنيه اللي دخلت هسة للبيت
_اي بنيه
بسام:البنيه اللي دخلت هسة وينها
_ماكو احد دخل روحوا لو سمحتوا
دفعه ودخلنا للمنزل واصبح الرجل يتشاجر معنا يحاول اخراجنا دخلنا ووجدنها تجلس في غرفة الجلوس انصدمت عنده رؤية بسام و ريما
نبأ:بسام ريما ؟
بسام:هلا والله نبأ وين جنتي كل هاي السنين
نبأ:انتو شعدكم هنا ليش اجيتوا
ريما:اجينه نسأل عن بيت روناك
نبأ:روناك واني من وين اعرف وين بيتها
بسام:لا والله وتردين اصدك
نبأ:والله تصدك او لا هاي مشكلتك انت
ريما:نبأ احنا مجايين هنا حتى نتعارك نريد بس عنوان اهل روناك وخلص
رد علينا ذاك الرجل
_كلنه ما نعرف عنوانهم بعد شكو
بسام:معقول متعرفين عنوان بيت صديقتج العزيزة وانتي اخذتي بيتها
نبأ:اي ما اعرف لان علاقتي بيهم انقطعت من زمان بعد شسوي بالعنوان
اقتربت منها واصبحت اتوسل إليها
ميرال:الله يخليج اذا تعرفين شي ساعدنه
نبأ:كلتلكم ما اعرف شي ليش محد يصدكني
قام زوجهها وطردنا من المنزل
_يله عرفتوا الجواب اتفضلوا اطلعوا بره
بسام:ماشي راح نطلع بس لا تفكرين الموضوع راح ينتهي هنا
تركنا المنزل وذهبنا ركبنا بالسيارة وشغل بسام السيارة ولكن اوقفته
ميرال:شلون هسة راح نرجع
بسام:لا بس راح نبتعد شوي عن البيت لان اني متأكد هسة نبأ راح تروح لبيت روناك
ريما:صح
شغل السيارة وابتعدنا قليلاً عن المنزل واقفنا السيارة ننتظر خروج احد منهم
ميرال:منو هاي
ريما:هاي نبأ جانت صديقة روناك واختها الكبيرة
بسام:جانوا هذول الثلاثه اكبر المصايب شفناها بحياتنا كلها
ريما:صح اخت روناك الجبيرة هذا وحدة ملعونه
بسام:اني متأكد هي السبب بحالة قيصر هاي اكيد سوت بيه هيج حتى تنتقم لاختها
ميرال:لعد لازم نلكاهه
بسام:ما اتوقع راح تساعدنه هاي الملعونه
ميرال:خل نجرب مراح نخسر شي
وفجأة رن هاتف بسام
بسام:الو... هلا عمي.... شنو انت جاي شتحجي.... طيب ديروا بالكم احنه جايين
اقفل الخط ونظر إلينا بصدمة
ريما:شكو
ميرال:قيصر صارله شي
بسام:خابر عمي يكول حالة قيصر صارت صعبة وهاجم على اهله ويريد يكتلهم
ريما:شنو
ميرال:هاي هي اكيد عرفت انه جاي ندور على اهلها وجاي تخرب انتباهنا
ريما:اهلي راح شنسوي
بسام:امشوا نرجع بسرعة
ميرال:لا خليك انت هنا واني وريما راح نرجع
بسام:شلون اعرفكم الوحدكم الوضع هيج
ميرال:لا تخاف راح ننتبه بس انت دير بالك لا تضيعها
بسام:ماشي
ريما:احنا راح ناخذ تاكسي ونروح
بسام:اذا صار شيء خابروني
ريما:اكيد
خرجنا من السيارة واستأجرنا تاكسي وذهبنا للمنزل وعنده وصولنا سمعنا صوت تكسير اغراض قادم من داخلي المنزل
ريما:ياربي دخيلك هاي جاي شيصير
ميرال:خليج وراي وانتبهي
ريما:ماشي
دخلنا للمنزل كانت الفوضى تعم المنزل بأكمله وكل شيء لم يكن في مكانه كانت ريما تمسك بيداي وترتعش من الخوف وفجأة سمعنا صوت تكسير قادم من الاعلى اتجهنا الى هناك وعندما وصلنا رأينا قيصر يقف امام غرفة والديه ويحاول كسر الباب كان شكله مخيف جدا
ريما:لج هذا جاي شيسوي
ميرال:شش هذا مو اخوج هاي هي
كانت خائفة جداً امسكت بيدها ونظرت الى عينيه
ميرال:اسمعيني اهدي وافتهمي كلامي زين
ريما:شنو
ميرال:من انطيج اشارة تاخذين اهلج وتطلعوا بره البيت كله
ريما:شنو وانتي
ميرال:معليج بيه المهم نفذي كلامي
ريما:تمام
ميرال:وعيونه لا تركزين بيها
ريما:ليش
ميرال:نفذي كلامي ولا تسألين
ريما:تمام
اقتربت منها ووقفت امامه كانت تحاول كسر الباب وتصرخ اليهم لكي يفتحوا لها الباب
_افتحوا الباب يله
ميرال:هاااي
توقفت عن طرق الباب والتفتت إلينا كانت ريما تختبئ خلفي وترتعش من الخوف اقتربت مني ريما وهمست لي
ريما:لج شنو هاي العيون
ميرال:كلتلج لا تركزين بعيونه
ادارت وجهها بسرعة وابتعدت عن ريما ونظرت باتجاه غرفتي كان الباب مفتوحاً
_اجيتي واخيرا جنت مشاقتلج هواي
ميرال:وهاي اني رجعت الج
_جنتي تدورين على اهلي حتى تنقذين زوجج
ميرال:والله بين وتعرفين كلشي
_طبعاً كلشي يدور بهذا البيت اني لازم اعرف بيه
ميرال:جيد
استدارة الى ناحية غرفتي كنت اريد ان ابعدها عن غرفة والده قيصر اصبحت تتقدم نحوي وانا اتراجع
الى ان ابتعدنا عن الغرفة واشارة الى ريما براسي ان تذهب وتخرج عائلتها من تلك الغرفة
_مراح تكدرين تنقذينه لانه راح يموت
ميرال:يمكن
دخلت إلى غرفة ودخلت خلفي وفي هذا الوقت انتهزت ريما الفرصة واخرجت عائلتها والخدم من المنزل
ريما:امشوا بسرعة نطلع من البيت
حسن:ميرال وين
ريما:وياه قيصر
حسن:شنو لج هذا مو قيصر
ريما:ادري وهي طلبت مني اطلعكم واعوفها
حسن:لا لازم نرجع نساعدها
اراد ان يعود للمنزل ولكن امسكت به ريما ومنعته
ريما:بابا الله يخليك خليك بمكانك لا تتحرك
حسن:شلون نعوف البنيه الوحدها يمها
ريما:هي طلبت نسوي هيج لازم عدها خطة خل ننتظر ونشوف
فادية:يارب استرها يارب .....
اما من جانب بسام لا زال ينتظر خروج احد من المنزل مرة ساعة ولم يخرج احد وفجأة انفتح الباب وخرجت نبأ وزوجها من المنزل ركبوا بالسيارة وذهبوا وثم شغل بسام سيارته ولحق بهم.... اما ميرال وفكانت تحاول حماية نفسها من تلك الشيطانه التفت إلى ناحية المزهرية كانت المزهرية مرمية على الارض والقران لم يكن في مكانه التفت حولها لم تجده اين ذهب القران انا وضعته هنا ماذا يحدث وفجأة سمعت صوت ضحكاتها
_لا تتعبين نفسج اللي تدورين عليه مموجود شلته عن طريقي مثل مراح اشيلج من طريقي
ياالهي الشيء الذي كان يحميني قد ابعدته عني
_وهسة شنو رأيج اني جنت ادري بخطتج تردين تدخليني للغرفة لان هنا ما اكدر اسيطر عليج بس لا وخرت الليلة جان يحميج مني
ميرال:شلون؟
_اني قريت براس قيصر وخليته يشيله منا وياخذه لمكان بعيد
ميرال:حتى لو اني هم مراح اخاف منج
_خلينه نشوف
هجمت عليه كانت تحاول أن تخنقني ولكنني كنت احاول الدفاع عن نفسي بكل قوتي خدشت جسدي ورقبتي واصبحت الدماء تخرج مني ضربتها وهربت بسرعة خرجت منه الغرفة اركض لم استطع الركض بسبب الألم اقتربت من الباب حاولت الامساك به وفجأة انقفل الباب بوجهي التفت حولي كانت تتقرب مني حاولت فتح الباب ولكنه لم يفتح معي تركتها وذهبت لكي اختبئ بالمطبخ لحقت بي وكانت تبحث عني
_لا تحاولين تقاوميني راح تموتين
كنت خائفة وادعود ربي ان يساعدني في تلك المحنة
_مراح تكدرين تقاوميني راح تتعبين اطلعي احسلج
كنت اتألم من شدت الخدوش التي سببتها لي
_وهسة ودعي الحياة
التفت ورأيتها تقف خلفي حاولت الهرب امسكت بشعري و اوقعتني على الارض
امسكت بالسكين وضعتها على رقبتي
_وداعاً ياحلوة
رفعت السكينه علي اغمضت عيني بسرعة لكي لا ارى ذلك المنظر مشهد موتي وفجأة سمعت صراخها فتحت عيني وجدتها تمسك براسها وتتألم
ومن بين الصراخ خرج صوت قيصر
قيصر:ميرال اطلعي
_مراح خليك تنقذها وخر مني
كانت تبدو كأنها مقيده الايدي يبدوا بان قيصر يحاول مساعدتي
ميرال:قيصر
قيصر:كلتلج اطلعي بسرعة
_مراح خليها تروح لازم تموت
صرخ بوجهي
قيصر:اطلعي
نهضت بسرعة ذهبت باتجاه الباب وخرجت وطلب مني قيصر ان اقفل الباب
قيصر:اطلعي واقفلي الباب بسرعة
خرجت واقفلت الباب وثم سمعت صراخ قيصر كان يتألم يبدوا بأنها تعذبه على مساعدته لي جلست خلف الباب واصبحت ابكي وادعوا ربي ان يساعده
