بحب كل كلمة بتكتبها
بتخلي روحي دايماً عندك وإنت واخدها
أعمل إيه في حبك اللي واخد قلبي وعقلي وروحي مش سايبها
بشعر وبحس بيك من كل مكان إنت فيه
وقلبي مبقتش أعرف أبداً أهديه
هو كده تعبان وأنت في إيدك تداويه
هو كده مريض وعايز طبيب لية
هو كده مشتاق وإنت مش سائل فيه
هو كده بيحب ويعشق وعايز حبيبه جنبه
أنت مش بتأذى حد بس إنت كده بتأذيه
هو خلاص كده عايزك قريب ليه
هو كده غيران جداً عليك من اللي حواليك
هو كده عايزك لوحدك مش عايز حد يشاركه فيك
لازم تلحقه لاحسن البعد كاوية
بحب كل كلمه بتكتبها
إيدك بتكتب ليه أنا وليه
إيدك بترسم صورة حب كنت بدور عليه
قلمك بيقول اللي قلبك مخبيه
قلمك مغلبني ومغلب قلبي فيه
قلمك بيوصفني وبيوصف حبي ليك وحبك ليه
ٱمتى هيكتب ويرسم ميعاد يلاقيني بيك ويلاقيك بيه
ما هو قال وبيقول وكتب وبيكتب عن الشوق اللي ماليني وماليه
إعترف بحب وعشق كان من قبل كده يتمنى يقابله ويلاقيه
بحب كل كلمه بتكتبها
أنت تقرأ
أوراق و قلم✔
Poetryكلنا نَمُر بلحظات نشعر فيها بالحب و سرعان ما يتحول إلى عشق، فنسعد بها و منها ما يكون حقيقة و منها ما يصبح خيال و منها ما يتحول إلى ذكرى. *هذه كتاباتي و لا اسمح بأي نقل او إقتباس لأي جملة قام بعمل الغلاف: @menna_official قام بالنسخ: @menna_official...
