البارت الثامن
محمد : معرفت شسوي ردت بس اتلافه الموضوع راسا كمت من مكاني ورحت عليه وكتله .. احمد شلونك ؟!!
احمد : جنت دااباوع على ياسمين ومصدوم هاي شجابها هنا وراها باوعت على محمد وكوة حاولت ان ابتسم وكتله .. بخير انت شلونك ؟!
محمد : الحمدالله بس انت اشدسوي هنا ؟!!
احمد : رجعت باوعت على ياسمين وكتله .. اني من ابويه توفى سافرت وجيت استقريت هنا .
محمد : اي صحيح اني سمعت على وفاه ابوك وكلش انقهرت الله يرحمه والبقاء بحياتك .
احمد : حياتك الباقية .
ياسمين : كمت من مكاني واني داافور من العصبيه جريت جنطتي ومشيت ردت بس اطلع من المطعم .
ايهم : اني دااباوع بس كلشي مداافتهم وزادت اسألتي حولها منوو هذا وليش هيج اضايقت شنو هو حبيبها السابق ؟! لو شنو .
احمد : كامت ياسمين ورادت تطلع كتلها .. ياسمين اني ...........
ياسمين : من حجه متحمل اسمع صوته راسا رفعت اصبعي بوجه وكتله بعصبيه .. حاول اشكد متكدر متخليني اشوفك لان مااعرف شراح اسوي بالمرة الجايه الي راح اشوفك بيها .. وراسا عفتهم وطلعت بسرعه .
شذى : باوعت على احمد وكتله .. اني اسفه احمد لتاخذ على خاطرك ..
وعفتهم وطلعت ركض ورة ياسمين اريد الحك عليها .
حازم : وكفت يم احمد وخليت ايدي على كتفه وكتله .. لتتضايق منها هي بعدها متعلقه بي مثل مداتشوف .
احمد : اي اعرف هالشي واعرف اني بالنسبه الها عبارة عن قاتل .
محمد : انت مو قاتل وموته كريم انت مالك بي اي ذنب .
حازم : اي حجي محمد صحيح لتحمل نفسك ذنب انت مالك دخل بي .
ايهم : من شفتهم واكفين يحجون رحت دفعت الحساب ورحتلهم ومن وصلت قريب عليهم سمعت محمد ديكله انت مو قاتل .. اتقربت عليهم وكتلهم .. شنو الموضوع شكو صاير شي ؟!.
محمد : لا لا ماكو شي يله امشوا اتأخرنا .
حازم : اي صحيح يله مع السلامه احمد .
احمد : مع السلامه اشوفكم بعدين .
محمد : اي اكيد راح نشوفك يله مع السلامه .. طلعنه من المطعم باوعت ماكو لا ياسمين ولا شذى .
ياسمين : كمت اغلي من العصبيه وامشي بكل سرعتي بس اريد ابتعد عن المكان واسمع شذى اصيح ورايه ..
وصلت للشركه رحت لسيارتي الي طابكتها كدام الشركه وفتحتها دااصعد جتني شذى تركض ولزمتني من ايدي .
شذى : انتي وين رايحه .
ياسمين : شذى اني اريد ابقى وحدي شويه لهذا عوفيني على راحتي .
شذى : شنو ابقى وحدي يله امشي كدامي طبي للشركه اني مااخليج تروحين وانتي بهاي الحاله .
ياسمين : .. شذى اني مو طفله اكدر احمي نفسي زين لهذا بطلوا طريقتكم هاي ..
صعدت لسيارتي وركعت الباب قوي .
شذى : كامت اصيح عليها مكدرت افتح حلكي بكلمه وحدة ظليت اباوع عليها وهي تسوق سيارتها كلش سريع .
ياسمين : كمت اسوق سريع ومن شويه ابتعدت هدئت شويه ووكفت سيارتي على جانب الطريق ورجعت راسي ليورة وغمضت عيوني واذكرت كريم من انطرد .
في الماضي
جنت كاعدة بغرفتي اشتغل على حاسوب سمعت شي ينضرب بالشباك مال غرفتي ..
عرفت كلش زين منو هذا .. كريم طول عمرة ينطرد من البيت ويكمز من السياج ويجي يشمر حصو على شباكي حتى انزل وافتحله الباب بدون ميدري احد .. بس مرات اصير عصبيه ورحت فتحت الشباك وصحت بي .. شكو .
كريم : امشي نزلي فتحيلي الباب الورة مال بيت .
ياسمين : لا ماافتحها عمي اليوم حلف انو متدخل للبيت واني مااكدر اكسر حلفانه .
كريم : .. انتي مرتي لتنسين هالشي شنو راح تخلين زوجج واكف برة لان عمج حلف يانوع من النسوان انتي .
ياسمين : تعرف بديت اكره اي شي يخص الزواج انت ادخل هاي الكلمه بكل نقاش وكل موضوع تحجي بي بعدين يا زوجي العزيز انت تعتقد اني راح اكسر حلفان عمي علمودك لا ابد لتحاول .
كريم : زوجه متستحي بس بسيطه الا اعلمج الاحترام كلش زين من تصيرين ببيتي اوعدج يا صاحبه عين الجكليته .
ياسمين : ابتسمت .. كريم ليش طردك عمي اليوم من البيت شمسوي مصيبه هالمرة .
كريم : سكتت ونزلت راسي .
ياسمين : صرت عصبيه وعطت بي .. طلعت ويه احمد مرة لخ مووووو كريم سويتها مرة لخ مو .
كريم : .. اشششش شنو رأيج اجيبلج مايكرفون وتذيعين السالفه انت تخبلتي اذا عرف ابويه اني بالحديقه تدرين شيسوي .
ياسمين : اني اتخبلت لو انت غبي .
كريم : ... ياسمين لطلعين لسانج الطويل ويايه اني مااسمحلج بهلشي اني مو طفل كدامج اني زوجج وانتي لازم تحترميني افتهمتي .
ياسمين : اي صحيح انت مو طفل انت رجال جبير وعمرك ٢٣ سنه يعني لازم تكون عندك شويه مسؤوليه مو تتصرف هيج تصرفات مال جهال .
كريم : واني شسويت كل الي سويته اتونست شويه .
ياسمين : .. ليش سياقه السيارة بهيج سرعه و انت متعرف ان الله نهانه عن المخاطرة بأرواحنه تعرررف لو متعرف جاوبني ليش ساكت .
كريم : ماشي بعد مااسويها مرة لخ يله نزلي فتحي الباب .
ياسمين : انتظرني راح اجيب مفاتيح البيت الثاني لاني مراح اكسر حلفان عمي .
كريم : فدووة لكلبج اني عرفت انه زوجج مراح يهون عليج .
ياسمين : اي زوجي الي ميفكر بيه .
كريم : .. وليش اني افكر بأحد غيرج .
ياسمين : ماشي انتظرني شويه ..
دخلت وجبتله المفاتيح وشمرتلهيا اخذها وراح .. جنت كلش زين اعرف انه هاي مو المرة الاخيرة لكريم هو دائما يحب سياقه السيارات بسرعه عاليه .. طول عمرة يحب هاي الشغلات الخطرة ........
فتحت عيني وكمت ابجي كل الشغلات تأدي اله كل الامور اذكرني بشي منه ..
راح اظل طول عمري ابجي عليه مرات احس انو هو ابد محبني لان لو حابني شويه جان على الاقل حافظ على حياته لخاطري .. بس هسه راح وعافني وحدي احس العالم كله مديواسيني ابد كلت ..
شنو الي سواه اليه حتى صار كل الناس مايملون مكانك الي تركته بكلبي .
بعدين استغفرت ربي وشغلت سيارتي ومشيت بس اريد شي يلهني .
ايهم : رجعت للشركه ودخلت لمكتبي دااشتغل ظل حجي محمد وحازم ويه هذا الشاب الي اسمه احمد تفتر براسي لحد مصرت عصبي وشمرت الاوراق من ايدي قوي .. وكلت بعصبيه .. اني راح اتخبل شنو هالفضول الي بيه من وراها اني شعليه هي بشنو تحس او شدتسوي ميصير شخص مثلي يهتم بيها ابد من بين كل البنات ملكيت الا ام لسان طويل حتى اصير فضولي من وراها ..
اوووف اوووف .. حاولت اشغل تفكيري بالشغل حتى ماافكر بيها .
احمد : رجعت لشقتي واني كلش مخنوك من الموقف الي صار كعدت واذكرت ياسمين قبل حادثه كريم جانت تشع بالحيويه اذكرت حجيها ويايه اذكرت مرة بلجامعه ............
ياسمين : هلوو شلونك يا حلو .
احمد : ضحكت .. زين شلونج انتي .
ياسمين : بخير بس وين صديقك الغبي .
احمد : بعده بالمحاضرة بس هسه راح تخلص .
ياسمين : وانت ليش مداخل ويا بالمحاضرة .
احمد : اني واستاذ المادة منتراهم اني ويا لهذا اني مااحضر محاضراته .
ياسمين : وشنو هو حذاء حتى ميرهم وياك .
احمد : .. لا مقصدت هيج كل مقصدته احنه منتوالم سويه بالمحاضرة لهذا مااحضرها بعدين انتي بعدج بالسنه الاولى ومن راح تكبرين راح تتعلمين انه بالجامعه متحبين تحضرين بالمحاضرات هوايه .
ياسمين : متشوف انت اخر شخص ينطي نصيحه لاحد .
احمد : بالعكس اني احسن واحد تاخذين منه نصائح .
ياسمين : وشنو راح تكلي اني اكثر واحد راح يعلمج المهم عفت العابك الخطرة الي تسويها وتاخذ كريم وياك .
احمد : ابتسمت .. تكدرين تكولين الحقيقة .
ياسمين : شنو ؟!!
احمد : تكدرين ان تسألين السؤال الصحيح وهو بعدة كريم يخاطر بحياته وياك .. وبوكتها راح اجاوبج اني واكلج .. لا لان حبيبته منعته من هالشي وهسه ارتاح عقلج ؟!
ياسمين : .. اي ارتاحيت هوايه .
احمد : باوعتها وابتسمت دائما جنت احسد كريم رغم جنت احبه هوايه وصديقي المقرب كلش بس جنت احسدة على ياسمين وحبها اله .. دائما جانت بالنسبه اليه بعيدة جنت كلش معجب بيها واحبها بس هي متشوف غير كريم ...
كمت باوعت من شباك شقتي واني مخنوق كلش .. اي شي تسوي هسه ياسمين هو يدل على حبها الجبير لكريم وجان هالشي يخليني اتأذى اني مجنت صديق موزين حاولت هووايه ان اشيل مشاعري من كلبي بس مكدرت هي جانت بالنسبه اليه مثل الضوة وسط الظلمه حلووة وتجذبني وين مجنت
ادمن سمية
