كل سنة و أنت طيب
يا اللي قلبك حُنين و رقيق و طيب
يا اللي مهما بعدت برضوا قريب
كل سنة و أنت في سعادة
ما أنت أصلك وسيم بزيادة
كل سنة و أنت بخير
ما أنت يا حبيبى ذي الأمير
كل سنة و أنت فرحان
ما أنت يا حبيبي غُصن البان
كل سنة و أنت مش زعلان
ما أنت يا حبيبي قلبك كله إيمان
كل سنة و أنت مبسوط
ما أنت يا حبيبى ليك رنة و ليك صوت
كل سنة و أنت بتضحك
ما أنت يا حبيبي الأبيض لون قلبك
كل سنة و أنت فى نجاح
ما أنت يا حبيبي ذي طائر و له جناح
كل سنة و أنت رائع
ما أنت يا حبيبي دائماً فى الطلائع
كل سنة و أنت فى حُب
ما أنت يا حبيبي نبع القلب
كل سنة و أنت رايق
ما أنت يا حبيبي صفاؤك مش بيضايق
كل سنة و أنت فى سلام
ما أنت يا حبيبي حُبك أمان
كل سنة و أنت فى صحة
ما أنت يا حبيبي أجمل فرحة
كل سنة و أنت مسرور
ما أنت يا حبيبى كلك و روود و زهور
كل سنة و أنت في هنا
ما أنت يا حبيبي كلك أنا
كل سنة و أنت مرزوق
ما أنت يا حبيبي كلك زوق
كل سنة و أنت حُنين
ما أنت يا حبيبي طيب و ليّن
مش هسمح لقلبك يكون مسكين
ده هو قلبي و قلبي مليان له شوق و حنين
هيفضل يحبة و لو بعدت السنين
و حتى لو كنت بعيد عني و ما شافتكش عين
أنت ساكن عقلي و قلبي و روحي و لك كل الحنين
كل سنة و أنت ليّة
ما أنت يا حبيبي روح قلبي و عنيّة
كل سنة و أنت بتحبني
ما أنت يا حبيبي أحسن واحد يحضني و يضمني
كل سنة و أنت حبيبي
ما أنت يا حبيبي قدرى و يمكن نصيبي
شايف انا بضحك إزاى و أنا بكتبلك
ما هو أصل أنا كل كلامى بيدوب فيك و بيحبك
شيفاك مبسوط و فرحان وسعيد
ما هو أصل ده بيبقى عندى عيد
على طول شيفاك قدامي
مش سايبني حتى فى منامي
قولت أعمل إيه
أقوم و أكتبلك
ما أنا أصلي كنت عايزة أقولك ... إني بحبك
كل سنة و أنت طيب
أنت تقرأ
أوراق و قلم✔
Poésieكلنا نَمُر بلحظات نشعر فيها بالحب و سرعان ما يتحول إلى عشق، فنسعد بها و منها ما يكون حقيقة و منها ما يصبح خيال و منها ما يتحول إلى ذكرى. *هذه كتاباتي و لا اسمح بأي نقل او إقتباس لأي جملة قام بعمل الغلاف: @menna_official قام بالنسخ: @menna_official...
