اضحك معنا وانسى همك

عيد الام😍

بمناسبه عيد الام

#تؤبرني يلي بس تشوفني ماسكة الجوال بتقلي تركي هالزفت من إيدك😆

_تؤبرني ملكة القنص و بطلة الرماية بالشحاطة😆 

_ تؤبرني يلي وقت تعصب بتقول
#تاركتلكون_البيت_ورايحة_وما_تعرفوا_وين_أراضيي😆

_تؤبرني يلي اذا قلتلا رجليي عما يوجعوني ؟! بتقلي بس تتركي هالزفت من إيدك #بتطيبي😆

_تؤبرني يلي بتفيق من طين الصبح .. قال شو ؟! بدها تعزّل😆

_ تؤبرني الحنونة يلي وقت تشوفنا زعلانين ، بتزعل
وقت تشوفنا فرحانين ، قلبها بينبض فرح❤

_تؤبرني يلي وقت ما لاقي طلبها ، بتقول ..
#اذا_قمت_ولقيتووووو؟!

_ تؤبرني يلي بتعصب فجأة مدري ليش وبتروق بسرعة😆

_تؤبرني يلي اذا قلتلا طلعلي فرع بالجامعة فنون جميلة
بتقلي #بنت_خالتلك_طلعلا_فنون_أجمل😆

_تؤبرني يلي اذا سمحتلي اطلع مشوار بتقلي بتروحي الساعة 6 وبترجعي الساعة 7 ،
بس تصير 6:05 بتقول طوّلت هالحيوانة😆

_ تؤبرني يلي كانت تقلي ياريت بتعرفي ترسمي مستقبلك متل ما بتعرفي ترسمي حواجبك😆

_تؤبرني يلي كانت تقلي انتي عيارك عند جوزك يومين وبطلقك انتي متل طنجرة العيرة😆

_تؤبرني الحنونة ، الطيبة ، العطوفة ، أم قلب كبير وحضن واسع  كل عام وأمهاتنا بألف خير وصحتهم بألف ألف خير
ويرحم أمهات المسلمين أجمعين ❤❤❤
❤

#ست_الحبايب_ياحبيبة_ياأغلى_من_روحي_ودمي❤
#happy_mothers_day