البارت الثالث
ايهم : عوفه بعدين مااريد اشتغل هسه .
حازم : شبيك صديقي مبين عليك مضايق .
ايهم : شردت وكتله .. اني افكر بيها هي مجتي صارلها ٣ ايام تعتقد هي زينه .
حازم : ابتسمت .. منو هي الي اعتقد هي زينة .
ايهم : جنت راح احجي بس دك تليفوني جاوبت .. الوو شكوو صاير شي ؟!
الحارس : سيد ايهم لقد منعنا من الدخول مع الانسه مريم .
ايهم : .. ومنو اجرأ ومنعك من الدخول وياها ؟!!!
الحارس : استاذة بالجامعه لقد اغلقت باب القاعه في وجهي .
ايهم : الم تخبرها ان هذه شقيقتي .
الحارس : اخبرتها لكنها قالت هذا الشىء لايعنيها وانك تتأمر على الذين يعملون معك وليس عليها .
ايهم : هي من تجرأت واخبرتك بذلك .
الحارس : نعم سيدي .
ايهم : حسنا فالتغلق وانا سوف اكون في الجامعه خلال لحظات .
.
.
ياسمين : واكفه انطي المحاضرة بكل انسيابية ورقي .. على الرغم من اني صغيرة بالعمر بس جنت الافضل بين الاساتذة .. ماكو طالب يغيب عن محاظراتي ..
اتنجيت على حافه مكتبي ولزمت المايكرفون وكلت .. بمجالنه هذا يجب على المرء التحلي بالذوق والرقي قدر الامكان .. فلعملاء يرحبون بمن هم في رقيهم لا اكثر لنفرض اني كنت سيئه وغاضبة بينما زميلتي بشوشه وابتسامتها رائعه من سيزيد نسبه عملائه ؟!
احد الطلاب : من ابتسامتها رائعه بالتأكيد وخاصة من الرجال .
ياسمين : ضحكوا الطلاب واني ابتسمت وكتله .. بالرغم من تفكيرك التافه لكن معك حق لذا يجب ان تكون واثق .. ومبتسم .. وذوق ..
بين مدااحجي انفتحت باب القاعه ودخل السيد ايهم كامل بكل عصبيه وغضب مبين من وجه .. اني اعرفه من سمعته وشهرته وخاصه بمجال تصميم وبناء المباني ..
باوعت عليه وكلت .. ولتنسوا هذا الجزء فهو ضد مانتحدث عنه الان .
ايهم : ضحكوا الطلاب واني جنت مندمج وياها وهذا الصوت الي مااكدر انسى بسهولة .. هي نفسها البنيه الي بالمطعم .. مستحيل انسى صوت موسيقي يحمل هذا الكم من الانوثه عبالك لحن من الحان بيانو كلاسيكيه .
ياسمين : اني والطلاب انباوع عليه وهو واكف صافن .
احد الطلاب : لقد كنا مثلك اول مرة رأيناها .
ايهم : باوعت علي بغضب ورجعت نظري الها الي جانت واكفه وعاكدة ايديها كتلها .. انتي منعتي دخول الحارس ويه مريم .
ياسمين : اي .
ايهم : رفعت حاجبي ! وكتلها .. ليش ؟!!
ياسمين : هاي قاعه محاضرة والها حرمتها وبعدين على اساس شنو يدخل حالها حال الطلاب .
ايهم : انتي متعرفين منو اني ؟!
ياسمين : اعرف كلش زين السيد ايهم واختك الانسه مريم لهذا اني اعرف كلش زين منو انت .
ايهم : دااحاول كوة الزم اعصابي كتلها .. اذا شلون تسمحين لنفسج تمنعين اوامري .
ياسمين : اوامرك وانت منو حتى اخذ بأوامرك .
ايهم : .. انتي متعرفين اني شكدر اسوي هسه افتهمتي .
ياسمين : اتقربت منه .. لا مفتهمت واني مااخذ منك اوامر وهسه يله تفضل برة انت قاطعتنه هووايه
ايهم : باوعت عليها .. انتي اطرديني ؟!!
ياسمين : اي اكوو غلط بالموضوع .
ايهم : اتقربت عليها واني دااشتعل من العصبيه هستوني دااحجي وارزلها ...
مريم :شفت الموضوع كبر واخويه راح يفقد اعصابه رحت عليه ولزمت ايدة وكتله .. ايهم اهدء شويه حباب .
ايهم : من العصبيه ضاغط قوي على سنوني كتلها .. لازم اربيها واعلمها شلون تتصرف عدل حتى بعد تكوم تفكر كبل متحجي .
مريم : ايهم هي اخت صديقك محمد شلون تعصب عليها هيج .
ايهم : باوعت على مريم وكتلها .. شنو شايفتني غبي كدامج من شوكت ومحمد عندة اخت غير شذى ؟!!!!!!!
مريم : شاورته .. والله العظيم احلفلك هي بنت عمه وكلش قريبه منه لهذا حاول ان تهدء .
ايهم : باوعت على ياسمين بشك كتلها .. افرحي راح اعوفج لانج بنت عم صديقي العزيز بس اني مراح اطلع منا ..
عفتها ورحت كعدت على واحد من المقاعد يم واحد من الطلاب .
ياسمين : رجعت لمكتبي وبسخريه كلت بالمايكرفون .. ارجو ان تفيدك هذه المحاضرة قليلا لذا استمتع جيدا سيدي .
ياسمين : حسنا الى اين وصلنا .
احد الطلاب : وصلنا للذوق .
ياسمين : باوعت على ايهم وكلت .. نعم الذوق يوجد الكثير يفتقده هنا .
ايهم : ضحكت على حجيها بس مبينت كدامها شي .. وهي بدت اتكمل المحاضرة جانوا الطلاب مندمجين ويه شرحها .. بس اني كاعد وصافن صاحبه الصوت الموسيقي ..
جانت لابسه بنطلون جنز وبلوز ابيض عريض من الشيفون وفوكها سترة من الجلد الازرق ويه حجاب باللون الازرق الي راح ياخذ قطعه من وجهها الابيض .. عيونها الكبار البنيه ورموش وحواجب انخلقوا لهاي العيون بس ..يتبع
ادمن سمية
مسااء النور🐼
شلونكم اخباركم؟؟؟؟🌺
لتنسون رايكم بالبارت والتصويت😊
واكمل القصه لو لا؟؟؟😁
تصبحون على خير♥️
