#سردة مطعم
يا شباب هداك اليوم كان معي ٥٠ ألف لبناني ... قلت خليني أقوي قلبي و اعزم صاحبي على مطعم ...
رحت على مطعم من هدول الي بحطو شوكة وسكين و محرمة مثلثة بالصحن ...
كان عالطاولة الي جنبنا بنات ثنتين مزز ولابسين متل الفنانة هيفا وهبي ...
طبعاً انا عشت الجو وعملت حالي برستيج وهاي كلاس قدامهم ...
ناديت عالكرسون و طلبت لحمة ستيك من هاي المدورة وجنبها ضمة خس ولبن عصفور ...
طبعاً بلشنا أكل بالشوكة والسكين و كل شوي تقع قطعة اللحم بحضني واللبن ينقط على قميصي بس كنت الحسو وارجعها عالصحن عشان البرستيج ...
أتطلعت على صاحبي( كأنه اول مرة يشوف لحمة 😂💔)...
فرم الطاولة .. قطع الشرشف تقطيع .. اكل ايد الكرسون نكسرت الشوكة ب تمو من الجوع ...
بس خلصنا ناديت عالكرسون بطرف اصبعي وحكيتلو الفاتورة لو سمحت ...
بس لما شفت المبلغ ...غصيت وطلع اللبن من إنفي ...صابتني رعشة ... وكل الي أكلتو تحول لسوائل وصابني اسهال ...
صرت اتخيل حالي وانا متعلق من فتحات مناخيري مكان سيخ الشاورما ...
صرت اتفرج عالطاولات وحاول اعد كم صحن عندهم لانو رح اجلي الصحون ذهاباً وإيابا ... واحتمال أحمم صاحب المطعم واغسل جراباته ...
يزم ضمة الخس عندهم اغلى من برميل النفط ...
طلعت اللحمه الي اكلتها مأخوذة من خروف نيوزلندي معه ماجستير رياضيات ...
رحت لعند المحاسب وحكيتلو بتاخدو تلفونات ... حكالي عفواً...
وفجأه ولا واحد يناديلي : يا شب يا شب انت الي معك سيارة بريوس خمري صاففها برا..؟!!
الشرطي بدو يخالفها بسرعه لحقها ...
عصبت انا وحكيت للمحاسب ثواني وبرجعلك...
المهم والله عالطريق وانا هارب والسرعه 130 وبالصدفة اجت اغنية اشوفك وين يا مهاجر ..
ومن هداك اليوم صرت نباتي وبعمل ريجيم قاسي...
و رفيقي ضل عم يلحس الصحون والشرشف ومالو خبر بالي صار ... واتصلت عليه قلي انو ضل يومين يجلي وينام بالمستودع مع الفيران والجرادين وعفن قلبو من البصل المصنصن
#قال_برستيج_قال
😂😂😂😂😂😂😂💔
أنت تقرأ
اضحك معنا وانسى همك
Randomانا لا اجيد سوى الكسل والضحك والقليل من النفسية?? والتفاهة والسخافة? ولا يستفاد مني وعاجبني الوضع الحمدلله ??
