اضحك معنا وانسى همك

حياة السوريين في تركيا!

ملخص عن العيشة في تركيا

لما تفوت تركيا رح تتغير حياتك هيك قالولي بالفعل تغيرت حياتي
بكرا بسجل بنادي
شو هاد نادي اذا رح تطلع 7 الصبح و ترجع الساعه 9 المسا وين بدك تلعب ومارح يجيك نفس لانو رح تكون فارط من التعب
بتركيا مافيك تتعلم شي لانو ماعندك وقت لتتعلم
بتركيا مستحيل الواحد يقدر يكمل دراستو لانو ما بيقدر يشتغل ويدرس وازا بدو يدرس بدو كل شهر 1300 ليرة مصروف من وين بدو يجيبون هدول ؟؟؟؟
بتركيا مافيك تأكل اكل طيب اكلن كلو شوربا ورز وبرغل احمر
تركيا مشهوره بالشاي وشايتن مابتنشرب
مشتهي تاكل حلويات...انسى مافي غير مشبك داحينو قطر وبقلاوه ماتتاكل..
بتركيا بتنتظراخر النهار بفارغ الصبر وتضلك تحلم ايمت توصل البيت وقبل الساعه 8 بجي لعندك  البترون وبقالك عندك مسائي
بتركيا الاخ مابشوف اخوه الا بالمناسبات لأنو ماعندو وقت يزور اخوه بالليل او بيوم العطله
بتركيا لاتفكر تشطف الأرض  لأنو  مافي بلاليع
بتركيا لاتسال تركي عن شي لأنو  مابعرف شي غير الشغل
بتركيا لاتفكر تسهر لانو ماعندن سهرات

بتركيا لاتفكر انك تجني ثروه لانو بشغلوك متل الحمار مشان 1000ليره  بل شهر واحتمال ياكلوها عليك
لاتفكر تقرأ ..او تكتب او ترسم
بتركيا حاول ماتاكل كتير لان التواليت بمصاري ياكبير
بتركيا ماتشرب مي عالواقف اصحاك هاي اكبر حرام قرفص واشرب على 3دفعات  عالسنه
بتركيا مابعرفوا غير صلاه الجمعه
اذا بدك تصلي استعجل لانو  المعلم بياكلك بعيونو وانت تصلي لانو خسر من شغلك5 دقايق
بتركيا بتكبر كل سنه 3سنين بلد التطور العمر بزداد بسرعه وبجوز بسنتين يشيب شعرك وتخلف ولاد
بتركيا لاتفكر تتزوج تكره حياتك خليك عذابي عشان اذا تشردت تتشرد لحالك
بتركيا لاتفكر تتسمع على الأغاني لانو بدايقو من الضجه
لاتضحك لان بكهروا الضحك
لاتشنكل رفيقك لان بعتبروك غير +١٨
لاتطلع ع ايد بنت تركيه مشان ماتخربط بين المرأة والرجال
بتركيا لاتفكر تلبس شيال او شرط لانو بعتبروهاشغلات حرام ع الشباب
لاتفكر تاركل بقلعوك..
لاتلعب شده..او كرة قدم
بتركيا عيش متل الحيوان اكل وشغل ونوم
بتركيا لاتقول لتركي عطيني مصاري لانو بيعطيك عرضوا ولابيعطيك مصاري
لاتدخن لان بشلحوك دخانك شحادين الدخان
اذا بدك تشتغل لازم تخرق الحيطان وتكون سوبر مان
بتركيا لاتفكر انك تعيش لانو مارح تقدر تعيش بين شعب ميت
شعب ماهمو بالحياة الا تكديس مصاري ليموت ومايحصل عليهن حدا حتى ولادوا بخبوهن
لاتفكر تترفه او تعيش خليك  متل الألة بلا احساس ولا تفكير
لاتحكي  انكلش او عربي  نوادر لتلاقي حدا بعرف غير تركي ولي بعرف كلمتين بفكر حالو مثقف
بتركيا لاتفكر بشي غير انو
جسمك بضل يتعب حتى يتلف
وقلبك بصير بلا احساس
بتركيا انسى كلشي واشتغل 💔💔😤😑
والحمدلله على كل حال 💔💔💔💔