وحشتنى
وحشتنى عيونك اللى أحلى ما فيك
وحشتنى إبتسامتك اللى مبينه غمازتيك
وحشتنى وسامتك اللى مغلبه اللى حواليك
وحشتنى ضحكتك اللى صوتها بيرج الدنيا من تحت رجليك
وحشتنى إيديك اللى بتكتب شعورك وإحساسك اللى ماليك
وحشتنى
وحشتنى عزتك لنفسك اللى زودت إحترامى ليك
وحشنى كبرياؤك اللى على طول مصاحبك و لازق فيك
وحشنى كلامك اللى بيه بتوصف ليا حالك وحالى ليك
وحشتنى
وحشتنى قوتك اللى مخليها مخبيه ضعفك اللى فيك
وحشتنى حنيتك اللى موجوده بس مستخبيه جوه رموش عنيك
وحشتنى قسوتك اللى مغلفة رقتك و اللى مخليانى دايبه فيك
وحشنى زهدك اللى مخلينى محتاره أعمل إيه ليك
وحشنى الأمان اللى بحسه بقربى ليك
وحشتنى ضمه صغيره ...لا لا ... كبيره بين ذراعيك
وحشتنى قبله حاره على جبينى من شفتيك
وحشتنى كلمة كلها حب و ود تقولها بفرح عينيك
شايفاك بتضحك...
شايفاك بتضحك عليه وأنا بكتبلك
ما أنا أصلى شايفه حنيتك اللى مستخبيه ورا هيبتك
ما هو أنا عارفه رقتك وكمان عارفه طيبتك
بس يا خساره أجى أدور عليك مش بلاقيك
أصلك يا حبيبى مستخبى بين الستاير و
الشبابيك
بالرغم أنى ما ليه غيرك و غيري ما ليك
يعنى بإختصار أنا بنادى على طول عليك
أنا بكتبلك وضحتكى مافرقتنيش
ما أنا يا حبيبى بحبك ودايبه فيك وغيرك ما ليش
بصراحه كده
أنا يا حبيبى وأنا بكتبلك بحس إنى بعيش
وحشتنى
أنت تقرأ
أوراق و قلم✔
Poetryكلنا نَمُر بلحظات نشعر فيها بالحب و سرعان ما يتحول إلى عشق، فنسعد بها و منها ما يكون حقيقة و منها ما يصبح خيال و منها ما يتحول إلى ذكرى. *هذه كتاباتي و لا اسمح بأي نقل او إقتباس لأي جملة قام بعمل الغلاف: @menna_official قام بالنسخ: @menna_official...
