البارت العشرون و الاخير
شذى : انتبهت على ركضه ايهم باوعت شفت ياسمين بالكاع رحت بسرعه عليهم لكيت ايهم يحاول يكعد بياسمين كتله .. ياسسمين شبيهاا ؟!!
دينا : من ركضت شذى كلت هااي المخبله شلون تركض وهي حامل باوعت شفت ايهم وياسمين بالكاع ركضت عليهم كتلهم .. شبيهاا ياااسمين ؟!!
ايهم : ماااعرف شبيها اغمى عليها ومدتكعد .
شذى : لازم يشوفها طبيب .
ايهم : شلت ياسمين بأيدي وانداريت على البنات كتلهم .. اني راح اخذها من الباب الورة انتوا لتكولون لاحد ماشي .
شذى : منكول بس طمنه عليها .
ايهم : شلتها طلعت من الفندق خليت ياسمين بالسيارة سقت بسرعه جنونيه بس اريد اوصل للمستشفى عقل مظل براسي ..
وصلت للمستشفى نزلت شلتها ودخلت اصيح اريد طبيب اخذوها واني واكف على اعصابي بس اريد اعرف شنو بيها ورة فترة طلعت الطبيبه رحت عليها كتلها .. زوجتي ماذا بيها ؟!!!
الطبيبة : لا داعي للقلق ان الامور جيدة للغاية وهذا طبيعي لمن هم في حالتها .
ايهم : .. عن ماذا تتحدثين ؟!!!!!!
الطبيبة : زوجتك حامل في بداية شهرها الثاني .
ايهم : صفنت بوجهها عقلي مستوعب الي كالته كتلها .. مااذذااااا ؟!!
الطبيبة : .. زوجتك سوف تنجب لك طفل قريباً .
ايهم : .. احممم متى ستفيق ؟!
الطبيبة : خلال هالنصف ساعه .
ن اني لو شصار باوعت لايهم ديضحك كتله .. ايهم شنوو انت دتضحك عليه ؟!
ايهم : .. مو اضحك عليج اضحك لان فرحان .
ياسمين : .. شوف اني تعبانه ماكو داعي لهاي الالغاز .
ايهم : نصيت بست راسها وكتلها .. مبرووك النه غلاتي .
ياسمين : على شنو ؟!!!
ايهم : .. راح نلحك الاغبياء ونصير اباء قريبا .
ياسمين : .. ايهم صدك تحجي .
ايهم : اييي حياتي راح يصير عدنه طفل .
ياسمين : من الفرحه الي اني بيها حتى العرس نسيته من اذكرت كمزت وكتله .. ايهم العرس لازم نرجع .
ايهم : على كيفج حبيبتي ارتاحي وبعدين نرجع .
ياسمين : لا صرت زينة خلي نرجع .
ايهم : اييي يله كوومي خلي نروح .
ياسمين : كمت وطبعا ميخليني امشي سريع كل شويه يكلي على كيفج لحد موصلت للسيارة اني طالعه روحي ..
من وصلنه للفندق الي بي العرس داامشي حتى اروح للقاعه مخلاني شالني وصعدني لغرفه بالفندق خلاني على الفراش كتله .. ايهم شكوو ليش جبتني لهنا خلي نروح نلحك على العرس .
ايهم : ماكوو روحه للعرس لازم ترتاحين .
ياسمين : اني زينه مبيه شي خلي ننزل .
ايهم : .. كتلج ماكو نزله لازم ترتاحين يله مددي ونامي واني انزل اكمل العرس واصعدلج .
ياسمين : ايهم حبا..................
ايهم : اشش حبيبتي اريدج ترتاحين اني انزل شويه واصعدلج بسرعه مااتأخر عليج .
ياسمين : ماشي .
ايهم : غطيتها لياسمين ونزلت للقاعه اول مدخلت لكيت دينا وشذى كاعدين على نفس الميز ويه اهل ياسمين رحت عليهم .
دينا : اول مشفت ايهم كتله .. هااا ايهم لعد وين ياسمين ؟!! هي زينه .
سلوى : ياسمين شبيها ؟!!
ايهم : على كيفكم ياسمين زينه بس راح يكون عدكم فرد جديد بالعائلة .
شذى : صدك ايهم الف الف مبرووك .
دينا : مبرووك ايهم .
عبدالله : الف مبرووك ابني يتربى بعزكم .
ايهم : الله يبارك بيكم .
سلوى : الف مبروك ابني وين ياسمين اريد اطمئن عليها .
ايهم : خاله ياسمين زينه ونايمه هسه خليها ترتاح .
سلوى : ماشي يمه .
ايهم : ظليت بالحفله لحد مخلصت وراحوا العرسان اني راسا صعدت لياسمين لكيتها نايمه نزعت سترتي والحذاء ومددت يمها .
ياسمين : حسيت عليه من نام يمي كتله .. ايهم خلص العرس .
ايهم : اي .
ياسمين : ردت اسلم على مريم راح اشتاقلها .
ايهم : حضنتها .. الكل رادوا يشوفوج بس اني كتلهم باجر تعالوا للبيت لان اليوم راح نبات هنا .
ياسمين : بس اني زينه هسه خلي نرجع للبيت .
ايهم : لا اني تعبان كلش خلينا ننام شويه .
ياسمين : ضحكت عليه لو بيدة يشدني بالفراش حتى مااتحرك رجعت نمت بحضنه واني اضحك عليه ..
من الصبح كعدنه ورجعنه للبيت راسا استقبلونه امه وعمته صفاء ممصدكين الخبر كلش جانوا فرحانين وبدوا بالنصايح والارشادات الحمل واني بس اهز براسي واكلهم اي .
ايهم : بس شافوا ياسمين امي وعمتي استلموها توجيها ونصايح وشنو الي تسوي بفترة الحمل هذا كل غير الاكل الي خلو كدامها اني كاعد وصافن عليهم هيج راح يكتلوها مو يداروها كمت وجريت ياسمين وكتلها صعدي فوك ارتاحي .
ياسمين : اني مصدكت كلي ايهم صعدي راسا طفرت فوك بس اريد اخلص العصر اجوي اهلي كلهم باركولنه واكيد امي استلمتني سوي هيج ولتسوين هيج خرب وين اودي وجهي واني بس اكلها اي ..
مشت الايام وايهم يريد يشدني بالفراش لو بالكرسي خبلني مااكو هيج شي لتتحركين ولتسوين ولتمشين وامه بس تحاول توكل بيه .. واني اعاند ..
لحد مصارت ولادة شذى واخذوها للمستشفى وراها بشويه دينا هم صارت عدها ولادة .. صاروا شذى ودينا ديجيبون بالمستشفى وايهم معاند ميقبل ياخذني ويا واني اكمز اريد اروح .
ايهم : ياسمين متروحين انتهى كافي تلحين .
ياسمين : ليشش الكل هناك حتى انت راح تروح ليش اني مااروح .
ايهم : حضنتها وكتلها .. حبيبتي انتي بشهورج الاخيرة والطبيبة كلتلج ارتاحي وروحتج راح اضرج لهذا راح تبقين هنا .
ياسمين : .. لا اني اريد اكون يم البنات اررريد اروح .
ايهم : اعرف كلش زين مراح اخلص منها وجماله تباوعلي بنظرات مااكدر اكلها لا .. اخذتها ويايه .
ياسمين : رحت ويه ايهم للمستشفى لكيت العشيرة كلها هناك واكفين يم غرفه الولادة دينتظرون من شافوني كلهم انصدموا عرفت مراح اخلص اليوم .
مريم : ايهم ليش جبت ياسمين وياك وهي تعبانه من ورة الحمل .
ايهم : من الصبح مسكتت ابد خبلتني .
ياسمين : هلووو اني هنا اذا متدرون .
احمد : ياسمينة اشتاقينالج ..
مديت ايدي حتى اسلم عليها مااشوف الا ايد ايهم لازمه ايدي .
ايهم : مريم خلي زوجج يحترم نفسه حتى مااكتله .
احمد : ليش اني شسويت ؟!!
ايهم : ياسمينة اشتاقينالج شنو متشوفني كدامك شنو هاي اشتاقينالج .
احمد : .. ايهم اني اعرف ياسمين من جانت ببطن امها .
ايهم : وشنو يعني الي دتكوله ميهمني سيد احمد اخذ مرتك وروح .
ياسمين : جرني من يمهم خطيه انصدموا من ايهم واني متت ضحك على غيرته من ازوجته لحد هسه تزيد يوم بعد يوم .
ايهم : فرحانه بعصبيتي مووو غلاتي .
ياسمين : انت الي اتكبر الموضوع هو بس سلام ليش تكبرها .
ايهم : اسكتي احسنلج حتى متشوفين شنو هو بس سلام .. ماكو واحد يلمسج غيري موزين داسمح لابوج وعمامج .
ياسمين : دااجاوبه بس جتني امي وداليا سكتوني .. فوكاها بدوا بمحاضرتهم ليش جيتي وموزين عليج خبلوني ..
من سمعوا من الطبيبه انه جسمي ضعيف ولازم ارتاح وهم اتخبلوا مسوين عليه حظر من كلشي خنكوني ظلوا يدردمون واني اكلهم اي لحد مطلع حازم شايل بأيدة طفلة صغيرة اتخبل وراها بشويه طلع محمد شايل ولد فدوووة يخبلون ..
وراها طلعوا شذى ودينا ودوهم لنفس الغرفه وكل العائله اجتمعت بيها .
ايهم : حازم اني لحد هسه ممصدك انت صرت اب لبنيه جنت خايف واني اعتقد راح يجيك ولد بس هسه اني مرعوب .
حازم : انت بس ديربالك من مرتك ولتدخل راح تشوفون كلكم شلون راح اخليها مثل الاميرة واصيرها اب مثالي كافي هي قطعه من ملكه كلبي . .
ياسمين : .. طبوا الممرضات وشايلين الاطفال بأيدهم يخبلوون اخذت ابن دينا شلته اتقرب مني ايهم كتله .. شوف اشكد حلوو اني مدااصدك راح اصير ام .
ايهم : راح اصيرين احلى ام صدكيني .
ياسمين : كافي راح نكون سويه ونربيه سويه .
.
ياسمين : .. جنت اريد ابقى يمهم .
ايهم : ادري بس المستشفى مو مكان مناسب لمرة حامل وتعبانه .
ياسمين : بس كلش حلوو من تشيل بايدك هذا الملاك الصغير .
ايهم : كلها كم شهر ويكون عندج ملاك صغير لهذا خلينه ننتظر تولدين ووعد مني راح اخذج باجر من يروحون لبيوتهم .. اتفقنا .
