بحبك النهاردة أكتر
أعمل إيه فى قلبي
كل ما يقول ميحبكش يحبك أكتر
لكن إنت على طول مش مقدر
طب أعمل إيه وإلا إيه فى قلبي اللي متكدر
عايزه أجري عليك وأحضُنك وأضُمك أكتر وأكتر
بس مش هتقدر على ضمتي أصلها ممكن تكَسَر
ده أنا يا حبيبي بحبك فوق ما تتصور
ده مش حُب بس ده حاجة مش ممكن تتوصف ولا تتقدر
بحبك النهاردة أكتر
أعمل إيه فى قلبي
كل ما يقول ميحبكش يحبك أكتر
بُعدك عني هيجنني
بُعدك خلاني أتعب وأحتار وأفكر
بُعدك بَعد النوم عن عيني وخلاني مش قادرة ولا هقدر
بعدك خله قلبي على طول خايف ومش عارف يصبُر
بعدك خله الأمان يمشي ويهرب ويتوتر
بحبك النهارده أكتر
أعمل إيه فى قلبي
كل ما يقول ميحبكش يحبك أكتر
إنت بقيت روحي
إنت بقيت فرحي
إنت كمان بقيت جرحي
شوف بقه حل فى حُبك اللي عمال يكبر أكتر
شوف بقه حل فى بُعدك اللي قربة بقه أخطر
شوف بقه حل فى دُنيتي اللي بقت لونها أخضر
بحبك النهاردة أكتر
أعمل إيه فى قلبي
كل ما يقول ميحبكش يحبك أكتر
شوقي يا حبيبي ليك بقه حاجه مجنونه خطيرة وأكثر
شوقي يا حبيبي ده أصله مش بيهزر
شوقي يا حبيبي لو إنت فين هيروح لك ويسافر ويعبر
أصله شقي شويه ذى صاحبته عايز يوصل لك حبها أسرع
ما هو إنت فى قلبها قاعد ومتربع
وقلبها بيبعتلك كل الحُب من غير ما يفكر
شوقي يا حبيبي على طول ما يتقدر
شوقي ليك نفسه عنيه تقابل عنيك بس إنت مستكتر
شوقي مبيحسبهاش أبدا لما يحب ويدي ويعشق أصله عارف إن كل شئ متقدر
لو حتى فين لما ربه يأمره هيجي بسرعه ويقدم لك الطاعه وأكتر
بحبك النهارده أكتر
أعمل إيه فى قلبي
كل ما يقول ميحبكش يحبك أكتر
أنت تقرأ
أوراق و قلم✔
שיריםكلنا نَمُر بلحظات نشعر فيها بالحب و سرعان ما يتحول إلى عشق، فنسعد بها و منها ما يكون حقيقة و منها ما يصبح خيال و منها ما يتحول إلى ذكرى. *هذه كتاباتي و لا اسمح بأي نقل او إقتباس لأي جملة قام بعمل الغلاف: @menna_official قام بالنسخ: @menna_official...
