اضحك معنا وانسى همك

زووواج😂

_ الشيخ شو يا بنتي موافقه عَ الزواج ؟!
_ العروس ‏‎: احتمال !
_ الشيخ : احتمال يعني شو ما هو يا موافقة يا مو موافقة 😳
_ العروس : هو مرات بيعصّب عليي يا شيخ 💔
_ الشيخ : يا بنتي انا شيخ مو مصلح إجتماعي و بدي أعرف موافقة عَ الزواج ولا لا مشان نطلع نكتب الكتاب ..
_ العروس : شوف هو انا بحبه 🙁
_ الشيخ : تمام
_ العروس : بس بحسو مش خرج مسؤولية 😒
_ الشيخ : خلص ياب نتي إذا مترددة ، أجلي الزواج فترة لَ تكوني فكرتي منيح ..
_ العروس لاء ولووو .. كرمال وحدة تانية تلطشو مني ؟
_ الشيخ : يعني موافقة ؟؟؟
‏‎_ العروس : اممممممم 🤔
_ الشيخ : يا بنتي خلصيني لسا عندي كتب كتابين و تلات طلاقات بدي لحقن ، لا حول ولا قوة إلا بالله ..
_ العروس : حتى إنت عم تعصّب عليي يا عمو الشيخ ، كلكن متل بعض 😭
_ الشيخ : مو قصدي يا بنتي ..
_ العروس : طيب شو رأيك شيخي بجربو شهرين ؟!
_ الشيخ : شو هو فستان ؟؟
_ العروس : طيب ما هو بطل مهتم فيني متل قبل يا عمو الشيخ 😑
‏‎_ الشيخ : ياصبر أيوب ...
_ العروس : و إنت بتعرف إنو مو أنا لازم إطلب إهتمام ، هو لازم لحالو يهتم 😔
_ الشيخ : معك حق يا بنتي بس خلصيني كرمال الله ، شو قررتي !
_ العروس : مبارح جبلي شاورما مثلاً ..
_ الشيخ : و إنتِ ما بتحبي الشاورما ؟ لا ما إلو حق ..
_ العروس : مبلا بحبها كتير بس كان جاي عَ بالي بيتزا 🙂
_ الشيخ : حسبي الله و نعم الوكيل اي كملي ؟؟
_ العروس : و بعدين بيسمع كلام أمو دايماً ؟؟
_ الشيخ : بر الوالدين مطلوب يا بنتي ..
_ العروس : طيب بتعرف إنو امبارح بالليل رنيتلو و كان خطو مشغول ؟
‏‎_الشيخ : يمكن عم يحكي مع اصحابوا يا بنتي رحمينيييي ..
_ العروس : لا أكيد عم يخونني أنا قلبي حاسسني 😓
_ الشيخ : طيب أنا بقول يا بنتي نطوي الماضي و بلشي معو صفحة جديدة 😍
_ العروس : طيب اوك ،، بس إنت بتعرف شو عمل بعرس سلمى بنت عمو شكيب ؟؟
_ الشيخ : ولك عمى الدبب ولا بدي أعرف ، أنا أكيد عامل خطيئة و الله عم يعاقبني .. أستغفر الله العظيم
_ العروس : يعني بوافق يا عمو الشيخ ؟! أنا بحبو 🤕
_ الشيخ : بتعرفي يا بنتي ، هي أول مرة بقول هيك شي ، اسمعي مني و بلاها هالجوازة
_ العروس : يعني حسيت فيني عمو الشيخ ؟؟
_ الشيخ : لا والله يابنتي حسيت فيه هو 😐

😂😂😂😂😂😂