إنت كنت ليه أجمل شعور حسيته ومش هاحس ذيه تاني
ما انا خلاص مش هفكر أعمل كده تاني
ما أنا هبعد بعيد وهبقى سعيدة بذكريات أضحكتني ومنها اللي بكاني
بس إنت أقوى مني
قادر وقدرت تبقى أقوى بقلب كواني
أنا كنت قويه بس ضعفت لما حبك جاني
سلمت لحبك ولكني عشقتك عشق مش هيتكرر تاني
بس أنا مش زعلانه لأن حبك جاني من ربي وملاني
بس أنا مش زعلانه لأن عشقك جاني من ربي قواني
بس انا مش زعلانه لأن حبك وعشقك خلاني بقيت راضيه أكثر من الاول وقربني من ربي وهداني
أنا قلبي ميقدرش يكرهك ولا ينساك وهيبقى قوى ومش هايعاني
عارف ليه
لأنه صافي فرحان وفرحته زي صاحبته اللي تعباني
أنا كمان هدعيلك تبقى أسعد واحد بكل الكلمات والحروف والمعاني
وهكتب كتير كتير كلمات توصف حالي وحالتي ووجعي وأشجاني
بس أنت ما ليكش ذنب انا اللي تخيلت أفكاري وأحلامي
مش علشاني
كل اللي بتكتبه مش علشاني
أنت بتكتب لقلب تاني
واللي بتحسه أنت لحد تاني
أنا حاولت وتعبت بقه أني
أخليك ترجع وتيجي ليه من تاني
حبي ماكنش قوى كان ضعيف وطلع مش قادر وطلع أناني
حلم يأخذ حاجه مش بتاعته الظاهر إنه كان حرامي
إتمنى حاجه بعيده عنه ومش هيقدر يحققهالي
لعبت به الأحلام والأمنيات والاماني
لكن خلاص أنا هرجع لحياتي اللي كانت مخلياني أقوم وأصحى بقلبي وروحي وخيالي
ما أنا هرجع أفرح برضه لكن بطريقتي اللي كانت سعداني
ما أنا هرجع أقوم تاني ما أنا عودت قلبي يكون قوى يتحمل الصدمات اللي بتجيني
ما هو الحب مش عافيه والعشق مش فرض دى
أحاسيس ومشاعر وكلمات ومعاني
أنا حسيتها وسعيده بيها وبرضه هبتسم تاني
ما هو أنا عندي ربي هو اللي بقدرته هايخليني أعيش ومن قبل خلاني
ما هو أصل ذى ما جاني أي أذى أو شر هيجيني الخير تاني
مش علشاني
كل اللي بتكتبه مش علشاني
إنت بتكتب لقلب تاني
واللي بتحسه أنت لحد تاني
هفضل أكتب من الحروف كلمات بحسها وبفرح بيها
ما هو أصل بكتب فيها فرحي وجرحي وسعادتي وكل أحزاني
ما هو أصل كل كلمه هى صاحبتي وكل حرف بيوصفني وهم معايا وانا معاهم وعارفه ٱنهم هيخلوني أقف من تاني
وبعدين
كله فى الآخر خير من السماوات والسحاب وكل الأفناني
وهتفضل ضحكتي ذى ماهيه وقلب الطفله اللي جوايا شقي وسعيد وصافي
وهيفضل قلبي فيه كل الرضى مهما راح مني ومهما جاني
مش علشاني
كل اللي بتكتبه مش علشاني
إنت بتكتبه لقلب تاني
واللى بتحسه أنت لحد تاني
أنت تقرأ
أوراق و قلم✔
Poetryكلنا نَمُر بلحظات نشعر فيها بالحب و سرعان ما يتحول إلى عشق، فنسعد بها و منها ما يكون حقيقة و منها ما يصبح خيال و منها ما يتحول إلى ذكرى. *هذه كتاباتي و لا اسمح بأي نقل او إقتباس لأي جملة قام بعمل الغلاف: @menna_official قام بالنسخ: @menna_official...
