اضحك معنا وانسى همك

قصتي مع زوجي

.منقووووول // 
طقو خواصري من الضحك  😂😂😂😂😂😂

جوزي من لمّا جاب الآيفون إكس الزفت ، صار ينام وضميره مرتاح لأنو ما بيفتح إلا ببصمة الوجه 😑
وك كل نهارو جوالو بأيدو وحاسستو بيحكي أحداهنَّ😐
ليش قلتلو افتح جوالك بدي احكي تلفون مع ماما ما معي رصيد ، قلي بدك تحكي ولا بدك تفتشيه ؟!
بعرفك والله ، عصب  ، وحرد ، وقال العمش بهالبيت مافي كينونة مسك مخدته وحرامه وراح عالصالون يسهر لحاله أبو كينونة... 
قعدت ورا كوع الصوبيا ومسكت شيطاني وقعدته حدي منشان يساعدني ، وبلشت اتزوره واقرط بشفايفي من الكهن ، لأجت خطة ببالي شريرة 😆
الشيطان يلي حدي قلي يستر على اختك حرام عليكي ، اتقي الله يا مخلوقة بضل هاد جوزك أبو ولادك ، دفشتو ووقفت ، وقلت لجوزي انا طالعة عبّي رصيد بما انو بعدا الساعة 8 ..
عملي هديك الحركة بأيدو ، تبع ريتا روحة بلا رجعة ، وكان ماسك جوال أبو تفاحة مكروطة 😒
رحت عالصيدلية قلتلو حبتين منّوم الله يخليك وعياره قوي ، وبعدين رحت جبت شريحة جوال وعبيت رصيد 😎 
فتت عالبيت ، هوي بالعادة بيشرب متّة المسا ، ف ركضت عالمطبخ فضيت باكيت المتة وخليت قدر كاسة ، دقيت حبتين المنوّم وحطيتهم بالباكيت ، ويا دار ما دخلك شر 😁
شغلة نص ساعة قام بنفسية بنت 60 كلب ومشفتر ، فز عالمطبخ عمل متة ليشرب وحمل الصينية وراح عالصالون ، عملت حالي ولا مهتمة وعما غني يلا تنام يله تنام لادبحلك طير الحمام 😀 
شرب اول شفة من الكاسة ، التانية كان مع السلامة يا حمامة 😂
#هلق_رح_تقولو_كيف_بدها_تاخد_بصمة_الوجه_وهوي_نايم😏
وعاملة حالا أم الفهايم 😏
لا انا ما جربت حط بصمة لوجهه ، ولا حطيت صورة الو مقابل جواله ، عملت شي أكثر ذكاء وحربقة😉
بس تأكدت انو سلّم النمرة ، سحبت موبايله ، فكيت شريحة من جواله ،  ودكيتها بجوالي فتحت الواتس وطلب رمز تأكيد وفتح عندي ما أحلاه 😂
عملت تحديث للنسخ الإحتياطي ويا عين صبي دمع 😭
هوي صراحة دايقني الموضوع شوي ، أو ليش الكذب دايقني كتير ، وكل ما اقرأ محادثته مع المغضوبة يجن جنوني ، بس بقول يا ربي صبرك ، كل محادثاتهم  اتصالات وصور وكلام معسول وبدي اتزوجك وهيكا 🤗
والله  كل ما تجي عيني وهوي متسطح جنبي شو بيجي عبالي انتفه نتف من شعرات أنفه ، أشلعطه أبلعطه ، بس برجع بقول ياربي صبرك
#لحتى_أجاني_مسج
مرحبا يا حلو ، الحلو سهران😉
قلتلا : سهران ع حبك يا جميل😉
_ وينا مرتك ؟! 😉
× ليكا حدي نايمة وبتشخر  😆 صحيح بدي خبرك شغلة ، مرتي حست عليي انو بحكيكي ف انا رح غير رقمي ، وحذفي هلق هلق هالرقم  ، وسيفيه للرقم الجديد
_ أي بيبي حذفته ، وسيفت هاد كوشات بوسات 😙😚😘
..................................
بعدين حذفت رقم الصبية وسيفت رقمي الجديد بشريحة جوزي بنفس الاسم يلي كان مسجل (( أبو جميل للتأجيل ))  😂
حذفت كل المحادثات و رجعت كلشي ونمت وكأن شيئا" لم يكن 😁
جوزي فاق الصبح  راسه واجعو من النوم فتح الواتس فكر انو تحديث متل العادة ، ورجع فعله من جديد
وصاروا يحكوني تنيناتون ،
الله وكيلكون قضيت اسبوع معاهون ، جوزي مفكرني انجلينا جولي ، وهديك مفكرتني برادبيت العاشق المتيم وعما حبهن ويحبوني😂
لحتى جبتلهون الصاعقة الكبرى وصدمة رباعية الأبعاد 😂
بعتلا مسج قلتلا يا بنت الحلال انا ما خرج زواج وافتح بيت تاني ، بتمنى ما تزعلي 😢
ردتلي : تفه مجحشك وهاي بلوك 
بعد شوي أجاني مسج من جوزي كاتبلي 
الحلو متصل الآن ، شو بتعملي😉
قلتلو : بقطع  فواكه بيبي😂😂 
قلي  صوريلي الصحن وطعميني نم نم 😛
صورتلو ياااه وقلتلو ثواني ببعتلك الجني تبعي والصحن بكون عندك 😚😘
قلي : يمي يميييي😍
قمت طلعت انا من المطبخ ، أيد متخصورة فيها والتانية حاملة فيها صحن الفواكه ، وحطيته جنبه 
بس شافه عمل هيك 😳 فرك عيون تلات فركات فتح الصورة وشاف الصحن ، رجع فتح الصورة وشاف الصحن وشلفه وقعد بالزاوية وقال سلام قولا من رب رحيم
لا تآذونا ما بنآذيكم
يالطيف يالطيف يالطيف
الو أسبوع يا خطيتي بعد ما حظرني ،خايف من الجني وببخر البيت ، وبيقرء المعوذات ، والجوال لا عاد حط بصمة ولا هم يحزنون 😂😂 
لاء وشو قال شركات الجوالات بتحط إعلان ممول طويل عريض تعلن عن هاتفها الذكي ما عارفين انو كيد النسوان لا يوجد أذكى منه ، وشكرا" وعفوا"😂😂 
أحلى رفقاء

________
تفاعلوووووووا😢😢😢