اضحك معنا وانسى همك

😂😂😂😄

😂😂😂😂😂

جوزي فيه عادة بيحط صوره علواتس والفيس
بيقيم صورة وبيحط صورة ..فرحان بحاله ...المهم فقت الصبح بعد ما تيسر على شغله ..شربت قهوتي على رواق ..فتحت الفيس وبلشت اتصفح ..لاحظت انو جوزي مغير صورة الغلاف تبعه ...بس النت كان بطيئ عندي والصورة ما فتحت ..قلت لحالي يا بنت علقيلو وخليكي اول وحدة ...مشان تعرف العالم قديش بحبه ...والله ما كذبت خبر ...وعلقتلو (ما تبلى يا روحي منور الفيس بطلتك ..من شابه اباه ما ظلم ...) وكبست زر النشر .....طبعا انا كتبتلو من شابه اباه ما ظلم قلت بكسب بياض الوج قدام حماتي وعمي ...مالكون بطول السيرة سكرت ...وقمت بدي بلش بغراض البيت ..وفجاة خلال عشر ثواني رن تلفوني ..لقيت جوزي قلت هاد اكيد متصل مشان يتشكرني ويتغزل فيني من عند الصبح على هلتعليق الحلو والله ما كذبت خبر رديت وبلشت اهلين بلروح والقلب ..رد عليي تروح روحك ويوقف قلبك على هلتعليق ..انا هون صرت شي خمسين لون قلتلو وليش بقا ما عجبك التعليق قلي مبلا التعليق والصورة بيشبهوكي معك تلات ثواتي بتمحي تعليقك وبتحظري حالك من حالك 😰والله ما كذبت خبر  وفتحت الصورة معي وياريتني ما فتحت لقيت جوزي محدث صورة الملف الشخصي ومنزل صورة لفقمة البحر ..ولاجل الحظ التعليق تبعي جاب تلاتين لايك خلال تلاتين ثانية .وانا بهاد الوقت اجتني تلاتين جلطة مع شلل رباعي نصفي ..محيت التعليق ولغيت الفيس ..وكملت شغل البيت ...وكمان ساعة زمان بيرن التلفون حماتي علخط ...رديت عليها وعملت حالي مالي عاملة شي ..وهي حرام حاكتني بلطف وقالتلي تعالي اتغدي عنا اليوم عاملين سمك قلتلها بتشرف حماتي بس شو خاطر على بالكون السمك لسا الجمعة الماضية عملتوها ...قالتلي اي والله الفقمة اللي عندي واللي عندك مشتهين عليه بتعرفي انتي الفقمات بيحبوا السمك 😭..لا تتاخري ...انا اجتني سكتة قلبية هلمرة وقلتلها امرك ماما ...وانا هلق عم اكتبلكون قصتي وانا عند حماتي 😂😂😂😂