حبك حياتي
الحب مالوش ميعاد
زي النسمة جايه من أبعد بلاد
تروح وتيجي لأى واحد من العباد
مقدرة ليه من قبل وبعد الميلاد
أصل الحب ده مش أي حب
ده الحب اللي مفيش زيه حب
ده الحب اللي ما فيش حد حبه لحد
ده الحب اللي مش هتلاقيه موجود
حبك حياتى
حبك أنت شكل تاني
حبك أنت جه نساني زماني
حبك أنت جه خد كل أحزاني
حبك أنت جه خلاني أعيش في جو تاني
حبك أنت خلا فرحتي مش سيعاني
حبك أنت خلاني أطير حتى وأنا واقفه في مكاني
حبك أنت خلاني عايشه بس علشان أحبك بكل حته في قلبي معيشاني
حبك أنت ملئ عقلي وقلبي وكل كياني
حبك أنت جه خلاني أعيش أيامي وأنت جنبي وفي حضني وجوايا
حبك أنت جوه قلبي خلا مفيش مكان لحد تانى
حبك أنت خلا شوقي إليك مش هيخلص ده بيتولد تاني
حبك حياتي
حب عمال يجئ ويملئ الساعات والدقائق وكمان الثواني
حب مش أي حب ومش مجرد أغاني
حب عايش جوايا ومش عارفه أوصفه ليك ولا أكتبه حتى في كلامي
حب خلاك أنت واحشني وبتوحشني وهتوحشني بالرغم إن عنيا مش شيفاك وعنيك مش شيفاني
حب دوبني ودوب ليلي ونهارى
حب عمال مش بيقل ده بيزيد زيادة مدوخاني
حب مش زي حب فات
حب مش هيشوفه حد ولا شافه حد قبلنا
حب عايش بنبض قلبي لقلبك وقلبك لقلبي
حبك حياتي
يا ترى حاسس بيه زي وألا أنا اللي حاسة بس بيه
حبي ليك هيخليني أعاتبك وأحسابك وتحسابني
حبي ليك هيخليني أقولك وتقولي إن كنت مخاصمني
حبي ليك هيخليني أقولك كفاية بقه انت كده ظالمني
حبي ليك هيخليني أقولك تعالى بقه الشوق قرب يقتلني
حبك حياتي
حبك بان في نظراتي وعيوني
حبك بقه في أوراقي وأقلامي وبين سطوري
حبك بقه في لمساتي وهمساتي
حبك بقه في كلماتي وحتى في سكاتي
حبك بقه على شفيفي وبين ضحكاتي وإبتسماتي
حبك حياتي
أنت تقرأ
أوراق و قلم✔
Poesíaكلنا نَمُر بلحظات نشعر فيها بالحب و سرعان ما يتحول إلى عشق، فنسعد بها و منها ما يكون حقيقة و منها ما يصبح خيال و منها ما يتحول إلى ذكرى. *هذه كتاباتي و لا اسمح بأي نقل او إقتباس لأي جملة قام بعمل الغلاف: @menna_official قام بالنسخ: @menna_official...
