اضحك معنا وانسى همك

سؤال

مبارح عالساعة 2 بعد الضهر  متل العادة  بكون متسطحة وقاعدة بحبش  بمنشورات الفيس😃
لقيت وحدة حاطة بوست ..طلب يا صبايا 😊
(( بدي ورقة من بلدان مختلفة مكتوب عليها ... حبيبي حسن كل عام وانت روحي وعمري وحياتي ❤بحبك كتير❤))
فورا" دب فيني الحماس وعملتلا وحدة وصورتلا ياها وبعتا 😍
رن جوالي ... طلع جوزي ... قلي جهزي حالك عالفطور .. عازم أهلي وأخواتي وأصهرتي برمضان 😣
انا انقهرت كتير ..لسا كل يومين على نفس المنوال عزايم لأهلو .. ونفخ .. وطبخ .. وجلي 😡
ع الساعة 8 إلا ربع أجو يعني عالجاهز .. ضهري مكسور وكلشي ع 24  ... بس كنت قالبة خلقتي ومفرعنة ..
خلصنا فطور وعملت شاي وقعدنا نشرب طبعا ضاربة البوز  الشهير قدام العيلة. أخدني  جوزي  ع المطبخ قلي فردي وجهك كرمال الله طالعة بتشبهي الدبابة أثناء الاقتحام 😁
طلعت وقعدت معون فجأة  أجا ابني الصغير .. معاه ورقة صغيرة قال بصوت عالي لستو  (( تي تي تعي ثوفي خط ماما ثو حلو 👼))
مسكت حماتي الورقة وانصعقت .. بس بنفس الوقت لاقت وجبة دسمة للانتقام مني .. غمزت بناتا وقالت لجوزي تعا شوف هالخط شو حلو و شو مكتوب عالورقة👹
(( حبيبي حسن كل عام وانت روحي وعمري وحياتي ❤بحبك كتير❤))
😱😱😱
قلي لك شو هاااااد ؟؟؟ هاد خطك؟؟؟
طبعا مافيي أنكر هاد خطي .. خطي
قلي وك مين حسن ؟؟ مين حسن ؟؟ 😡
فورا شلح قشاطو وسفئني على بطة رجلي
قلبت من دبابة الى دبانة ... قلتلو فهمان غلط  ... طول بالك سمعني🙏
هي بنت عالفيس بوك طلبت اكتبلا على ورقة .. وهلق بفتح الفيس قدام الكل وبفرجيكون انو انا بريئة😭😭
قعدوني عالكرسي  وروسهون حواليي .. عيونون عالجوال .. قلبولي البيت رعب و فرع تحقيق .. حتى اللمبة يلي فوق راسي حركوها مشان تعطي جو الأكشن والتوتر النفسي للإعتراف ... حماتي كل شوي ترفعلي بحواجبا ... جوزي مصدوم .. بنات حماي نظراتون شبه نفيسة و درية أخوات ساندريلا 😨
ضليت بحبش بالفيس وأنا لاقطة نفس حتى لقيت البوست الأصلي للصبية يلي طلبت 😍😍
ياسلااااام برائتي ظهرت 😍😍
الحمدلله ... ومرءت على خير والكل صار يهنيني بسلامتي
وفردت وجهي المجعلك وصرت أهل وسهل بالجميع وعملت بوشار وسهرنا سهرة مرتبة 😁
ومع ذلك ما تبت 😁😁
من شوي كمان فتحت فيس ولقيت وحدة كاتبة عملولي ورقة مكتوب عليها ... (( بحبك موووووووت غسونتي ❤))
وانا بطبعي مابحب إكسر بخاطر حدا😄
كتبتبا وصورتا وبعتا ...
بس وقت سمعت حركشة مفاتيح مدري كيف عملت حركة لا أرادية جعلكت الورقة ودحشتا بتمي وبلعتا😁
السؤال القوي #الورق_بفطر_شي_؟؟؟؟😁

طبعا هي كنت رح انشرها برمضان ونسيت😂