تركت المنزل وركبت بسيارتي وذهبت للبحث عنها ياترى اين ذهبت في هذه الحالة انها ليست واعية لتصرفاتها وانا قلق من ان تفعل شيء سيء لنفسها خطر ببالي صديقتها سالي يمكن ان تكون ذهبت إليها ، ولكن كيف ستذهب وهي ليس في حالتها الطبيعية او ربما تعلم اين هي سأتصل بها، اذكر بانني قمت باخذ رقمها من ميرال اخرجت هاتفي من جيبي وبحث عنه في لائحة الاسم وجدت اسمها قمت بالضغط عليه وها هو يرن الان انتظرت لدقائق وثم اجابتني بصوتها الناعم
سالي:الو
قيصر:الو مساء الخير
سالي:مساء النور تفضل
قيصر:حضرتج الانسة سالي
سالي:اي نعم منو حضرتك
قيصر:اني قيصر زوج صديقتي ميرال
سالي:قيصر اهلا وسهلا شلونك
قيصر:الحمدالله انتي شلونج
سالي:بخير والله وصحتك شلون صارت
قيصر:لا احسن... بس عندي طلب اذا ممكن
سالي:اي اكيد تفضل
قيصر:ميرال اختفت وجاي ادور عليها واتصلت بيج كلت بلكت تعرفين شي عنها
سالي:شنو اختفت؟ وين راحت وليش
قيصر:هاي موضوع طويل بعدين احجيه الج بس حبيت اعرف منج ما تعرفين وين ممكن تكون
سالي:اتصلت باهلها
قيصر:ميعرفون عنها شي واني محبيت احجيلهم الموضوع
سالي:والله ما ادري وين ،اني هم احتاريت مثلك، اكلك راح جاي هسة ادور وياكم عليها
قيصر:لا لا ماكو داعي اعذبج وياي
سالي:تعذبني شنو هاي صديقتي
قيصر:ماشي لعد هسة اني راح اجي عليج بس انطيني العنوان
سالي:تمام عندك ورقة وقلم سجل عنواني
كتبت عنوانها واقفلت الخط وثم شغلت سيارته و اتجهت إلى العنوان الذي في الورقة وعنده وصولي رأيتها تنتظرني امام باب المنزل فتحت الباب و ركبت بجانبي
سالي:مساء الخير
قيصر:مساء النور
سالي:شنو صار وشلون اختفت
قيصر:موضوع طويل احجي الج بالطريقة
شغلت سيارتي واتجهنا للبحث عنها وفي الطريق سردت لها ما حدث
قيصر:سما قرت التعويذة على ميرال ودخلت روح اختها بيها
سالي بصدمة:شنو
قيصر:اي
سالي:يعني نفس الي صار وياك
قيصر: اي نعم
سالي:ياربي لك هاي شنو من بشر ....و وين ميرال هسة
قيصر:اختفت المشكلة هسة هي من بحالتها الطبيعية وجاي تتصرف من غير وعي
سالي:وين ممكن تكون راحت
قيصر:ما ادري واني سألتج بلكت تعرفين شي ممكن يودينه الها
سالي:للاسف كلشي ما اعرف وين ممكن تروح
قيصر:خل نرجع للبيت بلكت عرفوا اخبار عنها
سالي:يله لعد امشي
غيرت مسار طريقي واتجهت إلى المنزل وفي الطريق رن هاتفي نظرت الى الرقم كان رقم غريب اجبته
قيصر:نعم
_هل انت السيد قيصر
قيصر:،نعم انا هو ولكن من انت
_انا الشخص الذي كنت تبحث عنه اليوم
قيصر:ماذا....انت العراف
_احسنت لقد سمعت بانك تبحث عني لانك تريد علاج زوجتك
قيصر:اجل
_هل تريد مساعدتي
قيصر:بالطبع
_حسناً اذن تعال ولكن بمفردك ولا تخبر أحدا
قيصر:حسناً سأتي إليك اعطيني عنوانك
انطاني العنوان واقفلت الخط وثم طلبت من سالي النزول ولكنها رفضت وكانت تود الذهاب معي
قيصر:شلون ترحين هو كال لازم اجي الوحدي
سالي:احنه ما عدنه ثقة بيه وما ندري شنو ممكن يسوي وبعدين لا تنسى حياة ميرال بيده خليني اروح وياك
قيصر:ماكو فايده
سالي:اي... وياه امشي بسرعة
شغلت سيارتي واتجهنا الى العنوان الذي اخذته منه وعندما وصلت كان نفس العنوان الذي في الورقة ترجلنا من السيارة واقتربنا باتجاه الباب طرقت الباب ليفتح لي رجل كبير في السن حوالي 66 سنة عمره
قيصر:مرحبا سيدي انت العراف
_وانت قيصر أليس كذلك
قيصر:اجل
نظر لسالي وثم قال لي
_من هذه الفتاة ألم اطلب منك ان تأتي بمفردك
قيصر:لا تقلق انها صديقتي لن تفعل شيء
ابتسم وقال :تقصد صديقة ميرال زوجتك
استغربت منه كيف له ان يعلم بكل شي عني وعن حياتي هل حقاً الدجالين يعلمون بكل شي عن حياة الشخص الذي يشتغلون عليه ام انها كذبة نعتقد بها نحن البشر... اطمئن قلبه لها وطلب منا الدخول
قيصر:حسنا تفضل
فتح لنا الباب لندخل للمنزل كان منزل صغير ولكنه مرتب ونظيف ادخلنا الى احدى الغرف المنزل كانت الغرفة تحتوي على الاغراضه الخاصة بعمله مثل البخور الشموع وكتب كثيره وكان يوجد على الجدارا تماثيل اشكالها غريبة ومخيفة في نفس الوقت كانت سالي ترتجف من منظر الغرفة
سالي:هاي شنو اني خايفة
قيصر:مدام خايفة منو كلج تجين وياي
_هيا اقتربوا ولا تقلقوا من شيء
اقتربنا وجلسنا امامه وبدأ بالحديث
_لقد سمعت بأنك تبحث عني
قيصر:اجل كنت ابحث عنك
_ولماذا
قيصر:وتسألني لماذا لكي اخلص زوجتي من الاعمال التي تجريها الي ولها
_ولكن انا افعل ما يطلب مني
قيصر:انا اعلم بانه سما هي من تطلب منك ان تجري السر علينا
_حسناً اذن مشكلتك معها وليست معي
قيصر:كيف ليست معك وانت من يقوم بمساعدتها، من دونك سما لن تستطيع أن تفعل شيء
_لا انت مخطئ انا وسما لن نستطيع أن نفعل شيء من دون جثة روناك
قيصر بصدمة:نعم
_اجل نحن نستعمل جثة روناك لكي يعمل السر بشكل جيد
قيصر:هذه جريمة يحاسب عليها القانون
_وهل ما نفعله ليس بجريمة؟
قيصر:حسناً اريد تخليص زوجتي من السر وسأعطيك ما تريده
_ولكن هذا الشيء سيكلفك كثيراً
قيصر:سادفع لك ما تريده من المبلغ ولكن تخلصني من روناك وعائلتها للابد
_ولكن هذا يتطلب مني الكثير من الجهد
قيصر:قلت لك سادفع لك ماتريده
_ليس فقط المبلغ
قيصر:اذن ماذا تريد
_ علينا ايجاد جثة روناك لكي نحرقه الجثة
قيصر:لماذا تريد حرق الجثة
_لانها لن تنتهي روحها الشريرة الا بحرقها ولكي لا تعود لكم مطلقاً
صمت قليلاً للتفكير كيف يمكنني أن افعل هذا ولكن ليس لي حل سوى فعل ما يطلبه مني لكي اتخلص من روحها للابد
قيصر:حسناً سافعل ما تريد ولكن اين سنجدها انا لا اعلم بمكانها
ابتسم بسخرية وثم قال :كيف لك أن لا تعلم بمكانها انت الوحيد الذي يعلم اين هي جثة روناك
قيصر:ما الذي تقوله انا لا اعلم شيء
_بل تعلم وعليك أن تتذكر بسرعة لان زوجتك الان معها ويمكنها أن تفعل لها شيء سيء
قيصر:ماذا
_اجل عليك ايجادها قبل فوات الآوان ....اذهبوا الان
اشار لنا بيده لكي نخرج وخرجنا من منزله و ركبنا بسيارتي
سالي:شنسوي هسة
قيصر:والله ما ادري
سالي:شنو جان يقصد بكلامة من كلك انت الوحيد اللي ممكن يعرف وين مكان الجثة
قيصر:ما ادري بس اني فعلاً ما ادري، واصلا مجنت وياهم من دفنوها
سالي:لعد شلون كال هيج ...تعتقد ممكن يكون يجذب علينا
قيصر:وشنو مصلحته يجذب مدام راح يستفيد
سالي:صح بس هاي شغلة تحير احنه وين نلكه جثتها
قيصر:لازم اعرف مكانها وباي طريقة ماسمعتي شنو كال
سالي:اي كال ميرال يمها وممكن تأذيها
قيصر:بس اكو هناك شغلة غريبة ميرال من وين وصلت لمكانها
سالي:فعلاً
وفجأه رن هاتفي كان الاتصال من بسام اجبته
قيصر:الو
بسام:الو ها قيصر عرفتوا شي
قيصر:لا وانتو
بسام:ولا احنه
قيصر:،اوف و ريما شلونها
بسام:لا صارت احسن
قيصر:الحمدالله هسة جايين احنه
بسام:خوش
اقفلت الخط وشغلت سيارتي وذهبنا للمنزل وقمت باخبار عائلتي بما قاله لي ذلك العراف
بسام:شنو يعني اني ما افتهمت شي
قيصر:يعني لازم نلكه جثة روناك حتى نخلص من السر وللابد
حسن:و وين راح نلكاهه هاي
قيصر:ما ادري محتار والمشكله ميرال يمها هسة ومو بوعيها وما ادري شنو ممكن تسويها
حسن:لعد ملازم تبقوا هيج واكفين روحوا دورو عليها
بسام:اي لازم نتحرك وفورا
قيصر:اسمع بسام انت روح راقب سما اذا صار شي بلغني
بسام:تمام هسة رايحه
قيصر:وانتي سالي روحي على بيت مريم و راقبيها واذا شفتي اي شي غريب بلغيني
سالي:اوكي
حسن:يله بسرعة تحركوا اولادي
بسام:اذا صار شي خابرونا
خرجوا من المنزل وذهبوا كل واحد منها اتجاه ذهب بسام الى منزل سما وعندما وصل اوقف سيارته امام منزل وقام بتطفئة المصابيح السيارة وجلس يراقب المنزل وايضا سالي فعلت كما فعل بسام وجلست في سيارتها تراقب منزل مريم و مرت ساعات ولم يحث شيء الى ان غلبها النعاس وغطت في النوم وفي هذه الاوقات خرجت مريم من المنزل ركبت بسيارتها وذهبت مسرعة من دون ان تراها سالي على عكس بسام الذي كانه يحارب النعاس لكي يبقى مستيقظاً طوال الليل....
اما من جانب قيصر فقد تلقى اتصال من العراف يخبره بانه سما قد اكتشفت خطتهم وقامت بسرقة التعويذة التي تبطل السحر
قيصر:ما الذي تقوله انت
_اجل كما قلت لك لقد اكتشفت خطتنا وسرقة مني التعويذة
قيصر:،وما فائدة هذه التعويذة
_بهذه التعويذة يمكنها التحكم بميرال وتجعلها تفعل ما تريده
قيصر:وكيف قامت بسرقتها
_لقد ضربتني واخذتها مني عليك ايجاها والا ستفعل شيء سيء لها ولك
قيصر:تبا لكم جميعاً
اقفل الخط بوجهه وكان في حيره لا يمكن أن يفعل شيئاً
ريما:شنو كال
قيصر:يكول سما اخذت التعويذة منه وتكدر تسوي اي شي بيها
ريما:تعويذه شنو هاي
قيصر:مال السحر
حسن:المشكلة احنه ما نعرف وين مكانها، فكر ابني ممكن تعرف مكانها وين
قيصر:ما ادري ليش مجاي اتذكره
اصبح يفكر ويحاول ان يتذكر شيء يساعده وفجأة تحدثت ريما
ريما:مرة ميرال حجتلي عن شغله جانت تصير وياك من تجيك روح روناك
اقترب منها ومتسائلا
قيصر:شنو
ريما:جانت تكول قيصر من يفقد السيطرة على نفسه يروح على مكان يبقى بيه الوحدة
قيصر:شنو هو هذا المكان
ريما:مجاي اتذكر وين بالضبط
حسن:بنتي حاولي تذكرين
ريما:يالله وين كالت
قيصر:حاولي ريما
ريما:انتظروا لا تشوشون تفكيري
كانت تحاول ان تتذكر بالضبط ماذا قالت لها
ريما:مكان موجود وره بيتنا
حسن:وره بيتنا؟ شنو موجود هو حديقة
وفجأة نطق قيصر
قيصر:الكوخ
ريما:لك اي هو هذا الكوخ
حسن:روح بسرعة لعد اكيد ميرال هناك
ريما:انت روح واني راح ابلغ الشرطة
خرج قيصر مسرعاً من المنزل واتجه نحوه الحديقة ذاهباً إلى مكان ذلك الكوخ كان المكان بعيداً عن المنزل بكثير وعندما وصل رأى ضوء قادم من داخل الكوخ اقترب بخطوات بطيئة باتجاهه وعندما وصل قام بكسر الباب بقدميه كانت تفوح منه رائحة كريهة لم يستطيع تحملها وضع يداه على انفه ودخل ليجد ميرال مرميه على الارض وبجانبها جثة روناك المشوهه فزع لشدة المنظر التفت حوله ولم يجد احد اخر بجانبهم اقترب من ميرال وكان يحاول ان يجعلها تستيقظ لم يتحمل البقاء اكثر لانه الرائحة كانت فضيعة جدا امسك بها وحاول اخراجها من هذا المكان حملها بين ذراعيه وخرجوا بدأ يسير بسرعة للابتعاد عن ذلك الكوخ وفجأة تلقى ضربه قويه على راسه من الخلف وسقطوا هم الاثنان على الارض وفقد وعيه
قيصر "
فتحت عيناي على صوت احدهم كان يتحدث بصوت عالي كنت اشعر بألم شديد في راسي ولم اركز جيد وعندما فتحت عيناي جيد رأيت سما جلس امامي وتتفوه بكلمات غريبة نظرت حولي كانت ميرال نائمة بجانبي وبجانبها جثة روناك يبدوا بأنها تقوم بالسحر عليها علي أن امنعها كنت احاول استيعاد تركيزي للنهوض
قيصر:اوكفي
توقفت عن الكلام ونظرت إلي
سما:كعدت حمدالله على سلامتك
قيصر:انتي جاي شتسوين
سما:ولا شي مجرد تعويذة اخلص بيها منك ومن مرتك وللابد ، وبهاي اكون اخذت حق اهلي وحق اختي
قيصر:مراح اسمح لج
سما:لا تخاف مو اني اللي راح اموتك مرتك هي اللي راح تموتك
قيصر:اللي جاي تسوينه غلط وكفي كلشي الشرطة جايه
سما:تفكر تحبسني ههههه مراح تكدر مراح تلحك لانك راح تموت اساساً
نظرت الى ميرال وطلبت منها النهوض وفجأة فتحت عينيها ونهضت لتقف امامي كان شكلها غريب وتقوم بفعل كل ما تطلبه منها
سما:ميرال منو عدوج
ميرال:قيصر
اصابتني الدهشة ماذا فعلت بها
سما:شفت شلون كدرت اسيطر عليها كليا وحتى تصرفاتها اني اللي اتحكم بيها يعني اذا طلبت منها تكتلك راح تنفذ بسهولة
قيصر:مستحيل اسمح لج تأذيها
سما:اصلا كدرت وماكو داعي تسمح لي او لا
قيصر:راح اخلصها واخلص نفسي منج
سما:مو بسهوله تكدر' انت بعد ما لك سيطرة عليها ولا راح تسمع كلامك
نهضت من مكاني واقتربت من ميرال كنت احاول أن اجعلها تستمع لي وكنت كل ما احاول الاقتراب منها كانت تبتعد عني بخطواتها
قيصر:ميرال حبيبتي باعي عليه معليج بيها
سما:هههههههه لا تحاول احسلك
قيصر:ميرال
كنت احاول جذب انتباهه لي ولكنها كانت تقترب منها وتبتعد عني
قيصر:ميرال وين رايحه تعالي يمي هاي جاي تحاول تأذيج
ميرال:لا هي تحبني مستحيل تأذيني بس انت تريد تأذيني
قيصر:لج انتي شنو مدخله براسها
سما:ههههه مو كلتلك
قيصر:حبيبتي اني مستحيل اذيج اني قيصر زوجج
سما:لا تصدكين بيه هذا جاي يحاول يضحك عليج انتي لازم تكتلينه
اعطتها المسدس و رفعته علي
سما:يله ميرال حاولي تكتلينه
قيصر:لا ميرال لا تسمعين كلامها هاي شيطانه
كانت توجه السلاح بوجهي وتفكيرها مشوشاً ' بداخلها تردد ولكن كلام سما يسيطر على تفكيرها
سما:يله ميرال شنو تنتظرين اضربي
قيصر:ميرال باعي بعيوني اني قيصر حبيبج ركزي وياي وعوفيها
كنت انظر ليداها كانت ترتجف
سما:يله ميرال اضغطي على الزناد
وجهت نظراتها الي يبدوا بأنها ستطلق النار علي ضغطت على الزناد وخرجت الرصاص من المسدس اغمضت عيني لا اريد رؤيتها وهي تطلق الرصاصة عليه وفجأة سمعت صوت شيء سقط على الارض فتحت عيناي و رأيت سما واقعه على الارض والدماء يخرج من جسدها لقد اطلقه النار عليها وليس علي فرحت كثيراً وحاولت الاقتراب منها ولكنها منعتني من الاقتراب
ميرال:خليك بعيد ولا تتقرب مني
قيصر:ليش
روناك:لان اني روناك مو ميرال
قيصر:روناك
روناك:،اي اني روناك مو ميرال واني اللي موتت اختي من مرتك
قيصر:بس ليش
روناك:كتلتها حتى اخلص منها وانتو هم تخلصون مني ومنها 'سما مجانت تسوي كل هاي الخطط حتى تنتقم الي بالعكس جانت تنتقم لنفسها واني استعملتني اداة للانتقام 'واستغلتني حتى تبدي مدى قوتها هي طول عمرها تغار مني لان اني احسن منها بكلشي حتى بمواجهتي لا عدائي و عندي الشجاعة اكثر منها لدرجة اواجه مشاكلي مو احاول اتهرب منها بحجة الانتقام 'اني شجاعة لدرجة اول محسيت بعدم حبك الي انتحرت وخلصت نفسي من حبك
قيصر:بس الموت مو شجاعة هذا هروب
روناك:يمكن يكون هروب بالنسبة لك بس الي اعتبره شجاعة
نظرت الى جثتها التي مرميه على الارض قالت
روناك:احركها
قيصر:ترديني احرك جثتج
روناك:اذا تريد مرتك ترجعلك احرك جثتي وانت تخلص واني هم اخلص
قررت ان حرق جثة روناك ذهبت لاحضار الوقود وعلبة كبريت قمت برمي الوقود على الجثة وقد بدأت النيران تشتعل بها وثم بدأت ميرال بالصراخ يبدوا بأنها تتألم كثيراً كانت روناك تحاول الخروج منها وللابد امسكت بها وانا احاول تهدئتها كانت تصرخ باعلى صوتها
قيصر:اهدي حبيبتي اني يمج
ميرال:ساعدني قيصر.....
قيصر:اتحملي ياعمري كلشي راح ينتهي بس استحملي شوي
ميرال:اااااه
قيصر:اني يمج مراح اعوفج
احترقت الجثه بالكامل وفقدت ميرال الوعي حملتها واتجهت بها للمنزل وطلبت من والدي ان يتصل بالطبيب فوراً
قيصر:اتصلوا بالدكتور بسرعة
حسن:ماشي هسة راح اتصل بيه
ذهب ابي للاتصال بالطبيب وقد وصلت الشرطة وقمت باخبارهم بكل شي وذهبوا لالقاء القبض على العراف ومريم وثم وصلت الطبيب وذهب لي فحصها وبعد ربع ساعة خرج من غرفتها
قيصر:اخبرني هل هي بخير
_لا تقلق انها بخير وقد استعادت وعيها
قيصر:حقاً
_اجل وقد طلبت رؤيتك
قيصر:حسناً سأدخل لرؤيتها
تركت الطبيب يتحدث مع ابي ودخلت للغرفة للاطمئنان عليها ارادت النهوض عنده رؤيتي ولكني معنتها طلبت منها ان تسترخي قليلاً اقتربت منها وجلست بجانبها كانه يبدوا عليها التعب وجهها شاحب اللون وصوتها المتعب
ميرال:قيصر
قيصر:ياروحه لقيصر
ميرال:جنت خايفه لا يصيرلي شي وبعد ما اشوفك
قيصر:لا تخافين ياعمري خلصنه منهم كلهم
ميرال:يعني بعد ماكو روناك وسما
قيصر:ولا حتى مريم
ميرال:مريم؟
قيصر:اي طلعت مريم شريكة سما وانا حجيت للشرطة وحبسوها هي العراف يعني خلصنه منهم
ميرال:الحمدالله مجاي اصدك
قيصر:لا صدكي رحمه ربج واسعه
ميرال:الف الحمدلله والشكر
قيصر:جنت خايف لا تكعدين وتفقدين الذاكرة وتنسيني
ميرال:لا اني مو مثلك مراح انساك
قيصر:لا والله قابل اني نسيتج بمزاجي
ميرال:يمكن هههههه
قيصر:شوف شوف شتحجي والله لو ما بعدج مريضه
ميرال:ههههههه
قيصر:اموت على ضحكتج
ميرال:واني اموت عليك....... ااا
لقد انتهت العواصف وعاده الهدوء الى حياتي من جديد وبدأت اعيش اجمع ايام عمري مع قيصر و اولادي جنى و زين هولاء هم دنيتي الصغيرة التي لا يمكنني العيش من دونهم لا زالت اشعر ببعض القلق كل ما تذكرت تلك الايام ولكن ايماني بربي كان يشعرني بالاطمئنان وراحه البال وقد تعلمنا الكثير من تلك التجربة و اهمها عدم اليأس من رحمة ربنا و طول ما بداخلنا ايمان قوي بالله سيزول الشر من حولنا و ستعم السعادة وتنور حياتنا من جديد
.
.
.
.
.
النهاية بقلمي @ rewayat_Sara33
